ᠠᠵᠢᠨᠠᠢ ᠬᠦᠯᠦᠭ ᠲᠠᠪᠬᠢᠵᠤ ᠡᠷᠡᠯᠬᠡᠭ ᠪᠥᠷᠬᠥᠳ ᠬᠠᠯᠢᠨ᠎ᠠ ᠶᠢᠰᠦᠳᠦᠭᠡᠷ ᠰᠠᠷ᠎ᠠ ᠶᠢᠨ ᠰᠠᠯᠬᠢ ᠦᠷᠦᠮ᠎ᠡ ᠰᠦ ᠶᠢᠨ ᠦᠨᠦᠷ ᠬᠠᠩᠬᠤᠯᠣᠭᠤᠯᠵᠣ᠂ ᠮᠤᠩᠭᠣᠯ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ︽ ᠬᠤᠶᠠᠷ ᠤᠨ ᠨᠢᠭᠡ︾ ᠶᠢᠨ ᠬᠢᠴᠢᠶᠡᠯ ᠦᠨ ᠭᠡᠷ ᠲᠦ ᠂ ᠲᠣᠭᠠᠨ ᠤ ᠬᠢᠴᠢᠶᠡᠯ  ᠤᠨ ᠰᠢᠨᠡᠬᠡᠨ ᠪᠠᠭᠰᠢ᠂ ᠴᠢᠮᠡᠭ ᠂ ᠬᠢᠴᠢᠶᠡᠯ ᠢᠶᠡᠨ ᠡᠬᠢᠯᠡᠭᠦᠯᠬᠦ ᠪᠡᠷ ᠪᠡᠯᠡᠳᠭᠡᠵᠦ ᠶᠠᠭᠠᠷᠠᠨ᠎ᠠ᠃ ᠲᠡᠷᠡ᠂ ᠲᠣᠭᠠᠨ ᠤ ᠵᠡᠷᠭᠡᠯᠡᠭᠡ ᠮᠤᠳᠤ  ᠪᠠᠨ ᠶᠠᠷᠢᠶᠠᠨ  ᠤ ᠲᠠᠪᠴᠠᠩ  ᠳᠤ ᠲᠠᠯᠪᠢᠵᠤ᠂ ᠲᠠᠬᠢᠨ ᠰᠦᠨ ᠰᠢᠬᠢᠷ ᠬᠠᠪᠴᠢᠭᠤᠯᠣᠭᠰᠠᠨ ᠵᠢᠭᠠᠬᠤ ᠲᠦᠰᠦᠯ ᠦᠨ ᠲᠡᠪᠲᠡᠷ ᠢᠶᠡᠨ ᠲᠠᠯᠪᠢᠬᠣ ᠳᠤ ︽ᠨᠢᠭᠡ ᠨᠡᠮᠡᠬᠥ ᠨᠢᠭᠡ ᠲᠡᠩᠴᠡᠭᠦᠦ ᠬᠤᠶᠠᠷ︾ ᠢ ᠬᠦᠷᠲᠡᠯ᠎ᠡ ᠲᠠᠯ᠎ᠠ ᠨᠤᠲᠣᠭ ᠤᠨ ᠬᠡᠦᠬᠡᠳ ᠦᠨ ᠲᠠᠭᠤᠣ ᠪᠤᠯᠭᠠᠨ ᠨᠠᠶᠢᠷᠠᠭᠤᠯᠵᠣ ᠪᠢᠴᠢᠭᠰᠡᠨ ᠨᠢ ᠲᠣᠲᠤᠬᠠᠨ ᠬᠠᠷᠠᠭᠳᠠᠨ᠎ᠠ᠃ ᠵᠠᠯᠭᠠᠭᠠᠳ ᠴᠢᠮᠡᠭ ᠪᠠᠭᠰᠢ ᠶᠠᠭᠠᠷᠣᠤ ᠰᠠᠳᠣᠷᠣᠤ ᠭᠠᠵᠠᠷ   ᠲᠤ ᠤᠴᠤᠶᠢᠨ ᠰᠠᠭᠤᠵᠣ ᠪᠣᠳᠤᠭᠲᠤ ᠤ  ᠶᠢᠨ ᠪᠢᠷ  ᠢᠶᠠᠷ ᠰᠠᠮᠪᠠᠷ᠎ᠠ ᠶᠢᠨ ᠢᠶᠡᠨ ᠲᠣᠤᠷ᠎ᠠ ᠲᠠᠯ᠎ᠠ ᠪᠠᠷ ᠬᠤᠷᠠᠭ᠎ᠠ ᠵᠢᠷᠤᠵᠣ ᠡᠬᠢᠯᠡᠪᠡ᠃ ᠬᠢᠴᠢᠶᠡᠯ ᠦᠨ ᠬᠤᠩᠬᠤ ᠲᠠᠴᠢᠬᠢᠨᠠᠪᠠ᠃ ︽ ᠪᠦᠪᠡᠢ ᠨᠠᠷ ᠡ᠂ ᠬᠢᠴᠢᠶᠡᠯ ᠣᠷᠣᠯ᠎ᠠ︕︾ ᠴᠢᠮᠡᠭ ᠭᠠᠷ ᠢᠶᠠᠨ ᠠᠯᠭᠠᠳᠠᠨ ᠲᠤᠯᠤᠭᠠᠢ ᠲᠤᠬᠢᠨ ᠶᠠᠷᠢᠬᠤ ᠳᠤ ᠬᠠᠳᠬᠤᠭᠰᠠᠨ ᠡᠪᠡᠷ ᠭᠡᠵᠢᠭᠡ ᠨᠢ ᠲᠡᠭᠦᠨ  ᠢ ᠲᠠᠭᠠᠨ ᠡᠷᠭᠢᠯᠳᠦᠵᠦ᠂ ᠭᠠᠷ ᠲᠠᠬᠢ ᠮᠦᠩᠭᠦᠨ ᠪᠠᠭᠤᠪᠴᠢ ᠨᠢ ᠲᠢᠩᠭᠠᠷ ᠲᠠᠩᠭᠠᠷ ᠲᠣᠤᠭᠠᠷᠣᠨ᠎ᠠ᠃ ︽ᠦᠨᠥᠳᠦᠷ ᠪᠢᠳᠡ ᠬᠣᠷᠠᠭ᠎ᠠ ᠲᠣᠭᠠᠯᠠᠬᠤ ᠲᠤᠭᠯᠠᠭᠠᠮ ᠶᠠᠪᠤᠭᠳᠠᠭᠤᠯᠣᠶ᠎ᠠ᠃ ᠵᠥᠪ ᠲᠤᠭᠠᠯᠠᠭᠰᠠᠨ ᠪᠢᠴᠢᠬᠠᠨ ᠨᠠᠶᠢᠵᠠ ᠳᠤ ᠪᠠᠨ ᠨᠢᠭᠡ ᠰᠦᠨ ᠰᠢᠬᠢᠷ ᠱᠠᠩᠨᠠᠶ᠎ᠠ︾ ᠭᠡᠯ᠎ᠡ᠃ ᠡᠮᠦᠨ᠎ᠡ ᠮᠦᠷ ᠦᠨ ᠪᠣᠯᠤᠳ ᠲᠡᠭᠡᠷ᠎ᠡ ᠭᠠᠷᠠᠭ ᠬᠢᠴᠢᠶᠡᠯ ᠲᠡᠭᠡᠷ᠎ᠡ ᠬᠣᠷᠤᠳ ᠬᠡᠮᠡᠯᠢᠭᠰᠡᠨ ᠡᠴᠡ ᠴᠢᠮᠡᠭ ᠲᠦ ᠪᠠᠷᠢᠭᠳᠠᠵᠤ ᠂ ᠡᠨᠡ ᠤᠳᠠᠭ᠎ᠠ ᠶᠠᠭᠠᠬᠢᠭᠰᠠᠨ ᠴᠤ︽ ᠶᠠᠯ᠎ᠠ ᠪᠠᠨ ᠭᠠᠪᠢᠶ᠎ᠠ ᠪᠠᠷ ᠲᠠᠶᠢᠯᠬᠤ︾ ᠶᠢ ᠪᠣᠳᠤᠵᠣ᠂ ᠴᠡᠭᠡᠵᠢ ᠲᠡᠨᠢᠢᠯᠭᠡᠨ᠂ ᠬᠠᠨᠴᠤᠢ ᠰᠢᠮᠠᠯᠠᠨ᠂ ᠬᠤᠷᠮᠤᠢ ᠰᠢᠭᠤᠵᠣ ᠭᠠᠷ ᠡᠷᠭᠦᠨ︽ ᠪᠠᠭᠰᠢ ᠡ᠂ ᠪᠢ ᠬᠠᠮᠤᠭ ᠠᠴᠠ ᠬᠤᠷᠳᠣᠨ ᠵᠥᠪ ᠲᠣᠭᠠᠯᠠᠵᠤ ᠴᠢᠳᠠᠨ᠎ᠠ︕︾ ᠬᠡᠮᠡᠨ ᠬᠦᠴᠦᠲᠠᠢ ᠪᠣᠰᠴᠤ ᠵᠣᠭᠰᠤᠬᠣ ᠳᠤ ᠰᠠᠨᠳᠠᠯᠢ ᠶᠢᠨ ᠬᠢᠨᠢ ᠬᠥᠯ ᠨᠢ ᠱᠠᠯᠠ ᠲᠡᠭᠡᠷ᠎ᠡ ᠱᠦᠷᠭᠦᠭᠡᠭᠡᠳ ᠴᠢᠬᠢ ᠭᠠᠳᠠᠮ᠎ᠠ ᠳᠠᠭᠤᠨ ᠭᠠᠷᠴᠤ ᠪᠦᠬᠥ ᠠᠩᠭᠢ ᠶᠢᠨ ᠬᠢᠨᠢ ᠶᠢ ᠢᠨᠢᠶᠡᠯᠭᠡᠪᠡ᠃ ᠪᠣᠯᠤᠳ ᠦᠨᠡᠬᠡᠷ ᠲᠦᠷᠭᠡᠨ ᠮᠦᠲᠡᠭᠡᠨ ᠵᠥᠪ ᠣᠨᠤᠪᠴᠢᠲᠠᠢ ᠲᠤᠭᠠᠯᠠᠵᠤ ᠭᠠᠷᠪᠠ᠃ ᠴᠢᠮᠡᠭ ᠢᠨᠢᠶᠡᠨ ᠲᠡᠭᠦᠨ ᠳᠦ ᠨᠢᠭᠡᠨ ᠰᠦᠨ ᠰᠢᠬᠢᠷ ᠭᠠᠷᠲᠠᠭᠤᠯᠵᠣ᠄︽ ᠶᠡᠬᠡ ᠰᠠᠶᠢᠨ ᠃ ᠦᠵᠡᠬᠦ ᠳᠦ ᠬᠤᠷᠤᠳ ᠢ ᠦᠨᠡᠬᠡᠷ ᠵᠦᠭᠡᠷ ᠢᠳᠡᠭᠰᠡᠨ ᠦᠭᠡᠢ᠃ ᠦᠨᠥᠳᠦᠷ ᠲᠠᠨ ᠤ ᠨᠢᠳᠦ ᠪᠥᠷᠬᠦᠳ ᠦᠨ ᠨᠢᠳᠦ ᠡᠴᠡ ᠴᠤ ᠭᠡᠷᠡᠯᠲᠠᠢ ᠪᠠᠶᠢᠨ᠎ᠠ︕ ᠡᠶᠢᠮᠦᠷᠬᠦ ᠵᠣᠷᠢᠭ ᠰᠥᠰᠦ ᠲᠠᠢ ᠪᠠᠶᠢᠭ᠎ᠠ ᠳᠤ ᠴᠢᠨᠢ ᠪᠠᠶᠠᠷ ᠬᠦᠷᠭᠡᠶ᠎ᠡ︾ ᠭᠡᠬᠦ ᠳᠦ ᠠᠩᠭᠢ ᠳᠤ ᠠᠯᠠᠭ᠎ᠠ ᠲᠠᠰᠢᠯᠲᠠ  ᠶᠢᠨ ᠲᠠᠭᠤᠨ ᠨᠢᠵᠢᠬᠢᠨᠡᠪᠡ᠃︽ᠨᠡᠮᠡᠬᠥ ᠦᠢᠯᠡᠳᠦᠯ︾ ᠢ ᠵᠢᠭᠠᠬᠤ ᠳᠤ᠂ ᠴᠢᠮᠡᠭ ᠭᠡᠨᠡᠳᠲᠡ ᠬᠢᠴᠢᠶᠡᠯ ᠦᠨ ᠲᠠᠶᠢᠰᠠᠨ ᠤ ᠲᠣᠤᠷ᠎ᠠ ᠠᠴᠠ ᠨᠤᠯᠤᠣᠷ ᠬᠤᠷᠠᠭᠠᠨ ᠤ ᠨᠠᠭᠠᠳᠤᠮ ᠤᠨ ᠪᠠᠭᠠᠵᠢ ᠪᠠᠨ ᠴᠢᠷᠤᠨ ᠭᠠᠷᠭᠠᠵᠣ᠄︽ ᠦᠵᠡᠭᠡᠴᠢ︕ ᠡᠨᠡ ᠬᠤᠷᠠᠭᠠᠨ ᠤ ᠲᠡᠭᠡᠷ᠎ᠡ ᠲᠡᠷᠡ ᠬᠤᠷᠠᠭ᠎ᠠ ᠶᠢ ᠨᠡᠮᠡᠪᠡᠯ ᠲᠠᠷᠤᠢ︾ ᠭᠡᠲᠡᠯ᠎ᠡ ᠤᠯᠠᠩᠬᠢ ᠰᠤᠷᠣᠭᠴᠢᠳ᠄︽ ᠬᠤᠶᠠᠷ ᠬᠤᠷᠠᠭ᠎ᠠ ᠪᠣᠯᠤᠨ᠎ᠠ︕︾ ᠭᠡᠵᠦ ᠶᠡᠬᠡ ᠲᠠᠭᠤ ᠪᠠᠷ ᠬᠠᠰᠬᠢᠷᠤᠨ᠎ᠠ᠃ ᠴᠢᠮᠡᠭ᠂ ᠬᠢᠴᠢᠶᠡᠯ ᠢᠶᠡᠨ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ ᠵᠠᠯᠭᠠᠭᠠᠳ᠄︽ ᠶᠠᠭ ᠯᠠ ᠠᠪᠤ ᠶᠢᠨ ᠬᠤᠨᠢᠨ ᠬᠠᠰᠢᠶᠠᠨ ᠳᠤ ᠦᠷᠯᠦᠭᠡ ᠨᠢᠭᠡ ᠬᠤᠷᠠᠭ᠎ᠠ ᠮᠠᠶᠢᠯᠠᠭᠰᠠᠭᠠᠷ ᠤᠷᠣᠵᠤ᠂ ᠣᠷᠤᠢ ᠨᠢ ᠪᠠᠰᠠ ᠨᠢᠭᠡ ᠬᠤᠷᠠᠭ᠎ᠠ ᠮᠠᠶᠢᠯᠠᠭᠰᠠᠭᠠᠷ ᠣᠷᠤᠵᠣ᠂ ᠨᠡᠶᠢᠲᠡ ᠬᠤᠶᠠᠷ ᠬᠤᠷᠠᠭ᠎ᠠ᠂ ᠬᠤᠨᠢᠨ ᠬᠠᠰᠢᠶᠠᠨ ᠳᠤ ᠣᠷᠤᠭᠰᠠᠨ ᠲᠠᠢ ᠠᠳᠠᠯᠢ︕︾ ᠭᠡᠵᠦ ᠬᠤᠷᠠᠭ᠎ᠠ ᠢᠰᠢᠭᠡ ᠶᠢᠨ ᠮᠠᠶᠢᠯᠠᠬᠣ ᠲᠠᠭᠣᠨ  ᠢ ᠲᠠᠭᠤᠷᠢᠶᠠᠨ ᠱᠤᠭᠲᠠᠶᠢᠬᠠᠨ ᠠᠭᠠᠵᠢᠮ ᠢᠶᠠᠷ ᠲᠦᠷᠰᠦᠯᠡᠨ ᠶᠠᠷᠢᠬᠤ ᠳᠤ᠂ ᠡᠮᠦᠨ᠎ᠡ ᠮᠦᠷ ᠦᠨ ᠬᠤᠴᠤᠷᠣᠩᠭᠤᠢ ᠰᠤᠷᠤᠭᠴᠢ ᠰᠠᠷᠠᠨ᠎ᠠ ᠴᠤ ᠰᠢᠷᠡᠭᠡ ᠠᠯᠠᠭᠠᠳᠠᠨ ᠢᠨᠢᠶᠡᠵᠦ᠄ ︽ᠨᠡᠶᠢᠲᠡ ᠬᠤᠶᠠᠷ︕︾ ᠭᠡᠵᠦ ᠪᠠᠷᠬᠢᠷᠠᠨ᠎ᠠ᠃ ᠣᠤᠯ ᠤᠨ ᠲᠥᠪ ᠴᠢᠩᠭ᠎ᠠ ᠠᠩᠭᠢ ᠶᠢᠨ ᠲᠠᠷᠣᠭ᠎ᠠ ᠨᠢ ᠴᠤ ᠬᠦᠷᠲᠡᠯ᠎ᠡ ᠲᠡᠰᠭᠡᠯ ᠦᠭᠡᠢ ᠣᠷᠤᠭᠣᠯ ᠢᠶᠠᠨ ᠮᠤᠰᠢᠢᠲᠠᠯ᠎ᠠ ᠢᠨᠢᠶᠡᠨ᠎ᠡ᠃ ︽ᠬᠠᠰᠤᠬᠤ ᠠᠷᠭ᠎ᠠ︾ ᠶᠢ ᠵᠢᠭᠠᠬᠤ ᠳᠤ᠂ ᠴᠢᠮᠡᠭ ᠵᠤᠷᠢᠭᠣᠲᠠ ᠬᠦᠮᠦᠰᠭᠡ ᠪᠡᠨ ᠵᠠᠩᠭᠢᠳᠣᠨ᠄︽ ᠠᠢ ᠶᠠ᠂ ᠮᠠᠭᠤ ᠪᠤᠯᠵᠠᠢ᠃ ᠨᠢᠭᠡ ᠬᠤᠷᠠᠭ᠎ᠠ ᠨᠢ ᠲᠤᠲᠠᠭᠠᠴᠢᠬᠠᠵᠠᠢ︾ ᠬᠡᠮᠡᠨ ᠶᠠᠷᠢᠵᠤ ᠂ᠨᠢᠭᠡ ᠨᠤᠯᠤᠣᠷ ᠬᠤᠷᠠᠭ᠎ᠠ ᠶᠢ ᠠᠷᠤ ᠳᠤ ᠪᠠᠨ ᠨᠢᠭᠤᠭᠠᠳ᠄︽ ᠣᠤᠯ ᠨᠢ ᠭᠤᠷᠪᠠᠨ ᠬᠤᠷᠠᠭ᠎ᠠ ᠪᠠᠶᠢᠵᠠᠢ᠃ ᠪᠠᠰᠠ ᠬᠡᠳᠦ ᠦᠯᠡᠳᠡᠵᠦ ᠪᠠᠶᠢᠬᠣ ᠪᠤᠢ︖︾ ᠭᠡᠬᠦ ᠳᠦ ᠰᠤᠷᠤᠭᠴᠢᠳ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠪᠠᠨ ᠪᠢᠴᠢᠬᠠᠨ ᠭᠠᠷ ᠢᠶᠡᠨ ᠡᠷᠭᠦᠵᠡᠭᠡᠨ᠎ᠡ᠃ ᠶᠡᠷᠦ ᠨᠢ ᠨᠢᠭᠡ ᠣᠳᠠᠭ᠎ᠠ ᠴᠤ ᠦᠪᠡᠷ ᠦᠨ ᠰᠠᠶᠢᠨ ᠲᠣᠷ᠎ᠠ ᠠᠴᠠ ᠪᠠᠨ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠵᠣ ᠦᠵᠡᠭᠡ ᠦᠭᠡᠢ ᠰᠤᠷᠤᠭᠴᠢ ᠲᠤᠶᠠᠭ᠎ᠠ ᠴᠤ ᠭᠠᠷ ᠡᠷᠭᠦᠨ ᠭᠦᠶᠦᠨ ᠪᠤᠰᠤᠭᠠᠳ᠄︽ ᠪᠠᠭᠰᠢ ᠡ᠂ ᠪᠢ ᠮᠡᠳᠡᠨ᠎ᠡ᠃ ᠪᠠᠰᠠ ᠬᠤᠶᠠᠷ ᠬᠣᠷᠠᠭ᠎ᠠ ᠦᠯᠡᠳᠡᠵᠦ ᠪᠠᠶᠢᠨ᠎ᠠ︾ ᠭᠡᠯ᠎ᠡ᠃ ᠴᠢᠮᠡᠭ ᠢᠨᠢᠶᠡᠨ ᠨᠢᠭᠤᠭᠰᠠᠨ ᠬᠤᠷᠠᠭ᠎ᠠ ᠪᠠᠨ ᠭᠠᠷᠭᠠᠵᠣ᠄︽ ᠵᠥᠪ ᠬᠠᠷᠢᠭᠤᠯᠵᠠᠢ᠃ ᠲᠤᠶᠠᠭ᠎ᠠ ᠲᠤᠩ ᠰᠢᠯᠢᠳᠡᠭ ᠪᠠᠶᠢᠨ᠎ᠠ᠃ ᠨᠢᠭᠡ ᠰᠦᠨ ᠰᠢᠬᠢᠷ ᠱᠠᠩᠨᠠᠶ᠎ᠠ︾ ᠭᠡᠬᠦ ᠳᠦ᠂ ᠠᠩᠭᠢ ᠳᠤ ᠪᠠᠰᠠ ᠨᠢᠭᠡ ᠤᠳᠠᠭ᠎ᠠ ᠠᠯᠠᠭ᠎ᠠ ᠲᠠᠰᠢᠯᠲᠠ ᠶᠢᠨ ᠲᠠᠭᠤᠨ ᠨᠢᠵᠢᠬᠢᠨᠡᠪᠡ᠃ᠬᠢᠴᠢᠶᠡᠯ ᠦᠨ ᠵᠠᠪᠰᠠᠷᠯᠠᠭ᠎ᠠ  ᠳᠤ᠂ ᠬᠡᠳᠦᠨ ᠡᠮᠡᠭᠲᠡᠢ ᠰᠤᠷᠣᠭᠴᠢ ᠴᠢᠮᠡᠭ ᠢ ᠲᠣᠭᠤᠷᠢᠨ ᠢᠷᠡᠵᠦ᠄︽ ᠪᠠᠭᠰᠢ ᠡ᠂ ᠲᠠ ᠶᠢᠯᠸᠢ ᠣᠪᠢᠳᠠᠰ ᠭᠠᠷᠭᠠᠵᠤ ᠴᠢᠳᠠᠨᠠᠤ︖︾ ᠭᠡᠰᠡᠨ ᠳᠦ ᠴᠢᠮᠡᠭ ᠪᠠᠭᠰᠢ ᠨᠢᠳᠦ ᠪᠡᠨ ᠠᠨᠢᠪᠠᠯᠵᠠᠭᠤᠯᠣᠨ ᠶᠠᠷᠢᠶᠠᠨ ᠤ ᠲᠠᠪᠴᠠᠩ ᠲᠡᠭᠡᠷ᠎ᠡ  ᠡᠴᠡ ᠲᠤᠭᠠᠨ  ᠤ ᠵᠡᠷᠭᠡᠯᠡᠭᠡ ᠮᠤᠳᠤ ᠪᠠᠨ ᠭᠠᠷᠭᠠᠵᠤ᠄︽ ᠪᠢ ᠪᠣᠯ ᠲᠣᠭᠠᠨ ᠤ ᠣᠬᠠᠭᠠᠨ ᠤ ᠶᠢᠯᠸᠢᠴᠢᠨ ᠰᠢᠦ︕ ᠢᠲᠡᠭᠡᠬᠦ ᠦᠭᠡᠢ ᠪᠣᠯ ᠪᠢᠳᠡ ᠵᠡᠷᠭᠡᠯᠡᠭᠡ ᠮᠤᠳᠣᠨ ᠤ ᠲᠤᠭᠯᠠᠭᠠᠮ ᠨᠠᠭᠠᠳᠤᠶ᠎ᠠ᠃ ᠬᠡᠷᠪᠡ ᠨᠠᠳᠠ ᠶᠢ ᠢᠯᠠᠪᠠᠯ ᠪᠢ ᠲᠠᠨᠠᠷ ᠲᠤ ᠮᠤᠩᠭᠣᠯ ᠬᠡᠤᠬᠡᠳ ᠤᠨ ᠲᠠᠭᠤᠣ ᠲᠠᠭᠤᠯᠠᠵᠣ ᠦᠭᠭᠦᠶ᠎ᠡ︾ ᠭᠡᠬᠦ ᠦᠭᠡ ᠨᠢ ᠲᠠᠭᠤᠰᠬᠣ ᠲᠠᠢ ᠵᠡᠷᠭᠡ ᠡᠷᠡᠭᠲᠡᠢ ᠰᠤᠷᠣᠭᠴᠢᠳ ᠴᠤ ᠬᠦᠷᠢᠶᠡᠯᠡᠨ ᠢᠷᠡᠯ᠎ᠡ᠃ ᠬᠢᠴᠢᠶᠡᠯ ᠦᠨ ᠭᠡᠷ ᠨᠢ ᠭᠱᠠᠨ ᠵᠠᠭᠤᠷ᠎ᠠ ᠵᠡᠷᠭᠡᠯᠡᠭᠡ ᠮᠤᠳᠤᠨ ᠤ ᠣᠷᠤᠯᠳᠣᠭᠠᠨ ᠤ ᠲᠠᠯᠠᠪᠣᠷ ᠪᠤᠯᠵᠣ᠂ ᠪᠠᠭᠰᠢ ᠰᠣᠷᠤᠭᠴᠢᠳ ᠤᠨ ᠮᠤᠩᠭᠣᠯ ᠬᠡᠣᠬᠡᠳ ᠤᠨ ᠲᠠᠭᠤᠣ ᠡᠭᠡᠯᠵᠢᠯᠡᠨ ᠴᠣᠤᠷᠢᠶᠠᠲᠣᠪᠠ᠃ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠪᠠᠭ᠎ᠠ ᠰᠢᠯᠭᠠᠯᠲᠠ ᠶᠢᠨ ᠲᠠᠷᠠᠭ᠎ᠠ ᠴᠢᠮᠡᠭ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠣᠳᠠᠰᠤ ᠪᠠᠨ ᠠᠪᠣᠭᠠᠳ ᠠᠩᠭᠢ ᠶᠢᠨ ᠭᠡᠷ ᠲᠦ ᠣᠷᠤᠵᠣ ᠢᠷᠡᠪᠡ᠃ ᠨᠢᠭᠤᠷ ᠲᠡᠭᠡᠷ᠎ᠡ ᠪᠡᠨ ᠵᠤᠷᠢᠭᠤᠲᠠ ᠲᠥᠪ ᠴᠢᠩᠭ᠎ᠠ ᠪᠠᠶᠢᠳᠠᠯ ᠭᠠᠷᠭᠠᠵᠣ᠄︽ ᠡᠨᠡ ᠤᠳᠠᠭ᠎ᠠ ᠶᠢᠨ ᠰᠢᠯᠭᠠᠯᠲᠠ ᠳᠤ ᠵᠠᠷᠢᠮ ᠪᠢᠴᠢᠬᠠᠨ ᠨᠠᠶᠢᠵᠠ ᠨᠠᠷ ᠤᠨ ᠬᠠᠷᠢᠭᠤᠯᠲᠠ ᠨᠢ ᠡᠷᠦᠢ ᠬᠤᠷᠤᠢ ᠦᠭᠡᠢ᠂ ᠶᠠᠭᠤ ᠪᠤᠳᠣᠪᠠᠯ ᠶᠠᠭᠤ ᠪᠠᠨ ᠪᠢᠴᠢᠭᠡᠳ᠂ ᠨᠡᠬᠡᠷᠡᠨ ᠲᠠᠯ᠎ᠠ ᠨᠣᠲᠣᠭ ᠤᠨ ᠪᠢᠴᠢᠬᠠᠨ ᠮᠣᠷᠢ ᠠᠴᠠ ᠴᠤ ᠵᠡᠷᠯᠢᠭ ᠪᠠᠶᠢᠨ᠎ᠠ︕︾ ᠭᠡᠵᠦ ᠶᠠᠷᠢᠵᠤ ᠲᠠᠭᠤᠰᠣᠭᠠᠳ᠂ ᠲᠠᠬᠢᠨ ᠭᠡᠨᠡᠳᠲᠡ ᠢᠨᠢᠶᠡᠭᠡᠳ ᠄︽ᠭᠡᠪᠡᠴᠤ ᠲᠤᠶᠠᠭ᠎ᠠ ᠮᠠᠰᠢ ᠶᠡᠬᠡ ᠲᠠᠪᠰᠢᠯᠲᠠ ᠲᠠᠢ᠃ ᠪᠦᠬᠦᠨ ᠢ ᠵᠥᠪ ᠬᠠᠷᠢᠭᠤᠯᠵᠠᠢ︾ ᠭᠡᠬᠦ ᠳᠦ᠂ ᠲᠤᠶᠠᠭ᠎ᠠ ᠲᠤᠯᠣᠭᠠᠢ ᠪᠠᠨ ᠮᠠᠭᠠᠵᠢᠯᠬᠢᠯᠠᠨ ᠢᠨᠢᠶᠡᠮᠰᠦᠭᠯᠡᠬᠦ ᠳᠦ ᠴᠢᠬᠢᠨ ᠦ ᠬᠢᠨᠢ ᠦᠵᠦᠭᠦᠷ ᠨᠢ ᠬᠦᠷᠲᠡᠯ᠎ᠡ ᠣᠯᠠᠶᠢᠴᠢᠬᠠᠭᠰᠠᠨ ᠪᠠᠶᠢᠯ᠎ᠠ᠃ ᠴᠢᠮᠡᠭ ᠰᠠᠮᠪᠠᠷ᠎ᠠ ᠶᠢᠨ ᠢᠶᠡᠨ ᠡᠮᠦᠨ᠎ᠡ ᠬᠦᠷᠴᠦ᠂ ᠪᠣᠳᠤᠭᠲᠠᠢ ᠤ ᠶᠢᠨ ᠪᠢᠷ ᠢᠶᠡᠷ ᠨᠢᠭᠡᠨ ᠰᠦᠨ ᠰᠢᠬᠢᠷ ᠡᠷᠭᠦᠭᠰᠡᠨ ᠪᠢᠴᠢᠬᠠᠨ ᠬᠡᠤᠬᠡᠳ ᠢ ᠵᠢᠷᠤᠵᠣ᠂ ᠬᠠᠵᠠᠭᠤ ᠳᠤ ᠨᠢ︽ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠣᠷᠤᠯᠴᠠᠭᠠᠷᠠᠢ︕︾ ᠭᠡᠵᠦ ᠬᠡᠳᠦᠨ ᠦᠰᠦᠭ ᠪᠢᠴᠢᠭᠡᠳ ᠣᠯᠠᠨ ᠤ ᠡᠰᠡᠷᠭᠦ ᠬᠠᠨᠳᠤᠵᠣ᠄︽ ᠲᠤᠭᠠᠨ ᠤ ᠣᠬᠠᠭᠠᠨ ᠪᠣᠯ ᠶᠠᠭ ᠲᠠᠯ᠎ᠠ ᠨᠤᠲᠣᠭ ᠤᠨ ᠰᠣᠷᠭᠤᠭ ᠴᠡᠴᠡᠭ ᠲᠠᠢ ᠠᠳᠠᠯᠢ᠂ ᠪᠢᠳᠡ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠣᠰᠤᠯᠠᠳᠠᠭ ᠯᠠ ᠶᠤᠮ ᠪᠣᠯ ᠦᠵᠡᠰᠭᠦᠯᠡᠩᠲᠦ ᠰᠠᠶᠢᠬᠠᠨ ᠴᠡᠴᠡᠭ ᠶᠠᠭᠠᠬᠢᠭᠰᠠᠨ ᠴᠤ ᠲᠡᠯᠭᠡᠷᠡᠬᠦ ᠶᠤᠮ ᠡ᠂︕ᠪᠢᠳᠡ ᠬᠠᠮᠲᠤ ᠪᠠᠷ ᠴᠢᠷᠮᠠᠶᠢᠵᠠᠭᠠᠶ᠎ᠠ᠃ ᠦᠭᠡᠯᠡᠢ ᠪᠣᠯᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠠᠪᠤᠷᠭᠣ ᠪᠥᠷᠬᠦᠳ ᠰᠢᠭ ᠦᠪᠡᠷ ᠦᠨ ᠪᠣᠳᠤᠭᠰᠠᠨ ᠰᠠᠨᠠᠭᠰᠠᠨ ᠭᠠᠵᠠᠷ ᠲᠤ ᠪᠠᠨ ᠡᠷᠬᠡ ᠲᠣᠷ᠎ᠠ ᠪᠠᠷ ᠢᠶᠠᠨ ᠨᠢᠰᠬᠦ ᠶᠤᠮ ᠰᠢᠦ︕︾ ᠭᠡᠵᠦ ᠲᠠᠯ᠎ᠠ ᠨᠤᠲᠤᠭ ᠤᠨ ᠣᠰᠣᠨ ᠰᠢᠪᠠᠭᠤ ᠵᠢᠷᠭᠢᠬᠦ ᠰᠢᠭ ᠴᠡᠭᠡᠯᠭᠡᠨ ᠬᠠᠩᠭᠢᠨᠠᠮ᠎ᠠ ᠲᠠᠭᠣᠨ ᠢᠶᠠᠷ ᠥᠭᠦᠯᠡᠵᠦ ᠭᠠᠷᠣᠯ᠎ᠠ᠃ ᠰᠤᠷᠭᠠᠭᠤᠯᠢ ᠲᠠᠷᠬᠠᠬᠤ ᠬᠤᠩᠬᠣ ᠲᠣᠤᠭᠠᠷᠤᠯ᠎ᠠ᠃ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠦ ᠠᠩᠭᠢ ᠶᠢᠨ ᠰᠤᠷᠣᠭᠴᠢᠳ ᠨᠢ ᠴᠢᠮᠡᠭ ᠢ ᠲᠤᠭᠣᠷᠢᠨ ᠢᠷᠡᠵᠦ᠂ ᠡᠨᠡ ᠲᠡᠷᠡ ᠡᠯᠳᠦᠪ ᠵᠦᠢᠯ ᠦᠨ ᠠᠰᠠᠭᠤᠯᠲᠠ ᠠᠰᠠᠭᠤᠭᠠᠳ ᠠᠰᠠᠭᠤᠭᠠᠳ ᠬᠠᠷᠢᠨ᠎ᠠ᠃ ᠬᠠᠮᠤᠭ ᠤᠨ ᠢᠴᠢᠮᠡᠲᠡᠬᠡᠢ ᠲᠤᠶᠠᠭ᠎ᠠ ᠬᠦᠷᠲᠡᠯ᠎ᠡ ᠲᠡᠪᠲᠡᠷ ᠢᠶᠡᠨ ᠪᠠᠷᠢᠭᠠᠳ ᠠᠰᠠᠭᠣᠵᠤ ᠢᠷᠡᠨ᠎ᠡ᠃ ᠴᠢᠮᠡᠭ ᠬᠦᠯᠢᠴᠡᠩᠭᠦᠢ ᠪᠡᠷ ᠰᠤᠷᠤᠭᠴᠢᠳ ᠤᠨ ᠲᠤᠮᠳᠠᠭᠣᠷ ᠲᠠᠶᠢᠯᠪᠦᠷᠢᠯᠠᠨ ᠶᠠᠷᠢᠵᠣ ᠶᠠᠪᠣᠬᠤ  ᠳᠤ᠂ ᠲᠡᠭᠦᠨ ᠦ ᠭᠠᠷ ᠲᠠᠬᠢ ᠮᠦᠩᠭᠦᠨ ᠪᠠᠭᠤᠪᠴᠢ ᠠᠴᠠ ᠭᠡᠭᠡᠨ ᠰᠠᠴᠤᠷᠠᠵᠤ ᠪᠠᠶᠢᠯ᠎ᠠ᠃ ᠵᠢᠷᠭᠠᠬᠤ ᠨᠠᠷᠠᠨ ᠤ ᠲᠤᠶᠠᠭᠠᠨ ᠳᠤ ᠴᠢᠮᠡᠭ ᠦᠨ ᠰᠡᠭᠦᠳᠡᠷ ᠤᠷᠳᠤ ᠠᠴᠠ ᠣᠷᠳᠣ ᠪᠤᠯᠵᠣ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠦ ᠨᠡᠲᠡᠪᠡᠯᠵᠡᠨ᠎ᠡ᠃ ᠲᠡᠷᠡ᠂ ᠬᠡᠤᠬᠡᠳ  ᠤᠨ ᠪᠢᠴᠢᠭ ᠦᠨ ᠪᠤᠭᠴᠤ ᠪᠠᠨ ᠮᠦᠷᠦᠯᠡᠨ ᠪᠠᠶᠢᠷᠢ ᠵᠦᠭ ᠢᠶᠡᠨ ᠶᠠᠪᠣᠬᠤ ᠶᠢ ᠬᠠᠷᠠᠭᠠᠳ                                                                                                                    ᠨᠢᠳᠦᠨ ᠳᠦ ᠨᠢ ᠴᠤᠩᠬᠣᠨ ᠭᠠᠳᠠᠨᠠᠬᠢ ᠲᠠᠯ᠎ᠠ ᠨᠤᠲᠣᠭ ᠲᠤ᠂ ᠠᠵᠢᠨᠠᠢ ᠬᠦᠯᠦᠭ ᠲᠠᠪᠬᠢᠵᠤ᠂ ᠡᠷᠡᠯᠬᠡᠭ ᠪᠦᠷᠬᠥᠳ ᠬᠠᠯᠢᠬᠣ ᠬᠠᠷᠠᠭᠳᠠᠨ᠎ᠠ᠃ ᠡᠩᠭᠦᠷᠠᠢ ᠰᠤᠷᠤᠭᠴᠢᠳ  ᠦᠨ  ᠢᠶᠡᠨ ᠡᠴᠦᠰ ᠲᠦ ᠪᠡᠨ ᠲᠠᠯ᠎ᠠ ᠨᠤᠲᠣᠭ ᠤᠨ ᠪᠠᠭᠠᠲᠤᠷ ᠰᠢᠭ᠋ ᠦᠪᠡᠷ ᠦᠪᠡᠷ ᠦᠨ ᠰᠠᠶᠢᠨ ᠰᠠᠶᠢᠠᠬᠠᠨ ᠬᠦᠰᠡᠯ ᠢᠷᠡᠭᠡᠳᠦᠢ ᠳᠦ ᠪᠡᠨ ᠲᠡᠮᠡᠤᠯᠡᠨ᠎ᠡ ᠭᠡᠳᠡᠭ ᠢ ᠴᠢᠮᠡᠭ ᠢᠲᠡᠭᠡᠨ ᠮᠡᠳᠡᠵᠦ ᠪᠠᠶᠢᠯ᠎ᠠ᠃