ᠡᠪᠦᠯ ᠠᠢᠰᠤᠢ
ᠵᠦᠰᠡᠷ ᠰᠠᠯᠬᠢᠨ ᠤ
ᠰᠢᠷᠦᠭᠦᠨ ᠦᠯᠢᠶᠡᠯᠳᠡ ᠳᠦ
ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠵᠦ
ᠵᠤᠳ ᠰᠢᠭᠤᠷᠭᠠᠨ ᠤ
ᠬᠠᠳᠠᠭᠤ ᠴᠤᠬᠢᠯᠳᠠ ᠳᠤ
ᠬᠦᠴᠦᠨ ᠢᠶᠡᠨ ᠴᠢᠨᠭᠭᠠᠳᠬᠠᠵᠤ
ᠵᠡᠭᠡᠷᠡ ᠪᠤᠭᠤ ᠶᠢᠨ
ᠬᠦᠴᠦᠳᠦ ᠲᠤᠭᠯᠠᠯᠳᠠ ᠳᠦ
ᠢᠳᠡᠭᠡᠯ ᠢᠶᠡᠨ ᠴᠢᠪᠠᠭᠳᠠᠵᠤ
ᠵᠢᠷᠤᠭ ᠤᠨ ᠶᠢᠷᠳᠢᠨᠴᠤ
ᠬᠦᠰᠡᠯ ᠦᠨ ᠲᠡᠯᠡᠬᠡᠢ
ᠬᠦᠭᠵᠢᠮᠳᠦ ᠡᠪᠦᠯ ᠠᠢᠰᠤᠢ
670
2024-10-11 12:43
发表于:内蒙古
ᠡᠪᠦᠯ ᠠᠶᠢᠰᠤᠢ
ᠪ ᠂ ᠠᠯᠳᠠᠨᠪᠠᠭᠠᠨᠠ
ᠵᠦᠰᠡᠷ ᠰᠠᠯᠬᠢᠨ ᠤ
ᠰᠢᠷᠦᠭᠦᠨ ᠦᠯᠢᠶᠡᠯᠳᠡ ᠳᠦ
ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠵᠦ
ᠵᠤᠳ ᠰᠢᠭᠤᠷᠭᠠᠨ ᠤ
ᠬᠠᠳᠠᠭᠤ ᠴᠤᠬᠢᠯᠳᠠ ᠳᠤ
ᠬᠦᠴᠦᠨ ᠢᠶᠡᠨ ᠴᠢᠨᠭᠭᠠᠳᠬᠠᠵᠤ
ᠵᠡᠭᠡᠷᠡ ᠪᠤᠭᠤ ᠶᠢᠨ
ᠬᠦᠴᠦᠳᠦ ᠲᠤᠭᠯᠠᠯᠳᠠ ᠳᠦ
ᠢᠳᠡᠭᠡᠯ ᠢᠶᠡᠨ ᠴᠢᠪᠠᠭᠳᠠᠵᠤ
ᠵᠢᠷᠤᠭ ᠤᠨ ᠶᠢᠷᠳᠢᠨᠴᠤ
ᠬᠦᠰᠡᠯ ᠦᠨ ᠲᠡᠯᠡᠬᠡᠢ
ᠬᠦᠭᠵᠢᠮᠳᠦ ᠡᠪᠦᠯ ᠠᠶᠢᠰᠤᠢ
ᠬᠦᠭᠵᠢᠯ ᠢᠶᠡᠷ ᠪᠢᠯᠬᠠᠭᠰᠠᠨ
ᠬᠡᠭᠡᠷᠡ ᠲᠠᠯᠠ ᠶᠢ
ᠬᠦᠬᠡ ᠦᠨᠭᠭᠡ ᠪᠡᠷ ᠴᠢᠮᠡᠭᠯᠡᠵᠦ
ᠬᠦᠦᠷᠨᠢᠯ ᠢᠶᠡᠷ ᠲᠦᠭᠦᠷᠡᠭᠰᠡᠨ
ᠬᠦᠳᠡᠭᠡ ᠨᠤᠳᠤᠭ ᠢ
ᠬᠦᠭᠵᠢᠮ ᠡᠭᠡᠰᠢᠭ ᠢᠶᠡᠷ ᠤᠶᠠᠨᠭᠭᠠᠷᠠᠭᠤᠯᠵᠤ
ᠬᠦᠪᠦᠯᠵᠡᠨ ᠰᠦᠨᠳᠡᠷᠯᠡᠬᠦ
ᠠᠭᠤᠯᠠᠰ ᠤᠨ ᠲᠡᠭᠡᠭᠦᠷ
ᠬᠦᠬᠡ ᠴᠠᠰᠤ ᠯᠠᠪᠰᠠᠵᠤ
ᠬᠠᠮᠤᠭ ᠰᠡᠭᠦᠯᠴᠢ ᠤᠯᠠᠷᠢᠯ
ᠬᠡᠬᠦᠳᠡᠭ ᠦᠨ ᠠᠮᠠᠷᠠᠭ
ᠬᠦᠬᠡᠭᠡ ᠡᠪᠦᠯ ᠠᠶᠢᠰᠤᠢ
ᠲᠡᠷᠳᠡᠭᠡ ᠬᠠᠷᠠᠭᠳᠠᠬᠤ
ᠠᠢᠯ ᠤᠨ ᠪᠠᠷᠠ ᠶᠢ
ᠴᠢᠭᠯᠡᠨ ᠴᠢᠭᠯᠡᠨ ᠠᠯᠬᠤᠬᠤ ᠳᠤ
ᠲᠤᠰᠤ ᠮᠢᠬᠠᠨ ᠤ
ᠠᠮᠳᠠᠳᠤ ᠦᠨᠦᠷ
ᠲᠠᠯᠠ ᠶᠢᠨ ᠭᠦᠨ ᠡᠴᠡ ᠰᠡᠨᠭᠭᠢᠨᠡᠨᠡ
ᠲᠡᠭᠷᠢ ᠳᠦ ᠨᠢᠰᠬᠦ
ᠲᠸᠭᠨᠢᠭ ᠨᠢᠰᠭᠡᠯ
ᠲᠦᠴᠢᠬᠢᠨᠡᠨ ᠬᠦᠷᠴᠢᠬᠢᠨᠡᠨ ᠰᠦᠯᠵᠢᠯᠳᠦᠬᠦ ᠳᠦ
ᠲᠠᠨᠭᠰᠤᠭ ᠵᠢᠯ ᠦᠨ
ᠲᠠᠭᠠᠯᠠᠮᠵᠢᠳᠦ ᠡᠪᠦᠯ
ᠲᠤᠯᠤᠭᠠᠳ ᠢᠷᠡᠭᠰᠡᠨ ᠢ ᠮᠡᠳᠡᠭᠡᠯᠡᠨᠡ
ᠨᠠᠮᠤᠭ ᠤᠨ ᠮᠦᠰᠦᠨᠡ
ᠨᠠᠭᠠᠯᠢᠨᠭᠬᠠᠢ ᠬᠡᠤᠬᠡᠳ ᠦᠳ
ᠨᠠᠭᠠᠳᠤᠨ ᠴᠡᠨᠭᠬᠡᠨ ᠲᠡᠰᠢᠬᠦ ᠳᠤ
ᠨᠠᠢᠭᠤᠨ ᠲᠡᠨᠭᠬᠡᠢᠭᠰᠡᠨ
ᠠᠭᠤᠯᠠ ᠬᠠᠳᠠ
ᠨᠠᠢᠷᠰᠠᠭ ᠰᠡᠭᠦᠳᠡᠷ ᠢᠶᠡᠨ ᠬᠤᠷᠤᠢᠯᠠᠨᠠ
ᠨᠠᠷᠠ ᠲᠠᠶ ᠰᠠᠷᠠ ᠲᠠᠶ
ᠬᠤᠯᠠ ᠶᠢᠨ ᠲᠡᠭᠷᠢ
ᠬᠦᠳᠡᠩ ᠲᠠᠳᠠᠨ ᠲᠤᠨᠤᠷᠠᠬᠤ ᠳᠤ
ᠨᠠᠷᠮᠠᠢ ᠰᠠᠢᠬᠠᠨ
ᠬᠦᠬᠡᠬᠤᠳᠠ ᠶᠢᠨ ᠬᠤᠳᠤᠨᠭ᠌ ᠲᠤᠭᠤᠷᠢᠭ
ᠡᠪᠦᠯ ᠢᠶᠡᠨ ᠤᠭᠳᠤᠵᠤ ᠰᠡᠭᠦᠶᠢᠨᠡ ᠃
2024.10.8 ᠬᠦᠬᠡᠬᠤᠳᠠᠨᠠ
5
0