www.duurn.cn
- ᠲᠦᠮᠡᠲᠦ ᠰᠢᠨᠡ
- ᠦᠦᠰᠢᠨ ᠭᠠᠯᠠᠭᠤᠲᠤ
- 2017-07-25 10:54
- 2024-01-05 18:54
- 1787361
- 1251
ᠰ ∙ ᠡᠷᠳᠡᠨᠢ ᠶᠢᠨ ︽ ᠬᠣᠢᠢᠲᠤ ᠨᠠᠰᠤᠨ ᠳ᠋ᠠᠭᠠᠨ ᠤᠴᠠᠷᠠᠨᠠ ︾ ᠷᠣᠮᠠᠨ
ᠬᠡᠯᠮᠡᠭᠳᠡᠭᠦᠯᠦᠯᠲᠡ ᠶᠢᠨ ᠰᠡᠳᠦᠪ ᠢᠶᠡᠷ ᠡᠶᠢᠮᠦ ᠥᠷᠭᠡᠨ ᠳᠡᠯᠭᠡᠷ ᠬᠦᠦᠷᠨᠢᠭᠰᠡᠨ ᠡᠮᠭᠡᠨᠢᠯᠳᠦ ᠵᠣᠬᠢᠶᠠᠯ ᠡᠳᠦᠢ ᠬᠦᠷᠲᠡᠯᠡ ᠭᠠᠷᠤᠭᠠ ᠦᠭᠡᠢ ᠯᠠ ᠪᠠᠶᠢᠨᠠ᠃ ᠨᠣᠭᠣᠭᠠᠨ ᠨᠢᠳᠦᠨ ᠯᠠᠮᠠ ᠬᠡᠮᠡᠬᠦ ᠰᠠᠬᠢᠯ ᠰᠠᠨᠸᠠᠷ ᠢᠶᠠᠨ ᠣᠭᠣᠷᠠᠭᠰᠠᠨ᠂ ᠠᠮᠢ ᠪᠠᠨ ᠬᠢᠴᠢᠶᠡᠭᠰᠡᠨ᠂ ᠱᠠᠯᠢᠭ ᠵᠠᠪᠬᠠᠢ ᠯᠠᠮᠠ ᠶᠢᠨ ᠲᠤᠬᠠᠢ ᠵᠣᠬᠢᠶᠠᠯ ᠳᠤ ᠬᠣᠰᠢᠭᠤᠷᠠᠵᠤ ᠪᠠᠶᠢᠭᠠ ᠶᠢ ᠪᠣᠳᠣᠬᠤ ᠳᠤ ᠰᠡᠳᠦᠪ ᠶᠡᠷᠦ ᠡᠴᠡ ᠪᠡᠨ ᠰᠣᠨᠢᠨ ᠪᠢᠰᠢ ᠪᠣᠯᠵᠤ ᠲᠠᠭᠠᠷᠠᠯᠠ᠃
4815
2018-09-07 20:54
发表于：内蒙古
ᠳ᠋ ᠊ ᠲᠡᠮᠦᠷᠸᠴᠢᠷ : ᠰ ∙ ᠡᠷᠳᠡᠨᠢ ᠶᠢᠨ ︽ ᠬᠣᠢᠢᠲᠤ ᠨᠠᠰᠤᠨ ᠳ᠋ᠠᠭᠠᠨ ᠤᠴᠠᠷᠠᠨᠠ ︾ ᠷᠣᠮᠠᠨ
ᠬᠡᠯᠮᠡᠭᠳᠡᠭᠦᠯᠦᠯᠲᠡ ᠶᠢᠨ ᠰᠡᠳᠦᠪ ᠢᠶᠡᠷ ᠡᠶᠢᠮᠦ ᠥᠷᠭᠡᠨ ᠳᠡᠯᠭᠡᠷ ᠬᠦᠦᠷᠨᠢᠭᠰᠡᠨ ᠡᠮᠭᠡᠨᠢᠯᠳᠦ ᠵᠣᠬᠢᠶᠠᠯ ᠡᠳᠦᠢ ᠬᠦᠷᠲᠡᠯᠡ ᠭᠠᠷᠤᠭᠠ ᠦᠭᠡᠢ ᠯᠠ ᠪᠠᠶᠢᠨᠠ᠃ ᠨᠣᠭᠣᠭᠠᠨ ᠨᠢᠳᠦᠨ ᠯᠠᠮᠠ ᠬᠡᠮᠡᠬᠦ ᠰᠠᠬᠢᠯ ᠰᠠᠨᠸᠠᠷ ᠢᠶᠠᠨ ᠣᠭᠣᠷᠠᠭᠰᠠᠨ᠂ ᠠᠮᠢ ᠪᠠᠨ ᠬᠢᠴᠢᠶᠡᠭᠰᠡᠨ᠂ ᠱᠠᠯᠢᠭ ᠵᠠᠪᠬᠠᠢ ᠯᠠᠮᠠ ᠶᠢᠨ ᠲᠤᠬᠠᠢ ᠵᠣᠬᠢᠶᠠᠯ ᠳᠤ ᠬᠣᠰᠢᠭᠤᠷᠠᠵᠤ ᠪᠠᠶᠢᠭᠠ ᠶᠢ ᠪᠣᠳᠣᠬᠤ ᠳᠤ ᠰᠡᠳᠦᠪ ᠶᠡᠷᠦ ᠡᠴᠡ ᠪᠡᠨ ᠰᠣᠨᠢᠨ ᠪᠢᠰᠢ ᠪᠣᠯᠵᠤ ᠲᠠᠭᠠᠷᠠᠯᠠ᠃
ᠡᠨᠡ ᠵᠣᠬᠢᠶᠠᠯ ᠤᠨ ᠭᠣᠣᠯ ᠥᠭᠦᠯᠡᠮᠵᠢ ᠪᠣᠯ ᠦᠨᠡᠨ ᠪᠣᠳᠠᠲᠤ ᠲᠡᠦᠬᠡ︕ᠬᠡᠨᠲᠡᠢ ᠶᠢᠨ ᠳᠠᠳᠤᠯ ᠰᠤᠮᠤᠨ ᠳᠤ ᠲᠣᠮᠢᠯᠠᠭᠳᠠᠭᠰᠠᠨ ᠳᠣᠲᠤᠭᠠᠳᠤ ᠶᠠᠮᠤᠨ ᠤ ᠲᠥᠯᠥᠭᠡᠯᠡᠭᠴᠢ ᠰᠤᠮᠤ ᠶᠢᠨ ᠢᠶᠠᠨ ᠬᠣᠷᠰᠢᠶᠠ ᠳᠠᠷᠤᠭᠠ ᠶᠢᠨ ᠡᠬᠡᠨᠡᠷ ᠲᠦ ᠰᠡᠭᠡᠲᠡᠩ ᠬᠠᠶᠠᠵᠤ ᠰᠠᠨᠠᠭᠠᠷᠬᠠᠳᠠᠭ ᠪᠠᠶᠢᠵᠠᠢ᠃ ᠲᠡᠷᠡ ᠨᠢ ᠬᠠᠯᠠᠭᠤᠨ ᠴᠢᠰᠤ ᠲᠠᠢ ᠪᠤᠷᠢᠶᠠᠳ ᠪᠦᠰᠡᠭᠦᠢ ᠃ ᠮᠡᠳᠡᠭᠡᠵᠢ ᠬᠣᠷᠰᠢᠶᠠ ᠳᠠᠷᠤᠭᠠ ᠡᠬᠡᠨᠡᠷ ᠢᠶᠡᠨ ᠬᠠᠮᠠᠭᠠᠯᠠᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃ ᠡᠷᠡ ᠤᠯᠤᠰ ᠤᠳ ᠪᠣᠯᠤᠭᠰᠠᠨ ᠬᠣᠶᠢᠨᠠ ᠨᠢᠳᠤᠷᠭᠠ ᠵᠥᠷᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨ ᠳᠦ ᠬᠣᠨᠵᠢᠩᠨᠠᠭᠰᠠᠨ ᠮᠠᠨᠢ ᠳᠣᠲᠤᠭᠠᠳᠤ ᠶᠠᠮᠤᠨ ᠤ ᠲᠥᠯᠥᠭᠡᠯᠡᠭᠴᠢ ᠮᠠᠲᠠᠭᠠᠰᠤ ᠳᠡᠭᠡᠭᠰᠢ ᠨᠢ ᠶᠠᠪᠤᠭᠤᠯᠵᠠᠢ᠃ ᠶᠠᠭ ᠲᠡᠷᠡ ᠦᠶᠡ ᠳᠦ ᠪᠠᠷᠭᠤ ᠤᠷᠤᠭᠤ ᠳᠦᠷᠪᠡᠨ ᠭᠠᠷᠤᠭᠰᠠᠨ ᠨᠢᠭᠡ ᠨᠥᠬᠥᠷ ᠨᠤᠲᠤᠭ ᠲᠤ ᠪᠠᠨ ᠰᠡᠮ ᠡᠷᠭᠢᠵᠦ ᠢᠷᠡᠭᠰᠡᠨ ᠲᠣᠬᠢᠶᠠᠯ ᠲᠠᠭᠠᠷᠠᠭᠰᠠᠨ ᠪᠠᠶᠢᠨᠠ᠃ ᠰᠠᠶᠢᠬᠠᠨ ᠳᠠᠯᠢᠮ︕ ᠶᠠᠫᠣᠨ ᠤ ᠲᠠᠩᠨᠠᠭᠤᠯ ᠣᠷᠣᠨ ᠨᠤᠲᠤᠭ ᠲᠤ ᠰᠢᠷᠭᠤᠭᠰᠠᠨ ᠲᠡᠳᠦᠢ ᠦᠭᠡᠢ᠂ ᠬᠠᠮᠰᠠᠭᠠᠲᠠᠨ ᠨᠢ ᠬᠣᠷᠰᠢᠶᠠ ᠳᠠᠷᠤᠭᠠ ᠭᠡᠰᠡᠨ ᠵᠣᠬᠢᠶᠠᠮᠵᠢ ᠪᠣᠳᠣᠵᠤ ᠤᠯᠪᠠ᠃
ᠮᠣᠩᠭᠣᠯ ᠤᠨ ᠨᠡᠶᠢᠭᠡᠮ ᠤᠨ ᠨᠥᠯᠥᠭᠡ ᠪᠦᠬᠦᠢ᠂ ᠠᠮᠢᠨ ᠴᠢᠬᠤᠯᠠ ᠳᠠᠪᠬᠤᠷᠭᠠ ᠪᠣᠯᠬᠤ ᠠᠯᠲᠠᠨ ᠤᠷᠤᠭ ᠤᠨ ᠢᠵᠠᠭᠤᠷᠲᠠᠨ ᠨᠤᠭᠤᠳ᠂ ᠯᠠᠮᠠ ᠬᠤᠸᠠᠷᠠᠭ᠂ ᠺᠣᠮᠮᠤᠶᠢᠨᠢᠰᠮ ᠳᠤ ᠦᠯᠦ ᠢᠲᠡᠭᠡᠭᠴᠢᠳ ᠢ ᠤᠰᠠᠳᠬᠠᠬᠤ ᠵᠣᠷᠢᠯᠭᠠ ᠲᠠᠢ ᠠᠶᠤᠮᠰᠢᠭᠲᠤ ᠮᠢᠬᠠᠴᠢᠨ ᠰᠲ᠋ᠠᠯᠢᠨ ᠳᠤ ᠰᠢᠯᠲᠠᠭ᠂ ᠳᠠᠯᠢᠮ ᠯᠠ ᠬᠡᠷᠡᠭᠲᠡᠢ ᠪᠠᠶᠢᠵᠠᠢ᠃ ᠶᠠᠭᠤᠨ ᠲᠦᠷᠦᠭᠦᠨ ᠳᠦ ᠤᠯᠠᠭᠠᠨ ᠬᠤᠪᠢᠰᠬᠠᠯ ᠠᠴᠠ ᠤᠷᠪᠠᠨ ᠳᠦᠷᠪᠡᠭᠰᠡᠨ ᠪᠤᠷᠢᠶᠠᠳ ᠨᠠᠷ ᠢ ᠬᠣᠷᠣᠬᠠᠢ ᠲᠠᠢ ᠠᠷᠠᠭᠠᠨ ᠳᠤ ᠪᠠᠨ ᠵᠤᠭᠤᠭᠰᠠᠨ ᠪᠠᠶᠢᠨᠠ᠃ ᠢᠩᠭᠢᠵᠦ ᠯᠠ ᠬᠡᠯᠮᠡᠭᠳᠡᠭᠦᠯᠦᠯᠲᠡ ᠶᠢᠨ ᠬᠠᠷᠠ ᠰᠢᠭᠤᠷᠭᠠ ᠬᠦᠮᠦᠨ ᠴᠢᠨᠣᠠ ᠶᠠᠨᠳᠠᠭ ᠤᠨ ᠴᠢᠰᠤᠲᠤ ᠭᠠᠷ ᠢᠶᠠᠷ ᠡᠬᠢᠯᠡᠵᠡᠢ᠃ ᠮᠡᠳᠡᠭᠡᠵᠢ ᠶᠠᠨᠳᠠᠭ ᠬᠡᠯᠮᠡᠭᠳᠡᠭᠦᠯᠦᠭᠴᠢ ᠪᠢᠰᠢ᠂ ᠵᠦᠭᠡᠷ ᠯᠠ ᠤᠲᠠᠰᠤᠨ ᠬᠡᠦᠬᠡᠯᠳᠡᠢ᠂ ᠪᠠᠰᠠ ᠥᠪᠡᠷ ᠢᠶᠡᠨ ᠬᠡᠯᠮᠡᠭᠳᠡᠭᠴᠢ᠃ ᠲᠡᠭᠦᠨ ᠦ ᠬᠤᠶᠠᠯᠢ ᠲᠠᠴᠢᠶᠠᠯ ᠤᠨ ᠬᠣᠨᠵᠢᠩ ᠶᠠᠮᠠᠷ ᠠᠶᠤᠮᠰᠢᠭᠲᠠᠢ ᠦᠷᠡ ᠳᠠᠭᠠᠪᠤᠷᠢ ᠠᠪᠴᠢᠷᠠᠬᠤ ᠶᠢ ᠶᠠᠭᠠᠬᠢᠨ ᠤᠷᠢᠳᠴᠢᠯᠠᠨ ᠮᠡᠳᠡᠬᠦ ᠪᠢᠯᠡ᠃
ᠲᠥᠷᠥ ᠶᠢᠨ ᠲᠥᠯᠥᠭᠡᠯᠡᠭᠴᠢ ᠰᠣᠨᠤᠷᠣᠪᠠ ᠶᠢᠨ ᠳᠦᠷᠢ ᠪᠡᠷ ᠲᠤᠬᠠᠢ ᠶᠢᠨ ᠴᠠᠭ ᠦᠶᠡ ᠳᠦ ᠶᠠᠮᠠᠷᠬᠠᠨ ᠤᠬᠠᠭᠠᠨ ᠲᠠᠢ᠂ ᠠᠪᠢᠶᠠᠰ ᠲᠠᠢ᠂ ᠡᠬᠡ ᠣᠷᠣᠨᠴᠢ ᠬᠦᠮᠦᠰ ᠢᠶᠡᠨ ᠠᠯᠠᠵᠤ ᠴᠥᠯᠮᠥᠵᠦ ᠳᠠᠭᠤᠰᠬᠠᠭᠰᠠᠨ ᠢ ᠢᠷᠠᠭᠤ ᠲᠣᠳᠣᠬᠠᠨ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠯᠠᠮᠠᠬᠠᠢ ᠬᠡᠮᠡᠬᠦ ᠮᠡᠷᠭᠡᠨ ᠵᠢᠭᠠᠯ ᠤᠨ ᠭᠤᠨᠢᠭᠲᠤ ᠲᠡᠦᠬᠡ ᠰᠡᠳᠬᠢᠯ ᠰᠡᠮᠡᠷᠡᠭᠦᠯᠦᠨᠡ᠃ ᠦᠨᠡᠬᠡᠷ ᠠᠶᠤᠮᠰᠢᠭᠲᠠᠢ ᠣᠨ ᠴᠠᠭ ᠪᠠᠶᠢᠭᠰᠠᠨ ᠢ ᠤᠷᠠᠨ ᠦᠭᠡ ᠶᠢᠨ ᠭᠣᠴᠣ ᠠᠪᠢᠶᠠᠰᠲᠠᠨ ᠮᠠᠨᠢ ᠬᠠᠷᠠᠭᠤᠰᠤᠯ᠂ ᠭᠤᠨᠢᠭ ᠵᠡᠷᠭᠡᠴᠡᠭᠦᠯᠦᠨ ᠦᠵᠡᠭᠦᠯᠵᠦ ᠴᠢᠳᠠᠭᠰᠠᠨ᠃
《ᠤᠰᠤᠨ ᠮᠥᠷᠲᠦ》 ᠬᠡᠮᠡᠬᠦ ᠡᠬᠢᠨ ᠦ ᠪᠦᠯᠦᠭ ᠨᠢ ᠪᠤᠷᠢᠶᠠᠳ ᠵᠣᠨ ᠤ ᠠᠵᠤ ᠲᠥᠷᠥᠯ᠂ ᠬᠦᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠤᠴᠠᠷᠠᠯ ᠲᠣᠬᠢᠶᠠᠯ᠂ ᠬᠠᠶᠢᠷᠠ ᠰᠡᠳᠬᠢᠯ ᠢ ᠢᠷᠠᠭᠤᠬᠠᠨ ᠬᠦᠦᠷᠨᠢᠭᠰᠡᠨ᠃ ᠢᠯᠠᠩᠭᠤᠶᠠ ᠴᠡᠪᠡᠯᠮᠠ᠂ ᠰᠣᠨᠣᠷᠠᠪᠠ ᠬᠣᠶᠠᠷ ᠨᠠᠭᠤᠷ ᠤᠨ ᠲᠣᠭᠣᠷᠢᠮ ᠳᠤ᠂ ᠮᠠᠨᠠᠨ ᠪᠤᠳᠠᠩ ᠳᠤᠮᠳᠠ ᠢᠨᠠᠭᠯᠠᠨ ᠵᠢᠷᠭᠠᠵᠤ ᠪᠤᠢ ᠦᠯᠢᠭᠡᠷ ᠦᠨ ᠭᠡᠮᠡᠷ ᠥᠭᠦᠯᠡᠮᠵᠢ ᠳᠠᠬᠢᠨ ᠳᠠᠪᠲᠠᠬᠤ ᠦᠭᠡᠢ᠃ ᠤᠷᠠᠨ ᠵᠣᠬᠢᠶᠠᠯ ᠤᠨ ᠭᠠᠶᠢᠬᠠᠮᠰᠢᠭ ᠡᠭᠦᠨ ᠳᠦ ᠯᠠ ᠣᠷᠣᠰᠢᠨᠠ᠃ ᠤᠶᠠᠬᠠᠨ ᠵᠥᠭᠡᠯᠡᠨ ᠰᠡᠳᠬᠢᠯ ᠲᠡᠢ᠂ ᠤᠷᠢᠨ ᠲᠠᠴᠢᠶᠠᠩᠭᠤᠢ ᠤᠪᠠᠳᠢᠰ ᠲᠠᠢ ᠴᠡᠪᠡᠯᠮᠠ ᠪᠦᠰᠡᠭᠦᠢ 《ᠤᠰᠤᠨ ᠮᠥᠷ》 ᠍ ᠲᠡᠢ ᠬᠥᠮᠥᠨ ᠪᠠᠶᠢᠵᠠᠢ ᠭᠡᠬᠦ ᠰᠡᠳᠬᠢᠭᠳᠡᠯ ᠲᠥᠷᠦᠪᠡ᠃
《ᠴᠢᠰᠤᠨ ᠮᠥᠷᠲᠦ 》 ᠬᠡᠮᠡᠬᠦ ᠳᠠᠷᠠᠭᠠᠬᠢ ᠪᠦᠯᠦᠭ ᠲᠦ ᠭᠡᠮ ᠵᠡᠮ ᠦᠭᠡᠢ ᠮᠥᠷᠲᠡᠯᠡ ᠭᠡᠮᠲᠡᠨ ᠭᠡᠵᠦ ᠶᠠᠯᠠᠯᠠᠭᠳᠠᠭᠰᠠᠨ ᠲᠡᠷᠡ ᠬᠦᠮᠦᠰ ᠦᠨ ᠡᠮᠭᠡᠨᠢᠯᠳᠦ ᠬᠤᠪᠢ ᠵᠠᠶᠠᠭᠠ ᠶᠢ ᠵᠢᠷᠦᠬᠡ ᠵᠦᠰᠦᠮᠡ ᠦᠵᠡᠭᠦᠯᠬᠦ ᠳᠦ ᠪᠡᠨ ᠪᠤᠷᠢᠶᠠᠳ ᠵᠣᠨ ᠢᠶᠠᠨ ᠥᠮᠥᠭᠡᠷᠡᠭᠰᠡᠨ ᠥᠮᠥᠭᠡᠷᠡᠯ ᠭᠤᠨᠢᠭᠯᠠᠯ ᠵᠡᠷᠭᠡᠴᠡᠵᠦ ᠪᠠᠶᠢᠳᠠᠭ᠃ ᠮᠣᠩᠭᠣᠯ ᠨᠢ ᠮᠣᠩᠭᠣᠯ ᠢᠶᠠᠨ ᠬᠥᠨᠥᠭᠡᠭᠡ ᠦᠭᠡᠢ᠃ ᠭᠠᠳᠠᠨᠠ ᠶᠢᠨ᠂ ᠬᠠᠷᠢ ᠤᠯᠤᠰ ᠤᠨ ᠵᠣᠯᠢᠶᠠᠰᠤ ᠪᠣᠯᠤᠭᠰᠠᠨ ᠢ ᠡᠨᠳᠡ ᠡᠴᠡ ᠬᠠᠷᠠᠵᠤ ᠪᠣᠯᠤᠨᠠ᠃ ᠦᠨᠳᠦᠰᠦ ᠢᠵᠠᠭᠤᠷ ᠨᠢᠭᠡᠲᠦ᠂ ᠠᠬᠠ ᠳᠡᠭᠦᠦ ᠬᠦᠮᠦᠰ ᠪᠡᠶᠡ ᠪᠡᠶᠡ ᠪᠠᠨ ᠬᠢᠲᠤᠵᠤ ᠪᠠᠶᠢᠬᠤ ᠳᠤ᠂ ᠵᠡᠷᠯᠢᠭ ᠠᠷᠢᠶᠠᠲᠠᠨ ᠴᠢᠨᠣᠠ ᠬᠦᠮᠦᠨ ᠦ ᠦᠷᠡ ᠶᠢ ᠠᠪᠤᠷᠠᠵᠤ ᠪᠠᠶᠢᠨᠠ᠃ ᠡᠮᠭᠡᠨᠢᠯᠳᠦ ᠳ᠋ᠷᠠᠮ ᠢ ᠲᠤᠯᠲᠠᠯᠠ ᠨᠢ ᠦᠵᠡᠭᠦᠯᠵᠦ᠂ ᠬᠠᠷᠠᠭᠤᠯᠵᠤ᠂ ᠮᠡᠳᠡᠷᠡᠭᠦᠯᠵᠦ ᠴᠢᠳᠠᠭᠰᠠᠨ ᠰᠢᠦ ᠪᠠᠪᠠᠢ ᠮᠢᠨᠢ︕
ᠶᠠᠭᠠᠬᠢᠭᠠᠳ ᠡᠶᠢᠮᠦ ᠪᠣᠳᠠᠲᠠᠢ ᠲᠣᠳᠣᠷᠬᠠᠢ ᠪᠢᠴᠢᠵᠦ ᠴᠢᠳᠠᠪᠠ ᠡ ᠭᠡᠵᠦ ᠠᠰᠠᠭᠤᠪᠠᠯ ᠡᠨᠡ ᠨᠢ ᠵᠣᠬᠢᠶᠠᠯᠴᠢ ᠶᠢᠨ ᠥᠪᠡᠷ ᠦᠨ ᠬᠢ ᠨᠢ ᠲᠤᠭᠤᠯᠤᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠨᠢᠭᠡ ᠬᠡᠰᠡᠭ ᠶᠤᠮ᠃
ᠤᠷᠠᠨ ᠵᠣᠬᠢᠶᠠᠯ ᠦᠨᠡᠬᠡᠷ ᠪᠠᠶᠠᠯᠢᠭ ᠠᠵᠢ᠃
4 
0 
-
353 2023-11-23 11:03
- 1887 2023-09-07 08:40
- 2113 2023-07-05 21:05
- ᠳ᠋ ᠊ ᠲᠡᠮᠦᠷᠸᠴᠢᠷ : ᠥᠪᠡᠷᠲᠡᠭᠡᠨ ᠬᠡᠯᠡᠭᠰᠡᠨ ᠰᠢᠯᠦᠭ 3419 2018-09-07 18:10
- ᠪᠥᠭᠡᠷᠡᠩᠬᠡᠢ ᠴᠠᠭᠠᠨ ᠨᠣᠭᠤᠭᠠᠨ ᠤ ᠠᠴᠢ ᠲᠤᠰᠠ 7533 2018-09-07 09:32
- ᠬᠠᠮᠠᠷ 4547 2018-09-06 19:32
- 13847524386 211429899@qq.com 13847524386 QQ 211429899 蒙ICP备17002503号-1
