ᠡᠬᠡ ᠮᠣᠩᠭᠤᠯ ᠬᠡᠯᠡ ᠮᠢᠨᠢ
ЭХ МОНГОЛ ХЭЛ МИНЬ
Дээдэс минь баясан инээмсэглэсэн авианаас
Дээшилж бидэр татан түгсэн монгол хэл минь
Дэргэж хатирах морин дэлний намираа мэт
Дэлхийг чимсэн уянгын сонсголонт эх хэл минь
Садран түрхрэх мөрний цалгисан хүрхрээ мэт
Самсаа шархиртал цацлах уран үгсийн далай
Салж нийлэх хорвоог уясаан мэлмэрээх шидтэй
Санаа бодол тэлэх номын авшигт монгол хэл ээ
Хайрласан сэтгэлээ эвцээж дохиолохын цагт
Хайлган зүрхний лугшилтаа шивэгнэн хүртээж
Хамгаас дотно хослолд барьцаан гагнах увидаст
Халамж дүүрэн итгэл өвөрлөсөн монгол хэл ээ
Хаанахын хэнтэй ч хүүрнэх илтгэх харилцаанд
Халгих ухаан бодлын минь нэвчээх шандастай
Хадаг дэлгэн барихуй ерөөлийн бадаг хөврөөх
Ханхайх эздийнхээ омогшил төрүүлсэн эх хэл ээ.
2017.II.21.
4907
2019-02-22 15:33
发表于:内蒙古
2017.II.21
6 0