ᠲᠤᠭᠤᠵᠢ
ᠮᠠᠷᠲᠠᠮᠠᠬᠠᠢ ᠮᠣᠩᠭᠣᠯ ︵ᠡᠰᠰᠡ ︶
ᠮᠠᠷᠲᠠᠮᠠᠬᠠᠢ ᠮᠣᠩᠭᠣᠯ ︵ᠡᠰᠰᠡ ︶
4912
2018-11-05 18:51
发表于:内蒙古
ᠮᠠᠷᠲᠠᠮᠠᠬᠠᠢ ᠮᠣᠩᠭᠣᠯ ︵ᠡᠰᠰᠡ ︶
ᠥᠰᠪᠦᠷᠢ ᠶᠢᠨ ᠰᠡᠳᠬᠦᠯᠴᠢ ᠭ ∙ ᠰᠡᠷᠭᠦᠯᠡᠩᠪᠠᠭᠠᠲᠤᠷ
ᠡᠬᠢ ᠰᠤᠷᠪᠤᠯᠵᠢ : YOLO.MN
ᠪᠢ ᠪᠣᠯ ᠮᠣᠩᠭᠣᠯ ᠤᠯᠤᠰ ᠤᠨ ᠢᠷᠭᠡᠨ᠃ 《ᠮᠠᠷᠲᠠᠮᠠᠬᠠᠢ》 ᠮᠣᠩᠭᠣᠯ ᠤᠨ ᠢᠷᠡᠭᠡᠳᠦᠢ᠃ ᠮᠣᠩᠭᠣᠯ ᠠᠷᠠᠳ ᠲᠦᠮᠡᠨ ᠪᠣᠯ ᠠᠭᠤᠵᠢᠭᠤ ᠲᠠᠶᠢᠪᠤᠩ᠂ ᠤᠬᠠᠭᠠᠷᠠᠬᠤ ᠰᠡᠳᠬᠢᠯ ᠲᠡᠢ᠃ ᠭᠤᠷᠪᠠᠬᠠᠨ ᠰᠠᠶᠠ ᠭᠠᠷᠤᠢ ᠢᠷᠭᠡᠳ ᠡᠴᠡ ᠨᠢᠭᠡᠨ ᠢ ᠪᠡᠨ ᠵᠡᠷᠡᠮᠳᠡᠭᠯᠡᠯᠡ᠂ ᠬᠦᠴᠦᠷᠬᠡᠶᠢᠯᠡᠯᠡ᠂ ᠬᠥᠨᠦᠭᠡᠯᠡ᠂ ᠲᠡᠭᠡᠭᠡᠳ ᠬᠠᠤᠯᠢ ᠨᠢ ᠥᠷᠦᠰᠢᠶᠡᠯᠡ᠃
ᠡᠷᠬᠡ ᠴᠢᠯᠦᠭᠡᠲᠦ ᠭᠡᠰᠡᠨ ᠲᠣᠳᠣᠳᠬᠠᠯ ᠲᠠᠢ ᠤᠯᠤᠰ ᠤᠨ ᠨᠢᠭᠡᠨ ᠪᠢᠴᠢᠬᠠᠨ ᠵᠢᠷᠦᠬᠡ ᠲᠣᠭᠯᠠᠵᠤ᠂ ᠨᠠᠭᠠᠳᠬᠤ ᠡᠷᠬᠡ ᠪᠡᠨ ᠡᠳ᠋ᠯᠡᠵᠦ ᠪᠠᠶᠢᠭᠠᠳ ᠨᠣᠴᠢᠲᠠᠢ ᠪᠠᠷ ᠭᠡᠮᠲᠦᠯᠡ᠃ ᠪᠢᠳᠡ ᠶᠠᠷᠢᠭᠰᠠᠨ᠂ ᠱᠤᠤᠭᠢᠭᠰᠠᠨ᠂ ᠲᠡᠭᠡᠭᠡᠳ ᠯᠠ ᠮᠠᠷᠲᠠᠭᠰᠠᠨ᠃ ᠢᠷᠡᠭᠡᠳᠦᠢ ᠶᠢᠨ ᠬᠥᠯ ᠪᠥᠮᠪᠥᠭᠡ ᠶᠢᠨ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠴᠤ ᠪᠠᠶᠢᠵᠤ ᠪᠣᠯᠬᠤ ᠪᠠᠶᠢᠭᠰᠠᠨ ᠨᠢᠭᠡᠨ ᠬᠦᠦ ᠬᠥᠯ ᠪᠥᠮᠪᠥᠭᠡ ᠶᠢᠨ ᠲᠠᠯᠠᠪᠠᠢ ᠳᠡᠭᠡᠷᠡ ᠬᠦᠰᠡᠯ ᠮᠥᠷᠥᠭᠡᠳᠦᠯ᠂ ᠢᠲᠡᠭᠡᠯ ᠰᠡᠳᠬᠢᠯ ᠢᠶᠡᠨ ᠦᠯᠡᠳᠡᠭᠡᠨ ᠬᠠᠯᠢᠨ ᠣᠳᠤᠯᠠ᠃ ᠪᠢᠳᠡ ᠶᠠᠷᠢᠭᠰᠠᠨ᠂ ᠱᠤᠤᠭᠢᠭᠰᠠᠨ᠂ ᠭᠠᠰᠢᠭᠤᠳᠠᠭᠰᠠᠨ᠂ ᠲᠡᠭᠡᠭᠡᠳ ᠯᠠ ᠮᠠᠷᠲᠠᠭᠰᠠᠨ᠃
ᠠᠮᠲᠠᠲᠠᠨ ᠯᠠ ᠢᠳᠡᠬᠦ ᠭᠡᠵᠦ ᠶᠠᠪᠤᠭᠰᠠᠨ᠂ ᠬᠠᠶᠢᠷᠠ ᠪᠢᠯᠬᠠᠭᠰᠠᠨ ᠠᠬᠠ ᠳᠡᠭᠦᠦ ᠬᠣᠶᠠᠷ ᠢ ᠨᠢᠭᠡᠨ ᠰᠣᠭᠲᠣᠭᠤ ᠵᠢᠯᠣᠭᠣᠴᠢ ᠬᠠᠶᠢᠷᠠᠲᠠᠢ ᠬᠦᠮᠦᠰ ᠡᠴᠡ ᠨᠢ ᠪᠤᠯᠢᠶᠠᠯᠠ᠃ ᠪᠢᠳᠡ ᠶᠠᠷᠢᠭᠰᠠᠨ᠂ ᠱᠤᠤᠭᠢᠭᠰᠠᠨ᠂ ᠭᠠᠰᠢᠭᠤᠳᠠᠭᠰᠠᠨ᠂ ᠪᠤᠬᠢᠨᠢᠳᠤᠭᠰᠠᠨ᠂ ᠲᠡᠭᠡᠭᠡᠳ ᠯᠠ ᠮᠠᠷᠲᠠᠭᠰᠠᠨ᠃
ᠬᠡᠦᠬᠡᠯᠳᠡᠢ ᠪᠡᠨ ᠲᠡᠪᠡᠷᠢᠭᠡᠳ ᠪᠦᠪᠡᠢ ᠶᠢᠨ ᠠᠶᠠᠨ ᠳᠤ ᠤᠨᠲᠠᠵᠤ ᠪᠠᠶᠢᠬᠤ ᠶᠣᠰᠣᠲᠠᠢ ᠠᠷᠪᠠᠨ ᠭᠤᠷᠪᠠᠬᠠᠨ ᠨᠠᠰᠤᠲᠠᠢ ᠦᠬᠢᠨ ᠦᠷᠡ ᠨᠢ ᠠᠮᠠ ᠪᠠᠷ ᠢᠶᠠᠨ ᠳᠦᠭᠦᠷᠡᠩ ᠠᠷᠢᠬᠢ ᠴᠢᠳᠬᠤᠭᠤᠯᠤᠨ ᠡᠷᠡᠮᠳᠡᠭᠯᠡᠭᠦᠯᠵᠦ᠂ ᠲᠥᠰᠦᠭᠡᠯᠡᠰᠢ ᠦᠭᠡᠢ ᠵᠣᠪᠠᠯᠠᠩ ᠦᠵᠡᠨ᠂ ᠡᠨᠡ ᠨᠡᠶᠢᠭᠡᠮ ᠳᠦ ᠳᠡᠩᠳᠡᠭᠦᠦ ᠶᠡᠬᠡ ᠭᠣᠮᠣᠳᠠᠨ ᠡᠭᠦᠷᠢᠳᠡ ᠶᠠᠪᠤᠭᠠᠳ ᠥᠭᠭᠦᠯᠡ᠃ ᠪᠠᠰᠠ ᠶᠠᠷᠢᠭᠠᠳ ᠯᠠ᠂ ᠱᠤᠤᠭᠢᠭᠠᠳ ᠯᠠ᠂ ᠭᠠᠰᠢᠭᠤᠳᠠᠭᠠᠳ ᠯᠠ᠂ ᠪᠤᠬᠢᠨᠢᠳᠤᠭᠠᠳ ᠯᠠ᠂ ᠠᠭᠤᠷᠯᠠᠭᠠᠳ ᠯᠠ 《 ᠮᠠᠷᠲᠠᠬᠤ》 ᠤᠤ︖
ᠥᠰᠪᠦᠷᠢ ᠦᠶᠡ ᠶᠢᠨ ᠬᠢᠨ ᠪᠢᠳᠡ ᠨᠠᠶᠢᠵᠠ ᠨᠤᠭᠤᠳ ᠢᠶᠠᠨ᠂ ᠳᠡᠭᠦᠦ ᠨᠠᠷ ᠢᠶᠠᠨ ᠵᠦᠢ ᠪᠤᠰᠤ ᠪᠠᠷ ᠠᠯᠳᠠᠭᠰᠠᠭᠠᠷ ᠪᠠᠶᠢᠬᠤ ᠤᠤ︖ ᠡᠷᠬᠡ ᠴᠢᠯᠦᠭᠡᠲᠦ ᠮᠣᠩᠭᠣᠯ ᠤᠯᠤᠰ ᠬᠠᠮᠢᠭᠠ ᠪᠠᠶᠢᠨᠠ︖ ᠬᠠᠷᠢᠨ ᠪᠢᠳᠡ ᠪᠦᠷᠬᠦᠭ ᠰᠠᠷᠠᠯ᠂ ᠬᠠᠭᠠᠴᠠᠯ ᠨᠢᠯᠪᠤᠰᠤ ᠪᠠᠷ ᠳᠦᠭᠦᠷᠦᠭᠰᠡᠨ ᠤᠯᠤᠰ ᠢ ᠯᠠ ᠬᠠᠷᠠᠵᠤ ᠪᠠᠶᠢᠨᠠ᠃ ᠡᠭᠦᠨ ᠢ ᠵᠠᠯᠠᠷᠠᠭᠤᠯᠵᠤ ᠴᠢᠳᠠᠬᠤ ᠬᠦᠮᠦᠰ ᠨᠢ ᠵᠦᠭᠡᠷ ᠶᠠᠷᠢᠭᠠᠳ᠂ ᠱᠤᠤᠭᠢᠭᠠᠳ ᠯᠠ ᠪᠠᠶᠢᠬᠤ ᠶᠤᠮ ᠭᠡᠵᠦ ᠦᠦ︖
ᠲᠡᠭᠡᠪᠡᠯ ᠪᠢ ᠡᠷᠬᠡ ᠪᠦᠬᠦᠢ ᠬᠦᠮᠦᠰ ᠲᠦ ᠬᠠᠨᠳᠤᠨ ᠬᠡᠯᠡᠮᠡᠷ ᠪᠠᠶᠢᠨᠠ᠃ ᠲᠤᠩ ᠤᠳᠠᠬᠤ ᠦᠭᠡᠢ ᠦᠬᠦᠯ ᠬᠠᠭᠠᠴᠠᠯ ᠭᠡᠳᠡᠭ ᠵᠦᠢᠯ ᠴᠠᠭ ᠠᠴᠠ ᠨᠢ ᠡᠮᠦᠨᠡ ᠲᠠᠨ ᠤ ᠴᠤ ᠭᠡᠰᠡᠨ ᠪᠢᠴᠢᠬᠠᠨ ᠦᠷᠡ ᠶᠢ ᠠᠪᠬᠤ ᠭᠡᠳ ᠬᠠᠭᠠᠯᠭᠠ ᠲᠣᠭᠰᠢᠬᠤ ᠪᠤᠢ᠃ ᠲᠡᠷᠡ ᠴᠠᠭ ᠲᠤ ᠲᠠ ᠶᠠᠷᠢᠵᠤ᠂ ᠱᠤᠤᠭᠢᠭᠠᠳ ᠥᠩᠭᠡᠷᠡᠭᠡᠭᠰᠡᠨ ᠴᠠᠭ ᠬᠤᠭᠤᠴᠠᠭᠠ ᠶᠢ ᠪᠤᠴᠠᠭᠠᠵᠤ ᠪᠣᠯᠬᠤ ᠦᠭᠡᠢ ᠶᠢ ᠣᠶᠢᠯᠠᠭᠠᠨᠠ᠃ ᠠᠭᠤᠵᠢᠭᠤ ᠲᠠᠶᠢᠪᠤᠩ ᠪᠠᠶᠢᠳᠠᠯ ᠠᠴᠠ ᠪᠠᠨ ᠲᠦᠷ ᠴᠤ ᠪᠣᠯᠪᠠ ᠰᠠᠯᠤᠭᠠᠳ ᠲᠠᠰᠤᠯᠤᠨ ᠵᠣᠭᠰᠣᠭᠠᠬᠤ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ ᠪᠣᠯᠭᠣᠭᠠ᠃
ᠪᠢ ᠠᠶᠤᠵᠤ ᠪᠠᠶᠢᠨᠠ᠃ ᠪᠢ ᠳᠡᠭᠦᠦ ᠨᠠᠷ ᠢᠶᠠᠨ 《ᠲᠣᠭᠯᠠᠴᠢᠬᠠᠭᠠᠳ ᠢᠷᠡᠶᠡ》 ᠭᠡᠳ ᠢᠨᠢᠶᠡᠮᠰᠦᠭᠯᠡᠨ ᠭᠠᠷᠤᠭᠠᠳ ᠳᠠᠬᠢᠵᠤ ᠣᠷᠣᠵᠤ ᠢᠷᠡᠬᠦ ᠦᠭᠡᠢ ᠪᠠᠶᠢᠬᠤ ᠪᠤᠢ ᠭᠡᠵᠦ ᠠᠶᠤᠵᠤ ᠪᠠᠶᠢᠨᠠ᠃ ᠳᠠᠬᠢᠭᠠᠳ ᠨᠢᠭᠡᠨ ᠪᠢᠴᠢᠬᠠᠨ ᠶᠢᠷᠲᠢᠨᠴᠦ ᠠᠶᠤᠮᠰᠢᠭᠲᠤ ᠬᠡᠷᠡᠭ ᠦᠨ ᠵᠣᠯᠢᠶᠠᠰᠤ ᠪᠣᠯᠬᠤ ᠪᠤᠢ ᠭᠡᠵᠦ ᠠᠶᠤᠵᠤ ᠪᠠᠶᠢᠨᠠ᠃ ᠳᠠᠬᠢᠭᠠᠳ ᠠᠵᠠ ᠵᠢᠷᠭᠠᠯ ᠢᠶᠠᠷ ᠳᠦᠭᠦᠷᠡᠩ ᠭᠡᠷ ᠪᠦᠯᠢ ᠬᠠᠶᠢᠷᠠᠲᠤ ᠦᠷᠡ ᠡᠴᠡ ᠪᠡᠨ ᠬᠠᠭᠠᠴᠠᠬᠤ ᠪᠤᠢ ᠭᠡᠵᠦ ᠠᠶᠤᠵᠤ ᠪᠠᠶᠢᠨᠠ᠃ ᠪᠢ ᠮᠠᠷᠲᠠᠮᠠᠬᠠᠢ ᠮᠣᠩᠭᠤᠯ ᠳ᠋ᠤ ᠠᠮᠢᠳᠤᠷᠠᠬᠤ ᠠᠴᠠ ᠠᠶᠤᠵᠤ ᠪᠠᠶᠢᠨᠠ᠃
5 0