  ᠲᠦᠮᠡᠲᠦ ᠰᠢᠨ᠎ᠡ       
     ᠦᠦᠰᠢᠨ  ᠭᠠᠯᠠᠭᠤᠲᠤ 
   2017-07-25 10:54
   2024-01-05 18:54
   1774813
   1251

ᠨᠣᠴᠢᠲᠠᠢ

ᠡᠯᠪᠡᠭᠳᠣᠷᠵᠢ ᠪᠤᠯᠠᠭᠠᠨ ᠠᠶᠢᠮᠠᠭ ᠳᠠᠬᠢ ᠨᠢᠭᠤᠴᠠ ᠠᠩᠨᠠᠭᠤᠷ ᠤᠨ ᠭᠠᠵᠠᠷ ᠢᠶᠠᠨ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠠᠯᠪᠠᠨ ᠤ ᠬᠢᠨ ᠢᠶᠠᠷ ᠬᠠᠮᠠᠭᠠᠯᠠᠭᠤᠯᠵᠤ ᠲᠥᠷᠥ ᠶᠢᠨ ᠮᠥᠩᠭᠥ ᠶᠢ ᠦᠷᠡᠬᠦ ᠡᠷᠬᠡ ᠲᠡᠢ ᠭᠡᠵᠦ ᠦᠦ
        8495     
2018-10-17 14:04    
发表于:内蒙古
ᠡᠯᠪᠡᠭᠳᠣᠷᠵᠢ ᠪᠤᠯᠠᠭᠠᠨ ᠠᠶᠢᠮᠠᠭ ᠳᠠᠬᠢ ᠨᠢᠭᠤᠴᠠ ᠠᠩᠨᠠᠭᠤᠷ ᠤᠨ ᠭᠠᠵᠠᠷ ᠢᠶᠠᠨ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠠᠯᠪᠠᠨ ᠤ ᠬᠢᠨ ᠢᠶᠠᠷ ᠬᠠᠮᠠᠭᠠᠯᠠᠭᠤᠯᠵᠤ ᠲᠥᠷᠥ ᠶᠢᠨ ᠮᠥᠩᠭᠥ ᠶᠢ ᠦᠷᠡᠬᠦ ᠡᠷᠬᠡ ᠲᠡᠢ ᠭᠡᠵᠦ ᠦᠦ ᠮᠣᠩᠭᠣᠯ ᠤᠯᠤᠰ ᠤᠨ ᠳᠥᠷᠪᠡ ᠳ᠋ᠡᠬᠢ ᠶᠡᠷᠦᠩᠬᠡᠶᠢᠯᠡᠭᠴᠢ ᠠᠭᠰᠠᠨ ᠡᠯᠪᠡᠭᠳᠣᠷᠵᠢ ᠥᠨᠥᠳᠥᠷ ᠲᠥᠷᠥ ᠶᠢᠨ ᠲᠤᠰᠬᠠᠢ ᠬᠠᠮᠠᠭᠠᠯᠠᠯᠲᠠᠨ ᠳᠤ ᠬᠡᠪ ᠢᠶᠡᠷ ᠪᠠᠶᠢᠭ᠎ᠠ᠃ ᠲᠡᠭᠦᠨ ᠢ 2021 ᠣᠨ ᠬᠦᠷᠲᠡᠯ᠎ᠡ ᠲᠤᠰᠬᠠᠢ ᠠᠯᠪᠠᠨ ᠤ ᠳᠥᠷᠪᠡᠨ ᠵᠠᠯᠠᠭᠤ ᠰᠠᠯᠬᠤ ᠦᠭᠡᠢ ᠬᠠᠮᠠᠭᠠᠯᠠᠨ᠎ᠠ᠃ ᠲᠡᠷᠡ ᠬᠦ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠮᠥᠩᠭᠥ ᠲᠥᠭᠥᠷᠢᠭ ᠢ ᠲᠠᠲᠠᠪᠤᠷᠢ ᠲᠥᠯᠥᠭᠴᠢ ᠲᠠ ᠪᠢᠳᠡᠨ ᠦ ᠬᠠᠯᠠᠭᠠᠰᠤᠨ ᠠᠴᠠ ᠭᠠᠷᠭᠠᠵᠤ ᠪᠠᠶᠢᠭ᠎ᠠ᠃ ᠮᠥᠨ ᠣᠷᠣᠨ ᠰᠠᠭᠤᠴᠠ᠂ ᠮᠠᠰᠢᠨ ᠤᠨᠤᠭ᠎ᠠ ᠪᠠᠷ ᠴᠤ ᠬᠠᠤᠯᠢ ᠳᠤ ᠵᠢᠭᠠᠭᠰᠠᠨ ᠤ ᠳᠠᠭᠠᠤ ᠬᠠᠩᠭᠠᠵᠤ ᠪᠠᠶᠢᠭ᠎ᠠ ᠨᠢ ᠮᠡᠳᠡᠭᠡᠵᠢ᠃ ᠲᠡᠭᠡᠪᠡᠯ ᠲᠥᠷᠥ ᠶᠢᠨ ᠲᠤᠰᠬᠠᠢ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠲᠤᠬᠠᠢ ᠬᠠᠤᠯᠢ ᠳᠤ ᠬᠠᠮᠤᠷᠤᠭᠳᠠᠭ᠎ᠠ ᠦᠭᠡᠢ ᠨᠢᠭᠡᠨ ᠣᠨᠴᠠᠭᠠᠢ ᠬᠠᠮᠠᠭᠠᠯᠠᠯᠲᠠ ᠶᠢ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠶᠡᠷᠦᠩᠬᠡᠢ ᠭᠠᠵᠠᠷ ᠠᠴᠠ ᠡᠺᠰ ᠶᠡᠷᠦᠩᠬᠡᠶᠢᠯᠡᠭᠴᠢ ᠡᠯᠪᠡᠭᠳᠣᠷᠵᠢ ᠳᠤ ᠡᠳ᠋ᠯᠡᠭᠦᠯᠳᠡᠭ ᠶᠤᠮᠰᠠᠨᠵᠢ᠃ ᠼ ∙ ᠡᠯᠪᠡᠭᠳᠣᠷᠵᠢ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠠᠯᠪᠠᠨ ᠲᠤᠰᠢᠶᠠᠯ ᠢᠶᠠᠨ ᠥᠭᠭᠦᠭᠰᠡᠨ ᠡᠴᠡ ᠬᠣᠶᠢᠰᠢ ᠭᠠᠳᠠᠭᠠᠳᠤ᠂ ᠬᠣᠲᠠ ᠬᠥᠳᠡᠭᠡ ᠦᠭᠡᠢ ᠪᠠᠶᠢᠩᠭᠤ ᠯᠠ ᠠᠮᠠᠷᠠᠵᠤ ᠵᠤᠭᠠᠯᠠᠵᠤ᠂ ᠠᠶᠠᠯᠠᠵᠤ᠂ ᠠᠩ ᠬᠢᠵᠦ᠂ ᠮᠥᠷᠥᠢ ᠲᠡᠢ ᠲᠣᠭᠯᠠᠵᠤ ᠶᠠᠪᠤᠭ᠎ᠠ ᠶᠢ ᠲᠠ ᠪᠢᠳᠡ ᠬᠠᠷᠠᠵᠤ ᠪᠠᠶᠢᠭ᠎ᠠ᠃ ᠲᠡᠭᠡᠪᠡᠯ ᠮᠠᠨᠢ ᠡᠷ᠎ᠡ ᠮᠣᠩᠭᠣᠯ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠠᠨ ᠲᠥᠷᠥ ᠶᠢᠨ ᠲᠤᠰᠬᠠᠢ ᠬᠠᠮᠠᠭᠠᠯᠠᠯᠲᠠ ᠠᠴᠠ ᠭᠠᠳᠠᠨ᠎ᠠ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠠᠯᠪᠠᠨ ᠤ ᠬᠢᠨ ᠤ ᠬᠠᠮᠠᠭᠠᠯᠠᠯᠲᠠᠨ ᠳᠤ ᠵᠢᠩᠬᠢᠨᠢ ᠬᠠᠭᠠᠨ ᠰᠢᠭ ᠯᠠ ᠲᠠᠷᠪᠠᠯᠵᠠᠳᠠᠭ ᠠᠵᠡᠢ᠃ ᠪᠤᠯᠠᠭᠠᠨ ᠠᠶᠢᠮᠠᠭ ᠤᠨ ᠪᠤᠭᠤᠳᠤ ᠰᠤᠮᠤ ᠶᠢᠨ ᠨᠤᠲᠤᠭ᠂ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠰᠬᠦᠯᠡᠩ ᠭᠣᠸ᠎ᠠ ᠲᠡᠭᠦᠰ ᠪᠦᠷᠢᠳᠦᠭᠰᠡᠨ ᠬᠥᠪᠴᠢ᠂ ᠭᠣᠣᠯ ᠭᠣᠷᠣᠬ᠎ᠠ ᠪᠦᠬᠦᠢ ᠠᠭᠤᠯᠠ-ᠠᠯᠲᠤᠭᠠᠳ ᠤᠨ ᠭᠣᠣᠯ ᠤᠨ ᠡᠬᠢᠨ ᠳᠦ ᠡᠯᠪᠡᠭᠳᠣᠷᠵᠢ ᠪᠠᠶᠢᠰᠬᠢᠭᠡᠳ ᠯᠠ ᠣᠴᠢᠳᠠᠭ ᠪᠠᠶᠢᠨ᠎ᠠ᠃ ᠰᠣᠴ ᠨᠡᠶᠢᠭᠡᠮ ᠤᠨ ᠦᠶ᠎ᠡ ᠳᠦ ᠡᠨᠡ ᠬᠠᠪᠢ ᠶᠢᠨ ᠨᠤᠲᠤᠭ ᠤᠰᠤᠨ ᠤ ᠦᠵᠡᠮᠵᠢ ᠲᠡᠭᠦᠯᠳᠡᠷ ᠪᠠᠶᠢᠭᠠᠯᠢ ᠶᠢᠨ ᠲᠠᠯ᠎ᠠ ᠪᠠᠷ ᠵᠣᠬᠢᠶᠠᠯᠴᠢ ᠯ ∙ ᠰᠣᠳᠣᠪ 《ᠰᠠᠷᠠᠨ ᠳᠣᠣᠷᠠᠬᠢ ᠬᠣᠷᠸ᠎ᠠ》 ᠬᠡᠮᠡᠬᠦ ᠷᠣᠮᠠᠨ ᠳᠤ ᠪᠠᠨ ᠤᠷᠠᠨ ᠢᠶᠠᠷ ᠳᠦᠷᠰᠦᠯᠡᠭᠰᠡᠨ ᠪᠠᠶᠢᠳᠠᠭ ᠢ ᠤᠩᠰᠢᠭᠰᠠᠨ ᠬᠦᠮᠦᠰ ᠨᠢ ᠰᠠᠨᠠᠵᠤ ᠪᠠᠶᠢᠭ᠎ᠠ ᠪᠠᠶᠢᠬᠤ᠃  ᠦᠨᠡᠬᠡᠷ ᠦᠵᠡᠰᠬᠦᠯᠡᠩ ᠲᠡᠢ ᠭᠠᠵᠠᠷ ᠪᠣᠯᠬᠤ ᠶᠢ ᠨᠢᠳᠦ᠂ ᠰᠡᠳᠬᠢᠯ ᠳᠦ ᠪᠡᠨ ᠲᠥᠰᠦᠭᠡᠯᠡᠵᠦ ᠪᠠᠶᠢᠭᠰᠠᠨ ᠪᠣᠯᠪᠠ ᠤᠤ᠃ ᠠᠯᠲᠤᠭᠠᠳ ᠤᠨ ᠭᠣᠣᠯ᠂ ᠪᠥᠭᠡᠷᠦᠯᠵᠢᠭᠦᠲᠦ ᠭᠡᠳ ᠪᠢᠲᠡᠭᠦᠦ ᠬᠥᠪᠴᠢ ᠲᠠᠶᠢᠭ᠎ᠠ᠂ ᠠᠩ ᠠᠮᠢᠲᠠᠨ᠂ ᠠᠷᠢᠶᠠᠲᠠᠨ ᠭᠥᠷᠥᠭᠡᠰᠦ ᠰᠦᠯᠵᠢᠯᠳᠦᠭᠰᠡᠨ ᠡᠨᠡ ᠭᠠᠵᠠᠷ ᠲᠤ ᠡᠺᠰ ᠶᠡᠷᠦᠩᠬᠡᠶᠢᠯᠡᠭᠴᠢ ᠡᠯᠪᠡᠭᠳᠣᠷᠵᠢ ᠨᠢᠭᠤᠴᠠ ᠡᠵᠡᠮᠰᠢᠯ ᠭᠠᠵᠠᠷ ᠪᠠᠶᠢᠭᠤᠯᠤᠭᠰᠠᠨ ᠠᠵᠢ᠃ ᠲᠣᠭ ᠴᠠᠬᠢᠯᠭᠠᠨ᠂ ᠴᠡᠪᠡᠷ ᠪᠣᠬᠢᠷ ᠤᠰᠤ᠂ ᠬᠠᠯᠠᠭᠠᠯᠲᠠ᠂ ᠰᠦᠨ ᠪᠠᠰᠰᠧᠢᠨ ᠭᠡᠳ ᠪᠦᠬᠦ ᠶᠠᠭᠤᠮ᠎ᠠ ᠶᠢ ᠨᠢ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠰᠢᠢᠳᠴᠦ ᠲᠣᠬᠢᠵᠢᠭᠤᠯᠤᠭᠰᠠᠨ ᠭᠤᠷᠪᠠᠨ ᠪᠠᠶᠢᠰᠢᠩ ᠪᠦᠬᠦᠢ ᠣᠲᠣᠭ ᠮᠠᠶ᠋ᠢᠭ ᠤᠨ ᠡᠨᠡ ᠭᠠᠵᠠᠷ ᠲᠤ ᠮᠠᠨᠢ ᠡᠯᠪᠡᠭ ᠦᠶ᠎ᠡ ᠦᠶ᠎ᠡ ᠨᠠᠶᠢᠵᠠ ᠨᠥᠬᠥᠳ ᠦᠨ ᠬᠠᠮᠲᠤ ᠢᠷᠡᠵᠦ ᠵᠤᠨ ᠳᠤ ᠪᠠᠨ ᠮᠣᠲ᠋ᠣᠷᠲᠤ ᠵᠠᠪᠢ ᠪᠠᠷ ᠵᠤᠭᠠᠯᠠᠨ ᠵᠢᠭᠠᠰᠤ ᠪᠠᠷᠢᠵᠤ᠂ ᠲᠠᠷᠪᠠᠭ᠎ᠠ ᠭᠥᠷᠥᠭᠡᠰᠦ ᠫᠤᠤᠳᠠᠭᠰᠠᠨ ᠰᠢᠭ ᠢᠶᠡᠨ ᠵᠤᠭ᠎ᠠ ᠪᠠᠨ ᠭᠠᠷᠭᠠᠳᠠᠭ ᠶᠤᠮ ᠪᠠᠶᠢᠨ᠎ᠠ᠃ ᠡᠪᠦᠯ ᠳᠦ ᠪᠡᠨ ᠣᠷᠬᠣᠨ ᠭᠣᠣᠯ ᠤᠨ ᠮᠥᠰᠦᠨ ᠳᠡᠭᠡᠭᠦᠷ ᠴᠢᠷᠭ᠎ᠠ ᠪᠠᠷ ᠭᠤᠯᠭᠤᠬᠤ ᠶᠤᠮ ᠤᠤ ᠵᠡᠷᠯᠢᠭ ᠭᠠᠬᠠᠢ ᠶᠢᠨ ᠠᠩ ᠳ᠋ᠤ ᠶᠠᠪᠤᠳᠠᠭ ᠠᠵᠡᠢ᠃ ᠡᠯᠪᠡᠭᠳᠣᠷᠵᠢ ᠪᠠᠶᠢᠭᠰᠠᠨ ᠪᠠᠶᠢᠭ᠎ᠠ ᠦᠭᠡᠢ ᠲᠡᠷᠡ ᠭᠠᠵᠠᠷ ᠢ ᠨᠢ ᠲᠤᠰᠬᠠᠢ ᠱᠣᠪᠣᠭᠣᠷ ᠪᠦᠬᠦᠢ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠡᠳᠦᠷ ᠱᠥᠨᠢ ᠦᠭᠡᠢ ᠬᠠᠮᠠᠭᠠᠯᠠᠵᠤ ᠪᠠᠶᠢᠳᠠᠭ ᠶᠤᠮᠰᠠᠨᠵᠢ᠃  ᠼ ∙ ᠡᠯᠪᠡᠭᠳᠣᠷᠵᠢ ᠶᠡᠷᠦᠩᠬᠡᠶᠢᠯᠡᠭᠴᠢ ᠪᠠᠶᠢᠬᠤ ᠳᠤ ᠪᠠᠨ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠶᠡᠷᠦᠩᠬᠡᠢ ᠭᠠᠵᠠᠷ ᠤᠨ ᠳᠠᠷᠤᠭ᠎ᠠ ᠫ ∙ ᠪᠠᠳᠠᠷᠠᠯ ᠳᠤ ᠪᠠᠷᠢᠭᠠᠳᠠ ᠶᠢᠨ ᠭᠧᠨᠧᠷᠠᠯ ᠴᠣᠯᠠ ᠣᠯᠭᠤᠵᠤ ᠪᠠᠶᠢᠪᠠ᠃ ᠬᠠᠷᠢᠨ ᠡᠭᠦᠨ ᠦ ᠬᠢ ᠨᠢ ᠬᠠᠷᠢᠭᠤ ᠳᠤ ᠫ ∙ ᠪᠠᠳᠠᠷᠠᠯ ᠨᠢ ᠡᠯᠪᠡᠭᠳᠣᠷᠵᠢ ᠶᠢᠨ ᠪᠠᠶᠢᠰᠢᠩ ᠰᠠᠪᠠ ᠶᠢ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠵᠠᠯᠠᠭᠤᠰ ᠢᠶᠠᠷ ᠡᠳᠦᠷ ᠱᠥᠨᠢ ᠦᠭᠡᠢ ᠮᠠᠨᠠᠭᠤᠯᠵᠤ ᠭᠠᠷᠳᠠᠨ ᠠᠪᠤᠭᠰᠠᠨ ᠴᠣᠯᠠᠨ ᠤ ᠬᠢ ᠪᠠᠨ ᠥᠷᠢ ᠶᠢ ᠲᠥᠯᠦᠵᠦ ᠪᠠᠶᠢᠭ᠎ᠠ ᠨᠢ ᠡᠨᠡ ᠪᠣᠯᠪᠠ ᠤᠤ᠃ ᠬᠠᠤᠯᠢ ᠳᠤ ᠲᠡᠶᠢᠮᠦ ᠡᠵᠡᠮᠰᠢᠯ ᠲᠡᠢ ᠪᠠᠶᠢᠵᠤ᠂ ᠲᠡᠭᠦᠨ ᠢ ᠲᠥᠷᠥ ᠶᠢᠨ ᠲᠤᠰᠬᠠᠢ ᠠᠯᠪᠠᠳ ᠢᠶᠠᠷ᠂ ᠲᠡᠷᠡ ᠲᠤᠰᠤᠮ ᠢᠶᠠᠨ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠢᠶᠠᠷ ᠮᠠᠨᠠᠭᠤᠯᠵᠤ ᠪᠣᠯᠤᠨ᠎ᠠ ᠬᠡᠮᠡᠨ ᠵᠢᠭᠠᠭ᠎ᠠ ᠦᠭᠡᠢ ᠤᠴᠢᠷ ᠠᠴᠠ ᠤᠯᠠᠭᠠᠨᠪᠠᠭᠠᠲᠤᠷ ᠤᠨ ᠲᠡᠮᠦᠷ ᠵᠠᠮ ᠤᠨ ᠳᠠᠷᠤᠭ᠎ᠠ ᠠᠭᠰᠠᠨ ᠯ ∙ ᠫᠦᠷᠪᠦᠪᠠᠭᠠᠲᠤᠷ ᠤᠨ ᠥᠮᠴᠢᠯᠡᠭᠰᠡᠨ 1.5 ᠲᠡᠷᠪᠤᠮ ᠤᠨ ᠦᠨᠡᠲᠡᠢ ᠭᠤᠷᠪᠠᠨ ᠳᠠᠪᠬᠤᠷ ᠬᠠᠦ᠋ᠰ ᠢ ᠤᠯᠠᠭᠠᠨᠪᠠᠭᠠᠲᠤᠷ ᠤᠨ ᠲᠡᠮᠦᠷ ᠵᠠᠮ ᠥᠪᠡᠷᠲᠡᠭᠡᠨ ᠪᠤᠴᠠᠭᠠᠵᠤ ᠠᠪᠤᠭᠰᠠᠨ ᠰᠢᠭ ᠡᠯᠪᠡᠭᠳᠣᠷᠵᠢ ᠶᠢᠨ ᠨᠢᠭᠤᠴᠠ ᠡᠵᠡᠮᠰᠢᠯ ᠢ ᠴᠤ ᠭᠡᠰᠡᠨ ᠤᠯᠤᠰ ᠬᠤᠷᠢᠶᠠᠨ ᠠᠪᠬᠤ ᠪᠦᠷᠢᠨ ᠪᠣᠯᠤᠮᠵᠢ ᠲᠠᠢ᠃ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠰᠡᠩᠲᠡᠶ ᠡᠴᠡ ᠪᠠᠭᠤᠭᠰᠠᠨ ᠠᠴᠠ ᠬᠣᠶᠢᠰᠢ ᠴᠠᠭ ᠨᠠᠷᠠ ᠦᠭᠡᠢ ᠲᠠᠩᠰᠤᠭᠯᠠᠨ ᠵᠤᠭᠠᠴᠠᠵᠤ ᠲᠥᠷᠥ ᠶᠢᠨ ᠲᠤᠰᠬᠠᠢ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠬᠢᠨ ᠲᠠᠢ ᠵᠡᠷᠭᠡᠴᠡᠭᠦᠯᠦᠨ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠢᠶᠠᠷ ᠪᠠᠶᠢᠰᠢᠩ ᠰᠠᠪᠠ ᠪᠠᠨ ᠬᠠᠮᠠᠭᠠᠯᠠᠭᠤᠯᠵᠤ ᠪᠠᠶᠢᠭ᠎ᠠ ᠨᠢ ᠠᠷᠠᠢ ᠬᠡᠲᠦᠷᠬᠡᠢ ᠡᠷᠳᠦᠵᠦ ᠪᠠᠷᠳᠠᠭᠰᠠᠨ ᠬᠡᠷᠡᠭ ᠪᠢᠰᠢ ᠦᠦ᠃  ᠡᠬᠡ ᠰᠤᠷᠪᠤᠯᠵᠢ᠄ ᠨᠣᠴᠢᠲᠠᠢ ᠮᠡᠳᠡᠭᠡ ᠰᠣᠨᠢᠨ

3        1       

                             13847524386      211429899@qq.com      13847524386   QQ  211429899 蒙ICP备17002503号-1