ᠬᠠᠪᠣᠷ ᠰᠢᠬ ᠵᠠᠯᠠᠭᠣ ᠨᠠᠰᠣ

ᠪ ᠂ᠠᠯᠳᠠᠨᠪᠠᠭᠠᠨ᠎ᠠ

ᠴᠠᠷᠳᠠᠮᠠᠯ ᠰᠢᠷᠳᠡᠮᠡᠯ ᠵᠠᠮ ᠢᠶᠠᠷ ᠮᠠᠰᠢᠨ ᠨᠢᠰᠭᠡᠨ

ᠴᠠᠭᠠᠨᠠᠬᠢ ᠠᠭᠣᠯᠠᠰ ᠢ ᠨᠢᠰᠦᠭᠡᠳ ᠲᠠᠪᠠᠴᠢᠬᠠᠳᠠᠭ

ᠴᠣᠭ ᠲᠠᠢ ᠰᠦᠯᠳᠡ ᠲᠠᠢ ᠵᠠᠯᠠᠭᠣ ᠨᠠᠰᠣ ᠭᠡᠵᠦ

ᠴᠡᠩᠭᠡᠯᠲᠦ ᠠᠮᠢᠳᠣᠷᠠᠯ ᠤᠨ ᠲᠣᠯᠠᠭᠠᠬᠠ  ᠬᠠᠪᠣᠷ ᠡ ︕

ᠴᠡᠩᠭᠡᠷ ᠬᠣᠷᠸ᠎ᠠ ᠳᠤ ᠴᠢᠮᠡᠭ ᠪᠣᠯᠤᠭᠠᠳ

ᠴᠢᠷᠮᠠᠢᠵᠣ ᠶᠠᠪᠣᠬᠣ ᠶᠢᠨ  ᠰᠠᠢᠬᠠᠨ  ᠴᠠᠭ ᠡ ︕

ᠪᠢᠷ ᠦᠨ ᠦᠵᠦᠭᠦᠷ ᠷᠢᠳᠢ ᠰᠢᠳᠢ ᠣᠷᠣᠰᠢᠵᠣ

ᠪᠢᠴᠢᠭ ᠡᠷᠳᠡᠮ ᠦᠨ ᠲᠠᠯᠠᠢ ᠳᠤ ᠱᠣᠩᠪᠠᠴᠢᠬᠠᠭᠰᠠᠨ

ᠪᠢᠯᠢᠭ ᠲᠡᠶ ᠰᠣᠶᠣᠯ ᠲᠠᠶ ᠵᠠᠯᠠᠭᠣ ᠨᠠᠰᠣ ᠭᠡᠵᠦ

ᠪᠠᠳᠠᠷᠠᠯᠳᠣ ᠠᠮᠢᠳᠣᠷᠠᠯ ᠤᠨ ᠣᠷᠢᠬᠠᠨ ᠬᠠᠪᠣᠷ ᠡ ︕

ᠪᠦᠮᠪᠦᠷᠴᠡᠭ  ᠲᠡᠯᠡᠬᠡᠢ ᠳᠦ ᠰᠣᠪᠣᠳ ᠰᠢᠬ ᠭᠢᠯᠠᠯᠵᠠᠭᠠᠳ

ᠪᠦᠳᠦᠮᠵᠢᠳᠠᠢ ᠲᠡᠶ ᠶᠠᠪᠣᠬᠣ ᠶᠢᠨ ᠰᠠᠢᠬᠠᠨ ᠴᠠᠭ ᠡ ︕

ᠠᠯᠲᠠᠨ ᠲᠡᠯᠡᠬᠡᠢ ᠳᠦ ᠬᠦᠰᠡᠯ ᠰᠣᠶᠣᠯᠠᠭᠣᠯᠵᠤ

ᠠᠷᠣ ᠭᠡᠷ ᠲᠦ ᠪᠡᠨ ᠵᠢᠷᠭᠠᠯ ᠪᠢᠯᠬᠠᠭᠣᠯᠤᠭᠰᠠᠨ

ᠠᠰᠪᠣᠷᠢ ᠴᠠᠢᠯᠭᠠᠨ ᠵᠠᠯᠠᠭᠣ ᠨᠠᠰᠣ ᠭᠡᠵᠦ

ᠠᠵᠠ ᠲᠠᠶ ᠠᠮᠢᠳᠣᠷᠠᠯ ᠤᠨ ᠰᠢᠨᠡᠬᠡᠨ ᠬᠠᠪᠣᠷ ᠡ ︕

ᠠᠯᠠᠭᠬᠠᠨ ᠬᠣᠷᠸ᠎ᠠ ᠳᠤ ᠠᠯᠳᠠᠷ ᠢᠶᠠᠨ ᠮᠠᠨᠳᠣᠭᠣᠯᠵᠤ

ᠠᠯᠳᠠᠷᠰᠢᠵᠦ ᠶᠠᠪᠣᠬᠣ ᠶᠢᠨ  ᠰᠠᠢᠬᠠᠨ ᠴᠠᠭ ᠡ ︕

ᠬᠣᠩᠭᠤᠷ ᠠᠮᠠᠷᠠᠭ ᠲᠠᠶ ᠪᠠᠨ ᠦᠢᠯᠡᠰ ᠴᠣᠭᠴᠠᠯᠠᠨ

ᠬᠦᠦ ᠬᠡᠣᠬᠡᠨ ᠢᠶᠡᠨ ᠦᠨᠦᠰᠦᠨ ᠲᠠᠭᠠᠯᠠᠭᠰᠠᠨ

ᠬᠦᠰᠡᠯ ᠮᠦᠷᠦᠭᠡᠳᠦᠯᠳᠦ ᠵᠠᠯᠠᠭᠣ ᠨᠠᠰᠣ ᠭᠡᠵᠦ

ᠬᠦᠭᠵᠢᠯᠲᠦ ᠠᠮᠢᠳᠣᠷᠠᠯ ᠤᠨ ᠵᠢᠷᠭᠠᠯᠲᠣ  ᠬᠠᠪᠣᠷ ᠡ ︕

ᠬᠦᠪᠴᠢᠨ ᠲᠡᠯᠡᠬᠡᠢ ᠳᠦ ᠠᠮᠢᠳᠣᠷᠠᠯ ᠪᠣᠰᠬᠠᠵᠣ

ᠬᠦᠭᠵᠢᠵᠦ ᠴᠡᠴᠡᠭᠯᠡᠬᠦ ᠶᠢᠨ ᠰᠠᠢᠬᠠᠨ ᠴᠠᠭ ᠡ ︕