ᠨᠣᠮ ᠤᠩᠰᠢᠳᠠᠭ ᠬᠡᠦᠬᠡᠳ ᠢᠷᠡᠭᠡᠳᠦᠢ ᠳ᠋ᠤ 2.5 ᠳᠠᠬᠢᠨ ᠴᠠᠯᠢᠩ ᠠᠪᠤᠨᠠ
ᠨᠣᠮ ᠤᠩᠰᠢᠳᠠᠭ ᠬᠡᠦᠬᠡᠳ ᠢᠷᠡᠭᠡᠳᠦᠢ ᠳ᠋ᠤ 2.5 ᠳᠠᠬᠢᠨ ᠴᠠᠯᠢᠩ ᠠᠪᠤᠨᠠ
16656
2018-12-25 15:02
发表于:内蒙古
ᠨᠣᠮ ᠤᠩᠰᠢᠳᠠᠭ ᠬᠡᠦᠬᠡᠳ ᠢᠷᠡᠭᠡᠳᠦᠢ ᠳ᠋ᠤ 2.5 ᠳᠠᠬᠢᠨ ᠴᠠᠯᠢᠩ ᠠᠪᠤᠨᠠ
ᠬᠡᠦᠬᠡᠳ ᠢᠶᠡᠨ ᠡᠳᠦᠷ ᠪᠦᠷᠢ 10-20 ᠮᠢᠨᠦ᠋ᠲ ᠨᠣᠮ ᠤᠩᠰᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠬᠦᠮᠦᠨ ᠦ ᠲᠠᠷᠢᠬᠢᠨ ᠳᠤ ᠨᠡᠶᠢᠲᠡ 1.4 ᠲᠡᠷᠪᠤᠮ ᠣᠷᠴᠢᠮ ᠡᠰ ᠡᠭᠦᠷᠭᠡ ᠭᠦᠢᠴᠡᠳᠭᠡᠳᠡᠭ᠃ ᠡᠭᠦᠨ ᠦ 80 ᠬᠤᠪᠢ ᠨᠢ ᠭᠤᠷᠪᠠᠨ ᠨᠠᠰᠤ ᠬᠦᠷᠬᠦ ᠳᠦ ᠬᠡᠳᠦᠶᠢᠨ ᠪᠥᠷᠢᠯᠳᠦᠨ ᠲᠣᠭᠲᠠᠭᠰᠠᠨ ᠪᠠᠶᠢᠳᠠᠭ ᠠᠵᠢ᠃ ᠬᠡᠦᠬᠡᠳ ᠲᠥᠷᠦᠭᠡᠳ ᠵᠢᠷᠭᠤᠭᠠᠨ ᠰᠠᠷᠠ ᠪᠣᠯᠬᠤ ᠳᠤ ᠯᠠ ᠲᠠᠷᠢᠬᠢᠨ ᠤ ᠬᠥᠭᠵᠢᠯ ᠦᠨ ᠬᠢ ᠨᠢ 50 ᠬᠤᠪᠢ ᠪᠦᠷᠢᠯᠳᠦᠳᠡᠭ ᠭᠡᠬᠦ ᠪᠡᠷ ᠠᠰᠤᠷᠤ ᠬᠤᠷᠳᠤᠴᠠ ᠲᠠᠢ ᠬᠥᠭᠵᠢᠳᠡᠭ ᠢ ᠢᠯᠡᠳᠬᠡᠨᠡ᠃ ᠴᠤᠬᠤᠮ ᠡᠨᠡ ᠦᠶᠡ ᠳᠦ ᠬᠡᠦᠬᠡᠳ ᠢ ᠶᠠᠮᠠᠷ ᠬᠦᠮᠦᠨ ᠪᠣᠯᠭᠠᠬᠤ ᠳᠤ ᠠᠩᠬᠠᠷᠬᠤ ᠶᠣᠰᠣᠲᠠᠢ ᠶᠢ ᠶᠠᠫᠣᠨ ᠤ ᠡᠷᠳᠡᠮᠲᠡᠨ ᠮᠠᠰᠠᠷᠤ ᠢᠪᠤᠶᠢ ᠶᠢᠨ 《3 ᠨᠠᠰᠤ ᠬᠦᠷᠬᠦ ᠳᠦ ᠣᠷᠣᠶᠢᠳᠤᠨᠠ》 ᠨᠣᠮ ᠳᠤ ᠦᠭᠦᠯᠡᠭᠰᠡᠨ ᠪᠠᠶᠢᠳᠠᠭ᠃
ᠨᠡᠶᠢᠰᠯᠡᠯ ᠦᠨ ᠢᠷᠭᠡᠳ ᠦᠨ ᠲᠥᠯᠥᠭᠡᠯᠡᠭᠴᠢᠳ ᠦᠨ ᠬᠤᠷᠠᠯ ᠤᠨ ᠨᠡᠶᠢᠭᠡᠮ ᠤᠨ ᠪᠣᠳᠣᠯᠭᠠ ᠶᠢᠨ ᠬᠣᠷᠢᠶᠠ 《ᠮᠣᠩᠭᠣᠯ ᠬᠦᠮᠦᠨ》 ᠬᠦᠮᠦᠵᠢᠯ ᠦᠨ ᠠᠶᠠᠨ ᠤ ᠬᠦᠷᠢᠶᠡᠨ ᠳᠦ 《ᠤᠩᠰᠢᠯᠭᠠ ᠶᠢ ᠳᠡᠮᠵᠢᠬᠦ ᠬᠥᠲᠥᠯᠪᠦᠷᠢ》 ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠬᠡᠦᠬᠡᠳ ᠢ ᠨᠣᠮ ᠳᠤ ᠳᠤᠷᠠᠲᠠᠢ ᠪᠣᠯᠭᠠᠬᠤ ᠠᠵᠢᠯ ᠤᠳ ᠢ ᠬᠢᠵᠦ ᠡᠬᠢᠯᠡᠯᠡ᠃ ᠶᠠᠭᠤᠨ ᠤ ᠡᠮᠦᠨᠡ ᠡᠷᠳᠡᠮᠲᠡᠳ ᠦᠨ ᠰᠤᠳᠤᠯᠭᠠᠨ ᠳᠤ ᠦᠨᠳᠦᠰᠦᠯᠡᠨ ᠬᠡᠦᠬᠡᠳ ᠦᠨ ᠨᠠᠰᠤ ᠨᠠᠰᠤᠨ ᠳᠤ ᠨᠢ ᠲᠣᠬᠢᠷᠠᠭᠰᠠᠨ ᠶᠠᠮᠠᠷ ᠨᠣᠮ ᠤᠩᠰᠢᠬᠤ ᠶᠣᠰᠣᠲᠠᠢ ᠶᠢ ᠲᠣᠳᠣᠷᠬᠠᠶᠢᠯᠠᠵᠠᠢ᠃ 0-24 ᠰᠠᠷᠠ ᠲᠠᠢ ᠳᠤ ᠥᠨᠴᠥᠭ ᠮᠣᠬᠣᠭᠠ᠂ 10 ᠍ ᠠᠴᠠ ᠳᠣᠭᠣᠭᠰᠢ ᠬᠠᠭᠤᠳᠠᠰᠤ ᠲᠠᠢ᠂ ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠰᠡᠳᠦᠪ ᠪᠦᠬᠦᠢ᠂ ᠲᠣᠭᠯᠠᠭᠠᠮ ᠤᠨ ᠬᠡᠯᠪᠡᠷᠢ ᠳᠦ ᠣᠷᠣᠭᠤᠯᠤᠭᠰᠠᠨ᠂ ᠳᠠᠷᠤᠳᠠᠭ᠂ ᠲᠦᠯᠬᠢᠳᠡᠭ᠂ ᠳᠤᠤᠭᠠᠷᠳᠠᠭ᠂ ᠬᠦᠮᠦᠨ ᠦ ᠪᠡᠶᠡ ᠳᠦ ᠬᠠᠷᠰᠢᠯᠠᠬᠤ ᠦᠭᠡᠢ ᠥᠩᠭᠡ ᠪᠤᠳᠤᠭ ᠲᠠᠢ ᠨᠣᠮ ᠪᠠᠶᠢᠬᠤ ᠶᠣᠰᠣᠲᠠᠢ ᠭᠡᠨᠡ᠃
ᠬᠠᠷᠢᠨ 2-5 ᠨᠠᠰᠤᠲᠠᠢ ᠬᠡᠦᠬᠡᠳ ᠲᠦ ᠵᠣᠷᠢᠭᠤᠯᠤᠭᠰᠠᠨ ᠨᠣᠮ ᠨᠢ ᠶᠠᠷᠢᠶᠠᠨ ᠤ ᠤᠷᠠ ᠴᠢᠳᠠᠪᠤᠷᠢ ᠶᠢ ᠳᠡᠮᠵᠢᠭᠰᠡᠨ ᠪᠣᠭᠣᠨᠢ ᠦᠯᠢᠭᠡᠷ᠂ ᠰᠢᠯᠦᠭ ᠪᠦᠬᠦᠢ ᠵᠢᠷᠤᠭᠲᠤ ᠬᠠᠭᠤᠳᠠᠰᠤ ᠲᠠᠢ ᠲᠠᠨᠢᠨ ᠮᠡᠳᠡᠬᠦᠢ ᠶᠢᠨ ᠵᠣᠷᠢᠯᠭᠠ ᠲᠠᠢ ᠪᠥᠭᠡᠳ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠶᠢ ᠬᠠᠷᠠᠭᠠᠯᠵᠠᠨ ᠦᠵᠡᠭᠰᠡᠨ ᠪᠠᠶᠢᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠶᠢ ᠣᠨᠴᠠᠯᠠᠵᠠᠢ᠃ ᠡᠴᠢᠭᠡ᠂ ᠡᠬᠡᠴᠦᠳ ᠬᠡᠦᠬᠡᠳ ᠦᠨ ᠢᠶᠡᠨ ᠨᠠᠰᠤ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ ᠨᠣᠮ ᠢ ᠰᠣᠩᠭᠣᠵᠤ ᠴᠢᠳᠠᠳᠠᠭ ᠦᠭᠡᠢ ᠨᠢ ᠬᠡᠦᠬᠡᠳ ᠢ ᠨᠣᠮ ᠲᠠᠢ ᠣᠶᠢᠷᠠᠲᠤᠭᠤᠯᠬᠤ ᠳᠤ ᠪᠡᠷᠬᠡᠰᠢᠶᠡᠯ ᠪᠣᠯᠳᠠᠭ᠃ ᠲᠡᠶᠢᠮᠦ ᠡᠴᠡ 2-16 ᠨᠠᠰᠤᠨ ᠳᠤ ᠪᠠᠨ ᠬᠡᠨ ᠦ᠂ ᠶᠠᠮᠠᠷ ᠵᠣᠬᠢᠶᠠᠯ ᠤᠩᠰᠢᠭᠰᠠᠨ ᠪᠠᠶᠢᠬᠤ ᠶᠢ ᠵᠥᠪᠯᠡᠭᠰᠡᠨ ᠵᠢᠭᠰᠠᠭᠠᠯᠲᠠ ᠭᠠᠷᠭᠠᠵᠠᠢ᠃
ᠨᠣᠮ ᠤᠩᠰᠢᠬᠤ ᠶᠢ ᠰᠢᠳᠦ ᠤᠭᠢᠶᠠᠬᠤ ᠲᠠᠢ ᠠᠳᠠᠯᠢ ᠳᠠᠳᠤᠯ ᠪᠣᠯᠭᠠᠬᠤ ᠪᠣᠯᠤᠮᠵᠢ ᠲᠠᠢ
ᠨᠣᠮ ᠤᠩᠰᠢᠳᠠᠭ ᠬᠡᠦᠬᠡᠳ ᠲᠡᠢ ᠪᠣᠯᠬᠤ ᠶᠢᠨ ᠲᠤᠯᠠᠳᠠ ᠲᠦᠷᠦᠭᠰᠡᠨ ᠴᠠᠭ ᠠᠴᠠ ᠨᠢ ᠡᠬᠢᠯᠡᠵᠦ ᠰᠤᠷᠭᠠᠬᠤ ᠬᠡᠷᠡᠭᠲᠡᠢ᠃ ᠬᠡᠦᠬᠡᠳ ᠦᠨ ᠭᠤᠷᠪᠠᠨ ᠨᠠᠰᠤ ᠬᠦᠷᠲᠡᠯᠡᠬᠢ ᠬᠥᠭᠵᠢᠯ ᠦᠨ ᠶᠠᠪᠤᠴᠠ ᠳᠤ ᠲᠠᠷᠢᠬᠢᠨ ᠳᠤ ᠨᠢ 《ᠨᠣᠮ》 ᠭᠡᠰᠡᠨ ᠪᠦᠯᠦᠭ ᠲᠣᠭᠲᠠᠯᠴᠠᠭᠠ ᠡᠭᠦᠰᠬᠡᠭᠰᠡᠨ ᠢᠶᠡᠷ ᠤᠩᠰᠢᠳᠠᠭ ᠬᠦᠮᠦᠨ ᠢ ᠲᠥᠯᠦᠪᠰᠢᠭᠦᠯᠵᠦ ᠴᠢᠳᠠᠳᠠᠭ᠃ ᠡᠶᠢᠮᠦ ᠡᠴᠡ 2019 ᠣᠨ ᠠᠴᠠ ᠨᠡᠶᠢᠰᠯᠡᠯ ᠦᠨ ᠬᠡᠮᠵᠢᠶᠡᠨ ᠳᠦ ᠡᠷᠦᠬᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠲᠥᠪ ᠢᠶᠡᠷ ᠳᠠᠮᠵᠢᠭᠤᠯᠤᠨ ᠭᠡᠷ ᠪᠦᠯᠢ᠂ ᠡᠴᠢᠭᠡ ᠡᠬᠡᠴᠦᠳ ᠲᠦ ᠬᠡᠦᠬᠡᠳ ᠦᠨ ᠣᠶᠤᠨ ᠤᠬᠠᠭᠠᠨ ᠤ ᠬᠥᠭᠵᠢᠯ ᠢ ᠲᠦᠷᠦᠭᠰᠡᠨ ᠴᠠᠭ ᠠᠴᠠ ᠨᠢ ᠡᠬᠢᠯᠡᠨ ᠳᠡᠮᠵᠢᠬᠦ ᠠᠵᠢᠯ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ᠂ ᠲᠠᠨᠢᠨ ᠮᠡᠳᠡᠬᠦᠢ ᠶᠢᠨ ᠮᠠᠲ᠋ᠧᠷᠢᠶᠠᠯ᠂ ᠵᠥᠪᠯᠡᠯᠭᠡ ᠶᠢ ᠪᠠᠭᠴᠠ ᠨᠣᠮ ᠲᠠᠢ ᠨᠢ ᠥᠭᠴᠦ᠂ ᠰᠤᠷᠭᠠᠯᠲᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠳᠠᠭ ᠪᠣᠯᠭᠠᠬᠤ ᠪᠠᠷ ᠲᠥᠯᠥᠪᠯᠡᠵᠦ ᠪᠠᠶᠢᠨᠠ᠃
《ᠬᠡᠦᠬᠡᠳ ᠢ ᠤᠬᠠᠭᠠᠨ ᠣᠷᠣᠭᠰᠠᠨ ᠴᠠᠭ ᠠᠴᠠ ᠨᠢ ᠲᠣᠭᠯᠠᠭᠠᠮ ᠲᠣᠭᠯᠠᠳᠠᠭ ᠰᠢᠭ ᠢᠶᠡᠨ ᠨᠣᠮ ᠲᠠᠢ ᠨᠥᠬᠥᠷᠯᠡᠳᠡᠭ ᠪᠣᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠮᠦᠨᠡᠬᠢ ᠨᠠᠰᠤᠨ ᠠᠴᠠ ᠨᠢ ᠡᠬᠢᠯᠡᠨ ᠠᠩᠬᠠᠷᠴᠤ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠷ ᠢᠶᠠᠨ ᠣᠨᠴᠠᠯᠢᠭ ᠶᠤᠮ᠃ ᠬᠡᠦᠬᠡᠳ ᠢ ᠰᠢᠳᠦ ᠪᠡᠨ ᠤᠭᠢᠶᠠᠳᠠᠭ ᠰᠢᠭ ᠨᠢ ᠨᠣᠮ ᠤᠩᠰᠢᠬᠤ ᠳᠠᠳᠤᠯ ᠵᠤᠷᠰᠢᠯ ᠲᠠᠢ ᠪᠣᠯᠭᠠᠬᠤ ᠪᠣᠯᠤᠮᠵᠢ ᠲᠠᠢ》 ᠭᠡᠵᠦ ᠨᠡᠶᠢᠰᠯᠡᠯ ᠦᠨ ᠢᠷᠭᠡᠳ ᠦᠨ ᠲᠥᠯᠥᠭᠡᠯᠡᠭᠴᠢᠳ ᠦᠨ ᠬᠤᠷᠠᠯ ᠤᠨ ᠨᠡᠶᠢᠭᠡᠮ ᠤᠨ ᠪᠣᠳᠣᠯᠭᠠ ᠶᠢᠨ ᠬᠣᠷᠢᠶᠠᠨ ᠤ ᠳᠠᠷᠤᠭᠠ᠂ 《ᠤᠩᠰᠢᠯᠭᠠ ᠶᠢ ᠳᠡᠮᠵᠢᠬᠦ ᠬᠥᠲᠥᠯᠪᠦᠷᠢ》 ᠶᠢᠨ ᠰᠠᠨᠠᠭᠠᠴᠢᠯᠠᠭᠴᠢ ᠳ ∙ ᠮᠥᠩᠬᠡᠵᠢᠷᠭᠠᠯ ᠶᠠᠷᠢᠯᠠ᠃ 0-5 ᠨᠠᠰᠤᠲᠠᠢ ᠳᠤ ᠬᠡᠦᠬᠡᠳ ᠲᠦ ᠪᠡᠨ ᠨᠣᠮ ᠤᠩᠰᠢᠵᠤ᠂ ᠬᠠᠷᠢᠯᠴᠠᠨ ᠶᠠᠷᠢᠵᠤ ᠥᠭᠭᠦᠭᠰᠡᠨ ᠢᠶᠡᠷ ᠦᠭᠡ ᠶᠢᠨ ᠪᠠᠶᠠᠯᠢᠭ ᠢ ᠳᠥᠷᠪᠡ ᠳᠠᠬᠢᠨ ᠨᠡᠮᠡᠭᠳᠡᠭᠦᠯᠵᠦ᠂ ᠲᠠᠷᠢᠬᠢᠨ ᠤ ᠬᠥᠭᠵᠢᠯ ᠢ 90 ᠬᠤᠪᠢ ᠳᠤ ᠬᠦᠷᠭᠡᠳᠡᠭ᠃
ᠲᠡᠭᠦᠨᠴᠢᠯᠡᠨ ᠬᠡᠦᠬᠡᠳ ᠲᠡᠢ ᠪᠡᠨ ᠨᠣᠮ ᠤᠩᠰᠢᠵᠤ᠂ ᠴᠠᠭ ᠢ ᠦᠷᠡ ᠪᠦᠲᠦᠭᠡᠯ ᠲᠡᠢ ᠥᠩᠭᠡᠷᠡᠭᠦᠯᠳᠡᠭ ᠭᠡᠷ ᠪᠦᠯᠢ ᠳᠦ ᠥᠰᠦᠭᠰᠡᠨ ᠳᠥᠷᠪᠡᠨ ᠨᠠᠰᠤᠲᠠᠢ ᠬᠡᠦᠬᠡᠳ ᠦᠨ ᠶᠠᠷᠢᠶᠠᠨ ᠤ ᠪᠠᠶᠠᠯᠢᠭ 1100 ᠣᠷᠴᠢᠮ ᠦᠭᠡ ᠲᠡᠢ ᠪᠠᠶᠢᠳᠠᠭ ᠪᠣᠯ᠂ ᠬᠡᠦᠬᠡᠳ ᠲᠦ ᠪᠡᠨ ᠴᠠᠭ ᠵᠠᠷᠤᠴᠠᠭᠤᠯᠳᠠᠭ ᠦᠭᠡᠢ ᠠᠶᠢᠯ ᠤᠨ ᠬᠡᠦᠬᠡᠳ 500 ᠍ ᠠᠴᠠ ᠳᠣᠭᠣᠭᠰᠢ ᠦᠭᠡ ᠶᠢᠨ ᠬᠦᠷᠢᠶᠡᠨ ᠳᠦ ᠡᠷᠭᠢᠯᠳᠦᠳᠡᠭ ᠪᠠᠶᠢᠨᠠ᠃ ᠡᠨᠡ ᠨᠢ ᠴᠢᠨᠠᠭᠰᠢᠯᠠᠭᠠᠳ ᠰᠤᠷᠭᠠᠭᠤᠯᠢ ᠳᠤ ᠬᠡᠷᠬᠢᠨ ᠰᠤᠷᠤᠯᠴᠠᠬᠤ᠂ ᠠᠯᠢᠪᠠ ᠶᠢ ᠣᠶᠢᠯᠠᠭᠠᠵᠤ ᠬᠦᠯᠢᠶᠡᠵᠦ ᠠᠪᠬᠤ ᠴᠢᠳᠠᠪᠤᠷᠢ ᠶᠢᠨ ᠰᠠᠭᠤᠷᠢ ᠪᠣᠯᠵᠤ ᠥᠭᠳᠡᠭ᠃ ᠬᠡᠦᠬᠡᠳ ᠲᠦ ᠡᠳᠦᠷ ᠪᠦᠷᠢ 10-20 ᠮᠢᠨᠦ᠋ᠲ ᠨᠣᠮ ᠤᠩᠰᠢᠵᠤ ᠥᠭᠬᠦ ᠳᠦ IQ ᠍ ᠶᠢ ᠨᠢ ᠵᠢᠷᠭᠤᠭᠠᠨ ᠣᠨᠣᠭᠠ ᠪᠠᠷ ᠥᠰᠬᠡᠵᠦ᠂ ᠰᠤᠷᠬᠤ ᠴᠢᠳᠠᠪᠤᠷᠢ ᠶᠢ ᠨᠢ 3-4 ᠳᠠᠬᠢᠨ ᠨᠡᠮᠡᠭᠳᠡᠭᠦᠯᠳᠡᠭ ᠪᠠᠶᠢᠨᠠ᠃
ᠮᠥᠨ ᠲᠠᠷᠢᠬᠢᠨ ᠤ ᠬᠥᠭᠵᠢᠯ ᠢ ᠨᠢ ᠨᠣᠮ ᠤᠩᠰᠢᠳᠠᠭ ᠦᠭᠡᠢ ᠬᠡᠦᠬᠡᠳ ᠦᠨ ᠬᠢ ᠡᠴᠡ ᠨᠢᠭᠡ ᠵᠢᠯ ᠢᠶᠡᠷ ᠠᠬᠢᠭᠤᠯᠵᠤ᠂ ᠢᠷᠡᠭᠡᠳᠦᠢ ᠳᠦ 2.5 ᠳᠠᠬᠢᠨ ᠥᠨᠳᠥᠷ ᠴᠠᠯᠢᠩ ᠠᠪᠬᠤ ᠮᠠᠭᠠᠳᠯᠠᠯ ᠢ ᠪᠤᠢ ᠪᠣᠯᠭᠠᠨᠠ ᠭᠡᠵᠦ ᠰᠤᠳᠤᠯᠭᠠᠨ ᠳᠤ ᠳᠤᠷᠠᠳᠴᠠᠢ᠃ ᠤᠯᠠᠮ ᠢᠶᠠᠷ ᠡᠳᠦᠷ ᠪᠦᠷᠢ ᠨᠣᠮ ᠤᠩᠰᠢᠬᠤ ᠳᠠᠳᠤᠯ ᠰᠠᠭᠤᠯᠭᠠᠭᠰᠠᠨ ᠢᠶᠠᠷ ᠤᠬᠠᠭᠠᠯᠢᠭ ᠤᠲᠠᠰᠤ᠂ ᠺᠣᠮᠫᠢᠶᠦ᠋ᠲ᠋ᠧᠷ᠂ ᠲᠧᠯᠸᠢᠰ ᠦᠨ ᠬᠠᠮᠢᠶᠠᠷᠤᠯ ᠳᠤ ᠣᠷᠣᠵᠤ᠂ ᠳᠣᠩᠲᠣᠬᠤ ᠡᠮᠭᠡᠭ ᠲᠤᠰᠳᠠᠭ ᠦᠭᠡᠢ ᠪᠠᠶᠢᠨᠠ᠃ ᠬᠥᠲᠥᠯᠪᠦᠷᠢ ᠶᠢᠨ ᠪᠠᠭ ᠤᠨ ᠬᠢᠨ ᠤ ᠳᠡᠪᠰᠢᠭᠦᠯᠵᠦ᠂ ᠬᠡᠪᠰᠢᠭᠦᠯᠬᠦ ᠭᠡᠰᠡᠨ ᠭᠣᠣᠯ ᠠᠵᠢᠯ ᠪᠣᠯ ᠶᠡᠷᠦᠳᠡᠭᠡᠨ ᠯᠠ 《ᠡᠳᠦᠷ ᠪᠦᠷᠢ 10-20 ᠮᠢᠨᠦ᠋ᠲ ᠤᠩᠰᠢᠭᠤᠯᠬᠤ》 ᠶᠠᠪᠤᠳᠠᠯ᠃ ᠡᠭᠦᠨ ᠢ ᠰᠤᠷᠭᠠᠴᠢᠬᠠᠪᠠᠯ ᠪᠤᠰᠤᠳ ᠡᠶᠡᠷᠭᠥ ᠥᠭᠡᠷᠡᠴᠢᠯᠡᠯᠲᠡ ᠠᠶᠠᠨᠳᠠᠭᠠᠨ ᠭᠠᠷᠤᠨᠠ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠬᠡᠦᠬᠡᠳ ᠲᠦ ᠡᠳᠦᠷ ᠪᠦᠷᠢ ᠨᠣᠮ ᠤᠩᠰᠢᠵᠤ ᠥᠭᠬᠦ ᠳᠦ IQ ᠍ ᠶᠢ ᠨᠢ ᠵᠢᠷᠭᠤᠭᠠᠨ ᠣᠨᠣᠭᠠ ᠪᠠᠷ ᠥᠰᠬᠡᠨᠡ᠃ ᠰᠢᠨᠡ ᠲᠦᠷᠦᠭᠰᠡᠨ ᠬᠡᠦᠬᠡᠳ ᠦᠨ ᠠᠩᠬᠠᠨ ᠤ ᠨᠣᠮ ᠢ ᠡᠷᠦᠬᠡ ᠶᠢᠨ ᠡᠮᠨᠡᠯᠭᠡ ᠭᠠᠷᠳᠠᠭᠤᠯᠤᠨᠠ᠃ ᠠᠵᠢᠯ ᠠᠴᠠ ᠢᠷᠡᠭᠡᠳ ᠤᠲᠠᠰᠤ ᠪᠠᠨ ᠤᠬᠣᠵᠤ᠂ ᠡᠰᠡᠪᠡᠯ ᠤᠳᠤᠷᠢᠳᠤᠯᠭᠠ ᠪᠠᠷᠢᠭᠠᠳ ᠬᠡᠪᠲᠡᠴᠢᠬᠡᠳᠡᠭ ᠬᠢᠷᠢᠨᠡ ᠬᠡᠦᠬᠡᠳ ᠢᠶᠡᠨ 《ᠨᠣᠮ ᠤᠩᠰᠢ》 ᠭᠡᠵᠦ ᠬᠡᠴᠢᠨᠡᠨ ᠱᠠᠭᠠᠷᠳᠠᠭᠠᠳ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠦᠭᠡᠢ ᠪᠠᠶᠢᠬᠤ ᠨᠢ᠃
ᠲᠠᠨ ᠤ ᠬᠡᠦᠬᠡᠳ ᠲᠤ ᠬᠡᠳᠦᠢᠨ ᠭᠤᠷᠪᠠᠨ ᠨᠠᠰᠤ ᠬᠦᠷᠦᠭᠰᠡᠨ ᠪᠣᠯ ᠶᠠᠭᠠᠬᠢᠬᠤ ᠪᠤᠢ
ᠲᠠᠷᠢᠬᠢᠨ ᠤ ᠬᠥᠭᠵᠢᠯ ᠦᠨ ᠶᠠᠪᠤᠴᠠ ᠳᠤ 《ᠨᠣᠮ》 ᠭᠡᠬᠦ ᠳᠣᠬᠢᠶᠠ ᠶᠢ ᠰᠠᠭᠤᠯᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠭᠡᠳ ᠵᠥᠩ ᠢᠶᠡᠷ ᠨᠢ ᠣᠷᠬᠢᠴᠢᠬᠠᠵᠤ ᠪᠣᠯᠬᠤ ᠦᠭᠡᠢ ᠶᠤᠮ ᠪᠠᠶᠢᠨᠠ᠃ ᠨᠣᠮ ᠲᠠᠢ ᠤᠷᠴᠢᠨ ᠳᠤ ᠬᠡᠦᠬᠡᠳ ᠢᠶᠡᠨ ᠤᠩᠰᠢᠳᠠᠭ ᠬᠦᠮᠦᠨ ᠪᠣᠯᠭᠠᠳᠠᠭ ᠢ ᠢᠪᠷᠠᠢᠴᠤᠳ ᠵᠥᠪᠯᠡᠳᠡᠭ᠃ ᠭᠡᠬᠦ ᠳᠦ ᠪᠡᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠨᠢ ᠡᠴᠢᠭᠡ᠂ ᠡᠬᠡᠴᠦᠳ ᠥᠪᠡᠷᠰᠡᠳ ᠢᠶᠡᠨ ᠦᠯᠢᠭᠡᠷᠯᠡᠨ ᠤᠩᠰᠢᠳᠠᠭ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠠᠵᠢᠯ ᠠᠴᠠ ᠢᠷᠡᠭᠡᠳ ᠤᠲᠠᠰᠤ ᠪᠠᠨ ᠤᠬᠣᠵᠤ᠂ ᠡᠰᠡᠪᠡᠯ ᠤᠳᠤᠷᠢᠳᠤᠯᠭᠠ ᠪᠠᠷᠢᠭᠠᠳ ᠬᠡᠪᠲᠡᠴᠢᠬᠡᠳᠡᠭ ᠬᠢᠷᠢᠨᠡ ᠬᠡᠦᠬᠡᠳ ᠢᠶᠡᠨ 《ᠨᠣᠮ ᠤᠩᠰᠢ》 ᠭᠡᠵᠦ ᠬᠡᠴᠢᠨᠡᠨ ᠱᠠᠭᠠᠷᠳᠠᠭᠠᠳ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠦᠭᠡᠢ ᠪᠠᠶᠢᠬᠤ ᠨᠢ᠃
ᠤᠩᠰᠢᠯᠭᠠ ᠶᠢ ᠳᠡᠮᠵᠢᠬᠦ ᠬᠥᠲᠥᠯᠪᠦᠷᠢ ᠶᠢᠨ ᠬᠦᠷᠢᠶᠡᠨ ᠳᠦ ᠥᠰᠪᠦᠷᠢ ᠪᠣᠯᠤᠨ ᠳᠤᠮᠳᠠ ᠨᠠᠰᠤᠨ ᠤ ᠬᠡᠦᠬᠡᠳ ᠦᠳ ᠢ ᠨᠣᠮ ᠳᠤ ᠳᠤᠷᠠᠯᠠᠭᠤᠯᠬᠤ ᠳᠤ ᠴᠢᠭᠯᠡᠵᠦ ᠡᠴᠢᠭᠡ ᠡᠬᠡ ᠶᠢᠨ᠂ ᠵᠠᠯᠠᠭᠤᠰ ᠤᠨ᠂ ᠪᠠᠶᠢᠭᠤᠯᠤᠯᠭᠠ ᠶᠢᠨ᠂ ᠪᠢᠴᠢᠯ ᠭᠡᠬᠦ ᠮᠡᠲᠦ ᠪᠡᠷ ᠣᠯᠠᠨ ᠨᠣᠮ ᠤᠨ ᠰᠠᠩ ᠪᠠᠶᠢᠭᠤᠯᠬᠤ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ ᠬᠡᠳᠦᠢ ᠪᠡᠷ ᠤᠩᠰᠢᠬᠤ ᠨᠣᠮ ᠤᠨ ᠵᠢᠭᠰᠠᠭᠠᠯᠲᠠ ᠭᠠᠷᠭᠠᠭᠰᠠᠨ ᠴᠤ ᠣᠷᠴᠢᠨ ᠦᠶᠡ ᠶᠢᠨ ᠬᠡᠦᠬᠡᠳ ᠦᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ᠂ ᠴᠠᠭ ᠦᠶᠡ ᠲᠠᠢ ᠪᠡᠨ ᠨᠡᠶᠢᠴᠡᠭᠰᠡᠨ ᠰᠢᠨᠡ ᠵᠣᠬᠢᠶᠠᠯ ᠱᠠᠭᠠᠷᠳᠠᠯᠭᠠ ᠲᠠᠢ ᠶᠢ ᠬᠥᠲᠥᠯᠪᠦᠷᠢ ᠶᠢᠨ ᠪᠠᠭ ᠤᠨ ᠬᠢᠨ ᠠᠩᠬᠠᠷᠴᠤ᠂ ᠵᠣᠬᠢᠶᠠᠯᠴᠢᠳ ᠲᠤ ᠰᠡᠳᠦᠪ᠂ ᠠᠭᠤᠯᠭᠠ ᠶᠢ ᠵᠠᠬᠢᠶᠠᠯᠠᠨ ᠪᠢᠴᠢᠭᠦᠯᠵᠦ ᠡᠬᠢᠯᠡᠵᠡᠢ᠃
ᠡᠬᠡ ᠰᠤᠷᠪᠤᠯᠵᠢ᠄ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠮᠡᠳᠡᠭᠡ
57 6