ᠪ ᠊ ᠣᠶᠢ᠍ᠳᠣᠪ : ︽ ᠮᠣᠩᠭᠤᠯ ᠪᠢᠴᠢᠭ᠌ ᠮᠢᠨᠦ︾ ᠰᠢᠯᠦᠭ ᠢ ᠡᠪᠰᠢᠶᠡᠯᠭᠡᠨ ᠲᠠᠲᠠᠭᠰᠠᠨ ᠨᠤᠮᠤ ᠰᠢᠭ ᠪᠢᠴᠢᠵᠦ ᠵᠢᠶᠠᠵᠠᠯᠠᠪᠠ
ᠪ ᠊ ᠣᠶᠢ᠍ᠳᠣᠪ : ︽ ᠮᠣᠩᠭᠤᠯ ᠪᠢᠴᠢᠭ᠌ ᠮᠢᠨᠦ︾ ᠰᠢᠯᠦᠭ ᠢ ᠡᠪᠰᠢᠶᠡᠯᠭᠡᠨ ᠲᠠᠲᠠᠭᠰᠠᠨ ᠨᠤᠮᠤ ᠰᠢᠭ ᠪᠢᠴᠢᠵᠦ ᠵᠢᠶᠠᠵᠠᠯᠠᠪᠠ
5017
2018-10-04 18:59
发表于:内蒙古
ᠪ ᠊ ᠣᠶᠢ᠍ᠳᠣᠪ : ︽ ᠮᠣᠩᠭᠤᠯ ᠪᠢᠴᠢᠭ᠌ ᠮᠢᠨᠦ︾ ᠰᠢᠯᠦᠭ ᠢ ᠡᠪᠰᠢᠶᠡᠯᠭᠡᠨ ᠲᠠᠲᠠᠭᠰᠠᠨ ᠨᠤᠮᠤ ᠰᠢᠭ ᠪᠢᠴᠢᠵᠦ ᠵᠢᠶᠠᠵᠠᠯᠠᠪᠠ
ᠮᠣᠩᠭᠣᠯ ᠬᠡᠯᠡ᠂ ᠤᠷᠠᠨ ᠵᠣᠬᠢᠶᠠᠯ ᠤᠨ ᠪᠠᠭᠰᠢ᠂ ᠬᠡᠯᠡ ᠰᠢᠨᠵᠢᠯᠡᠯ ᠦᠨ ᠤᠬᠠᠭᠠᠨ ᠤ ᠮᠠᠭᠢᠰᠲ᠋ᠷ᠂ ᠵ ∙ ᠡᠷᠬᠢᠮᠰᠠᠶᠢᠬᠠᠨ ᠨᠢ ᠦᠨᠳᠦᠰᠦᠨ ᠦ ᠮᠣᠩᠭᠣᠯ ᠪᠢᠴᠢᠭ ᠢ ᠵᠢᠭᠠᠵᠤ ᠰᠤᠷᠭᠠᠬᠤ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ ᠳᠦ ᠠᠪᠢᠶᠠᠰ ᠴᠢᠳᠠᠯ᠂ ᠬᠦᠴᠦ ᠤᠬᠠᠭᠠᠨ ᠢᠶᠠᠨ ᠵᠣᠷᠢᠭᠤᠯᠵᠤ ᠶᠠᠪᠤᠭᠠ ᠨᠢᠭᠡᠨ᠃ ᠲᠡᠷᠡᠪᠡᠷ 1990 ᠣᠨ ᠳᠤ ᠠᠩᠬᠠ ᠮᠣᠩᠭᠣᠯ ᠪᠢᠴᠢᠭ ᠰᠤᠷᠣᠭᠰᠠᠨ ᠴᠠᠭ ᠠᠴᠠ ᠪᠠᠨ ᠡᠬᠢᠯᠡᠭᠡᠳ ᠮᠣᠩᠭᠣᠯ ᠤᠷᠠᠨ ᠪᠢᠴᠢᠯᠭᠡ (ᠺᠠᠯᠯᠢᠭᠠᠷᠹ) ᠍ ᠢ ᠰᠣᠨᠢᠷᠬᠠᠨ ᠰᠤᠳᠤᠯᠬᠤ ᠪᠣᠯᠵᠠᠢ᠃ ᠢᠩᠭᠢᠭᠡᠳ ᠡᠷᠲᠡᠨ ᠦ ᠤᠷᠠᠨ ᠵᠣᠬᠢᠶᠠᠯᠴᠢ ᠢᠨᠵᠠᠨᠨᠠᠰᠢ᠂ ᠭᠦᠯᠠᠷᠠᠨᠰᠠ᠂ ᠷᠠᠪᠵᠠ ᠨᠠᠷ ᠤᠨ ᠪᠦᠲᠦᠭᠡᠯ ᠢ ᠤᠰᠤᠨ ᠪᠤᠳᠤᠭ ᠤᠨ ᠠᠭᠤᠰᠬᠠᠭᠰᠠᠨ ᠵᠢᠷᠤᠭ ᠤᠳ ᠢᠶᠠᠷ ᠴᠢᠮᠡᠭᠯᠡᠨ ᠤᠷᠠᠨ ᠢᠶᠠᠷ ᠪᠢᠴᠢᠵᠡᠢ᠃ ᠮᠥᠨ ᠳ ∙ ᠨᠠᠴᠤᠭᠳᠣᠷᠵᠢ ᠶᠢᠨ 《ᠮᠢᠨᠦ ᠨᠤᠲᠤᠭ》᠂ ᠪ ᠊ ᠶᠠᠪᠤᠭᠤᠬᠤᠯᠠᠩ ᠤᠨ 《ᠪᠢ ᠬᠠᠮᠢᠭᠠ ᠪᠡᠨ ᠲᠥᠷᠥᠭᠡ ᠪᠤᠢ》᠂ ᠪ ∙ ᠷᠢᠨᠴᠢᠨ ᠤ 《ᠮᠣᠩᠭᠣᠯ ᠬᠡᠯᠡ》᠂ ᠳ ∙ ᠫᠦᠷᠪᠦᠳᠣᠷᠵᠢ ᠶᠢᠨ 《ᠴᠢᠩᠭᠢᠰ》᠂ ᠪ ∙ ᡀᠠᠭᠸᠠᠰᠦ᠋ᠷᠦᠩ ᠦᠨ 《ᠰᠣᠯᠣᠩᠭᠠ ᠪᠢᠯᠡ ᠪᠢ》᠂ ᠳ ∙ ᠨᠢᠮᠠᠰᠦ᠋ᠷᠦᠩ ᠦᠨ 《ᠠᠮᠢᠲ᠋ᠠᠪᠠ》᠂ ᠱ ∙ ᠭᠦᠷᠦᠪᠠᠽᠠᠷ ᠤᠨ 《ᠮᠣᠩᠭᠣᠯ ᠢᠶᠠᠷ ᠢᠶᠠᠨ ᠭᠣᠶᠣᠳᠠᠭ》 ᠵᠡᠷᠭᠡ ᠰᠢᠯᠦᠭ ᠢ ᠮᠤᠤᠲᠤᠤ ᠴᠠᠭᠠᠰᠤᠨ ᠳ᠋ᠤ ᠪᠡᠬᠡ ᠪᠡᠷ ᠤᠷᠠᠨ ᠲᠠᠩᠰᠤᠭ ᠵᠣᠬᠢᠶᠠᠮᠵᠢᠯᠠᠨ ᠪᠢᠴᠢᠵᠦ᠂ ᠰᠢᠯᠦᠭ ᠦᠨ ᠠᠭᠤᠯᠭᠠ ᠳᠤ ᠲᠣᠬᠢᠷᠠᠭᠤᠯᠤᠨ ᠵᠢᠷᠤᠭ ᠴᠢᠮᠡᠭ ᠬᠢᠭᠰᠡᠨ ᠪᠠᠶᠢᠨᠠ᠃
ᠬᠠᠮᠤᠭ ᠤᠨ ᠰᠡᠭᠦᠯ ᠳᠦ ᠲᠡᠷᠡᠪᠡᠷ ᠮᠢᠨᠦ 《ᠮᠣᠩᠭᠣᠯ ᠪᠢᠴᠢᠭ ᠮᠢᠨᠦ》 ᠰᠢᠯᠦᠭ ᠢ ᠤᠶᠢᠭᠤᠷᠵᠢᠨ ᠮᠣᠩᠭᠣᠯ ᠢᠶᠠᠷ ᠪᠢᠴᠢᠵᠦ ᠵᠢᠶᠠᠵᠠᠯᠠᠭᠰᠠᠨ ᠪᠠᠶᠢᠬᠤ ᠪᠥᠭᠡᠳ ᠥᠴᠥᠬᠡᠨ ᠮᠢᠨᠦ ᠰᠢᠯᠦᠭ ᠳᠡᠭᠡᠷᠡᠬᠢ ᠲᠣᠮᠣᠴᠤᠳ ᠤᠨ ᠰᠢᠯᠦᠭ ᠦᠳ ᠲᠡᠢ ᠵᠢᠨᠳᠠᠷᠬᠠᠵᠤ ᠢᠷᠡᠭᠰᠡᠨ ᠳᠦ ᠣᠯᠵᠠᠭᠤᠷᠬᠠᠪᠠ᠃
ᠰᠢᠯᠦᠭ ᠢ ᠮᠠᠨᠢ ᠤᠶᠢᠭᠤᠷᠵᠢᠨ ᠮᠣᠩᠭᠣᠯ ᠪᠢᠴᠢᠭ ᠤᠷᠤᠭᠤ ᠬᠡᠷᠬᠢᠨ ᠪᠠᠭᠤᠯᠭᠠᠭᠰᠠᠨ ᠲᠤᠬᠠᠢ ᠪᠠᠨ ᠵ ∙ ᠡᠷᠬᠢᠮᠰᠠᠶᠢᠬᠠᠨ ᠡᠶᠢᠨᠬᠦᠦ ᠦᠭᠦᠯᠡᠵᠡᠢ᠃
《ᠪ ∙ ᠣᠶᠢᠳᠣᠪ ᠤᠨ ᠡᠨᠡᠬᠦ ᠰᠢᠯᠦᠭ ᠨᠢ ᠠᠭᠤᠯᠭᠠ ᠭᠦᠨ ᠭᠦᠨᠵᠡᠭᠡᠢ ᠶᠢᠨ ᠵᠡᠷᠭᠡᠴᠡᠭᠡ ᠳᠦᠷᠰᠦᠯᠡᠯ ᠰᠠᠶᠢᠲᠠᠢ ᠪᠥᠭᠡᠳ ᠤᠭ ᠰᠢᠯᠦᠭ ᠢ ᠨᠢᠳᠦ ᠪᠡᠨ ᠠᠨᠢᠭᠠᠳ ᠰᠠᠶᠢᠲᠤᠷ ᠰᠣᠨᠣᠰᠪᠠᠯ᠂ ᠶᠠᠭ ᠲᠣᠳᠣᠷᠬᠠᠢ ᠦᠢᠯᠡ ᠶᠠᠪᠤᠳᠠᠯ ᠰᠡᠳᠬᠢᠯ ᠳᠦ ᠳᠦᠷᠰᠦᠯᠡᠭᠳᠡᠬᠦ ᠮᠡᠲᠦ ᠪᠣᠯᠤᠭᠰᠠᠨ᠃ ᠲᠡᠶᠢᠮᠦ ᠡᠴᠡ ᠠᠩᠬᠠ ᠤᠩᠰᠢᠭᠠᠳ ᠯᠠ ᠡᠭᠦᠨ ᠢ ᠮᠣᠩᠭᠣᠯ ᠪᠢᠴᠢᠭ ᠢᠶᠡᠷ ᠮᠠᠰᠢ ᠭᠣᠶᠣ ᠵᠣᠬᠢᠶᠠᠮᠵᠢᠯᠠᠨ ᠪᠢᠴᠢᠬᠦ ᠰᠠᠨᠠᠭᠠ ᠲᠦᠷᠦᠭᠰᠡᠨ᠃ ᠢᠩᠭᠢᠭᠡᠳ ᠬᠡᠳᠦ ᠬᠡᠳᠦᠨ ᠤᠳᠠᠭᠠ ᠪᠢᠴᠢᠵᠦ ᠪᠠᠶᠢᠵᠤ᠂ ᠡᠴᠦᠰ ᠲᠦ ᠨᠢ ᠡᠨᠡ ᠬᠤᠪᠢᠯᠪᠤᠷᠢ ᠳᠡᠭᠡᠷᠡ ᠲᠣᠭᠲᠠᠯᠠ᠃ ᠡᠨᠡ ᠨᠢ ᠨᠢᠭᠡ ᠬᠠᠷᠠᠬᠤ ᠳᠤ ᠳᠡᠯᠭᠡᠭᠡᠲᠡᠢ ᠨᠣᠮ ᠮᠡᠲᠦ ᠬᠠᠷᠠᠭᠳᠠᠨᠠ᠃ ᠪᠠᠰᠠ ᠡᠪᠰᠢᠶᠡᠯᠭᠡᠨ ᠲᠠᠲᠠᠭᠰᠠᠨ ᠨᠤᠮᠤ ᠮᠡᠲᠦ ᠬᠠᠷᠠᠭᠳᠠᠨᠠ᠃ ᠪᠦᠷ ᠯᠠᠪᠰᠢᠷᠠᠭᠤᠯᠵᠤ ᠪᠣᠳᠣᠪᠠᠯ ᠴᠢᠩᠭᠢᠰ ᠦᠨ ᠶᠡᠬᠡ ᠴᠡᠷᠢᠭ ᠦᠨ ᠪᠠᠶᠢᠯᠳᠤᠭᠠᠨ ᠤ 《ᠪᠤᠬᠠ ᠰᠡᠵᠢᠭᠦᠷ》 ᠬᠡᠮᠡᠬᠦ ᠲᠠᠺᠲ᠋ᠢᠺ ᠢ ᠡᠨᠳᠡ ᠡᠴᠡ ᠬᠠᠷᠠᠵᠤ ᠪᠣᠯᠬᠤ ᠶᠤᠮ᠃ ᠡᠨᠡᠬᠦ ᠳᠠᠭᠠᠷᠢᠯᠲᠠ ᠶᠢ ᠴᠢᠩᠬᠠ ᠳᠡᠭᠡᠷᠡ ᠡᠴᠡ ᠨᠢ ᠬᠠᠷᠠᠪᠠᠯ ᠪᠠᠷᠠᠭᠤᠨ ᠪᠣᠯᠤᠨ ᠵᠡᠭᠦᠨ ᠵᠢᠭᠦᠷ ᠲᠦ ᠪᠡᠨ ᠵᠣᠩᠬᠢᠯᠠᠬᠤ ᠬᠦᠴᠦ ᠪᠡᠨ ᠵᠢᠭᠳᠡ ᠬᠤᠪᠢᠶᠠᠨ ᠪᠠᠶᠢᠷᠢᠰᠢᠭᠤᠯᠵᠤ᠂ ᠳᠠᠶᠢᠰᠤᠨ ᠤ ᠬᠦᠷᠢᠶᠡ ᠪᠡᠬᠢᠯᠡᠯᠲᠡ ᠶᠢ ᠬᠡᠳᠦ ᠬᠡᠳᠦᠨ ᠭᠠᠵᠠᠷ ᠢᠶᠠᠷ ᠰᠡᠲᠡ ᠰᠡᠲᠡ ᠴᠣᠬᠢᠨ ᠬᠦᠴᠦ ᠶᠢ ᠨᠢ ᠲᠠᠷᠠᠮᠳᠠᠬᠤ ᠪᠠᠷ ᠳᠣᠪᠲᠣᠯᠤᠨ ᠪᠤᠢ 《ᠤᠯᠠᠩᠭᠠᠰᠤᠭᠰᠠᠨ ᠪᠤᠬᠠ》 ᠶᠢᠨ ᠳᠠᠭᠠᠷᠢᠯᠲᠠ ᠮᠡᠲᠦ᠃ ᠡᠨᠡ ᠲᠣᠬᠢᠶᠠᠯᠳᠤᠯ ᠳᠤ ᠦᠭᠡ ᠪᠦᠬᠦᠨ ᠨᠢ ᠡᠷᠴᠢᠮ ᠡᠨᠧᠷᠭᠢ ᠠᠭᠤᠯᠣᠭᠰᠠᠨ ᠡᠨᠡᠬᠦ ᠭᠠᠶᠢᠬᠠᠮᠰᠢᠭᠲᠤ ᠰᠢᠯᠦᠭ ᠦᠨ ᠦᠰᠦᠭ ᠪᠦᠷᠢ ᠨᠢ ᠰᠡᠯᠡᠮᠡ ᠵᠢᠳᠠ ᠪᠠᠷ ᠥᠪᠴᠢ ᠵᠡᠪᠰᠡᠭᠯᠡᠨ᠂ ᠤᠤᠬᠠᠢ ᠬᠠᠳᠠᠭᠠᠨ ᠳᠣᠪᠲᠣᠯᠬᠤ ᠲᠠᠯᠠ ᠶᠢᠨ ᠮᠣᠷᠢᠲᠠᠨ ᠪᠠᠭᠠᠲᠤᠷ ᠤᠳ ᠪᠣᠯᠤᠨ ᠬᠠᠷᠠᠭᠳᠠᠬᠤ ᠤᠴᠢᠷᠲᠠᠢ᠃ ᠬᠠᠷᠢᠨ ᠶᠡᠬᠡ ᠬᠠᠭᠠᠨᠲᠠᠨ ᠣᠶᠢᠷᠠᠯᠴᠠᠭᠠᠬᠠᠨ ᠥᠨᠳᠥᠷᠯᠢᠭ ᠭᠠᠵᠠᠷ ᠠᠴᠠ ᠲᠤᠯᠤᠯᠳᠤᠭᠠᠨ ᠤ ᠶᠠᠪᠤᠴᠠ ᠶᠢ ᠠᠵᠢᠭᠯᠠᠨ ᠳᠠᠷᠠᠭᠠ ᠳᠠᠷᠠᠭᠠᠴᠢ ᠶᠢᠨ ᠲᠠᠺᠲ᠋ᠢᠭ ᠢᠶᠠᠨ ᠪᠣᠯᠪᠠᠰᠤᠷᠠᠭᠤᠯᠤᠨ ᠪᠠᠶᠢᠭᠠ ᠨᠢ ᠳᠣᠣᠷᠠᠬᠢ ᠵᠢᠷᠤᠭ ᠠᠴᠠ ᠲᠣᠳᠣᠷᠬᠠᠢ ᠬᠠᠷᠠᠭᠳᠠᠨᠠ᠃ ᠤᠯᠠᠮᠵᠢᠯᠠᠯᠲᠤ ᠪᠢᠴᠢᠯᠭᠡ ᠳᠦ ᠰᠢᠯᠦᠭ ᠦᠨ ᠨᠡᠷᠡ ᠶᠢ ᠢᠮᠠᠭᠲᠠ ᠡᠬᠢᠨ ᠳᠦ ᠲᠣᠮᠣ ᠦᠰᠦᠭ ᠢᠶᠡᠷ ᠪᠢᠴᠢᠳᠡᠭ᠃ ᠬᠠᠷᠢᠨ ᠡᠨᠡ ᠤᠳᠠᠭᠠ ᠳᠤ ᠳᠡᠭᠡᠷᠡᠬᠢ ᠤᠯᠠᠮᠵᠢᠯᠠᠯ ᠢ ᠵᠥᠷᠢᠴᠡᠨ ᠰᠢᠯᠦᠭ ᠦᠨ ᠨᠡᠷᠡ ᠶᠢ ᠶᠠᠭ ᠭᠣᠣᠯ ᠳᠤ ᠨᠢ ᠠᠷᠠᠢ ᠲᠣᠮᠣ ᠦᠰᠦᠭ ᠢᠶᠡᠷ ᠪᠢᠴᠢᠵᠦ ᠣᠷᠣᠭᠤᠯᠤᠭᠰᠠᠨ ᠨᠢ ᠡᠪᠰᠢᠶᠡᠯᠭᠡᠨ ᠲᠠᠲᠠᠵᠤ ᠪᠤᠢ ᠨᠤᠮᠤᠨ ᠤ ᠬᠦᠴᠦᠲᠦ ᠰᠤᠮᠤ ᠭᠡᠯᠲᠡᠢ ᠪᠣᠯᠤᠭᠰᠠᠨ…》 ᠬᠡᠮᠡᠵᠡᠢ᠃
ᠰᠢᠯᠦᠭ ᠢ ᠮᠠᠨᠢ ᠤᠷᠠᠯᠢᠭ ᠤᠨ ᠪᠡᠶᠡ ᠳᠦ ᠪᠦᠲᠦᠭᠡᠯ ᠪᠣᠯᠭᠠᠭᠰᠠᠨ Erkhemsaikhan Jadambaa ᠍ ᠳᠦ ᠪᠠᠶᠠᠷᠯᠠᠯᠠ᠃
ᠮᠣᠩᠭᠤᠯ ᠪᠢᠴᠢᠭ᠌ ᠮᠢᠨᠦ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠭᠣᠣᠯ ᠢᠶᠠᠷ
ᠬᠠᠭᠠ ᠴᠣᠬᠢᠨ ᠴᠤᠭᠤᠯᠬᠤ 《ᠬᠠᠳᠠᠮᠠᠯ》 ᠪᠢᠴᠢᠭ ᠮᠢᠨᠢ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠳᠡᠭᠡᠭᠦᠷ
ᠬᠠᠷᠪᠤᠵᠤ ᠳᠠᠪᠠᠭᠤᠯᠤᠭᠰᠠᠨ ᠱᠠᠲᠤ ᠰᠢᠭ ᠪᠣᠰᠤᠭᠠ ᠪᠢᠴᠢᠭ ᠮᠢᠨᠢ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠨᠢᠷᠤᠭᠤᠨ ᠳᠤ
ᠬᠠᠪᠠᠵᠤ ᠰᠢᠭᠠᠭᠰᠠᠨ ᠰᠤᠮᠤ ᠰᠢᠭ ᠬᠠᠩᠭᠠᠯ ᠪᠢᠴᠢᠭ ᠮᠢᠨᠢ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠴᠡᠭᠡᠵᠢᠨ ᠳᠦ
ᠬᠠᠳᠠᠵᠤ ᠰᠡᠶᠢᠯᠦᠭᠰᠡᠨ ᠰᠢᠯᠦᠭ ᠰᠢᠭ ᠮᠣᠩᠭᠣᠯ ᠪᠢᠴᠢᠭ ᠮᠢᠨᠢ
ᠠᠶᠤᠩᠭᠠ ᠶᠢᠨ ᠤᠳᠬᠠ᠂ ᠬᠤᠷᠮᠤᠰᠲᠠ ᠶᠢᠨ ᠯᠦᠩᠳᠦᠩ ᠢ ᠥᠪᠡᠷᠲᠡᠭᠡᠨ ᠰᠢᠩᠭᠡᠭᠡᠵᠦ
ᠠᠭᠠᠳᠠᠷ ᠤᠨ ᠡᠭᠦᠯᠡᠨ ᠡᠴᠡ ᠭᠠᠵᠠᠷ ᠤᠷᠤᠭᠤ ᠬᠠᠷᠪᠤᠭᠰᠠᠨ ᠲᠩᠷᠢ ᠶᠢᠨ ᠴᠠᠬᠢᠯᠭᠠᠨ ᠶᠤᠮ ᠲᠠ
ᠠᠭᠠᠭ ᠣᠮᠤᠭ ᠢᠶᠠᠨ ᠪᠠᠭᠲᠠᠭᠠᠵᠤ ᠶᠠᠳᠠᠭᠰᠠᠨ ᠲᠠᠯᠠ ᠶᠢᠨ ᠵᠡᠷᠯᠢᠭ ᠨᠡᠭᠦᠳᠡᠯᠴᠢᠳ ᠢ
ᠠᠳᠬᠤᠵᠤ ᠴᠤᠭᠯᠠᠭᠤᠯᠤᠭᠠᠳ ᠠᠽᠢᠶᠠ ᠶᠢᠨ ᠲᠥᠪ ᠲᠤ ᠬᠠᠳᠬᠤᠭᠰᠠᠨ ᠠᠯᠲᠠᠨ ᠭᠠᠳᠠᠰᠤ ᠶᠤᠮ ᠲᠠ
ᠬᠥᠬᠡ ᠲᠣᠯᠪᠣᠲᠤ ᠮᠣᠩᠭᠣᠯ ᠦᠷᠡᠰ ᠦᠨ ᠢᠶᠡᠨ ᠠᠮᠢᠳᠤᠷᠠᠬᠤ ᠴᠠᠭ ᠬᠤᠭᠤᠴᠠᠭᠠ ᠶᠢ
ᠬᠦᠢ ᠤᠷᠤᠭ ᠢᠶᠠᠷ ᠨᠢ ᠠᠭᠤᠯᠵᠤ ᠬᠠᠳᠠᠭᠠᠯᠠᠭᠰᠠᠨ ᠲᠡᠮᠳᠡᠭᠯᠡᠭᠡ ᠶᠤᠮ ᠲᠠ
ᠣᠭᠲᠠᠷᠭᠤᠢ ᠶᠢᠨ ᠬᠢᠵᠠᠭᠠᠷ᠂ ᠬᠡᠭᠡᠷᠡ ᠶᠢᠨ ᠰᠠᠯᠬᠢᠨ ᠳᠤ ᠪᠦᠷᠢᠯᠳᠦᠭᠰᠡᠨ ᠭᠣᠴᠣ ᠰᠠᠨᠠᠭᠠ ᠶᠢ
ᠣᠶᠢᠷᠠᠲᠤᠭᠤᠯᠤᠨ ᠬᠤᠷᠢᠶᠠᠵᠤ ᠣᠷᠣᠨ ᠵᠠᠢ ᠶᠢ ᠲᠣᠪᠴᠢᠯᠠᠭᠰᠠᠨ ᠣᠶᠢᠯᠠᠯᠭᠠ ᠶᠤᠮ ᠲᠠ
ᠬᠦᠮᠦᠨ᠂ ᠰᠦᠮᠪᠦ᠂ ᠨᠢᠷᠤᠨ ᠭᠦᠷᠦᠨ ᠦ ᠳᠡᠭᠡᠳᠦᠰ ᠦᠨ
ᠬᠥᠰᠢᠶᠡ ᠴᠢᠯᠠᠭᠤᠨ ᠳᠤ ᠦᠯᠡᠳᠡᠭᠡᠵᠦ ᠴᠢᠳᠠᠭᠠ ᠦᠭᠡᠢ ᠪᠣᠳᠣᠯ ᠨᠢ ᠶᠤᠮ ᠲᠠ
ᠤᠶᠢᠭᠤᠷ᠂ ᠲᠦᠷᠦᠭ᠂ ᠬᠢᠳᠠᠨ ᠡᠪᠦᠭᠡ ᠶᠢᠨ ᠬᠠᠭᠠᠳ ᠠᠴᠠ
ᠤᠭᠤᠷᠠᠭ ᠲᠠᠷᠢᠬᠢ ᠪᠠᠨ ᠬᠠᠭᠤᠯᠵᠤ ᠰᠢᠩᠭᠡᠭᠡᠭᠰᠡᠨ ᠵᠠᠷᠤᠳᠠᠰᠤ ᠨᠢ ᠶᠤᠮ ᠲᠠ
ᠮᠥᠩᠬᠡ ᠲᠩᠷᠢ ᠡᠴᠡ ᠭᠠᠵᠠᠷ ᠡᠬᠡ ᠤᠷᠤᠭᠤ ᠤᠨᠵᠢᠭᠤᠯᠵᠤ ᠪᠠᠷᠢᠭᠰᠠᠨ ᠬᠤᠯᠤᠰᠤᠨ ᠲᠠᠰᠢᠭᠤᠷ
ᠮᠥᠷᠡᠨ ᠭᠣᠣᠯ ᠤᠨ ᠭᠠᠯᠪᠢᠷ ᠳᠠᠭᠤᠷᠢᠶᠠᠵᠤ ᠮᠤᠰᠬᠢᠷᠠᠭᠰᠠᠨ ᠰᠤᠷ ᠤᠨ ᠴᠠᠴᠤᠯᠭᠠ
ᠥᠭᠡᠳᠡ ᠪᠡᠨ ᠳᠦᠷᠡᠯᠵᠡᠬᠦ ᠭᠠᠯ ᠤᠨ ᠲᠤᠯᠭᠠᠨ ᠠᠴᠠ ᠤᠭᠠᠯᠵᠠᠷᠠᠵᠤ ᠰᠠᠴᠤᠷᠠᠭᠰᠠᠨ ᠳᠥᠯᠥ
ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠮᠢᠨᠢ ᠮᠢᠩᠭᠠᠨ ᠵᠢᠯ ᠦᠨ ᠱᠠᠰᠲᠢᠷ ᠲᠠ ᠲᠦᠮᠡᠨ ᠵᠢᠯ ᠣᠷᠣᠰᠢᠲᠤᠭᠠᠢ︕
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠭᠣᠣᠯ ᠢᠶᠠᠷ
ᠬᠠᠭᠠ ᠴᠣᠬᠢᠨ ᠴᠤᠭᠤᠯᠬᠤ 《ᠬᠠᠳᠠᠮᠠᠯ》 ᠪᠢᠴᠢᠭ ᠮᠢᠨᠢ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠳᠡᠭᠡᠭᠦᠷ
ᠬᠠᠷᠪᠤᠵᠤ ᠳᠠᠪᠠᠭᠤᠯᠤᠭᠰᠠᠨ ᠱᠠᠲᠤ ᠰᠢᠭ ᠪᠣᠰᠤᠭᠠ ᠪᠢᠴᠢᠭ ᠮᠢᠨᠢ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠨᠢᠷᠤᠭᠤᠨ ᠳᠤ
ᠬᠠᠪᠠᠵᠤ ᠰᠢᠭᠠᠭᠰᠠᠨ ᠰᠤᠮᠤ ᠰᠢᠭ ᠬᠠᠩᠭᠠᠯ ᠪᠢᠴᠢᠭ ᠮᠢᠨᠢ
ᠬᠠᠨᠠ ᠬᠡᠷᠡᠮ ᠰᠢᠭ ᠬᠠᠨ ᠽᠢ ᠦᠰᠦᠭ ᠦᠨ ᠴᠡᠭᠡᠵᠢᠨ ᠳᠦ
ᠬᠠᠳᠠᠵᠤ ᠰᠡᠶᠢᠯᠦᠭᠰᠡᠨ ᠰᠢᠯᠦᠭ ᠰᠢᠭ ᠮᠣᠩᠭᠣᠯ ᠪᠢᠴᠢᠭ ᠮᠢᠨᠢ ᠡ᠃
ᠲᠦᠮᠡᠲᠦ ᠰᠢᠨᠡ ᠬᠥᠷᠪᠡᠭᠦᠯᠪᠡ
2 0