ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ (ᠹᠧᠯᠧᠲ᠋ᠣᠨ)
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ (ᠹᠧᠯᠧᠲ᠋ᠣᠨ)
3812
2018-12-19 20:11
发表于:内蒙古
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ (ᠹᠧᠯᠧᠲ᠋ᠣᠨ)
ᠡᠷᠡᠬᠡᠢ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠡᠰᠬᠡᠭᠰᠡᠨ ᠲᠠᠩᠭᠠᠷᠢᠭ ᠮᠢᠨᠢ ᠳᠡᠩᠳᠡᠭᠦᠦ ᠬᠠᠭᠤᠷᠮᠠᠴᠢ
ᠰᠠᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠦ ᠥᠭᠡᠳᠡ ᠡᠴᠡ ᠠᠷᠠᠴᠠᠯᠴᠠᠨ
ᠰᠠᠯᠠᠭᠠᠪᠴᠢ ᠥᠭᠭᠦᠨ ᠠᠭᠠᠷᠬᠠᠵᠤ ᠶᠠᠪᠤᠭᠠ ᠪᠢ
ᠳᠣᠯᠣᠪᠣᠷ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠳᠣᠲᠣᠷᠠ ᠰᠠᠨᠠᠭᠠ ᠶᠢ ᠮᠢᠨᠢ ᠤᠬᠣᠪᠠᠯ ᠨᠢᠳᠦ ᠢᠢ ᠨᠢ ᠰᠣᠬᠣ ᠬᠠᠳᠬᠤᠬᠤ
ᠳᠣᠯᠣᠭᠠᠨ ᠪᠤᠯᠴᠢᠷᠬᠠᠢ ᠶᠢ ᠮᠢᠨᠢ ᠲᠣᠭᠠᠴᠢᠪᠠᠯ ᠭᠣᠬᠠ ᠠᠳᠬᠤᠬᠤ
ᠳᠣᠯᠣᠪᠣᠷ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠳᠤᠮᠳᠠ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠳᠤᠲᠠᠭᠳᠠᠯ ᠢ ᠮᠢᠨᠢ ᠬᠡᠯᠡᠵᠦ ᠳᠤᠷᠠ ᠦᠭᠡᠢ ᠬᠦᠷᠭᠡᠪᠡᠯ
ᠳᠤᠷᠠ ᠪᠠᠷ ᠢᠶᠠᠨ ᠭᠣᠵᠣᠶᠢᠵᠤ ᠴᠢᠳᠠᠳᠠᠭ
ᠳᠤᠷᠠᠯᠠᠯᠳᠤ ᠬᠡᠦᠬᠡᠨ ᠨᠦᠭᠦᠳ ᠦᠨ ᠨᠠᠨᠳᠢᠨ ᠭᠠᠵᠠᠷ ᠲᠤ
ᠳᠤᠷᠠ ᠶᠢ ᠠᠰᠬᠠᠷᠠᠲᠠᠯᠠ ᠪᠦᠵᠢᠵᠦ ᠴᠢᠳᠠᠳᠠᠭ
ᠳᠤᠮᠳᠠ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠢᠳᠠᠮ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠢᠨᠠᠭ ᠤᠨ ᠠᠯᠮᠠᠰ ᠪᠥᠭᠡᠵᠢ ᠵᠡᠭᠦᠵᠦ ᠭᠠᠩᠭᠠᠷᠠᠭᠰᠠᠨ
ᠶᠠᠩᠪᠠᠯᠠᠵᠤ᠂ ᠰᠡᠷᠵᠢᠮ ᠡᠷᠭᠦᠵᠦ ᠪᠠᠶᠠᠷᠬᠠᠭᠰᠠᠨ
ᠡᠯᠳᠡᠪ ᠪᠦᠬᠦᠨ ᠳᠦ ᠣᠷᠢᠶᠠᠴᠠᠯᠳᠤᠵᠤ
ᠡᠳ᠋ ᠪᠠᠶᠠᠯᠢᠭ ᠲᠤ ᠰᠢᠨᠤᠵᠤ
ᠢᠳᠠᠮ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠰᠢᠭᠡᠵᠡᠢ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠴᠢᠬᠢ ᠦᠭᠡᠢ ᠲᠣᠯᠣᠭᠠᠢ ᠰᠢᠭ ᠴᠢᠭ ᠢᠶᠡᠷ ᠢᠶᠡᠨ ᠳᠠᠭᠠᠷᠢᠵᠤ
ᠴᠢᠭᠴᠢᠯᠡᠭᠦᠷ ᠮᠡᠲᠦ ᠪᠤᠰᠤᠳ ᠤᠨ ᠠᠮᠠᠨ ᠳᠤ ᠣᠷᠣᠵᠤ
ᠲᠠᠩᠭᠠᠷᠢᠭ ᠠᠴᠠ ᠪᠠᠨ ᠨᠢᠴᠤᠵᠤ ᠵᠠᠩᠭᠤᠷᠭᠠ ᠠᠴᠠ ᠪᠠᠨ ᠤᠬᠤᠷᠢᠭᠰᠠᠨ
ᠲᠠᠰᠣ ᠣᠭᠲᠣᠯᠤᠭᠤᠯᠬᠤ ᠳᠤ ᠪᠡᠯᠡᠨ
ᠴᠢᠭ᠍ᠴᠢᠲᠡᠢ ᠬᠤᠷᠤᠭᠤ ᠰᠢᠭ ᠢᠶᠡᠨ ᠶᠠᠪᠤᠭᠠ ᠪᠢ
ᠰᠢᠳᠤᠷᠭᠤ ᠦᠨᠡᠨ ᠡᠴᠡ ᠤᠷᠪᠠᠵᠤ ᠪᠥᠭᠰᠡ ᠳᠣᠯᠢᠶᠠᠭᠰᠠᠨ
ᠱᠤᠤ ᠶᠢᠨ ᠮᠢᠬᠠ ᠪᠠᠨ ᠲᠠᠰᠤᠷᠠᠲᠠᠯᠠ ᠬᠤᠳᠠᠯ ᠶᠠᠷᠢᠭᠰᠠᠨ
ᠡᠨᠡ ᠮᠠᠭᠤ ᠬᠣᠶᠠᠷ ᠭᠠᠷ ᠰᠢᠭ ᠢᠶᠡᠨ ᠯᠠ
ᠡᠴᠦᠰ ᠦᠨ ᠡᠴᠦᠰ ᠲᠦ ᠡᠷᠡᠬᠡᠢ ᠬᠤᠷᠤᠭᠤ ᠰᠢᠭ ᠢᠶᠡᠨ
ᠰᠣᠯᠢᠶᠠᠲᠠᠢ ᠦᠭᠡᠨ ᠳᠦ ᠮᠢᠨᠢ ᠬᠠᠭᠤᠷᠲᠠᠵᠤ ᠨᠠᠮᠠ ᠢᠢ ᠭᠠᠷᠭᠠᠭᠰᠠᠨ
ᠰᠣᠩᠭᠣᠭᠴᠢ ᠲᠠ ᠨᠠᠷ ᠲᠤ ᠲᠣᠮᠣ ᠠᠴᠠ ᠲᠣᠮᠣ ᠰᠠᠯᠠᠭᠠᠪᠴᠢ ᠥᠭᠭᠦᠯᠡ᠃
3 0