ᠰᠢᠭᠦᠮᠵᠢ
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠱᠠᠮᠪᠠᠯ ᠠᠴᠠ ᠵᠢᠭᠤᠲᠠᠭᠰᠠᠨ 《ᠨᠢᠭᠦᠯᠲᠡᠨ ᠨᠦᠭᠦᠳ》
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠱᠠᠮᠪᠠᠯ ᠠᠴᠠ ᠵᠢᠭᠤᠲᠠᠭᠰᠠᠨ 《ᠨᠢᠭᠦᠯᠲᠡᠨ ᠨᠦᠭᠦᠳ》
(ᠰᠡᠳᠬᠢᠭᠳᠡᠯ)
5431
2018-12-05 20:04
发表于:内蒙古
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠱᠠᠮᠪᠠᠯ ᠠᠴᠠ ᠵᠢᠭᠤᠲᠠᠭᠰᠠᠨ 《ᠨᠢᠭᠦᠯᠲᠡᠨ ᠨᠦᠭᠦᠳ》
(ᠰᠡᠳᠬᠢᠭᠳᠡᠯ)
《ᠢᠷᠠᠭᠤᠰᠤᠯ》 ᠬᠡᠮᠡᠬᠦ ᠢᠷᠠᠭᠤ ᠲᠡᠭᠦᠯᠳᠡᠷ ᠨᠡᠷᠡᠨ ᠳᠦ ᠪᠡᠨ ᠵᠣᠬᠢᠴᠠᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠳᠠᠭ ᠪᠦᠯᠬᠦᠮ ᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠤᠭᠴᠢ ᠭᠡᠳᠡᠭ ᠢᠶᠡᠷ ᠨᠢ ᠯᠠ ᠡᠴᠢᠨᠡ ᠮᠡᠳᠡᠬᠦ ᠰᠢᠭᠤᠷᠠᠢ ᠶᠢᠨ ᠰᠣᠯᠣᠩᠭᠠ ᠭᠡᠳᠡᠭ ᠪᠦᠰᠡᠭᠦᠢ ᠶᠢᠨ ᠤᠷᠠᠨ ᠪᠦᠲᠦᠭᠡᠯ ᠲᠡᠢ ᠠᠩᠬᠠ ᠲᠠᠨᠢᠯᠴᠠᠭᠠᠳ ᠶᠡᠬᠡᠳᠡ ᠤᠷᠮᠠᠲᠠᠢ ᠪᠠᠢᠨᠠ᠃ 《ᠱᠠᠮᠪᠠᠯ ᠤᠨ ᠴᠡᠩᠬᠡᠷ ᠰᠠᠯᠬᠢ》 ᠵᠣᠬᠢᠶᠠᠯ ᠢᠶᠠᠨ ᠱᠠᠮᠪᠠᠯ ᠠᠴᠠ ᠵᠢᠭᠤᠳᠠᠭᠰᠠᠳ ᠭᠡᠵᠦ ᠳᠠᠪᠬᠤᠷ ᠭᠠᠷᠴᠠᠭ ᠲᠠᠯᠪᠢᠭᠰᠠᠨ ᠨᠢ ᠠᠩᠬᠠᠷᠤᠯ ᠲᠠᠲᠠᠨᠠ᠃ ᠡᠨᠡ ᠵᠣᠬᠢᠶᠠᠯ ᠤᠨ ᠰᠡᠳᠬᠢᠮᠵᠢ ᠲᠤᠩ ᠳᠠᠵᠢ ᠦᠭᠡᠢ᠂ ᠰᠡᠳᠦᠪ ᠨᠢ ᠠᠩᠬᠠᠷᠤᠯ ᠲᠠᠲᠠᠨᠠ᠃ ᠠᠯᠢᠨ ᠪᠣᠯᠭᠠᠨ ᠰᠣᠴ ᠷᠧᠶᠠᠯᠢᠰᠮ ᠤᠨ ᠠᠷᠭᠠ ᠪᠠᠷ ᠪᠢᠴᠢᠭᠳᠡᠭᠰᠡᠨ ᠰᠣ ᠰᠧᠷᠢᠶᠠᠯ ᠤᠨ ᠬᠤᠪᠢᠯᠪᠤᠷᠢ ᠤᠩᠰᠢᠵᠤ ᠰᠠᠭᠤᠬᠤ ᠪᠤᠢ ᠳ᠋ᠡ ᠵᠠᠯᠠᠭᠤᠰ ᠮᠢᠨᠢ︕
ᠬᠦᠮᠦᠨ ᠦ ᠳᠣᠲᠣᠷᠠ ᠲᠠᠯᠠ ᠤᠷᠤᠭᠤ ᠥᠩᠭᠡᠶᠢᠵᠦ ᠦᠵᠡᠭᠰᠡᠨ᠂ ᠣᠷᠣᠰᠢᠬᠤᠢ ᠶᠢ ᠬᠥᠨᠳᠡᠭᠰᠡᠨ ᠡᠶᠢᠮᠦᠷᠬᠡᠦ ᠰᠡᠳᠬᠢᠯᠭᠡᠨ ᠦ ᠵᠣᠬᠢᠶᠠᠯ ᠢ ᠤᠩᠰᠢᠵᠤ ᠰᠡᠳᠬᠢᠯ ᠣᠶᠤᠨ ᠢᠶᠠᠨ ᠪᠠᠶᠠᠰᠬᠠᠭᠠᠰᠠᠢ ᠭᠡᠵᠦ ᠪᠣᠳᠣᠵᠤ ᠪᠠᠶᠢᠨᠠ᠃ ᠤᠭ ᠵᠣᠬᠢᠶᠠᠯ ᠳᠤ ᠪᠠᠷᠠᠭᠤᠨ ᠠᠶᠢᠮᠠᠭ ᠤᠷᠤᠭᠤ ᠠᠶᠠᠯᠠᠵᠤ ᠶᠠᠪᠤᠭᠠ ᠨᠢᠭᠡ ᠠᠮᠧᠷᠢᠺᠠ᠂ ᠬᠣᠶᠠᠷ ᠭᠧᠷᠮᠠᠨ᠂ ᠨᠢᠭᠡ ᠶᠠᠫᠣᠨ ᠵᠢᠭᠤᠯᠴᠢᠨ ᠣᠷᠴᠢᠭᠤᠯᠤᠭᠴᠢ ᠬᠥᠲᠦᠴᠢ ᠣᠶᠤᠮᠠ ᠪᠦᠰᠡᠭᠦᠢ᠂ ᠵᠢᠯᠣᠭᠣᠴᠢ ᠭᠢᠢᠴᠠᠢ ᠨᠠᠷ ᠲᠤ ᠲᠣᠬᠢᠶᠠᠯᠳᠤᠭᠰᠠᠨ ᠰᠣᠨᠢᠨ ᠶᠠᠪᠤᠳᠠᠯ ᠤᠨ ᠲᠤᠬᠠᠢ ᠭᠡᠬᠦ ᠡᠴᠡ ᠪᠡᠨ ᠲᠡᠶᠢᠮᠦ ᠵᠣᠬᠢᠶᠠᠮᠵᠢ ᠪᠣᠳᠣᠵᠤ ᠣᠯᠤᠭᠠᠳ ᠲᠡᠭᠦᠪᠡᠷ ᠢᠶᠡᠨ ᠳᠠᠮᠵᠢᠭᠤᠯᠤᠨ ᠦᠢᠯᠡ ᠶᠢᠨ ᠦᠷᠡ᠂ ᠤᠴᠠᠷᠠᠯ ᠲᠣᠬᠢᠶᠠᠯ᠂ ᠬᠦᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠳᠠᠯᠳᠠ ᠤᠬᠠᠮᠰᠠᠷ ᠤᠨ ᠭᠦᠨ ᠤᠷᠤᠭᠤ ᠨᠡᠪᠲᠡᠷᠡᠬᠦ ᠭᠡᠰᠡᠨ ᠵᠣᠬᠢᠶᠠᠯᠴᠢ ᠶᠢᠨ ᠡᠷᠢᠯ ᠬᠠᠶᠢᠭᠤᠯ ᠦᠨᠡ ᠴᠡᠨᠡ ᠲᠡᠢ ᠪᠠᠶᠢᠨᠠ᠃ ᠭᠡᠨᠡᠳᠲᠡ ᠶᠢᠨ ᠤᠭᠠᠯᠵᠠᠨ ᠰᠢᠭᠤᠷᠭᠠᠨ ᠳᠤ ᠥᠷᠲᠦᠨ ᠰᠡᠩᠬᠡᠷ ᠦᠨ ᠠᠭᠤᠢ ᠳᠤ ᠣᠷᠣᠭᠰᠠᠨ ᠬᠥᠲᠦᠴᠢ ᠣᠶᠤᠮᠠ᠂ ᠭᠧᠷᠮᠠᠨ ᠭᠡᠷ ᠪᠦᠯᠢ ᠶᠢᠨ ᠬᠣᠶᠠᠷ ᠬᠠᠩᠰᠠ᠂ ᠮᠠᠷᠭᠣ ᠪᠣᠯᠤᠨ ᠶᠠᠫᠣᠨ ᠡᠷᠡ ᠲᠠᠴᠤᠶᠠ ᠨᠠᠷ ᠦᠯᠢᠭᠡᠷ ᠳᠣᠮᠣᠭ ᠲᠤ ᠯᠠ ᠣᠷᠣᠰᠢᠬᠤ ᠱᠠᠮᠪᠠᠯ ᠤᠨ ᠡᠭᠦᠳᠡᠨ ᠳᠦ ᠢᠷᠡᠴᠢᠬᠡᠭᠰᠡᠨ ᠪᠠᠶᠢᠬᠤ ᠨᠢ ᠲᠡᠷᠡ᠃ ᠱᠠᠮᠪᠠᠯ ᠤᠨ ᠣᠷᠣᠨ ᠳᠤ ᠨᠡᠪᠲᠡᠷᠡᠬᠦ ᠶᠢᠨ ᠲᠤᠯᠠᠳᠠ᠂ ᠭᠡᠮᠰᠢᠬᠦ᠂ ᠤᠬᠠᠭᠠᠷᠠᠬᠤ᠂ ᠭᠡᠭᠡᠷᠡᠬᠦ ᠭᠡᠰᠡᠨ ᠭᠤᠷᠪᠠᠨ ᠱᠠᠲᠤ ᠶᠢ ᠳᠠᠮᠵᠢᠬᠤ ᠶᠣᠰᠣᠲᠠᠢ᠃ ᠮᠢᠬᠠ ᠴᠢᠰᠤᠨ ᠳᠤ ᠲᠦᠷᠦᠭᠰᠡᠨ ᠬᠥᠮᠥᠨ ᠢ ᠨᠢᠭᠦᠯ ᠭᠡᠭᠴᠢ ᠰᠡᠭᠦᠳᠡᠷ ᠮᠡᠲᠦ ᠳᠠᠭᠠᠬᠤ ᠠᠵᠢ᠃ ᠰᠠᠨᠠᠭᠠ ᠲᠠᠢ᠂ ᠵᠣᠷᠢᠭᠤᠳᠠ ᠪᠢᠰᠢ ᠴᠤ ᠠᠮᠢᠳᠤᠷᠠᠯ ᠤᠨ ᠵᠠᠶᠢᠯᠠᠰᠢ ᠦᠭᠡᠢ ᠲᠣᠬᠢᠶᠠᠯᠳᠤᠯ ᠢᠶᠠᠷ ᠴᠤ ᠶᠤᠮ ᠦᠦ᠂ ᠵᠠᠯᠠᠭᠤ ᠨᠠᠰᠤᠨ ᠤ ᠭᠡᠨᠡᠨ ᠲᠣᠮᠣᠭᠠ ᠦᠭᠡᠢ ᠶᠢᠨ ᠬᠠᠷᠠᠭᠠ ᠪᠠᠷ᠂ ᠨᠢᠭᠡ ᠤᠳᠠᠭᠠ ᠶᠢᠨ ᠪᠣᠯᠴᠢᠮ ᠦᠭᠡᠢ ᠦᠢᠯᠡᠳᠦᠯ ᠡᠴᠡ ᠪᠣᠯᠵᠤ 《ᠨᠢᠭᠦᠯ》 ᠦᠢᠯᠡᠳᠦᠬᠥ᠂ ᠲᠡᠷᠡ ᠦᠢᠯᠡᠳᠦᠭᠰᠡᠨ ᠨᠢᠭᠦᠯ ᠢᠶᠡᠨ ᠳᠠᠯᠳᠠ ᠤᠬᠠᠮᠰᠠᠷ ᠲᠤ ᠪᠠᠨ ᠲᠡᠭᠡᠭᠡᠵᠦ᠂ ᠭᠡᠮᠰᠢᠨ ᠬᠠᠷᠠᠭᠤᠰᠬᠤ ᠶᠠᠪᠤᠳᠠᠯ ᠬᠦᠮᠦᠨ ᠦ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠢ ᠬᠡᠷᠬᠢᠨ ᠰᠢᠨᠠᠯᠭᠠᠵᠤ ᠪᠠᠶᠢᠳᠠᠭ ᠢ ᠯᠠ ᠤᠷᠠᠨ ᠰᠠᠶᠢᠬᠠᠨ ᠢᠶᠠᠷ ᠦᠵᠡᠭᠦᠯᠵᠦ ᠪᠠᠶᠢᠨᠠ ᠳ᠋ᠠ᠃
ᠬᠠᠮᠢᠭᠠᠬᠢ ᠶᠢᠨ ᠬᠡᠨ ᠪᠠᠶᠢᠬᠤ ᠨᠢ ᠬᠠᠮᠢᠶᠠ ᠦᠭᠡᠢ᠂ ᠬᠥᠮᠥᠨ ᠲᠥᠷᠥᠯᠳᠦ ᠭᠡᠳᠡᠭ ᠤᠳᠬᠠ ᠪᠠᠷ ᠢᠶᠠᠨ ᠪᠦᠭᠦᠳᠡ ᠠᠳᠠᠯᠢᠬᠠᠨ ᠵᠣᠪᠠᠵᠤ ᠰᠢᠨᠠᠯᠤᠭᠰᠠᠳ᠃ ᠬᠡᠨ ᠳᠦ ᠴᠤ ᠢᠯᠡ ᠭᠠᠷᠭᠠᠵᠤ ᠬᠡᠯᠡᠳᠡᠭ ᠦᠭᠡᠢ ᠲᠡᠷᠡ ᠳᠠᠯᠳᠠ ᠨᠢᠭᠤᠴᠠ ᠨᠤᠭᠤᠳ ᠬᠦᠮᠦᠨ ᠦ ᠰᠡᠳᠬᠢᠯ ᠡᠴᠡ ᠬᠡᠵᠢᠶᠡ ᠴᠤ ᠭᠠᠷᠬᠤ ᠦᠭᠡᠢ ᠵᠣᠪᠠᠭᠠᠵᠤ ᠶᠠᠪᠤᠳᠠᠭ ᠠᠵᠢ᠃ ᠬᠠᠷᠢᠨ ᠱᠠᠮᠪᠠᠯ ᠤᠨ ᠡᠭᠦᠳᠡᠨ ᠳᠦ ᠢᠷᠡᠭᠰᠡᠨ ᠲᠡᠳᠡ 《ᠨᠢᠭᠦᠯ》 ᠍ ᠲᠡᠭᠡᠨ ᠭᠡᠮᠰᠢᠨ ᠬᠠᠷᠠᠭᠤᠰᠴᠤ᠂ ᠴᠣ ᠰᠢᠨᠡ ᠪᠡᠷ ᠣᠷᠴᠢᠯᠠᠩ ᠢ ᠬᠠᠷᠠᠬᠤ ᠬᠤᠪᠢ ᠵᠠᠶᠠᠭᠠ ᠲᠠᠢ ᠬᠦᠮᠦᠰ ᠠᠵᠢ᠃ ᠲᠡᠳᠡ ᠶᠠᠮᠠᠷ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠬᠦᠮᠦᠰ ᠪᠣᠯ ᠳ᠋ᠠ︖ ᠱᠠᠮᠪᠠᠯ ᠤᠨ ᠡᠭᠦᠳᠡᠨ ᠳᠦ ᠢᠷᠡᠭᠰᠡᠨ ᠲᠡᠳᠡ᠂ ᠱᠠᠮᠪᠠᠯ ᠠᠴᠠ ᠶᠠᠭᠠᠬᠢᠭᠠᠳ ᠵᠢᠭᠤᠲᠠᠬᠤ ᠪᠣᠯᠪᠠ︖ ᠲᠠ ᠰᠣᠨᠢᠷᠬᠠᠵᠤ ᠪᠠᠶᠢᠪᠠᠯ᠂ ᠡᠨᠡ ᠵᠣᠬᠢᠶᠠᠯ ᠠᠴᠠ ᠤᠩᠰᠢᠵᠤ ᠦᠵᠡᠭᠡᠷᠡᠢ︕ ᠪᠣᠭᠣᠨᠢᠬᠠᠨ ᠵᠠᠢ ᠳᠤ᠂ ᠨᠤᠷᠱᠤᠵᠤ ᠰᠤᠨᠵᠢᠷᠠᠯ ᠦᠭᠡᠢ ᠬᠦᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠵᠢᠮᠠ ᠶᠣᠰᠣ ᠶᠢ ᠤᠬᠠᠭᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠡᠨᠡ ᠴᠢᠨᠢ ᠯᠠ ᠲᠣᠮᠣ ᠣᠯᠵᠠ ᠰᠢᠦ︕
ᠶᠠᠫᠣᠨ ᠡᠷᠡ ᠲᠠᠴᠤᠶᠠ ᠶᠢᠨ ᠲᠤᠬᠠᠢ ᠥᠭᠥᠯᠡᠬᠦ ᠳᠦ ᠪᠡᠨ ᠶᠠᠫᠣᠨ ᠤ ᠨᠡᠶᠢᠭᠡᠮ ᠤᠨ ᠡᠮᠭᠡᠨᠢᠯ ᠪᠣᠯᠤᠭᠰᠠᠨ ᠬᠡᠰᠡᠭ ᠢ ᠨᠢ ᠨᠢᠳᠦᠨ ᠳᠦ ᠨᠢ ᠬᠠᠷᠠᠭᠳᠠᠲᠠᠯᠠ ᠪᠣᠳᠠᠲᠠᠢ ᠳᠦᠷᠰᠦᠯᠡᠨ ᠦᠵᠡᠭᠦᠯᠵᠦ ᠪᠠᠶᠢᠨᠠ᠃ 《ᠠᠸᠠᠲ᠋ᠠᠷ》 ᠺᠢᠨᠣᠨ ᠳᠤ ᠭᠠᠷᠳᠠᠭ ᠨᠡᠪᠲᠡ ᠭᠡᠷᠡᠯᠲᠦᠳᠡᠭ ᠠᠷᠢᠭᠤᠨ ᠮᠣᠳᠣ ᠨᠢᠳᠦᠨ ᠳ᠋ᠤ ᠬᠠᠷᠠᠭᠳᠠᠬᠤ ᠰᠢᠭ ᠪᠣᠯᠪᠠ᠃ 《ᠱᠠᠮᠪᠠᠯ ᠪᠣᠯ ᠰᠦᠨᠡᠰᠦ ᠨᠦᠭᠦᠳ ᠦᠨ ᠬᠣᠷᠭᠣᠳᠤᠬᠣ ᠭᠠᠵᠠᠷ ᠪᠢᠰᠢ᠂ ᠭᠡᠭᠡᠷᠡᠭᠰᠡᠨ ᠣᠶᠤᠨ ᠤᠬᠠᠭᠠᠨ ᠤ ᠴᠢᠯᠦᠭᠡᠲᠡᠢ ᠵᠣᠷᠴᠢᠬᠤ ᠠᠮᠤᠷ ᠠᠮᠤᠷᠯᠠᠩᠭᠤᠢ ᠶᠢᠨ ᠣᠷᠣᠨ》- ᠪᠢ ᠡᠶᠢᠮᠦ ᠯᠠ ᠣᠶᠢᠯᠠᠭᠠᠯᠲᠠ ᠠᠪᠤᠯᠠ᠃ ᠬᠠᠷᠢᠨ ᠶᠠᠯᠢᠮ ᠦᠭᠡᠢ ᠲᠣᠬᠢᠶᠠᠯᠳᠤᠯ ᠢᠶᠠᠷ ᠠᠭᠤᠢ ᠳᠤ ᠣᠷᠣᠵᠤ ᠴᠢᠳᠠᠭᠠ ᠦᠭᠡᠢ ᠵᠢᠯᠣᠭᠣᠴᠢ᠂ ᠠᠮᠧᠷᠢᠺᠠ ᠡᠷᠡ ᠬᠣᠶᠠᠷ ᠢ ᠲᠠ ᠰᠣᠨᠢᠷᠬᠠᠵᠤ ᠪᠠᠶᠢᠨᠠ ᠤᠤ︖ ᠠᠮᠧᠷᠢᠺᠠ ᠡᠷᠡ ᠶᠠᠭ ᠮᠢᠨᠦ ᠲᠠᠭᠠᠮᠠᠭᠯᠠᠭᠰᠠᠨ ᠲᠡᠶᠢᠮᠦ ᠡᠲᠡᠭᠡᠳ ᠮᠥᠨ ᠪᠠᠶᠢᠯᠠ᠃ ᠬᠠᠷᠢᠨ ᠡᠭᠡᠯ ᠪᠣᠷᠭᠢᠯ ᠵᠢᠯᠣᠭᠣᠴᠢ ᠭᠢᠢᠴᠠᠢ ᠣᠳᠣᠬᠠᠨ ᠳᠤ ᠪᠠᠨ ᠬᠠᠷᠠᠮᠰᠠᠵᠤ ᠬᠠᠯᠠᠭᠯᠠᠬᠤ ᠪᠠᠷ ᠨᠢᠭᠦᠯ ᠦᠢᠯᠡᠳᠦᠭᠡ ᠦᠭᠡᠢ ᠴᠤ ᠶᠤᠮ ᠦᠦ᠂ ᠡᠰᠡᠪᠡᠯ ᠴᠠᠭ ᠨᠢ ᠪᠣᠯᠤᠭᠠ ᠦᠭᠡᠢ ᠪᠠᠶᠢᠬᠤ ᠭᠡᠵᠦ ᠪᠣᠳᠣᠭᠰᠠᠨ᠃ ᠤᠷᠠᠨ ᠵᠣᠬᠢᠶᠠᠯ ᠤᠨ ᠡᠷᠢᠯ ᠬᠠᠶᠢᠭᠤᠯ ᠬᠢᠵᠦ᠂ ᠪᠣᠳᠣᠵᠤ ᠡᠷᠭᠢᠴᠡᠭᠦᠯᠬᠦ ᠶᠠᠭᠤᠮᠠ ᠲᠠᠢ ᠪᠦᠲᠦᠭᠡᠯ ᠲᠤᠭᠤᠷᠪᠢᠭᠰᠠᠨ ᠵᠣᠬᠢᠶᠠᠯᠴᠢ ᠪᠦᠰᠡᠭᠦᠢ ᠶᠢᠨ ᠥᠭᠡᠷᠡ ᠪᠦᠲᠦᠭᠡᠯ ᠦᠳ ᠲᠡᠢ ᠲᠠᠨᠢᠯᠴᠠᠬᠤ ᠤᠷᠮᠠ ᠵᠣᠷᠢᠭ ᠲᠥᠷᠥᠯᠡ᠃ ᠱᠠᠮᠪᠠᠯ ᠤᠨ ᠬᠠᠭᠠᠯᠭᠠ᠂ ᠱᠠᠮᠪᠠᠯ ᠤᠨ ᠣᠷᠣᠨ ᠬᠦᠮᠦᠨ ᠪᠦᠬᠦᠨ ᠦ ᠡᠮᠦᠨᠡ ᠨᠡᠭᠡᠭᠡᠯᠲᠡ ᠲᠡᠢ᠃ ᠬᠠᠷᠢᠨ ᠪᠢᠳᠡ ᠶᠠᠭᠠᠬᠢᠭᠠᠳ ᠱᠠᠮᠪᠠᠯ ᠠᠴᠠ ᠵᠢᠭᠤᠲᠠᠳᠠᠭ ᠪᠤᠢ︖
4 0