ӨЧИГДӨРӨӨС ӨНӨӨДӨРТ ХҮРГЭХ ШҮЛЭГ ᠥᠴᠦᠭᠡᠳᠦᠷ ᠡᠴᠡ ᠥᠨᠥᠳᠦᠷ ᠲᠤ ᠬᠦᠷᠭᠡᠬᠦ ᠰᠢᠯᠦᠭ ᠬᠣᠨᠣᠭ ᠤᠨ ᠲᠣᠭ᠎ᠠ ᠪᠠᠷ ᠪᠥᠮᠪᠥᠷᠢᠬᠦ ᠰᠡᠳᠬᠢᠯ ᠦᠨ ᠭᠦᠨ ᠳ᠋ᠤ ᠬᠥᠭᠡᠷᠦᠬᠦᠢ ᠮᠢᠨᠢ ᠬᠣᠯᠠ ᠶᠢᠨ ᠬᠣᠯᠠ ᠠᠴᠠ ᠴᠡᠩᠬᠡᠷᠲᠦᠭᠰᠡᠨ ᠠᠭᠤᠯᠠᠰ ᠤᠨ ᠳᠤᠮᠳᠠ ᠡᠪᠡᠢ ᠮᠢᠨᠢ ᠳᠡᠭᠳᠡᠬᠡᠢ ᠪᠠᠭ᠎ᠠ ᠨᠠᠰᠤᠨ ᠳᠤ ᠪᠠᠨ ᠤᠷᠠᠯᠠᠭᠰᠠᠨ ᠨᠢᠭᠡᠨ ᠤᠷ᠎ᠠ ᠮᠢᠨᠢ ᠪᠤᠢ ᠳᠡᠨᠵᠢ ᠳᠦᠭᠦᠷᠲᠡᠯ᠎ᠡ ᠠᠯᠠᠭᠯᠠᠭᠰᠠᠨ ᠴᠢᠯᠠᠭᠤᠨ ᠭᠡᠷ ᠮᠢᠨᠢ ᠥᠷᠥᠭᠡᠰᠥᠲᠡᠢ ᠪᠤᠢ ᠡᠵᠢ ᠨᠢ ᠪᠣᠯᠵᠤ ᠲᠣᠭᠯᠠᠭᠰᠠᠨ ᠲᠡᠷᠡ ᠮᠢᠨᠢ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠠᠶᠠᠨ ᠳ᠋ᠠᠭᠠᠨ ᠮᠣᠷᠳᠠᠴᠢᠬᠠᠭᠰᠠᠨ ᠡᠩᠬᠦᠷᠡᠢ ᠲᠠᠩᠬᠢᠯ ᠲᠥᠷᠬᠥ ᠨᠢ ᠡᠭᠡᠯ ᠲᠦᠮᠡᠨ ᠳᠦ ᠮᠠᠷᠲᠠᠭᠳᠠᠴᠢᠬᠠᠭᠰᠠᠨ ᠡᠭᠦᠯᠡᠨ ᠴᠢᠨᠠᠳᠤ ᠶᠢᠨ ᠰᠠᠭᠤᠳᠠᠯ ᠳᠤ ᠡᠭᠦᠷᠢᠳᠡ ᠶᠢᠨ ᠨᠢᠯᠬ᠎ᠠ ᠪᠠᠷ ᠢᠶᠠᠨ ᠵᠠᠯᠠᠷᠠᠴᠢᠬᠠᠭᠰᠠᠨ ᠦᠰᠦᠨ ᠳᠦ ᠪᠡᠨ ᠵᠡᠭᠦᠭᠰᠡᠨ ᠲᠤᠤᠵᠠ ᠪᠠᠨ ᠰᠣᠯᠣᠩᠭ᠎ᠠ ᠪᠣᠯᠭᠠᠭᠠᠳ ᠢᠯᠡᠭᠡᠴᠢᠬᠡᠭᠰᠡᠨ ᠴᠠᠭ ᠠᠴᠠ ᠴᠠᠭ ᠲᠤ ᠨᠢᠭᠲᠠᠷᠠᠬᠤ ᠬᠠᠶᠢᠷ᠎ᠠ ᠳᠤᠷᠠᠯᠠᠯ ᠤᠨ ᠮᠢᠨᠢ ᠡᠩᠭᠡᠷ ᠲᠦ ᠬᠥᠭᠡᠷᠦᠬᠦᠢ ᠮᠢᠨᠢ ᠴᠠᠬᠢᠯᠳᠠᠭ ᠳᠡᠯᠪᠢᠯᠡᠵᠦ ᠪᠤᠲᠠ ᠨᠣᠭᠣᠭᠠᠷᠠᠭᠰᠠᠨ ᠥᠷᠭᠡᠨ ᠲᠠᠯ᠎ᠠ ᠶᠢᠨ ᠡᠯᠢᠭᠡᠨ ᠳᠦ ᠡᠪᠡᠢ ᠮᠢᠨᠢ ᠡᠩᠬᠡᠷᠬᠡᠨ ᠪᠠᠭ᠎ᠠ ᠨᠠᠰᠤᠨ ᠠᠴᠠ ᠡᠮᠲᠡᠷᠡᠭᠰᠡᠨ ᠨᠢᠭᠡᠨ ᠬᠡᠯᠲᠡᠷᠬᠡᠢ ᠪᠤᠢ ᠡᠪᠯᠡᠭᠦᠯᠵᠦ ᠴᠢᠳᠠᠭ᠎ᠠ ᠦᠭᠡᠢ ᠰᠡᠳᠬᠢᠯ ᠦᠨ ᠮᠢᠨᠢ ᠡᠬᠢᠨ ᠦ ᠭᠠᠭᠴᠠ ᠲᠣᠬᠢᠶᠠᠯ ᠪᠤᠢ ᠬᠠᠶᠢᠷ᠎ᠠ ᠠᠰᠠᠭᠠᠭᠰᠠᠨ ᠲᠡᠷᠡ ᠮᠢᠨᠢ ᠬᠠᠨᠢ ᠶᠢᠨ ᠬᠢ ᠪᠠᠨ ᠲᠦᠰᠢᠭ ᠲᠤ ᠵᠢᠷᠭᠠᠴᠢᠬᠠᠭᠰᠠᠨ ᠬᠠᠴᠠᠷ ᠭᠣᠸ᠎ᠠ ᠵᠢᠰᠦ ᠪᠡᠨ ᠬᠡᠳᠦᠨᠲᠡ ᠬᠤᠪᠢᠯᠤᠭᠠᠳ ᠥᠯᠥᠭᠡᠶᠢᠳᠡᠴᠢᠬᠡᠭᠰᠡᠨ ᠤᠭᠲᠤᠭᠤᠯ ᠳᠠᠶᠠᠭᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠠᠨ ᠰᠠᠶᠢᠬᠠᠨ ᠬᠡᠦᠬᠡᠨ ᠪᠣᠯᠴᠢᠬᠠᠭᠰᠠᠨ ᠤᠭᠲᠠᠭᠠᠯ ᠤᠨ ᠠᠭᠤᠯᠠ ᠪᠠᠨ ᠳᠡᠭᠡᠳᠦᠯᠡᠭᠰᠡᠨ ᠬᠠᠶᠢᠯᠠᠨ ᠪᠦᠪᠡᠢ ᠭᠠᠩᠭᠠᠷᠴᠢᠬᠠᠭᠰᠠᠨ ᠡᠳᠦᠷ ᠡᠴᠡ ᠡᠳᠦᠷ ᠲᠦ ᠥᠳᠬᠡᠷᠡᠬᠦ ᠦᠰᠦᠨ ᠦ ᠰᠣᠷ ᠲᠤ ᠬᠥᠭᠡᠷᠦᠬᠦᠢ ᠮᠢᠨᠢ ᠥᠷᠭᠡᠨ ᠴᠡᠭᠡᠵᠢᠨ ᠡᠴᠡ ᠮᠢᠨᠢ ᠲᠡᠮᠡᠦᠯᠬᠦ ᠬᠦᠰᠡᠯ ᠦᠨ ᠠᠯᠤᠰ ᠲᠤ ᠡᠪᠡᠢ ᠮᠢᠨᠢ ᠰᠡᠮᠡᠷᠡᠭᠰᠡᠨ ᠰᠡᠳᠬᠢᠯ ᠢ ᠮᠢᠨᠢ ᠲᠣᠣᠷᠯᠠᠭᠰᠠᠨ ᠢᠲᠡᠭᠡᠯ ᠦᠨ ᠨᠢᠭᠡᠨ ᠣᠴᠢ ᠪᠤᠢ ᠬᠠᠨᠠᠷᠠᠭᠰᠠᠨ ᠪᠡᠶ᠎ᠡ ᠶᠢ ᠮᠢᠨᠢ ᠲᠦᠰᠢᠭᠰᠡᠨ ᠬᠠᠶᠢᠷ᠎ᠠ ᠶᠢᠨ ᠨᠢᠭᠡᠨ ᠳᠠᠭᠤᠯᠠᠯ ᠪᠤᠢ ᠢᠵᠢᠯᠢᠳᠡᠬᠦ ᠶᠢᠨ ᠵᠠᠶᠠᠭ᠎ᠠ ᠲᠠᠢ ᠲᠡᠷᠡ ᠮᠢᠨᠢ ᠵᠢᠷᠭᠠᠯ ᠤᠨ ᠣᠷᠣᠨ ᠳᠤ ᠵᠡᠷᠭᠡᠴᠡᠭᠰᠡᠨ ᠢᠨᠢᠶᠡᠮᠰᠦᠭᠯᠡᠯ ᠬᠠᠪᠴᠢᠭᠤᠯᠤᠭᠳᠠᠭᠰᠠᠨ ᠤᠷᠤᠭᠤᠯ ᠢᠶᠠᠷ ᠢᠶᠠᠨ ᠵᠢᠷᠭᠠᠯ ᠤᠨ ᠳᠠᠭᠤᠯᠠᠯ ᠢᠰᠬᠡᠷᠦᠭᠰᠡᠨ ᠡᠭᠡᠯ ᠦᠨ ᠡᠭᠡᠯ ᠲᠠᠪᠢᠯᠠᠩ ᠠᠴᠠ ᠡᠷ᠎ᠡ ᠪᠡᠶ᠎ᠡ ᠶᠢ ᠮᠢᠨᠢ ᠣᠯᠵᠯᠠᠭᠰᠠᠨ ᠡᠯᠢᠭᠡᠮᠰᠦᠭ ᠭᠣᠸ᠎ᠠ ᠮᠡᠳᠡᠷᠡᠮᠵᠢ ᠪᠡᠷ ᠡᠨᠡ ᠪᠡᠶ᠎ᠡ ᠶᠢ ᠮᠢᠨᠢ ᠬᠥᠭᠯᠡᠭᠰᠡᠨ ᠥᠴᠥᠭᠡᠳᠦᠷ ᠡᠴᠡ ᠥᠨᠥᠳᠥᠷ ᠬᠦᠷᠲᠡᠯ᠎ᠡ