www.duurn.cn
- ᠲᠦᠮᠡᠲᠦ ᠰᠢᠨᠡ
- ᠦᠦᠰᠢᠨ ᠭᠠᠯᠠᠭᠤᠲᠤ
- 2017-07-25 10:54
- 2024-01-05 18:54
- 1787302
- 1251
ᠶᠡᠬᠡ ᠭᠦᠷᠦᠨ ᠨᠦᠭᠦᠳ ᠤᠨ ᠪᠢᠽᠨᠸᠰ ᠤᠨ ᠤᠯᠪᠠᠭᠠ
ᠶᠡᠬᠡ ᠭᠦᠷᠦᠨ ᠨᠦᠭᠦᠳ ᠤᠨ ᠪᠢᠽᠨᠸᠰ ᠤᠨ ᠤᠯᠪᠠᠭᠠ
8624
2018-10-19 16:13
发表于：内蒙古
ᠰᠲ᠋ᠠᠯᠢᠨ᠂ ᠴᠣᠶᠢᠪᠠᠯᠰᠠᠩ ᠬᠣᠶᠠᠷ ᠢ ᠠᠭᠤᠯᠵᠠᠬᠤ ᠦᠶᠡ ᠳᠦ ᠪᠠᠶᠢᠯᠴᠠᠭᠰᠠᠨ ᠪ ∙ ᠰᠢᠷᠡᠩᠳᠡᠪ ᠦᠨ ᠭᠡᠷᠡᠴᠢᠯᠡᠨ ᠶᠠᠷᠢᠭᠰᠠᠨ ᠢᠶᠠᠷ ᠪᠣᠯ᠂ ᠭᠠᠷ ᠤᠨ ᠦᠰᠦᠭ ᠵᠢᠷᠤᠬᠤ ᠪᠠᠷ ᠪᠡᠯᠡᠳᠦᠭᠰᠡᠨ ᠪᠠᠷᠢᠮᠲᠠ ᠪᠢᠴᠢᠭ ᠲᠦ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠢ ᠣᠳᠣ ᠶᠢᠨ ᠬᠢᠯᠢ ᠬᠢᠵᠠᠭᠠᠷ ᠤᠨ ᠬᠢ ᠨᠢ ᠬᠦᠷᠢᠶᠡᠨ ᠳᠦ ᠦᠯᠡᠳᠡᠭᠡᠨᠡ ᠭᠡᠰᠡᠨ ᠢ ᠦᠵᠡᠭᠡᠳ ᠴᠣᠶᠢᠪᠠᠯᠰᠠᠩ ᠶᠡᠬᠡᠳᠡ ᠭᠤᠲᠤᠷᠠᠭᠰᠠᠨ ᠠᠵᠢ᠃《ᠣᠳᠣ ᠶᠢᠨ ᠪᠠᠶᠢᠭᠠ ᠬᠢᠯᠢ ᠬᠢᠵᠠᠭᠠᠷ ᠤᠨ ᠬᠦᠷᠢᠶᠡᠨ ᠳᠦ … ᠲᠡᠭᠡᠪᠡᠯ᠂ ᠥᠪᠥᠷ ᠮᠣᠩᠭᠣᠯ ᠬᠠᠮᠢᠶᠠᠷᠬᠤ ᠦᠭᠡᠢ ᠪᠠᠶᠢᠬᠤ ᠨᠢ ᠡ︖》 ᠭᠡᠵᠦ ᠲᠡᠷᠡ ᠪᠡᠷ ᠰᠲ᠋ᠠᠯᠢᠨ ᠠᠴᠠ ᠤᠷᠮᠠ ᠮᠠᠭᠤᠲᠠᠶᠢᠬᠠᠨ ᠠᠰᠠᠭᠤᠵᠠᠢ᠃
ᠰᠲ᠋ᠠᠯᠢᠨ 》ᠬᠢᠲᠠᠳ ᠤᠳ ᠬᠡᠵᠢᠶᠡ ᠴᠤ ᠲᠡᠶᠢᠮᠦ ᠶᠠᠭᠤᠮᠠ ᠬᠢᠬᠦ ᠦᠭᠡᠢ᠃ ᠲᠡᠭᠡᠭᠰᠡᠨ ᠡᠴᠡ ᠴᠢ ᠥᠪᠡᠷ ᠦᠨ ᠢᠶᠡᠨ ᠤᠯᠤᠰ ᠣᠷᠣᠨ ᠢ ᠶᠠᠭᠠᠬᠢᠵᠤ ᠬᠠᠳᠠᠭᠠᠯᠠᠵᠤ ᠦᠯᠡᠳᠡᠬᠦ ᠪᠡᠨ ᠪᠣᠳᠣ ᠭᠡᠵᠦ ᠬᠠᠷᠢᠭᠤᠯᠵᠠᠢ》 ᠮᠠᠷᠱᠠᠯ ᠲᠠᠶᠢᠪᠤᠰᠢᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠪᠠ᠃ ᠲᠡᠷᠡ ᠪᠡᠷ ᠡᠨᠡ ᠲᠠᠯᠠ ᠪᠠᠷ ᠡᠷᠭᠢᠵᠦ ᠶᠠᠷᠢᠬᠤ ᠰᠢᠯᠲᠠᠭ ᠬᠠᠶᠢᠵᠤ ᠪᠠᠶᠢᠯᠠ᠃
1949 ᠣᠨ ᠤ ᠨᠠᠮᠤᠷ ᠰᠲ᠋ᠠᠯᠢᠨ ᠷᠢᠴᠠ ᠨᠠᠭᠤᠷ ᠤᠨ ᠡᠷᠭᠢ ᠳᠦ ᠠᠮᠠᠷᠠᠵᠤ᠂ ᠴᠣᠶᠢᠪᠠᠯᠰᠠᠩ ᠬᠠᠵᠠᠭᠤᠬᠠᠨ ᠳᠤ ᠨᠢ ᠨᠣᠸ ᠤᠢ ᠠᠹᠣᠨ ᠳᠠᠬᠢ ᠵᠤᠰᠠᠯᠠᠩ ᠳᠤ ᠪᠠᠶᠢᠵᠠᠢ᠃ ᠮᠠᠷᠱᠠᠯ ᠭᠡᠷᠭᠡᠢ᠂ ᠬᠦᠦ ᠶᠢᠨ ᠢᠶᠡᠨ ᠬᠠᠮᠲᠤ ᠨᠠᠭᠤᠷ ᠤᠨ ᠡᠷᠭᠢ ᠳᠦ ᠪᠠᠶᠢᠭᠰᠠᠨ ᠤᠳᠤᠷᠢᠳᠤᠭᠴᠢ ᠶᠢᠨ ᠳᠤ ᠬᠣᠶᠠᠷ ᠬᠣᠨᠣᠭ ᠵᠣᠴᠢᠯᠠᠵᠠᠢ᠃ ᠲᠡᠨᠳᠡ ᠨᠢ ᠮᠥᠨ ᠪᠧᠷᠢᠶᠠ᠂ ᠮᠢᠺᠣᠢᠶᠠᠨ ᠬᠣᠶᠠᠷ ᠪᠠᠶᠢᠪᠠ᠃ ᠵᠣᠭᠣᠭ ᠤᠨ ᠰᠢᠷᠡᠭᠡᠨ ᠦ ᠠᠷᠤ ᠳᠤ ᠬᠢᠲᠠᠳ ᠤᠨ ᠲᠤᠬᠠᠢ ᠶᠠᠷᠢᠶᠠ ᠥᠷᠨᠢᠵᠡᠢ᠃ ᠲᠡᠷᠡ ᠡᠳᠦᠷ ᠦᠳ ᠲᠦ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠲᠤᠩᠬᠠᠭᠯᠠᠭᠠᠳ ᠪᠠᠶᠢᠪᠠ᠃ ᠰᠲ᠋ᠠᠯᠢᠨ᠄ 《ᠳᠠᠯᠪᠠᠭᠠᠨ ᠳᠡᠭᠡᠷᠡ ᠨᠢ ᠲᠠᠪᠤᠨ ᠲᠠᠪᠤᠨ ᠬᠤᠰᠢᠭᠤ ᠪᠠᠶᠢᠬᠤ ᠶᠤᠮ᠃ ᠲᠡᠷᠡ ᠨᠢ ᠶᠠᠮᠠᠷ ᠤᠴᠢᠷ ᠲᠠᠢ ᠶᠤᠮ ᠪᠣᠯ︖》 ᠭᠡᠵᠦ ᠠᠰᠠᠭᠤᠭᠰᠠᠨ ᠳᠤ ᠴᠣᠶᠢᠪᠠᠯᠰᠠᠩ 《ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠤᠯᠤᠰ ᠲᠤ ᠨᠢ ᠪᠠᠭᠲᠠᠭᠰᠠᠨ ᠲᠠᠪᠤᠨ ᠦᠨᠳᠦᠰᠦᠲᠡᠨ》 ᠭᠡᠰᠡᠨ ᠢᠶᠡᠨ ᠰᠢᠷᠡᠭᠡᠨ ᠦ ᠡᠵᠡᠨ ᠤᠷᠤᠭᠤ ᠰᠦᠷᠡᠬᠡᠢ ᠬᠠᠷᠠᠭᠰᠠᠨ ᠢᠶᠠᠨ᠄ 《ᠲᠡᠳᠡᠨ ᠦ ᠳᠣᠲᠣᠷᠠ ᠪᠠᠰᠠ ᠮᠣᠩᠭᠣᠯᠴᠤᠳ ᠪᠠᠶᠢᠭᠠ ᠰᠢᠦ》 ᠭᠡᠵᠡᠢ᠃ ᠮᠠᠷᠱᠠᠯ ᠢ ᠳᠠᠭᠠᠯᠳᠤᠵᠤ ᠶᠠᠪᠤᠭᠰᠠᠨ ᠰᠢᠷᠠᠪ ᠬᠣᠵᠢᠮ ᠨᠢ ᠪ ∙ ᠰᠢᠷᠡᠩᠳᠡᠪ ᠲᠦ ᠶᠠᠷᠢᠭᠰᠠᠨ ᠢᠶᠠᠷ ᠪᠣᠯ ᠴᠣᠶᠢᠪᠠᠯᠰᠠᠩ ᠲᠡᠷᠡ ᠡᠳᠦᠷ ᠬᠡᠳᠦ ᠬᠡᠳᠦᠨ ᠤᠳᠠᠭᠠ ᠥᠪᠥᠷ ᠮᠣᠩᠭᠣᠯ ᠤᠨ ᠲᠠᠯᠠ ᠪᠠᠷ ᠶᠠᠷᠢᠶᠠ ᠡᠳᠥᠬᠦ ᠭᠡᠰᠡᠨ ᠪᠣᠯᠪᠠᠴᠤ ᠰᠲ᠋ᠠᠯᠢᠨ ᠶᠠᠷᠢᠶᠠ ᠶᠢ ᠥᠭᠡᠷᠡ ᠰᠡᠳᠦᠪ ᠤᠷᠤᠭᠣ ᠰᠢᠯᠵᠢᠭᠦᠯᠦᠭᠡᠳ ᠪᠠᠶᠢᠵᠠᠢ᠃
ᠮᠠᠷᠭᠠᠰᠢ ᠨᠢ ᠴᠣᠶᠢᠪᠠᠯᠰᠠᠩ ᠨᠥᠭᠥᠭᠡ ᠯᠠ ᠰᠡᠳᠬᠢᠯ ᠢ ᠨᠢ ᠵᠣᠪᠠᠭᠠᠭᠰᠠᠨ ᠵᠦᠢᠯ ᠦᠨ ᠢᠶᠡᠨ ᠲᠤᠬᠠᠢ ᠶᠠᠷᠢᠬᠤ ᠭᠡᠰᠡᠨ ᠳᠦ ᠰᠲ᠋ᠠᠯᠢᠨ᠄ 《ᠴᠢ ᠨᠠᠭᠠᠳᠤᠬᠢ ᠪᠠᠨ ᠨᠠᠳᠠ ᠲᠠᠢ ᠪᠢᠰᠢ ᠮᠠᠣ ᠽᠸ ᠳ᠋ᠦᠩ ᠲᠡᠢ ᠶᠠᠷᠢ》 ᠭᠡᠵᠦ ᠬᠡᠯᠡᠵᠡᠢ᠃
ᠲᠡᠷᠡ ᠪᠡᠷ ᠬᠦᠰᠡᠨ ᠮᠥᠷᠥᠭᠡᠳᠴᠦ ᠪᠠᠶᠢᠭᠰᠠᠨ ᠡᠯᠢᠭᠡ ᠪᠦᠲᠦᠨ ᠨᠢᠭᠡᠳᠦᠭᠰᠡᠨ ᠮᠣᠩᠭᠣᠯ ᠤᠯᠤᠰ ᠢᠶᠠᠨ ᠪᠠᠶᠢᠭᠤᠯᠵᠤ ᠴᠢᠳᠠᠭᠠ ᠦᠭᠡᠢ ᠴᠤ ᠪᠦᠷᠢᠨ ᠡᠷᠬᠡᠲᠦ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠭᠰᠠᠨ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠮᠣᠩᠭᠤᠯ ᠠᠷᠠᠳ ᠤᠯᠤᠰ ᠢ ᠪᠢᠳᠡᠨ ᠳᠦ ᠦᠯᠡᠳᠡᠭᠡᠭᠡᠳ ᠲᠩᠷᠢ ᠶᠢᠨ ᠣᠷᠣᠨ ᠳᠤ ᠪᠠᠨ ᠵᠠᠯᠠᠷᠠᠭᠰᠠᠨ ᠪᠢᠯᠡ᠃
ᠡᠬᠡ ᠰᠤᠷᠪᠤᠯᠵᠢ᠄
ᠯᠧᠣᠨᠢ ᠳᠤ ᠰᠢᠩᠬᠢᠷᠧᠸ 《ᠼᠡᠳᠡᠨᠪᠠᠯ᠂ ᠲᠡᠭᠦᠨ ᠦ ᠴᠠᠭ ᠦᠶᠡ》 1 ᠳ᠋ᠤᠭᠡᠷ ᠳᠡᠪᠲᠡᠷ 76 ᠳᠠᠬᠢ ᠲᠠᠯᠠ᠃
5 
0 
-
353 2023-11-23 11:03
- 1884 2023-09-07 08:40
- 2110 2023-07-05 21:05
- ᠥᠴᠦᠭᠡᠳᠦᠷ ᠡᠴᠡ ᠥᠨᠥᠳᠦᠷ ᠲᠤ ᠬᠦᠷᠭᠡᠬᠦ ᠰᠢᠯᠦᠭ 3729 2018-10-17 16:13
- ᠨᠣᠴᠢᠲᠠᠢ 8527 2018-10-17 14:04
- ᠡᠮ ᠵᠠᠰᠠᠯ 5553 2018-10-14 14:45
- 13847524386 211429899@qq.com 13847524386 QQ 211429899 蒙ICP备17002503号-1
