ᠪᠤᠣ ᠵᠢᠨᠵᠤᠸᠠᠩᠽᠢ

ᠨᠤᠲᠣᠭ ᠤᠨ ᠵᠠᠮ ᠮᠢᠨᠢ

ᠨᠢᠳᠦ ᠠᠨᠢᠨ ᠨᠤᠢᠷᠰᠤᠬᠤ ᠶᠢᠨ ᠬᠤᠷᠤᠮᠬᠠᠨ

ᠨᠤᠲᠤᠭ ᠤᠨ ᠵᠠᠮ ᠮᠢᠨᠢ ᠨᠡᠳᠡᠪᠡᠯᠵᠡᠭᠡᠳ ᠢᠷᠡᠨ᠎ᠡ

ᠵᠢᠷᠤᠭ ᠰᠢᠭ᠋  ᠵᠢᠷᠪᠢᠯᠵᠡᠨ ᠰᠦᠮᠡᠯᠵᠡᠭᠡᠳ

ᠵᠢᠷᠦᠬᠡ ᠰᠡᠳᠭᠢᠯ ᠳᠦ ᠮᠢᠨᠢ  ᠰᠣᠯᠤᠩᠭᠣᠷᠠᠭᠠᠳ ᠢᠷᠡᠨ᠎ᠡ ᠡ︕

ᠪᠠᠭ᠎ᠠ ᠶᠢᠨ  ᠦᠶ᠎ᠡ ᠶᠢᠨ ᠢᠨᠢᠶᠡᠳᠦ ᠪᠠ ᠨᠢᠯᠪᠤᠰᠤ ᠪᠠᠨ

ᠪᠣᠷᠤ  ᠵᠠᠮ  ᠳᠤ  ᠪᠠᠨ ᠰᠠᠴᠤᠵᠤ  ᠯᠠ  ᠶᠠᠪᠤᠯ᠎ᠠᠪᠢ

ᠭᠠᠴᠢᠭ ᠪᠠ ᠵᠢᠷᠭᠠᠯᠠᠩ ᠲᠠᠢ ᠤᠷᠳᠦ ᠠᠶᠠᠨ ᠳᠤ ᠪᠠᠨ

ᠭᠠᠰᠢᠭᠤᠨ ᠪᠠ ᠰᠢᠬᠢᠷᠯᠢᠭ ᠡᠴᠡ  ᠠᠮᠲᠠᠯᠠᠵᠤ ᠯᠠ  ᠶᠠᠪᠣᠯ᠎ᠠ ᠪᠢ᠃

ᠦᠯᠦᠭᠡᠢ ᠨᠤᠲᠤᠭ ᠤᠨ ᠪᠤᠷᠤᠬᠠᠨ ᠵᠠᠮ ᠴᠤ

ᠦᠨᠢ ᠡᠭᠦᠷᠢᠳᠡ ᠶᠢᠨ ᠤᠯᠠ ᠮᠥᠷ ᠪᠤᠯᠤᠭᠰᠠᠨ

ᠦᠩᠭᠡᠷᠡᠭᠰᠡᠨ ᠦ ᠲᠡᠷᠡ ᠬᠦ   ᠰᠢᠷ᠎ᠠ ᠬᠣᠨᠣᠭ  ᠤᠳ ᠴᠤ

ᠡᠪᠴᠢᠭᠦᠦ ᠴᠡᠭᠡᠵᠢᠨ ᠦ ᠮᠢᠨᠢ ᠤᠶᠠᠩᠭ᠎ᠠ ᠡᠭᠡᠰᠢᠭ ᠪᠤᠯᠤᠭᠰᠠᠨ︕

ᠤᠷᠠᠩᠬᠠᠢ ᠬᠤᠪᠴᠠᠰᠤ ᠲᠠᠢ  ᠦᠶᠡᠷᠬᠡᠭᠰᠡᠨ ᠦᠴᠦᠭᠡᠳᠦᠷᠬᠡᠨ

ᠣᠷᠢᠬᠠᠨ ᠰᠠᠯᠬᠢᠨ ᠢᠶᠠᠷ ᠢᠯᠪᠢᠭᠦᠯᠵᠦ ᠯᠠ  ᠠᠶᠠᠯᠠᠯ᠎ᠠ ᠪᠢ

ᠡᠪᠡᠰᠦ ᠴᠡᠴᠡᠭ ᠲᠠᠢ ᠵᠠᠮ ᠤᠨ ᠢᠶᠠᠨ ᠬᠠᠵᠠᠭᠤ  ᠪᠠᠷ

ᠢᠨᠢᠶᠡᠳᠦ  ᠪᠠᠷ ᠪᠢᠯᠬᠠᠭᠰᠠᠨ ᠬᠠᠪᠤᠷ ᠢ ᠬᠦᠭᠡᠭᠡᠯ᠎ᠡ᠃

ᠲᠤᠷᠭᠠᠨ ᠲᠡᠪᠡᠯ ᠲᠠᠢ  ᠲᠤᠷᠨᠢᠭᠰᠠᠨ ᠦᠨᠦᠳᠦᠷᠬᠡᠨ

ᠲᠤᠯᠠᠭᠠᠬᠠᠨ ᠨᠠᠷᠠᠨ ᠢᠶᠠᠷ ᠲᠠᠭᠠᠯᠠᠬᠠᠭᠤᠯᠵᠤ ᠯᠠ ᠵᠠᠮᠨᠠᠯ᠎ᠠ ᠪᠢ

ᠴᠠᠷᠳᠠᠮᠠᠯ  ᠰᠢᠷᠳᠡᠮᠡᠯ ᠲᠠᠢ ᠵᠠᠮ ᠤᠨ ᠢᠶᠠᠨ  ᠲᠡᠷᠭᠡᠲᠡᠭᠦᠷ

ᠴᠡᠩᠭᠡᠯ ᠢᠶᠡᠷ ᠲᠦᠭᠦᠷᠡᠭᠰᠡᠨ ᠨᠠᠮᠤᠷ ᠢ ᠤᠭᠲᠤᠯ᠎ᠠ᠃

ᠰᠣᠯᠤᠩᠭᠠᠷᠠᠨ ᠮᠤᠷᠤᠢᠯᠵᠠᠭᠰᠠᠨ ᠨᠤᠲᠣᠭ ᠤᠨ ᠵᠠᠮ ᠮᠢᠨᠢ

ᠰᠦᠨᠢ ᠶᠢᠨ ᠵᠡᠭᠦᠳᠦᠨ ᠳᠦ ᠦᠨᠢᠲᠡ ᠲᠤᠰᠬᠠᠭᠳᠠᠨ᠎ᠠ

ᠰᠦᠮᠡᠯᠵᠡᠨ ᠨᠡᠲᠡᠪᠡᠯᠵᠡᠭᠰᠡᠨ ᠨᠤᠲᠤᠭ ᠣᠰᠤ ᠮᠢᠨᠢ

ᠰᠡᠳᠭᠢᠯ ᠵᠢᠷᠦᠭᠡᠨ ᠳᠦ  ᠡᠭᠦᠷᠢᠳᠡ ᠬᠤᠨᠤᠭᠰᠢᠨ᠎ᠠ ᠡ︕

ᠨᠤᠢᠷ ᠠᠴᠠ ᠰᠡᠷᠡᠵᠦ ᠡᠪᠡᠰᠢᠶᠡᠨ ᠰᠤᠨᠢᠶᠠᠬᠤ ᠶᠢᠨ ᠠᠭᠱᠠᠨ᠎ᠠ

ᠨᠤᠲᠤᠭ ᠤᠨ ᠵᠠᠮ  ᠨᠢᠳᠦᠨ  ᠳᠤ ᠮᠦᠨ ᠯᠠ ᠵᠤᠷᠠᠢᠭᠠᠳ  ᠪᠠᠢᠬᠣ ᠨᠢ ᠡ︕

ᠲᠠᠨᠢᠯ  ᠲᠠᠰᠤᠯ  ᠭᠤᠪᠢ ᠲᠠᠯ᠎ᠠ ᠲᠠᠩᠰᠣᠭ ᠭᠤᠶᠤᠬᠠᠨ ᠠᠭᠣᠯᠠ ᠣᠰᠤ ᠮᠢᠨᠢ

ᠲᠠᠷᠢᠬᠢ ᠤᠶᠣᠨ ᠳᠤ ᠮᠢᠨᠢ ᠵᠢᠷᠪᠢᠯᠵᠡᠭᠡᠳ  ᠯᠠ ᠪᠠᠢᠬᠣ ᠨᠢ ᠡ᠂᠂᠂᠂᠂᠂︕