ᠰᠤᠷᠣᠭᠴᠢ ᠶᠢᠨ ᠢᠶᠡᠨ ᠠᠮᠤᠷ ᠲᠦᠪᠰᠢᠨ ᠦ ᠲᠦᠯᠦᠭᠡ

ᠰᠣᠷᠭᠠᠭᠣᠯᠢ ᠵᠣᠨ ᠤ ᠠᠮᠠᠷᠠᠯᠲᠠ ᠲᠠᠯᠪᠢᠬᠤ ᠠᠴᠠ ᠡᠮᠦᠨᠡᠬᠡᠨ ᠨᠢᠭᠡᠨ ᠪᠤᠷᠣᠭᠠᠨᠲᠣ ᠡᠳᠦᠷ ᠪᠠᠶᠢᠵᠣ ᠪᠢᠯᠡ᠃ ᠵᠠᠯᠠᠶᠢᠳ ᠬᠣᠰᠢᠭᠤᠨ ᠤ ᠠᠷᠪᠠᠠᠭᠡᠷ ᠭᠣᠤᠯ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠪᠠᠭᠰᠢ    ᠵᠢᠨ ᠵᠦ                   

ᠣᠴᠢᠷ ᠶᠠᠪᠣᠳᠠᠯ ᠡᠶᠢᠮᠦ ᠪᠠᠶᠢᠵᠠᠢ᠄ ᠲᠣᠰ ᠡᠳᠦᠷ ᠦᠨ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠬᠤᠶᠠᠷ ᠴᠠᠭ ᠤᠨ ᠦᠶᠡᠰ ᠢᠶᠡᠷ ᠰᠤᠷᠭᠠᠭᠣᠯᠢ ᠶᠢᠨ ᠠᠮᠤᠷ  ᠢ ᠬᠠᠮᠠᠭᠠᠯᠠᠬᠤ ᠪᠠᠭᠰᠢ  ᠵᠢᠨ ᠵᠦ ᠰᠣᠷᠭᠠᠭᠤᠯᠢ ᠳᠤ ᠪᠠᠨ ᠬᠦᠷᠬᠦ ᠳᠦ ᠵᠤᠷᠯᠤᠩ ᠤᠨ ᠬᠠᠵᠠᠭᠤ ᠪᠠᠷ ᠰᠤᠷᠣᠭᠴᠢᠳ ᠠᠪᠠᠭᠠᠷᠠᠯᠳᠣᠵᠣ  ᠪᠠᠶᠢᠪᠠ᠃ ᠪᠠᠭᠰᠢ ᠮᠠᠰᠢ ᠰᠤᠨᠢᠷᠬᠠᠨ ᠲᠡᠷᠭᠡᠲᠡ ᠨᠢ ᠣᠴᠢᠵᠣ ᠪᠠᠶᠢᠳᠠᠯ ᠤᠶᠢᠯᠠᠭᠠᠭᠰᠠᠨ ᠳᠤ ᠵᠤᠷᠯᠤᠩ ᠲᠣᠲᠤᠷ᠎ᠠ ᠬᠣᠶᠠᠳᠤᠭᠠᠷ ᠣᠨ ᠤ ᠨᠢᠭᠡᠳᠦᠭᠡᠷ ᠠᠩᠭᠢ ᠶᠢᠨ ᠰᠣᠷᠭᠠᠯᠲᠣ ᠶᠢᠨ ᠪᠠᠭᠠᠰᠤ ᠲᠠᠢ ᠦᠮᠦᠳᠦ ᠦᠯᠡᠳᠡᠭᠡᠳ ᠬᠦᠮᠦᠨ ᠨᠢ ᠠᠯᠠᠭ᠎ᠠ ᠪᠣᠯᠤᠭᠰᠠᠨ ᠪᠠᠶᠢᠵᠠᠢ᠃ ᠡᠭᠦᠨ ᠳᠦ  ᠪᠠᠭᠰᠢ ᠰᠣᠷᠤᠭᠴᠢᠳ ᠠᠴᠠ ᠲᠣᠰ ᠰᠤᠷᠣᠭᠴᠢ ᠪᠣᠯ ᠰᠤᠷᠭᠠᠭᠤᠯᠢ ᠠᠴᠠ ᠠᠷᠪᠠᠭᠠᠳ ᠭᠠᠵᠠᠷ ᠬᠤᠯᠠ ᠪᠠᠶᠢᠷᠢᠯᠠᠵᠤ ᠪᠠᠶᠢᠭ᠎ᠠ ᠶᠦᠩ ᠱᠸᠩ ᠲᠤᠰᠬᠤᠨ ᠤ ᠪᠢᠴᠢᠬᠠᠨ ᠬᠡᠤᠬᠡᠳ ᠪᠣᠯᠬᠤ ᠶᠢ ᠣᠯᠵᠤ ᠮᠡᠳᠡᠭᠡᠳ ᠲᠡᠷᠡ ᠲᠠᠷᠤᠢ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠡᠨ ᠶᠡᠷᠦᠩᠬᠡᠢ ᠶᠠᠪᠣᠳᠠᠯ ᠤᠨ ᠡᠷᠬᠢᠯᠡᠭᠴᠢ  ᠪᠠᠲᠤ ᠪᠠᠭᠰᠢ ᠪᠣᠯᠤᠨ ᠲᠠᠮᠢᠷ ᠤᠨ ᠪᠠᠭᠰᠢ ᠹᠦ᠋ ᠱᠸᠩ ᠢ ᠲᠠᠭᠠᠭᠤᠯᠣᠨ ᠮᠣᠲ᠋ᠤᠷ ᠵᠠᠶᠢᠳᠠᠯᠠᠵᠣ᠂ ᠰᠣᠷᠤᠭᠴᠢ ᠶᠢᠨ ᠭᠡᠷ ᠵᠦᠭ ᠨᠢᠰᠬᠦ ᠮᠡᠳᠦ ᠲᠣᠪᠲᠤᠯᠪᠠ᠃

ᠶᠠᠭ ᠡᠨᠡ ᠦᠶᠡᠰ ᠠᠭᠤᠷ ᠠᠮᠢᠰᠬᠤᠯ  ᠪᠦᠭᠴᠢᠮ᠎ᠡ ᠬᠠᠯᠠᠭᠤᠨ ᠪᠠᠶᠢᠭᠰᠠᠨ ᠢᠶᠠᠨ ᠠᠭᠠᠷ ᠲᠡᠭᠷᠢ ᠪᠦᠷᠬᠦᠵᠦ᠂ ᠬᠠᠶᠠ ᠴᠠᠬᠢᠯᠭᠠᠨ ᠴᠠᠬᠢᠯᠤᠨ ᠠᠶᠤᠩᠭ᠎ᠠ ᠨᠢᠵᠢᠬᠢᠨᠡᠵᠦ ᠪᠣᠷᠤᠭᠠᠨ ᠣᠷᠤᠮᠠᠷ ᠪᠠᠶᠢᠯ᠎ᠠ᠃ ᠭᠡᠯ᠎ᠡ ᠴᠤ ᠰᠣᠷᠤᠭᠴᠢ ᠪᠠᠨ ᠭᠡᠬᠦ ᠭᠠᠭᠴᠠ ᠰᠡᠳᠭᠢᠯ ᠢ ᠡᠪᠦᠷᠯᠡᠭᠰᠡᠨ ᠭᠤᠷᠪᠠᠨ ᠪᠠᠭᠰᠢ᠂ ᠠᠯᠢᠪᠠ ᠠᠶᠤᠯ ᠲᠦᠭᠰᠢᠭᠦᠷᠢ ᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠶᠠᠪᠣᠭᠰᠠᠭᠠᠷ ᠶᠦᠩ  ᠱᠸᠩ ᠲᠣᠰᠬᠤᠨ ᠠᠴᠠ ᠬᠣᠶᠠᠷ ᠭᠤᠷᠪᠠᠨ ᠭᠠᠵᠠᠷ ᠤᠶᠢᠷᠠᠳᠬᠤ ᠳᠤ ᠪᠠᠭᠠᠰᠤᠨ ᠬᠡᠷᠡᠭ ᠲᠠᠲᠠᠭᠰᠠᠨ ᠪᠢᠴᠢᠬᠠᠨ ᠰᠤᠷᠭᠠᠯᠲᠣ ᠣᠬᠤᠷ  ᠦᠮᠦᠳᠦ ᠪᠡᠷ ᠣᠭᠰᠤᠯᠵᠠᠨ ᠶᠠᠪᠣᠭ᠎ᠠ ᠬᠠᠷᠠᠭᠳᠠᠪᠠ᠃

ᠲᠡᠭᠡᠭᠡᠳ ᠭᠤᠷᠪᠠᠨ ᠪᠠᠭᠰᠢ ᠰᠤᠷᠣᠭᠴᠢ ᠰᠤᠷᠭᠠᠯᠲᠣ ᠶᠢ ᠠᠮᠤᠷ ᠲᠦᠪᠰᠢᠨ ᠢᠶᠡᠷ ᠭᠡᠷ ᠲᠦ ᠨᠢ ᠬᠦᠷᠭᠡᠭᠡᠳ ᠰᠤᠷᠭᠠᠭᠤᠯᠢ ᠵᠦᠭ ᠢᠶᠡᠨ ᠡᠷᠭᠢᠪᠡ᠃ ᠶᠠᠭ ᠬᠠᠭᠠᠰ ᠵᠠᠮ ᠶᠠᠪᠣᠲᠠᠯ᠎ᠠ᠂ ᠭᠡᠨᠡᠳᠲᠡ ᠣᠯᠠᠭᠠᠨ ᠲᠣᠭᠤᠰᠤ ᠲᠡᠭᠳᠡᠵᠦ᠂ ᠠᠶᠤᠩᠭ᠎ᠠ ᠭᠡᠨᠡᠳᠲᠡ ᠨᠢᠵᠢᠬᠢᠨᠡᠮᠡᠭᠴᠡ ᠠᠭᠠᠷ ᠲᠡᠭᠷᠢ ᠡᠴᠡ ᠬᠤᠷᠣᠭᠤᠪᠴᠢ ᠶᠢᠨ ᠬᠢᠷᠢ ᠲᠠᠢ ᠮᠦᠨᠳᠦᠷ ᠴᠢᠳᠬᠤᠯᠠᠵᠤ᠂ ᠨᠢᠳᠦ  ᠠᠮᠠ ᠰᠡᠭᠡᠭᠡᠯᠭᠡᠬᠦ ᠦᠭᠡᠢ ᠪᠣᠯᠪᠠ᠃ ᠬᠣᠷᠢ ᠭᠠᠷᠤᠢ ᠮᠢᠨᠦ᠋ᠲ ᠦᠨ  ᠲᠠᠷᠠᠭ᠎ᠠ ᠮᠦᠨᠳᠦᠷ ᠪᠣᠷᠤᠭᠠᠨ ᠪᠣᠯᠤᠨ ᠴᠢᠳᠬᠤᠯᠠᠵᠤ᠂ ᠲᠡᠳᠡ ᠭᠤᠷᠪᠠ ᠪᠦᠭᠡᠷᠡᠨ ᠲᠠᠭᠵᠢᠵᠤ ᠪᠡᠶ᠎ᠡ ᠨᠢ ᠬᠦᠰᠢᠭᠰᠡᠨ ᠴᠤ ᠮᠤᠲ᠋ᠣᠷ ᠭᠠᠯᠯᠠᠵᠤ ᠰᠣᠷᠭᠠᠭᠤᠯᠢ ᠪᠠᠨ ᠴᠢᠭᠯᠡᠪᠡ᠃ ᠲᠡᠮᠡᠢ ᠬᠣᠯᠠ ᠶᠠᠪᠤᠭᠰᠠᠨ ᠦᠭᠡᠢ ᠪᠠᠲᠦ᠂  ᠵᠢᠨ ᠵᠦ ᠬᠤᠶᠠᠷ ᠤᠨ ᠵᠠᠶᠢᠳᠠᠯᠠᠭᠰᠠᠨ ᠮᠣᠲ᠋ᠣᠷ ᠨᠢ ᠵᠠᠮ ᠤᠨ ᠰᠢᠪᠠᠷ ᠲᠤ ᠬᠠᠯᠲᠣᠷᠢᠨ ᠬᠣᠶᠠᠷ ᠪᠠᠭᠰᠢ ᠶᠢ ᠰᠠᠪᠠᠨ ᠶᠠᠪᠣᠭᠤᠯᠪᠠ᠃ ᠪᠠᠲᠤ ᠪᠠᠭᠰᠢ ᠶᠢᠨ ᠴᠡᠭᠡᠵᠢ ᠶᠢᠨ ᠬᠡᠰᠡᠭ ᠲᠡᠷᠭᠡᠨ ᠪᠠᠷᠢᠭᠤᠯ ᠳᠤ ᠴᠤᠬᠢᠭᠳᠠᠵᠤ  ᠬᠦᠬᠡᠷᠡᠵᠦ ᠪᠣᠷᠤᠯᠠᠭᠠᠳ ᠬᠡᠰᠡᠭ ᠮᠡᠳᠡᠭᠡ ᠠᠯᠳᠠᠷᠠᠪᠠ᠃ ᠠᠷᠣ ᠳᠤ ᠨᠢ ᠰᠠᠭᠤᠭᠰᠠᠨ ᠵᠢᠨ ᠵᠦ  ᠪᠠᠭᠰᠢ ᠰᠠᠪᠠᠭᠳᠠᠨ  ᠭᠠᠵᠠᠷ ᠤᠶᠢᠴᠢᠵᠤ ᠬᠥᠯ ᠨᠢ ᠰᠢᠷᠬᠠᠲᠤᠭᠠᠳ ᠴᠢᠰᠤ ᠲᠠᠭᠠᠪᠦᠷᠢᠯᠠᠪᠠ᠃ ᠪᠣᠰᠤᠭᠠᠳ ᠦᠵᠡᠬᠦ ᠳᠦ  ᠮᠣᠲ᠋ᠤᠷ ᠤᠨ ᠬᠢᠨᠢ ᠡᠮᠦᠨ᠎ᠡ ᠬᠡᠰᠡᠭ ᠲᠠᠬᠢ ᠳ᠋ᠸᠩ᠂ ᠴᠠᠭ᠂ ᠲᠣᠯᠢ᠂᠂᠂᠂᠂ ᠵᠡᠷᠭᠡ ᠨᠢ ᠪᠦᠬᠥᠨ ᠢᠶᠡᠷ ᠢᠶᠡᠨ ᠠᠪᠬᠤ ᠶᠢᠨ ᠲᠠᠮᠳᠣᠭ ᠦᠭᠡᠢ ᠪᠣᠯᠲᠠᠯ᠎ᠠ ᠪᠠᠯᠪᠠᠷᠠᠨ ᠰᠦᠢᠷᠡᠭᠰᠡᠨ ᠪᠠᠶᠢᠵᠠᠢ᠃ ᠡᠶᠢᠨᠬᠦ ᠠᠮᠢ ᠨᠠᠰᠤᠨ ᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠶᠢ ᠦᠴᠦᠬᠡᠨ ᠴᠤ ᠬᠠᠶᠢᠬᠤᠷᠤᠯ ᠦᠭᠡᠢ ᠰᠣᠷᠤᠭᠴᠢ ᠶᠢᠨ ᠢᠶᠡᠨ ᠠᠮᠤᠷ ᠲᠦᠪᠰᠢᠨ ᠦ ᠲᠦᠯᠦᠭᠡ ᠰᠠᠯᠬᠢ ᠮᠦᠨᠳᠦᠷ ᠲᠦ ᠴᠤᠬᠢᠭᠳᠠᠵᠤ ᠰᠢᠷᠬᠠᠲᠤᠭᠰᠠᠨ ᠠᠭᠤᠣ ᠶᠡᠬᠡ ᠭᠤᠷᠪᠠᠨ ᠪᠠᠭᠰᠢ ᠶᠢᠨ ᠡᠷᠬᠢᠮ ᠲᠡᠭᠡᠳᠦ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ᠤᠶᠢᠷ᠎ᠠ ᠣᠷᠴᠢᠮ ᠤᠨ ᠦᠷᠭᠡᠨ ᠣᠯᠠᠨ ᠤ ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠣᠯᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠨᠠᠷ ᠤᠨ ᠰᠤᠷᠣᠯᠴᠠᠬᠣ ᠲᠠᠭᠤᠷᠢᠶᠠᠯ ᠪᠣᠯᠵᠠᠢ᠃ ᠪᠠᠰᠠ ᠦᠶ᠎ᠡ ᠶᠢᠨ ᠦᠶ᠎ᠡ ᠣᠯᠠᠮᠵᠢᠯᠠᠨ ᠰᠤᠷᠲᠠᠯᠴᠢᠯᠠᠬᠤ ᠪᠣᠯᠪᠠᠰᠤᠨ ᠲᠡᠤᠬᠡ ᠪᠣᠯᠵᠤ ᠬᠣᠴᠤᠷᠬᠣ ᠶᠣᠰᠤᠳᠠᠢ᠃

                                              ︵ 2004.7.25︶