www.duurn.cn
- ᠲᠦᠮᠡᠲᠦ ᠰᠢᠨᠡ
- ᠦᠦᠰᠢᠨ ᠭᠠᠯᠠᠭᠤᠲᠤ
- 2017-07-25 10:54
- 2024-01-05 18:54
- 1792249
- 1251
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠶᠡᠬᠡ ᠨᠡᠭᠦᠳᠡᠯ － ᠡᠭᠡᠯ ᠦᠭᠡᠢ ᠰᠠᠢᠬᠠᠨ ᠵᠣᠬᠢᠶᠠᠯ
ᠨᠣᠮ ᠤᠨ ᠲᠤᠬᠠᠢ ᠦᠵᠡᠯᠲᠡ
4633
2018-09-09 20:17
发表于：内蒙古
ᠬᠥᠬᠡ ᠲᠣᠯᠪᠤᠲᠤ ᠳ᠋ ᠊ ᠲᠡᠮᠦᠷᠸᠴᠢᠷ : ᠶᠡᠬᠡ ᠨᠡᠭᠦᠳᠡᠯ － ᠡᠭᠡᠯ ᠦᠭᠡᠢ ᠰᠠᠢᠬᠠᠨ ᠵᠣᠬᠢᠶᠠᠯ
ᠠ᠊ ∙ ᠪᠤᠶᠢᠯᠠᠪᠠ 《ᠶᠡᠬᠡ ᠨᠡᠭᠦᠳᠡᠯ》 (ᠷᠣᠮᠠᠨ)
ᠮᠢᠨᠦ ᠬᠠᠮᠤᠭ ᠤᠨ ᠬᠠᠶᠢᠷᠠᠲᠠᠢ ᠨᠣᠮ᠃ ᠬᠠᠶᠠ ᠨᠢᠭᠡ ᠰᠡᠬᠦᠵᠦ ᠬᠠᠷᠠᠬᠤ ᠪᠦᠷᠢ ᠳᠦ ᠪᠡᠨ ᠬᠠᠭᠤᠴᠢᠨ ᠳᠣᠲᠣᠨᠣ ᠠᠨᠳᠠ ᠦᠳ ᠲᠠᠢ ᠪᠠᠨ ᠠᠭᠤᠯᠵᠠᠭᠰᠠᠨ ᠮᠡᠲᠦ ᠨᠢᠭᠡ ᠯᠠ ᠰᠡᠳᠬᠢᠯ ᠰᠠᠶᠢᠬᠠᠨ ᠳᠡᠪᠡᠷᠡᠭᠦᠨ ᠪᠣᠯᠴᠢᠬᠠᠳᠠᠭ ᠶᠤᠮ᠃ᠣᠷᠴᠢᠭᠤᠯᠭᠠ ᠪᠣᠯ ᠦᠨᠡᠨ ᠲᠠᠰᠤᠷᠬᠠᠢ ᠰᠢᠦ᠃ ᠵᠢᠩᠬᠢᠨᠢ ᠢᠷᠠᠭᠤ ᠲᠠᠩᠰᠤᠭ ᠣᠷᠴᠢᠭᠤᠯᠤᠨᠠ ᠭᠡᠵᠦ ᠡᠭᠦᠨ ᠢ ᠯᠠ ᠬᠡᠯᠡᠬᠦ ᠪᠠᠶᠢᠬᠤ᠃ ᠰᠣᠼᠢᠶᠠᠯᠢᠰᠮ ᠤᠨ ᠦᠶᠡ ᠳᠦ ᠪᠢᠴᠢᠭᠳᠡᠭᠰᠡᠨ ᠵᠣᠬᠢᠶᠠᠯ ᠪᠣᠯᠪᠠᠴᠤ ᠰᠣᠼᠢᠶᠠᠯᠢᠰᠮ ᠢ ᠮᠠᠭᠲᠠᠨ ᠳᠠᠭᠤᠯᠠᠭᠠ ᠦᠭᠡᠢ᠂ ᠪᠢᠳᠡ ᠪᠦᠬᠦᠨ ᠦ ᠲᠡᠳᠦᠶᠢᠯᠡᠨ ᠮᠡᠳᠡᠬᠦ ᠦᠭᠡᠢ ᠴᠠᠲᠠᠨ ᠬᠦᠮᠦᠰ ᠦᠨ ᠠᠮᠢᠳᠤᠷᠠᠯ ᠠᠬᠤᠢ ᠂ ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠬᠦᠢ ᠶᠢᠨ ᠬᠣᠯᠪᠣᠭᠠ ᠶᠢ ᠡᠩ ᠦᠨ ᠪᠣᠯᠪᠠᠴᠤ ᠡᠩ ᠦᠭᠡᠢ ᠰᠠᠶᠢᠬᠠᠨ ᠢᠶᠠᠷ ᠳᠦᠷᠰᠦᠯᠡᠨ ᠬᠠᠷᠠᠭᠤᠯᠤᠭᠰᠠᠨ ᠵᠣᠬᠢᠶᠠᠯ ᠪᠢᠯᠡ᠃ ᠠᠮᠢᠳᠤ ᠪᠠᠶᠢᠭᠠᠯᠢ ᠶᠢᠨ ᠭᠣᠸᠠ ᠦᠵᠡᠰᠬᠦᠯᠡᠩ ᠢ ᠢᠷᠠᠭᠤ ᠰᠠᠶᠢᠬᠠᠨ ᠢᠶᠠᠷ ᠵᠢᠷᠤᠭᠯᠠᠨ ᠦᠵᠡᠭᠦᠯᠵᠦ᠂ ᠬᠥᠮᠥᠨ ᠦ ᠣᠷᠣᠰᠢᠬᠤᠢ ᠶᠢᠨ ᠠᠮᠢᠨ ᠰᠦᠨᠡᠰᠦ ᠨᠢ ᠪᠠᠶᠢᠭᠠᠯᠢ ᠡᠬᠡ ᠭᠡᠳᠡᠭ ᠢ ᠰᠠᠨᠠᠭᠤᠯᠵᠤ᠂ ᠡᠪᠳᠡᠷᠡᠭᠡ ᠦᠭᠡᠢ ᠤᠨᠠᠭᠠᠨ ᠵᠠᠩ ᠴᠢᠨᠠᠷ ᠢᠶᠠᠷ ᠢᠶᠠᠨ ᠪᠠᠶᠢᠭᠠ ᠡᠭᠡᠯ ᠬᠦᠮᠦᠰ ᠦᠨ ᠠᠮᠢᠳᠤᠷᠠᠯ ᠠᠬᠤᠢ᠂ ᠡᠷᠡ ᠵᠣᠷᠢᠭ ᠂ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ᠂ ᠤᠶᠢᠭᠠ ᠦᠭᠡᠢ ᠵᠢᠳᠬᠦᠯ᠂ ᠠᠵᠢᠯᠰᠠᠭ ᠬᠥᠳᠡᠯᠮᠦᠷᠢᠴᠢ ᠵᠠᠩ᠂ ᠬᠦᠮᠦᠨ ᠦ ᠮᠥᠰᠥ᠂ ᠬᠦᠮᠦᠯᠢᠭ ᠰᠡᠳᠬᠢᠯ ᠢ ᠤᠶᠠᠩᠭᠠ ᠶᠢᠨ ᠬᠠᠯᠢᠯ ᠦᠭᠡᠢ ᠪᠠᠶᠢᠭᠠ ᠴᠢᠭ ᠢᠶᠡᠷ ᠨᠢ ᠦᠵᠡᠭᠦᠯᠦᠭᠰᠡᠨ ᠨᠢ ᠤᠩᠰᠢᠭᠴᠢ ᠶᠢᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠦ ᠣᠶᠢᠷᠠᠬᠠᠨ ᠲᠤᠰᠳᠠᠭ ᠪᠢᠵᠡ ᠡ᠃
ᠠᠯᠤᠰ ᠵᠡᠯᠢᠭᠦᠳ ᠲᠤᠨᠳ᠋ᠷ ᠢᠶᠠᠷ ᠨᠤᠲᠤᠭᠯᠠᠬᠤ ᠴᠠᠲᠠᠨ ᠬᠦᠮᠦᠰ ᠦᠨ ᠠᠵᠤ ᠲᠥᠷᠥᠯ᠂ ᠬᠠᠲᠠᠭᠤ ᠰᠢᠷᠦᠭᠦᠨ ᠪᠠᠶᠢᠭᠠᠯᠢ ᠲᠠᠢ ᠬᠡᠷᠬᠢᠨ ᠵᠣᠬᠢᠴᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠲᠤᠬᠠᠢ ᠥᠭᠦᠯᠡᠬᠦ ᠡᠯᠡ ᠵᠣᠬᠢᠶᠠᠯ ᠨᠢ ᠨᠥᠭᠥᠭᠡ ᠲᠠᠯᠠ ᠪᠠᠷ ᠬᠦᠮᠦᠨ ᠴᠢᠨᠠᠷ᠂ ᠬᠦᠮᠦᠯᠢᠭ ᠰᠡᠳᠬᠢᠯ ᠦᠨ ᠲᠤᠬᠠᠢ ᠵᠣᠬᠢᠶᠠᠯ ᠭᠡᠵᠦ ᠬᠡᠯᠡᠵᠦ ᠪᠣᠯᠬᠤ ᠪᠠᠷ ᠶᠤᠮ᠃
ᠵᠣᠬᠢᠶᠠᠯ ᠤᠨ ᠭᠣᠣᠯ ᠪᠠᠭᠠᠲᠤᠷ ᠨᠢᠺᠣᠯᠺᠠ ᠬᠦᠦ ᠠᠷᠢᠬᠢᠴᠢᠨ ᠮᠤᠯᠭᠤᠤ ᠬᠣᠶᠢᠲᠤ ᠡᠴᠢᠭᠡ ᠲᠡᠢ ᠪᠡᠨ ᠲᠠᠭᠠᠷᠠᠮᠵᠢ ᠦᠭᠡᠢ ᠶᠢᠨ ᠤᠯᠠᠮ ᠠᠴᠠ ᠴᠢᠩ ᠰᠦᠰᠦᠭ ᠲᠡᠢ᠂ ᠬᠦᠯᠢᠴᠡᠩᠭᠦᠢ ᠵᠠᠩ ᠲᠠᠢ᠂ ᠪᠡᠶᠡ ᠮᠠᠭᠤ ᠲᠠᠢ ᠡᠵᠢ ᠶᠢᠨ ᠢᠶᠡᠨ ᠲᠥᠯᠥᠭᠡ ᠬᠡᠨ ᠪᠦᠬᠦᠨ ᠵᠢᠷᠦᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠬᠦᠨᠳᠦ ᠬᠡᠴᠡᠭᠦᠦ ᠠᠵᠢᠯ ᠪᠣᠯᠬᠤ ᠴᠠ ᠮᠠᠯᠯᠠᠬᠤ ᠪᠠᠷ ᠵᠣᠷᠢᠭ ᠰᠢᠯᠤᠭᠤᠳᠠᠨ ᠶᠠᠪᠤᠵᠤ ᠪᠤᠢ ᠪᠠᠷ ᠵᠣᠬᠢᠶᠠᠯ ᠡᠬᠢᠯᠡᠳᠡᠭ᠃
ᠮᠠᠶ᠋ᠢᠺᠠᠨ ᠤ ᠰᠦᠷᠯᠢᠭ ᠠᠭᠤᠯᠠᠰ ᠮᠠᠯᠺᠠᠴᠢᠨ ᠤ ᠣᠢ ᠲᠠᠶᠢᠭᠠ ᠶᠢᠨ ᠳᠤᠮᠳᠠᠭᠤᠷ ᠂ᠳᠣᠭᠰᠢᠨ ᠰᠢᠷᠦᠭᠦᠨ ᠪᠠᠶᠢᠭᠠᠯᠢ ᠶᠢᠨ ᠬᠡᠯᠡᠵᠦ ᠢᠷᠡᠬᠦ ᠦᠭᠡᠢ ᠠᠷᠠᠨᠰᠢᠨ ᠢ ᠰᠥᠷᠥᠨ᠂ ᠦᠶᠡᠷ ᠦᠨ ᠤᠰᠤ ᠰᠢᠭ ᠬᠤᠶᠢᠯᠠᠷᠠᠬᠤ ᠲᠣᠭᠠ ᠲᠣᠮᠰᠢ ᠦᠭᠡᠢ ᠴᠨ ᠶᠢᠨ ᠰᠦᠷᠦᠭ ᠢᠶᠡᠨ ᠳᠠᠭᠠᠨ ᠨᠡᠭᠦᠳᠡᠯᠯᠡᠬᠦ ᠴᠠᠲᠠᠨ ᠤᠳ ᠨᠢᠺᠣᠯᠺᠠ ᠶᠢ ᠬᠠᠯᠠᠭᠤᠨ ᠳᠣᠲᠣᠨᠣ ᠪᠠᠷ ᠤᠭᠲᠤᠨ ᠠᠪᠴᠤ ᠥᠪᠡᠷᠦᠮᠰᠦᠭ ᠬᠠᠨᠳᠤᠭᠰᠠᠨ ᠨᠢ ᠵᠠᠯᠠᠭᠤ ᠬᠥᠪᠡᠭᠦᠨ ᠳᠦ ᠤᠷᠮᠠ ᠵᠣᠷᠢᠭ ᠥᠭᠴᠦ 《ᠵᠢᠩᠬᠢᠨᠢ ᠴᠠᠲᠠᠨ》 ᠪᠣᠯᠬᠤ ᠭᠡᠰᠡᠨ ᠣᠷᠭᠢᠯᠤᠭᠤᠨ ᠬᠦᠰᠡᠯ ᠢ ᠨᠢ ᠪᠠᠳᠠᠷᠠᠭᠠᠵᠠᠢ᠃ ᠠᠴᠢᠯᠭᠠ ᠶᠢᠨ ᠡᠮᠡᠭᠡᠯ᠂ ᠥᠷᠭᠡᠨ ᠴᠠᠨᠠ᠂ ᠲᠡᠷᠭᠡ ᠴᠢᠷᠭᠠᠨ ᠤ ᠶᠠᠩᠵᠤ ᠪᠦᠷᠢ ᠶᠢᠨ ᠲᠣᠨᠣᠭ᠂ ᠬᠢᠲᠤᠭᠠ ᠰᠢᠪᠦᠭᠡ ᠬᠢᠬᠦ᠂ ᠵᠢᠭᠠᠰᠤᠨ ᠤ ᠲᠣᠣᠷ ᠰᠦᠯᠵᠢᠬᠦ᠂ ᠬᠠᠪ ᠵᠢᠭᠠᠰᠤᠨ ᠤ ᠠᠷᠠᠰᠤ ᠪᠠᠷ ᠪᠤᠭᠤᠶᠢᠯᠢ ᠵᠦᠰᠦᠬᠦ ᠡᠴᠡ ᠠᠪᠬᠠᠭᠤᠯᠤᠭᠠᠳ ᠴᠠᠴᠢᠨ ᠬᠦᠮᠦᠨ ᠦ ᠬᠢᠵᠦ ᠴᠢᠳᠠᠬᠤ ᠠᠵᠢᠯ ᠲᠣᠭᠠᠴᠢᠵᠤ ᠪᠠᠷᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠥᠭᠡᠳ ᠣᠢ ᠲᠠᠶᠢᠭᠠ ᠳᠤ ᠵᠦᠭ ᠴᠢᠭ ᠢᠶᠡᠨ ᠪᠠᠷᠢᠮᠵᠢᠶᠠᠯᠠᠬᠤ᠂ ᠵᠡᠷᠯᠢᠭ ᠠᠮᠢᠲᠠᠳ ᠤᠨ ᠮᠥᠷ ᠬᠥᠭᠡᠬᠦ᠂ ᠬᠣᠭᠣᠯᠠ ᠬᠦᠨᠡᠰᠦ ᠣᠯᠵᠤ ᠢᠳᠡᠬᠦ᠂ ᠤᠷᠤᠴᠠ ᠣᠪᠣᠬᠠᠢ ᠪᠠᠷᠢᠬᠤ᠂ ᠭᠠᠯ ᠬᠥᠰ ᠲᠦᠯᠡᠬᠦ᠂ ᠲᠡᠷᠭᠡ ᠴᠢᠷᠭᠠ ᠪᠠᠷ ᠶᠠᠪᠤᠬᠤ ᠠᠴᠠ ᠥᠭᠰᠥᠭᠦᠯᠦᠭᠡᠳ ᠵᠢᠭᠠᠰᠤ ᠪᠠᠷᠢᠬᠤ᠂ ᠬᠡᠷᠡᠮᠥ ᠪᠤᠯᠠᠭᠠ ᠠᠪᠠᠯᠠᠬᠤ ᠬᠡᠷᠡᠭᠴᠡᠭᠡ ᠲᠡᠢ ᠦᠶᠡ ᠳᠦ ᠬᠠᠨᠳᠠᠭᠠᠢ ᠪᠠᠭᠠᠪᠠᠭᠠᠢ ᠴᠤ ᠠᠩᠨᠠᠬᠤ ᠲᠤᠯᠠ ᠶᠡᠷᠦ ᠨᠢ ᠯᠠ ᠶᠠᠭᠤᠮᠠ ᠶᠠᠭᠤᠮᠠᠨ ᠳᠤ ᠮᠡᠷᠭᠡᠰᠢᠬᠦ ᠬᠡᠷᠡᠭᠲᠡᠢ ᠠᠵᠢ᠃
ᠰᠠᠶᠢᠬᠠᠨ ᠰᠡᠳᠬᠢᠯᠲᠦ ᠠᠬᠢᠨᠢ ᠲᠡᠭᠦᠨ ᠦ ᠭᠡᠷᠭᠡᠢ ᠥᠭᠭᠢᠶᠡᠮᠦᠷ ᠵᠠᠩᠳᠤ ᠤᠯᠢᠲ᠋ᠠ ᠂ ᠭᠠᠪᠰᠢᠭᠠᠢ ᠰᠡᠷᠭᠦᠯᠡᠩ ᠺᠣᠰᠲ᠋ᠢᠶᠠ ᠨᠠᠷ ᠤᠨ ᠵᠢᠭᠠᠵᠤ ᠰᠤᠷᠭᠠᠭᠰᠠᠨ ᠢ ᠲᠥᠷᠥᠯᠬᠢ ᠶᠢᠨ ᠤᠬᠠᠭᠠᠨ ᠰᠡᠶᠢᠷᠡᠭ᠂ ᠠᠵᠢᠭᠴᠢ ᠭᠢᠷᠠᠬᠠᠢ ᠨᠢᠺᠣᠯᠺᠠ ᠬᠤᠷᠳᠤᠨ ᠥᠪᠡᠷᠦᠮᠰᠢᠭᠦᠯᠵᠦ᠂ ᠴᠠ ᠮᠠᠯᠯᠠᠬᠤ ᠬᠦᠨᠳᠦ ᠪᠡᠷᠬᠡ ᠠᠵᠢᠯ᠂ ᠪᠠᠶᠢᠭᠠᠯᠢ ᠶᠢᠨ ᠬᠠᠲᠠᠭᠤ ᠰᠢᠷᠦᠭᠦᠨ ᠰᠣᠷᠢᠯ ᠢ ᠲᠡᠪᠴᠢᠶᠡᠷᠢ ᠬᠠᠲᠠᠭᠤᠵᠢᠯ ᠢᠶᠠᠷ ᠳᠠᠪᠠᠨ ᠲᠤᠭᠤᠯᠵᠤ ᠲᠡᠳᠡᠨ ᠦ ᠬᠠᠶᠢᠷᠠ ᠬᠦᠨᠳᠦᠳᠬᠡᠯ ᠢ ᠬᠦᠯᠢᠶᠡᠭᠰᠡᠨ ᠬᠦᠮᠦᠨ ᠪᠣᠯᠳᠠᠭ᠃ ᠲᠣᠰᠬᠣᠨ ᠳᠤ ᠠᠮᠢᠳᠤᠷᠠᠬᠤ ᠰᠲ᠋ᠧᠱᠠ ᠭᠡᠬᠦ ᠪᠣᠯᠪᠠᠰᠤᠷᠠᠵᠤ ᠭᠦᠢᠴᠡᠭᠰᠡᠨ ᠵᠢᠮᠢᠰ ᠰᠢᠭ ᠰᠠᠶᠢᠬᠠᠨ ᠪᠦᠰᠡᠭᠦᠢ ᠲᠡᠢ ᠮᠠᠨᠢ ᠨᠢᠺᠣᠯᠺᠠ ᠬᠠᠶᠢᠷᠠ ᠰᠡᠳᠬᠢᠯ ᠦᠨ ᠬᠣᠯᠪᠣᠭᠠ ᠲᠠᠢ ᠪᠣᠯᠵᠤ ᠪᠤᠢ ᠬᠡᠰᠡᠭ ᠪᠣᠯ ᠦᠨᠡᠬᠡᠷ ᠦᠨ ᠰᠡᠳᠬᠢᠯ ᠳᠣᠭᠳᠣᠯᠤᠭᠤᠯᠤᠭᠰᠠᠨ᠂ ᠳᠤᠷᠠᠰᠤᠮᠵᠢ ᠰᠡᠷᠭᠦᠭᠡᠭᠰᠡᠨ ᠰᠠᠶᠢᠬᠠᠨ ᠳᠦᠷᠰᠦᠯᠡᠯ ᠭᠡᠵᠦ ᠰᠠᠨᠠᠭᠳᠠᠳᠠᠭ᠃ ᠴᠠ ᠮᠠᠯᠯᠠᠬᠤ ᠡᠸᠧᠨ ᠨᠦᠭᠦᠳ ᠣᠷᠣᠰ ᠬᠡᠯᠡ ᠶᠢ ᠲᠡᠳᠦᠶᠢᠯᠡᠨ ᠰᠠᠶᠢᠨ ᠰᠤᠷᠣᠭᠠ ᠦᠭᠡᠢ ᠥᠪᠡᠷᠰᠡᠳ ᠦᠨ ᠠᠶᠠᠯᠭᠠ ᠲᠠᠢ ᠬᠣᠯᠢᠵᠤ ᠬᠤᠳᠬᠤᠨ ᠶᠠᠷᠢᠬᠤ ᠨᠢ ᠶᠡᠬᠡ ᠯᠠ ᠢᠨᠢᠶᠡᠳᠦᠮ ᠲᠡᠢ ᠪᠠᠶᠢᠭᠠ ᠶᠢ ᠠᠬᠢᠨᠢ ᠶᠢᠨ ᠶᠠᠷᠢᠶᠠ ᠪᠠᠷ ᠦᠵᠡᠭᠦᠯᠦᠭᠰᠡᠨ ᠨᠢ ᠪᠠᠰᠠ ᠯᠠ ᠰᠣᠨᠢᠷᠬᠠᠯᠲᠠᠢ ᠪᠠᠶᠢᠳᠠᠭ ᠰᠢᠦ᠃
ᠣᠩᠭᠣᠨ ᠪᠠᠶᠢᠭᠠᠯᠢ ᠶᠢᠨ ᠳᠤᠮᠳᠠ ᠪᠠᠶᠢᠭᠠ ᠬᠣᠲᠠᠰᠢᠵᠤ ᠢᠷᠭᠡᠨᠰᠢᠭᠡ ᠦᠭᠡᠢ ᠬᠦᠮᠦᠰ ᠦᠨ ᠵᠠᠩ ᠴᠢᠨᠠᠷ ᠨᠢ ᠢᠵᠠᠭᠤᠷ ᠠᠴᠠ ᠪᠠᠨ ᠬᠤᠪᠢᠷᠠᠭᠠ ᠦᠭᠡᠢ᠂ ᠭᠠᠳᠠᠨᠠ ᠶᠢᠨ ᠨᠥᠯᠦᠭᠡ ᠣᠷᠣᠭᠠ ᠦᠭᠡᠢ᠂ ᠵᠢᠩᠬᠢᠨᠢ 《ᠣᠷᠢᠭ》 ᠍ ᠢᠶᠠᠷ ᠢᠶᠠᠨ ᠪᠠᠶᠢᠭᠠ ᠶᠢ ᠵᠣᠬᠢᠶᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠪᠦᠷᠢ ᠡᠴᠡ ᠲᠠᠭᠠᠰᠢᠶᠠᠨ ᠤᠩᠰᠢᠵᠤ ᠂ ᠬᠥᠪᠴᠢ ᠲᠠᠶᠢᠭᠠ ᠶᠢᠨ ᠠᠩ ᠠᠮᠢᠲᠠᠨ ᠤ ᠠᠭᠠᠰᠢ ᠠᠪᠤᠷᠢ᠂ ᠠᠪᠠᠯᠠᠬᠤ ᠠᠷᠭᠠ ᠤᠬᠠᠭᠠᠨ ᠢ ᠭᠠᠶᠢᠬᠠᠨ ᠪᠢᠰᠢᠷᠡᠵᠦ᠂ ᠡᠮᠴᠢᠯᠡᠭᠡ ᠦᠭᠡᠢ ᠬᠦᠨᠳᠦ ᠡᠪᠡᠳᠴᠢᠨ ᠲᠤᠰᠠᠭᠰᠠᠨ ᠠᠬᠢᠨᠢ ᠡᠴᠦᠰ ᠦᠨ ᠮᠥᠴᠡ ᠳᠦ ᠭᠠᠭᠴᠠᠬᠦ ᠪᠠᠶᠢᠭᠠᠯᠢ ᠰᠦᠢᠳᠥᠵᠦ᠂ ᠠᠩ ᠠᠮᠢᠲᠠᠨ ᠵᠢᠭᠦᠷᠲᠡᠨ ᠰᠢᠪᠠᠭᠤᠳ ᠣᠷᠣᠬᠤ ᠣᠷᠣᠨ ᠦᠭᠡᠢ ᠪᠣᠯᠵᠤ ᠪᠤᠶᠢᠳᠠ ᠰᠡᠳᠬᠢᠯ ᠨᠢ ᠡᠮᠵᠡᠭᠯᠡᠨ ᠰᠠᠨᠠᠭᠠ ᠵᠣᠪᠠᠨᠢᠨ ᠪᠠᠶᠢᠭᠠ ᠨᠢ ᠥᠪᠡᠷ ᠦᠨ ᠡᠷᠬᠡ ᠦᠭᠡᠢ ᠭᠦᠨ ᠰᠠᠨᠠᠭᠠ ᠠᠯᠠᠳᠠᠬᠤ ᠳᠤ ᠬᠦᠷᠭᠡᠳᠡᠭ ᠪᠢᠯᠡ᠃ ᠲᠠᠶᠢᠭᠠ ᠳᠤ ᠪᠠᠨ ᠯᠠ ᠲᠥᠷᠦᠵᠥ ᠥᠰᠦᠭᠰᠡᠨ᠂ ᠦᠶᠡ ᠤᠳᠤᠮ ᠢᠶᠠᠷ ᠢᠶᠠᠨ ᠴᠠ ᠪᠠᠨ ᠮᠠᠯᠯᠠᠵᠤ ᠥᠭᠡᠷᠡ ᠠᠮᠢᠳᠤᠷᠠᠯ ᠭᠡᠭᠴᠢ ᠶᠢ ᠣᠭᠲᠣ ᠰᠣᠨᠢᠷᠬᠠᠬᠤ ᠦᠭᠡᠢ ᠲᠡᠳᠡᠨ ᠢ ᠬᠥᠨᠳᠡᠯᠡᠨ ᠡᠴᠡ ᠬᠠᠷᠠᠪᠠᠯ ᠪᠣᠯᠬᠢ ᠪᠥᠭᠡᠳᠡᠢ᠂ ᠥᠷᠥᠪᠳᠥᠯᠲᠡᠢ ᠶᠤᠮ ᠰᠢᠭ ᠰᠠᠨᠠᠭᠳᠠᠪᠠᠴᠤ ᠦᠨᠡᠨ ᠳᠦ ᠪᠡᠨ ᠲᠡᠳᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠠᠮᠢ ᠨᠢᠭᠡ ᠲᠡᠢ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠪᠠᠨ ᠬᠤᠪᠢ ᠵᠠᠶᠠᠭᠠ ᠭᠡᠵᠦ ᠪᠣᠳᠣᠵᠤ ᠥᠪᠡᠷᠰᠡᠳ ᠦᠨ ᠠᠵᠤ ᠠᠮᠢᠳᠤᠷᠠᠯ ᠳᠤ ᠪᠠᠨ ᠰᠡᠳᠬᠢᠯ ᠬᠠᠩᠭᠠᠯᠤᠭᠤᠨ ᠪᠠᠶᠢᠭᠠ ᠨᠢ ᠵᠢᠩᠬᠢᠨᠢ ᠠᠵᠠ ᠵᠢᠷᠭᠠᠯ ᠶᠤᠮ ᠳ᠋ᠠ᠃
ᠵᠣᠬᠢᠶᠠᠯᠴᠢ ᠠᠨᠠᠲ᠋ᠣᠯᠢᠢ ᠪᠤᠶᠢᠯᠠᠪᠠ ᠬᠣᠶᠢᠲᠤ ᠡᠴᠢᠭᠡ ᠲᠡᠢ ᠪᠡᠨ ᠲᠠᠭᠠᠷᠠᠬᠤ ᠦᠭᠡᠢ ᠶᠢᠨ ᠤᠯᠠᠮ ᠠᠴᠠ ᠭᠡᠷ ᠣᠷᠣᠨ ᠠᠴᠠ ᠪᠠᠨ ᠳᠠᠶᠢᠵᠢᠨ ᠶᠠᠩᠵᠤ ᠪᠦᠷᠢ ᠶᠢᠨ ᠠᠵᠢᠯ ᠲᠥᠷᠥᠯ ᠡᠷᠬᠢᠯᠡᠵᠦ᠂ ᠵᠣᠬᠢᠶᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠥᠷᠨᠢᠵᠦ ᠪᠤᠢ ᠮᠠᠭᠠᠳᠠᠨ ᠤ ᠴᠠ ᠶᠢᠨ ᠠᠵᠤ ᠠᠬᠤᠢ ᠳᠤ ᠴᠠ ᠮᠠᠯᠯᠠᠵᠤ᠂ ᠳᠣᠷᠣᠨᠠᠲᠤ ᠰᠢᠪᠢᠷᠢ ᠶᠢᠨ ᠪᠠᠷᠰ ᠤᠨ ᠠᠩᠴᠢᠨ ᠶᠠᠪᠤᠭᠰᠠᠨ ᠠᠷᠪᠢᠨ ᠪᠠᠶᠠᠯᠢᠭ ᠨᠠᠮᠲᠠᠷ ᠲᠠᠢ ᠬᠦᠮᠦᠨ ᠲᠡᠳᠦᠢ ᠦᠭᠡᠢ ᠡᠨᠡ ᠪᠦᠲᠦᠭᠡᠯ ᠪᠣᠯ ᠲᠡᠭᠦᠨ ᠦ ᠦᠵᠡᠵᠦ ᠬᠠᠷᠠᠭᠰᠠᠨ᠂ ᠲᠤᠭᠤᠯᠵᠤ ᠥᠩᠭᠡᠷᠡᠭᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠨᠢ ᠪᠢᠯᠡ᠃ ᠲᠡᠶᠢᠮᠦ ᠡᠴᠡ ᠭᠣᠣᠯ ᠪᠠᠭᠠᠲᠤᠷ ᠨᠢᠺᠣᠯᠺᠠ ᠪᠣᠯ ᠵᠣᠬᠢᠶᠠᠯᠴᠢ ᠥᠪᠡᠷ ᠢᠶᠡᠨ ᠶᠤᠮ ᠡ᠃
ᠲᠦᠮᠡᠲᠦ ᠰᠢᠨᠡ ᠬᠥᠷᠪᠡᠭᠦᠯᠪᠡ
1 
0 
-
374 2023-11-23 11:03
- 2005 2023-09-07 08:40
- 2231 2023-07-05 21:05
- ᠳᠡᠯᠭᠡᠭᠦᠷ ᠡᠴᠡ ᠦᠨᠡᠲᠡᠢ ᠪᠢᠰᠢᠯᠠᠭ ᠠᠪᠬᠤ ᠬᠡᠷᠡᠭ ᠦᠭᠡᠢ᠃ ᠬᠠᠷᠢᠨ ᠡᠭᠦᠨ ᠢ ᠭᠡᠷ ᠲᠦ ᠪᠡᠨ ᠬᠢᠵᠦ ᠢᠳᠡᠭᠡᠷᠡᠢ 8455 2018-09-09 16:35
- ᠬᠤᠷᠳᠤᠨ ᠬᠥᠭ᠍ᠰᠢᠷᠡᠵᠦ᠂ ᠶᠡᠬᠡ ᠡᠪᠡᠳᠦᠮᠡᠷ ᠪᠠᠢᠪᠠᠯ ᠳᠠᠪᠤᠰᠤ ᠲᠠᠢ ᠴᠠᠢ ᠪᠠᠨ ᠰᠠᠢᠨ ᠤᠤᠭᠤᠵᠤ᠂ ᠺᠢᠮᠴᠢ ᠪᠠᠨ ᠵᠥᠩᠳᠡᠭᠡᠨ ᠢᠳᠡᠭᠡᠷᠡᠢ 8118 2018-09-09 09:29
- ᠠᠷᠯᠠᠨ ᠤ ᠡᠷᠳᠡᠨᠢᠸᠴᠢᠷ : ᠠᠶᠠᠯᠢᠭᠬᠠ ᠵᠠᠯᠠᠭᠤ ᠨᠠᠰᠤ ᠮᠢᠨᠢ 3373 2018-09-09 08:28
- 13847524386 211429899@qq.com 13847524386 QQ 211429899 蒙ICP备17002503号-1
