ᠠᠷᠭᠠᠯ ᠤᠨ ᠤᠲᠤᠭ᠎ᠠ ᠬᠦᠮᠦᠨ ᠦ ᠪᠡᠶ᠎ᠡ ᠳᠦ ᠪᠠᠶᠢᠭ᠎ᠠ 300 ᠭᠠᠷᠤᠢ ᠨᠢᠶᠠᠨ᠂ ᠪᠠᠺᠲ᠋ᠧᠷᠢ ᠶᠢ ᠤᠰᠠᠳᠬᠠᠳᠠᠭ ᠢᠳᠡ ᠰᠢᠳᠢ ᠲᠡᠢ ᠠᠷᠭᠠᠯ ᠤᠨ ᠤᠲᠤᠭ᠎ᠠ ᠪᠣᠷᠭᠢᠯᠣᠭᠰᠠᠨ ᠮᠠᠯᠴᠢᠨ ᠤ ᠭᠡᠷ ᠲᠦ ᠲᠦᠷᠦᠭᠰᠡᠨ ᠪᠢ ᠠᠲᠠᠷ ᠬᠡᠭᠡᠷ᠎ᠡ ᠨᠤᠲᠤᠭ ᠢᠶᠠᠨ ᠥᠯᠥᠭᠡᠢ ᠮᠢᠨᠢ ᠭᠡᠵᠦ ᠪᠣᠳᠣᠳᠠᠭ… ᠭᠡᠵᠦ ᠪᠢᠳᠡ ᠬᠡᠦᠬᠡᠳ ᠪᠠᠶᠢᠬᠤ ᠳᠤ ᠪᠠᠨ ᠡᠨᠡ ᠰᠢᠯᠦᠭ ᠢ ᠮᠥᠨ ᠴᠤ ᠶᠡᠬᠡ ᠤᠩᠰᠢᠳᠠᠭ ᠪᠠᠶᠢᠯ᠎ᠠ᠃ ᠣᠳᠣ ᠴᠤ ᠡᠨᠡ ᠰᠢᠯᠦᠭ ᠢ ᠰᠣᠨᠣᠰᠬᠤ ᠪᠠᠷ ᠠᠷᠭᠠᠯ ᠤᠨ ᠲᠡᠷᠡ 《ᠲᠠᠩᠰᠤᠭ》 ᠭᠣᠶᠣ ᠤᠲᠤᠭ᠎ᠠ ᠦᠨᠦᠷᠲᠡᠬᠦ ᠰᠢᠭ ᠪᠣᠯᠳᠠᠭ ᠶᠤᠮ᠃ ᠬᠣᠲᠠ ᠶᠢᠨ ᠪᠢᠳᠡ ᠴᠤ ᠰᠡᠭᠦᠯ ᠦᠨ ᠦᠶ᠎ᠡ ᠳᠦ ᠨᠡᠭᠦᠷᠡᠰᠦᠨ ᠦ ᠬᠣᠣᠷᠠᠲᠤ ᠤᠲᠤᠭ᠎ᠠ ᠪᠠᠷ ᠠᠮᠢᠰᠬᠤᠯᠠᠭᠰᠠᠭᠠᠷ ᠪᠠᠶᠢᠭᠠᠳ ᠠᠷᠭᠠᠯ ᠤᠨ ᠤᠲᠤᠭᠠᠨ ᠤ ᠬᠢ ᠪᠠᠨ ᠦᠨᠦᠷ ᠢ ᠮᠠᠷᠲᠠᠵᠤ ᠪᠠᠶᠢᠬᠤ ᠰᠢᠭ ᠪᠠᠶᠢᠨ᠎ᠠ ᠳ᠋ᠠ᠃ ᠠᠷᠭᠠᠯ ᠳᠤ ᠠᠷᠢᠭᠤᠰᠬᠠᠬᠤ ᠣᠯᠠᠨ ᠰᠢᠨᠵᠢ ᠪᠠᠶᠢᠳᠠᠭ ᠭᠡᠰᠡᠨ᠃ ᠪᠢᠳᠡ ᠡᠭᠦᠨ ᠢ ᠪᠡᠨ ᠮᠡᠳᠡᠬᠦ ᠦᠭᠡᠢ ᠮᠠᠯ ᠤᠨ ᠪᠠᠭᠠᠰᠤ ᠭᠡᠵᠦ ᠰᠡᠵᠢᠭᠯᠡᠨ ᠲᠣᠭᠣᠷᠢᠵᠤ ᠵᠢᠭᠤᠲᠠᠳᠠᠭ ᠢᠶᠠᠨ ᠨᠢᠭᠤᠭᠠᠳ ᠶᠠᠭᠠᠬᠢᠬᠤ ᠪᠤᠢ᠃ ᠬᠡᠨ ᠬᠦᠮᠦᠨ ᠦᠭᠡᠢ ᠯᠠ ᠮᠡᠳᠡᠵᠦ ᠪᠠᠶᠢᠭ᠎ᠠ ᠶᠤᠮ ᠴᠢᠨᠢ᠃ ᠠᠷᠭᠠᠯ ᠶᠠᠮᠠᠷ ᠰᠢᠳᠢ ᠲᠡᠢ ᠶᠤᠮ ᠪᠣᠯ ᠭᠡᠳ ᠠᠰᠠᠭᠤᠬᠤ ᠪᠠᠷ ᠮᠡᠳᠡᠬᠦ ᠡᠷᠳᠡᠮᠲᠡᠨ ᠳ᠋ᠣᠺᠲ᠋ᠣᠷ ᠲᠤᠩ ᠬᠣᠪᠣᠷ ᠪᠠᠶᠢᠬᠤ ᠶᠤᠮ᠃ ᠬᠦᠮᠦᠨ ᠬᠦᠮᠦᠨ ᠲᠡᠢ ᠠᠭᠤᠯᠵᠠᠭᠠᠳ ᠠᠷᠭᠠᠯ ᠤᠨ ᠲᠤᠬᠠᠢ ᠠᠰᠠᠭᠤᠵᠤ ᠶᠠᠪᠤᠲᠠᠯ᠎ᠠ ᠨᠢᠭᠡ ᠲᠠᠨᠢᠯ ᠮᠠᠨᠢ 《ᠠᠷᠭᠠᠯ ᠢ ᠰᠤᠳᠤᠯᠬᠤ ᠴᠠᠭ ᠨᠢ ᠪᠣᠯᠤᠭᠰᠠᠨ ᠰᠢᠦ᠃ ᠪᠢᠳᠡᠨ ᠡᠴᠡ ᠲᠦᠷᠦᠭᠦᠯᠡᠭᠡᠳ ᠶᠠᠫᠣᠨᠴᠤᠳ ᠠᠷᠭᠠᠯ ᠢ ᠰᠤᠳᠤᠯᠤᠭᠠᠳ ᠢᠳᠢ ᠰᠢᠳᠢ ᠶᠢ ᠨᠢ ᠮᠡᠳᠡᠭᠡᠳ ᠢᠷᠡᠭᠡᠳᠦᠢ ᠶᠢᠨ ᠰᠦᠮᠣ᠋ᠴᠢ ᠳᠤ ᠪᠠᠨ ᠪᠡᠯᠡᠳᠬᠡᠯ ᠳᠦ ᠭᠠᠷᠬᠤ ᠠᠴᠠ ᠨᠢ ᠡᠮᠦᠨ᠎ᠡ ᠠᠷᠭᠠᠯ ᠤᠨ ᠤᠲᠤᠭ᠎ᠠ ᠪᠠᠷ 15 ᠮᠢᠨᠦ᠋ᠲ ᠤᠲᠤᠳᠠᠭ ᠪᠣᠯᠤᠭᠰᠠᠨ ᠪᠠᠶᠢᠨ᠎ᠠ》 ᠭᠡᠵᠦ ᠶᠠᠷᠢᠯ᠎ᠠ᠃ ᠣᠳᠣ ᠠᠴᠠ ᠳᠣᠯᠣᠭᠠᠨ ᠵᠢᠯ ᠦᠨ ᠡᠮᠦᠨ᠎ᠡ ᠶᠠᠫᠣᠨ ᠤ ᠨᠢᠭᠡ ᠡᠷᠳᠡᠮᠲᠡᠨ ᠮᠠᠨ ᠤ ᠤᠯᠤᠰ ᠲᠤ ᠢᠷᠡᠭᠡᠳ ᠠᠷᠭᠠᠯ ᠠᠪᠴᠤ ᠶᠠᠪᠤᠵᠠᠢ᠃ ᠨᠥᠭᠥᠭᠡ ᠶᠠᠫᠣᠨ ᠳ᠋ᠣᠺᠲ᠋ᠣᠷ ᠳᠥᠷᠪᠡᠨ ᠵᠢᠯ ᠦᠨ ᠳᠠᠷᠠᠭ᠎ᠠ ᠳᠠᠬᠢᠨ ᠢᠷᠡᠭᠡᠳ ᠲᠠᠨᠢᠯ ᠡᠷᠳᠡᠮᠲᠡᠨ ᠳᠦ ᠪᠡᠨ 《-ᠲᠠᠨ ᠤ ᠮᠣᠩᠭᠣᠯᠴᠤᠳ 3 ᠵᠢᠯ ᠬᠥᠳᠡᠭᠡ ᠬᠡᠪᠲᠡᠭᠰᠡᠨ ᠦᠬᠡᠷ ᠦᠨ ᠪᠠᠭᠠᠰᠤ ᠶᠢ ᠬᠥᠬᠡ ᠠᠷᠭᠠᠯ ᠭᠡᠵᠦ ᠨᠡᠷᠡᠯᠡᠳᠡᠭ ᠭᠡᠨ᠎ᠡ᠃ ᠲᠡᠭᠦᠨ ᠡᠴᠡ ᠪᠡᠨ ᠣᠯᠵᠤ ᠥᠭᠭᠦᠭᠡᠴᠢ》 ᠭᠡᠵᠦ ᠭᠤᠶᠤᠵᠠᠢ᠃ ᠨᠠᠶᠢᠵᠠ ᠨᠢ ᠴᠤ ᠲᠡᠭᠦᠨ ᠦ ᠬᠦᠰᠡᠯᠲᠡ ᠶᠢ ᠳᠣᠣᠷ᠎ᠠ ᠨᠢ ᠪᠡᠶᠡᠯᠡᠭᠦᠯᠵᠡᠢ᠃ ᠨᠥᠭᠥᠭᠡ ᠡᠷᠳᠡᠮᠲᠡᠨ ᠭᠤᠷᠪᠠᠨ ᠵᠢᠯ ᠬᠥᠳᠡᠭᠡ ᠬᠡᠪᠲᠡᠭᠰᠡᠨ ᠬᠥᠬᠡ ᠠᠷᠭᠠᠯ ᠢ ᠰᠤᠳᠤᠯᠤᠭᠠᠳ ᠠᠭᠠᠷ ᠲᠤ ᠬᠢ 300 ᠭᠠᠷᠤᠢ ᠮᠢᠺᠷᠣᠪ ᠸᠢᠷᠦᠰ ᠢ ᠤᠰᠠᠳᠬᠠᠳᠠᠭ ᠶᠤᠮ ᠪᠠᠶᠢᠨ᠎ᠠ ᠭᠡᠵᠦ ᠳ᠋ᠦᠩᠨᠡᠯᠲᠡ ᠭᠠᠷᠭᠠᠵᠠᠢ᠃ ᠤᠭ ᠨᠢ ᠬᠠᠷᠢ ᠶᠢᠨ ᠡᠨᠡ ᠡᠷᠳᠡᠮᠲᠡᠨ ᠡᠴᠡ ᠡᠮᠦᠨ᠎ᠡ ᠡᠪᠦᠭᠡ ᠳᠡᠭᠡᠳᠦᠰ ᠮᠠᠨᠢ ᠠᠷᠭᠠᠯ ᠤᠨ ᠨᠢᠶᠠᠨ ᠢ ᠤᠰᠠᠳᠬᠠᠬᠤ ᠴᠢᠳᠠᠪᠤᠷᠢ ᠶᠢ ᠮᠡᠳᠡᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠲᠡᠶᠢᠮᠦ ᠳᠦ ᠪᠡᠨ ᠴᠤ ᠲᠡᠳᠡ ᠮᠢᠬ᠎ᠠ ᠶᠢ ᠠᠷᠭᠠᠯ ᠤᠨ ᠤᠲᠤᠭ᠎ᠠ ᠪᠠᠷ ᠤᠲᠤᠳᠠᠭ ᠪᠠᠶᠢᠭᠰᠠᠨ᠃ ᠡᠨᠡ ᠤᠯᠠᠮᠵᠢᠯᠠᠯ ᠣᠳᠣ ᠴᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭ᠎ᠠ ᠶᠢ ᠪᠢᠳᠡ ᠮᠡᠳᠡᠨ᠎ᠡ᠃ ᠪᠠᠰᠠ ᠥᠶᠦᠭᠡᠳᠡᠵᠦ ᠶᠠᠳᠠᠷᠠᠭᠰᠠᠨ ᠮᠠᠯ᠂ ᠲᠠᠮᠢᠷᠳᠠᠵᠤ ᠶᠠᠳᠠᠷᠠᠭᠰᠠᠨ ᠬᠦᠮᠦᠰ ᠢ ᠡᠬᠢᠯᠡᠭᠡᠳ ᠠᠷᠭᠠᠯ ᠤᠨ ᠤᠲᠤᠭ᠎ᠠ ᠪᠠᠷ ᠤᠲᠤᠭᠠᠳ ᠳᠠᠷᠠᠭ᠎ᠠ ᠨᠢ ᠴᠢᠮᠦᠭᠡᠨ ᠦ ᠶᠠᠰᠤ ᠶᠢ ᠴᠣᠬᠢᠭᠠᠳ ᠥᠳᠬᠡᠨ ᠬᠠᠷ᠎ᠠ ᠴᠠᠶ ᠳᠤ ᠴᠢᠨᠠᠵᠤ ᠠᠭᠤᠷ ᠲᠤ ᠨᠢ ᠤᠲᠤᠳᠠᠭ ᠪᠠᠶᠢᠵᠠᠢ᠃ ᠢᠩᠭᠢᠭᠰᠡᠨ ᠢᠶᠡᠷ ᠢᠶᠡᠨ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠡᠨᠧᠷᠭᠢ ᠨᠢ ᠢᠳᠡᠪᠬᠢᠵᠢᠵᠦ ᠣᠶᠤᠨ ᠰᠠᠨᠠᠭ᠎ᠠ ᠨᠢ ᠴᠡᠯᠮᠡᠨ ᠰᠡᠳᠬᠢᠯ ᠰᠠᠨᠠᠭ᠎ᠠ ᠨᠢ ᠲᠠᠶᠢᠪᠤᠰᠢᠷᠠᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠲᠡᠷᠡ ᠪᠠᠶᠢᠲᠤᠭᠠᠢ ᠤᠷᠤᠯᠳᠤᠬᠤ ᠮᠣᠷᠢ ᠪᠠᠨ ᠥᠷᠯᠥᠭᠡ ᠨᠢ ᠠᠷᠭᠠᠯ ᠤᠨ ᠤᠲᠤᠭ᠎ᠠ ᠪᠠᠷ ᠤᠲᠤᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠵᠠᠢ᠃ ᠡᠨᠡ ᠪᠦᠬᠦᠨ ᠢ ᠮᠡᠳᠡᠬᠦ ᠮᠣᠩᠭᠣᠯ ᠬᠦᠮᠦᠨ ᠪᠠᠷᠤᠭ ᠪᠠᠶᠢᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠨᠢ ᠬᠠᠷᠠᠮᠰᠠᠯᠲᠠᠢ᠃ ᠮᠣᠩᠭᠣᠯᠴᠤᠳ ᠰᠡᠭᠦᠯ ᠦᠨ ᠦᠶ᠎ᠡ ᠳᠦ ᠰᠠᠶᠢᠨ ᠲᠠᠨᠢᠳᠠᠭ ᠪᠣᠯᠤᠭᠠᠳ ᠪᠠᠶᠢᠭ᠎ᠠ ᠲᠡᠭᠦᠰ ᠭᠡᠭᠡᠷᠡᠭᠰᠡᠨ ᠶᠡᠬᠡ ᠪᠠᠭᠰᠢ ᠴᠢᠨ ᠬᠠᠢ 《-ᠮᠣᠩᠭᠣᠯ ᠤᠨ ᠮᠠᠯ ᠤᠨ ᠦᠲᠦᠭ ᠪᠠᠭᠤᠴᠠᠨ ᠠᠴᠠ ᠢᠯᠭᠠᠷᠴᠣ ᠪᠠᠶᠢᠭ᠎ᠠ ᠬᠦᠯᠡᠮᠵᠢ ᠶᠢᠨ ᠬᠡᠢ ᠣᠽᠣᠨ ᠤ ᠳᠠᠪᠬᠤᠷᠭ᠎ᠠ ᠶᠢ ᠴᠣᠭᠣᠯᠵᠤ ᠳᠡᠯᠡᠬᠡᠢ ᠳᠦ ᠳᠤᠯᠠᠭᠠᠷᠠᠯ ᠡᠭᠦᠰᠬᠦ ᠨᠢᠭᠡ ᠦᠨᠳᠦᠰᠦ ᠪᠣᠯᠵᠤ ᠪᠠᠶᠢᠨ᠎ᠠ》 ᠭᠡᠵᠦ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳ᠋ᠤ ᠲᠤᠩᠬᠠᠭᠯᠠᠯ᠎ᠠ᠃ ᠥᠪᠡᠷ ᠦᠨ ᠭᠠᠷᠭᠠᠭᠰᠠᠨ ᠳ᠋ᠦᠩᠨᠡᠯᠲᠡ ᠪᠡᠨ ᠪᠠᠲᠤᠯᠠᠬᠤ ᠶᠢᠨ ᠲᠤᠯᠠᠳᠠ ᠴᠢᠨ ᠬᠠᠢ ᠪᠠᠭᠰᠢ ᠣᠯᠠᠨ ᠤᠯᠤᠰ ᠤᠨ ᠪᠠᠭ᠎ᠠ ᠬᠤᠷᠠᠯ ᠢ ᠬᠦᠷᠲᠡᠯ᠎ᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠬᠤ ᠶᠤᠮ᠃ ᠮᠣᠩᠭᠣᠯ ᠳᠤ ᠪᠠᠶᠢᠲᠤᠭᠠᠢ ᠲᠣᠮᠣ ᠲᠣᠮᠣ ᠭᠦᠷᠦᠨ ᠨᠦᠭᠦᠳ ᠲᠦ ᠨᠥᠯᠦᠭᠡᠯᠡᠵᠦ ᠴᠢᠳᠠᠳᠠᠭ ᠡᠨᠡ ᠬᠠᠲᠤᠭᠲᠠᠢ ᠶᠢᠨ ᠦᠭᠡ ᠶᠢ ᠮᠠᠨ ᠤ ᠲᠥᠷᠥ ᠵᠠᠰᠠᠭ ᠤᠨ ᠡᠷᠬᠢᠮ ᠦᠳ ᠪᠣᠯᠤᠨ ᠡᠷᠳᠡᠮᠲᠡᠳ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠵᠥ ᠲᠡᠭᠦᠨ ᠦ ᠰᠠᠨᠠᠯ ᠢ ᠳᠡᠮᠵᠢᠵᠦ ᠬᠥᠯ ᠠᠯᠳᠠᠵᠠᠭᠠᠭᠰᠠᠨ ᠨᠢ ᠭᠠᠶᠢᠬᠠᠯᠲᠠᠢ᠃ 13 ᠍ ᠳᠦᠭᠠᠷ ᠵᠠᠭᠤᠨ ᠳᠤ ᠮᠣᠩᠭᠣᠯ ᠤᠯᠤᠰ ᠣᠳᠣ ᠶᠢᠨ ᠬᠢ ᠠᠴᠠ 6 ᠳᠠᠬᠢᠨ ᠢᠯᠡᠭᠦᠦ ᠪᠤᠶᠤ 250 ᠰᠠᠶ᠎ᠠ ᠮᠠᠯ ᠲᠠᠢ ᠪᠠᠶᠢᠭᠰᠠᠨ ᠭᠡᠰᠡᠨ᠃ ᠲᠡᠷᠡ ᠦᠶ᠎ᠡ ᠳᠦ ᠮᠣᠩᠭᠣᠯ ᠤᠨ ᠮᠠᠯ ᠤᠨ ᠥᠲᠦᠭ ᠪᠠᠭᠤᠴᠠᠨ ᠠᠴᠠ ᠢᠯᠭᠠᠷᠴᠣ ᠪᠠᠶᠢᠭ᠎ᠠ ᠬᠦᠯᠡᠮᠵᠢ ᠶᠢᠨ ᠬᠡᠢ ᠣᠽᠣᠨ ᠤ ᠳᠠᠪᠬᠤᠷᠭ᠎ᠠ ᠶᠢ ᠴᠣᠭᠣᠯᠵᠤ ᠪᠠᠶᠢᠬᠤ ᠨᠢ ᠶᠠᠭᠠᠬᠢᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠴᠤ ᠮᠣᠩᠭᠣᠯ ᠮᠠᠯ ᠮᠢᠩᠭ᠎ᠠ ᠲᠠᠪᠤᠨ ᠵᠠᠭᠤᠭᠠᠳ ᠡᠪᠡᠰᠦ ᠤᠷᠭᠤᠮᠠᠯ ᠢᠳᠡᠳᠡᠭ ᠣᠳᠣ ᠬᠠᠷᠢᠨ ᠴᠥᠯᠵᠢᠯᠲᠡ ᠭᠡᠳ 500-600 ᠡᠪᠡᠰᠦ ᠤᠷᠭᠤᠮᠠᠯ ᠢᠳᠡᠳᠡᠭ ᠪᠣᠯᠵᠠᠢ᠃ ᠡᠭᠦᠨ ᠦ 70-80 ᠬᠤᠪᠢ ᠨᠢ ᠡᠮ ᠦᠨ ᠤᠷᠭᠤᠮᠠᠯ ᠪᠠᠶᠢᠳᠠᠭ᠃ ᠲᠡᠳᠡ ᠡᠨᠡ ᠪᠠᠲᠤᠯᠠᠭ᠎ᠠ ᠨᠣᠲᠠᠯᠠᠭ᠎ᠠ ᠪᠠᠨ ᠳᠡᠯᠡᠬᠡᠢ ᠨᠡᠶᠢᠲᠡ ᠳᠦ ᠴᠠᠴᠤᠬᠤ ᠭᠡᠲᠡᠯ᠎ᠡ ᠬᠦᠯᠡᠮᠵᠢ ᠶᠢᠨ ᠬᠡᠢ ᠣᠽᠣᠨ ᠤ ᠳᠠᠪᠬᠤᠷᠭ᠎ᠠ ᠶᠢ ᠴᠣᠭᠣᠯᠵᠤ ᠳᠡᠯᠡᠬᠡᠢ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠢ ᠳᠤᠯᠠᠭᠠᠷᠠᠭᠤᠯᠵᠤ ᠪᠠᠶᠢᠭ᠎ᠠ ᠭᠡᠳᠡᠭ ᠰᠧᠨᠠᠰᠠᠼᠢ ᠳᠡᠭᠡᠷ᠎ᠡ ᠪᠢᠽᠢᠨ᠋ᠧᠰ ᠢᠶᠡᠨ ᠶᠠᠪᠤᠭᠤᠯᠳᠠᠭ ᠣᠯᠠᠨ ᠣᠯᠢᠭᠠᠷᠬ᠎ᠠ ᠨᠤᠭᠤᠳ ᠪᠣᠯᠤᠨ ᠪᠢᠽᠢᠨ᠋ᠧᠰ ᠦᠨ ᠪᠦᠯᠦᠭ ᠦᠳ ᠦᠨ ᠡᠷᠬᠡ ᠠᠰᠢᠭ ᠲᠤ ᠬᠠᠷᠰᠢᠯᠠᠵᠤ ᠪᠠᠶᠢᠭ᠎ᠠ ᠤᠴᠢᠷ ᠠᠴᠠ ᠳᠠᠨᠢ᠂ ᠠᠮᠧᠷᠢᠺᠠ᠂ ᠹᠷᠠᠨᠼᠢ ᠶᠢᠨ ᠡᠷᠳᠡᠮᠲᠡᠨ ᠤ ᠳ᠋ᠦᠩᠨᠡᠯᠲᠡ ᠶᠢ ᠰᠠᠴᠤᠭᠤᠯᠬᠤ ᠶᠢ ᠬᠦᠰᠡᠬᠦ ᠦᠭᠡᠢ ᠪᠠᠶᠢᠭ᠎ᠠ ᠠᠵᠢ᠃ ᠡᠶᠢᠮᠦ ᠡᠴᠡ 3 ᠣᠷᠣᠨ ᠤ ᠡᠷᠳᠡᠮᠲᠡᠳ ᠪᠠᠷᠢᠮᠲᠠᠲᠤ ᠺᠢᠨᠣ᠋ ᠬᠢᠵᠦ ᠴᠠᠴᠤᠵᠤ ᠪᠠᠶᠢᠭ᠎ᠠ ᠨᠢ ᠡᠨᠡ ᠶᠤᠮ ᠪᠠᠶᠢᠨ᠎ᠠ᠃ ᠡᠭᠦᠨ ᠢ ᠤᠩᠰᠢᠭᠴᠢ ᠡᠷᠬᠢᠮ ᠲᠠ ᠬᠥᠳᠡᠭᠡ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠪᠠᠨ ᠬᠥᠬᠡ ᠠᠷᠭᠠᠯ ᠲᠠᠭᠠᠷᠠᠯᠳᠤᠪᠠᠯ ᠲᠡᠭᠦᠭᠡᠳ ᠥᠪᠡᠷ ᠢ ᠪᠡᠨ ᠨᠢᠭᠡ ᠤᠲᠤᠭᠠᠳ ᠦᠵᠡᠭᠡᠷᠡᠢ᠃ ᠲᠠᠨ ᠳᠤ ᠠᠷᠭᠠᠯ ᠤᠨ ᠢᠳᠢ ᠰᠢᠳᠢ ᠦᠢᠯᠡᠴᠢᠯᠡᠨ᠎ᠡ ᠰᠢᠦ᠃