ᠢᠨᠢᠶᠡᠵᠦ ᠶᠠᠪᠤᠭᠠᠷᠠᠢ

 ᠪᠤᠤ ᠵᠢᠨᠵᠤᠸᠠᠨᠭᠽᠢ

ᠣᠷᠭᠢᠯ ᠳᠤ ᠨᠢ  ᠵᠠᠪᠠᠯ ᠮᠠᠴᠣᠨ ᠭᠠᠷᠬᠣ ᠪᠠᠷ

ᠣᠮᠤᠭ ᠵᠣᠷᠢᠭ ᠲᠠᠢ ᠲᠡᠭᠡᠭᠰᠢᠯᠡᠵᠦ ᠶᠠᠪᠣᠭᠠᠷᠠᠢ

ᠣᠷᠴᠢᠯᠠᠩ ᠤᠨ ᠬᠦᠴᠢᠷ ᠪᠦᠬᠦᠨ ᠢ ᠢᠯᠠᠨ ᠲᠠᠪᠠᠵᠤ

ᠣᠮᠤᠭ ᠲᠡᠭᠦᠯᠳᠡᠷ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠬᠠᠬᠢᠷ ᠲᠠᠶ ᠬᠠᠯᠠᠭᠣᠨ ᠲᠠᠢ ᠣᠯᠠᠷᠢᠯ ᠶᠣᠮ ᠰᠢᠦ

ᠬᠠᠯᠠᠬᠣ  ᠦᠭᠡᠢ ᠲᠠᠭᠠᠷᠠᠬᠣ  ᠦᠭᠡᠢ ᠬᠡᠨ ᠪᠠᠢᠨᠠᠮ

ᠬᠠᠷᠠᠩᠭᠣᠢ ᠲᠠᠢ ᠪᠦᠷᠦᠩᠬᠦᠢ ᠲᠡᠶ ᠬᠣᠷᠸ᠎ᠠ ᠶᠣᠮ ᠰᠢᠦ

ᠬᠦᠴᠢᠷᠳᠡᠬᠦ  ᠦᠭᠡᠢ ᠲᠣᠯᠭᠠᠷᠠᠬᠣ ᠦᠭᠡᠢ ᠬᠡᠨ ᠪᠠᠢᠨᠠᠮ ︕

ᠬᠠᠷ᠎ᠠ ᠰᠢᠭᠣᠷᠭ᠎ᠠ ᠦᠯᠢᠶᠡᠭᠡᠳ ᠢᠷᠡᠭᠰᠡᠨ  ᠴᠤ

ᠬᠠᠮᠣᠭ ᠬᠦᠴᠦ ᠪᠡᠷ  ᠢᠶᠡᠨ ᠲᠣᠯᠵᠤ ᠶᠠᠪᠣᠭᠠᠷᠠᠢ

ᠬᠠᠮᠠᠷ ᠤᠨ ᠦᠵᠦᠭᠦᠷ ᠱᠠᠷᠭᠢᠷᠠᠭᠠᠳ ᠢᠷᠡᠭᠰᠡᠨ  ᠴᠤ

ᠬᠠᠲᠠᠭᠣ ᠵᠣᠷᠢᠭ ᠢᠶᠠᠷ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠡᠷᠬᠢ ᠭᠡᠵᠦ ᠨᠢᠭᠡ ᠶᠡᠭᠦᠷᠡᠳᠡᠭ ᠶᠣᠮ ᠰᠢᠦ

ᠡᠷ᠎ᠡ ᠭᠡᠵᠦ ᠨᠢᠭᠡ ᠭᠡᠨᠡᠳᠡᠳᠡᠭ ᠶᠤᠮ ᠰᠢᠦ

ᠡᠩ ᠦᠨ ᠵᠢᠮ᠎ᠡ ᠪᠡᠷ ᠣᠢᠯᠠᠭᠠᠵᠣ ᠶᠠᠪᠣᠭᠠᠷᠠᠢ

ᠡᠪᠴᠢᠭᠦᠦ ᠪᠠᠶᠠᠰᠬᠣᠯᠠᠩ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠠᠮᠢᠳᠣᠷᠠᠯ ᠤᠨ ᠵᠠᠮ ᠬᠡᠴᠢᠨᠡᠨ ᠣᠷᠳᠣ  ᠴᠤ

ᠠᠯᠬᠣᠮ ᠪᠦᠷᠢ ᠳᠦ ᠪᠡᠨ ᠢᠳᠡᠭᠡᠵᠦ ᠶᠠᠪᠣᠭᠠᠷᠠᠢ

ᠠᠶᠠᠯᠠᠯ ᠤᠨ ᠴᠢᠭ ᠬᠡᠴᠢᠨᠡᠨ ᠬᠣᠯᠠ  ᠴᠤ

ᠠᠶᠣᠣᠯᠢᠬᠠᠢ ᠲᠦᠭᠦᠷᠡᠩ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠪᠦᠳᠦᠷᠢᠭᠡᠳ ᠣᠨᠠᠪᠠᠯ ᠪᠣᠰᠬᠣ ᠶᠣᠮ ᠰᠢᠦ

ᠪᠦᠬᠦᠢᠭᠡᠳ ᠴᠠᠭᠠᠰᠢ ᠪᠠᠨ ᠭᠦᠶᠦᠬᠦ ᠶᠣᠮ ᠰᠢᠦ

ᠪᠣᠷᠪᠢ ᠨᠣᠭᠣᠷᠠᠵᠣ ᠪᠢᠲᠡᠬᠡᠢ ᠭᠣᠳᠣᠵᠤ ᠶᠠᠪᠣᠭᠠᠷᠠᠢ

ᠪᠣᠳᠣᠯᠭ᠎ᠠ ᠴᠢᠩᠭᠠᠷᠠᠵᠣ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠰᠢᠪᠰᠢᠭᠯᠡᠵᠦ ᠴᠢᠮᠠᠢ ᠶᠢ ᠡᠯᠡᠭᠯᠡᠭᠰᠡᠨ  ᠴᠤ

ᠰᠢᠳᠦ ᠵᠠᠭᠣᠨ ᠬᠠᠲᠠᠭᠣᠴᠢᠯᠠᠵᠣ ᠶᠠᠪᠣᠭᠠᠷᠠᠢ

ᠰᠦᠷ ᠬᠦᠴᠦᠨ ᠢᠶᠡᠨ ᠣᠯᠠᠮ ᠡᠷᠴᠢᠯᠡᠨ

ᠰᠦᠰᠦ ᠵᠣᠷᠢᠭ ᠲᠠᠢ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠭᠣᠲᠣᠭᠠᠵᠣ ᠴᠢᠮᠠᠢ ᠶᠢ ᠲᠣᠭᠣᠭᠢᠯᠠᠭᠰᠠᠨ  ᠴᠤ

ᠭᠣᠲᠣᠵᠤ ᠪᠢᠲᠡᠬᠡᠢ ᠵᠣᠪᠠᠵᠤ ᠶᠠᠪᠣᠭᠠᠷᠠᠢ

ᠬᠦᠴᠦᠨ ᠵᠣᠷᠢᠭ ᠢᠶᠠᠨ ᠨᠡᠩ ᠪᠠᠳᠠᠷᠠᠭᠣᠯᠤᠨ

ᠬᠦᠷ ᠪᠠᠶᠠᠷ ᠲᠠᠶ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠴᠢᠪᠠᠭ᠎ᠠ ᠴᠠᠭ ᠲᠤ ᠪᠠᠨ ᠣᠯᠠᠢᠬᠣ ᠶᠤᠮ ᠰᠢᠦ

ᠴᠡᠴᠡᠭ ᠴᠠᠭ ᠲᠤ ᠪᠠᠨ ᠲᠡᠯᠭᠡᠷᠡᠬᠦ ᠶᠤᠮ ᠰᠢᠦ

ᠴᠢᠭᠯᠡᠯᠲᠡ ᠶᠣᠰᠤ ᠪᠠᠷ ᠣᠷᠣᠭᠰᠢᠯᠠᠵᠣ ᠶᠠᠪᠣᠭᠠᠷᠠᠢ

ᠴᠢᠩ ᠦᠨᠡᠨᠴᠢ ᠪᠡᠷ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠲᠠᠢᠨ ᠤ ᠭᠠᠯ ᠰᠢᠷᠦᠭᠦᠰᠦᠭᠡᠳ ᠢᠷᠡᠭᠰᠡᠨ ᠴᠤ

ᠲᠠᠢᠴᠢᠨ ᠬᠦᠴᠦᠨ ᠲᠡᠶ ᠡᠷᠯᠬᠡᠭᠯᠡᠵᠦ ᠶᠠᠪᠣᠭᠠᠷᠠᠢ

ᠲᠦᠮᠡᠨ ᠪᠡᠷᠬᠡ ᠲᠣᠯᠭᠠᠷᠠᠭᠠᠳ ᠢᠷᠡᠭᠰᠡᠨ  ᠴᠤ

ᠲᠡᠮᠡᠴᠡᠯ ᠦᠨ ᠬᠠᠷᠠᠯᠲᠠ ᠲᠠᠶ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠮᠢᠬ᠎ᠠ ᠲᠠᠰᠣᠷᠠᠵᠣ ᠶᠠᠰᠣ ᠬᠣᠭᠣᠷᠣᠭᠰᠠᠨ  ᠴᠤ

ᠮᠠᠷᠠᠢᠨ ᠲᠡᠮᠡᠴᠡᠵᠦ ᠵᠢᠳᠭᠦᠵᠦ ᠶᠠᠪᠣᠭᠠᠷᠠᠢ

ᠮᠠᠷᠭᠠᠰᠢ ᠢᠷᠡᠭᠡᠳᠦᠢ ᠳᠦ ᠪᠡᠨ ᠪᠠᠲᠣ ᠢᠲᠡᠭᠡᠵᠦ

ᠮᠦᠰᠢᠶᠡᠯ ᠪᠠᠶᠠᠰᠣᠯ ᠲᠠᠶ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠭᠠᠯᠲᠣ ᠰᠣᠮᠤ ᠪᠡᠶ᠎ᠡ ᠶᠢ ᠰᠢᠪᠲᠣᠯᠣᠭᠰᠠᠨ ᠴᠤ

ᠭᠠᠭᠴᠠ ᠵᠢᠷᠦᠬᠡ ᠪᠡᠨ ᠬᠠᠮᠠᠭᠠᠯᠠᠵᠣ ᠶᠠᠪᠣᠭᠠᠷᠠᠢ

ᠭᠠᠰᠢᠭᠣᠨ ᠵᠣᠪᠠᠯᠠᠩ ᠠᠮᠢᠳᠣᠷᠠᠯ ᠢ ᠪᠦᠷᠬᠦᠭᠰᠡᠨ ᠴᠤ

ᠭᠠᠯ ᠲᠠᠶ ᠴᠣᠭ ᠲᠠᠶ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠵᠢᠷᠦᠬᠡ ᠰᠡᠳᠭᠢᠯ ᠢᠶᠡᠨ ᠴᠢᠩᠭᠠᠳᠬᠠᠵᠣ

ᠵᠤᠷᠢᠭ ᠰᠦᠰᠦ  ᠪᠡᠨ ᠬᠦᠪᠴᠢᠯᠡᠵᠦ ᠶᠠᠪᠣᠭᠠᠷᠠᠢ

ᠵᠣᠷᠢᠯᠲᠠ ᠬᠦᠰᠡᠯ ᠢᠶᠡᠨ ᠵᠠᠪᠠᠯ ᠪᠡᠶᠡᠯᠡᠭᠦᠯᠬᠦ ᠪᠡᠷ

ᠵᠣᠷᠢᠭ ᠲᠡᠭᠦᠯᠲᠡᠷ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠬᠦᠮᠦᠨ ᠴᠢᠨᠠᠷ ᠤᠨ  ᠰᠠᠢᠨ ᠰᠠᠢᠬᠠᠨ ᠤ ᠲᠦᠯᠦᠭᠡ

ᠬᠦᠴᠦᠨ  ᠪᠦᠬᠦᠨ  ᠢᠶᠡᠨ ᠰᠢᠪᠬᠠᠵᠣ ᠶᠠᠪᠣᠭᠠᠷᠠᠢ

ᠬᠦᠰᠡᠯ ᠵᠡᠭᠦᠳᠦ ᠪᠡᠨ ᠵᠠᠪᠠᠯ ᠪᠡᠶᠡᠯᠡᠭᠦᠯᠬᠦ ᠪᠡᠷ

ᠬᠦᠴᠢᠷ ᠡᠴᠡ ᠠᠶᠣᠬᠣ ᠦᠭᠡᠢ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠦᠷᠭᠡᠨ ᠣᠯᠠᠨ ᠤ ᠠᠰᠢᠭ ᠲᠣᠰᠠ ᠶᠢᠨ ᠲᠦᠯᠦᠭᠡ 

ᠦᠨᠡᠨ ᠰᠡᠳᠭᠢᠯ ᠢᠶᠡᠷ ᠵᠢᠳᠭᠦᠵᠦ  ᠶᠠᠪᠣᠭᠠᠷᠠᠢ

ᠦᠨᠡᠨ ᠶᠣᠰᠤᠨ ᠤ ᠢᠯᠠᠯᠲᠠ ᠶᠢᠨ ᠲᠦᠯᠦᠭᠡ

ᠦᠬᠦᠬᠦ ᠡᠴᠡ ᠠᠶᠣᠬᠣ ᠦᠭᠡᠢ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕

ᠣᠷᠭᠢᠯ ᠳᠤ ᠨᠢ  ᠵᠠᠪᠠᠯ ᠮᠠᠴᠣᠨ ᠭᠠᠷᠬᠣ ᠪᠠᠷ

ᠣᠮᠤᠭ ᠵᠣᠷᠢᠭ ᠲᠠᠢ ᠲᠡᠭᠡᠭᠰᠢᠯᠡᠵᠦ ᠶᠠᠪᠣᠭᠠᠷᠠᠢ

ᠣᠷᠴᠢᠯᠠᠩ ᠤᠨ ᠬᠦᠴᠢᠷ ᠪᠦᠬᠦᠨ ᠢ ᠢᠯᠠᠨ ᠲᠠᠪᠠᠵᠤ

ᠣᠮᠤᠭ ᠲᠡᠭᠦᠯᠳᠡᠷ ᠢᠨᠢᠶᠡᠵᠦ ᠶᠠᠪᠣᠭᠠᠷᠠᠢ ︕