ᠪᠠᠪᠣᠤ ᠢ᠌᠌ᠨ ᠯᠾᠠᠠᠪᠠᠰᠦᠢ᠌ᠷᠦᠩ _ ᠳᠠᠭᠤᠲᠤ ᠴᠠᠭᠠᠨ ᠬᠥᠲᠥᠯ
᠂ ᠪᠠᠪᠣᠤ ᠢ᠌᠌ᠨ ᠯᠾᠠᠠᠪᠠᠰᠦᠢ᠌ᠷᠦᠩ
︽ ᠤᠶᠠᠩᠭᠠ ᠢ᠌᠌ᠨ ᠲᠣᠭᠣᠷᠢᠭ︾ ᠨᠣᠮ
ᠳ᠋ᠤ ᠦᠵᠡ᠃
712
2023-06-05 09:14
发表于:内蒙古
ᠪᠠᠪᠣᠤ ᠢ᠌᠌ᠨ ᠯᠾᠠᠠᠪᠠᠰᠦᠢ᠌ᠷᠦᠩ
ᠳᠠᠭᠤᠲᠤ ᠴᠠᠭᠠᠨ ᠬᠥᠲᠥᠯ
ᠬᠠᠷᠠᠴᠠ ᠪᠦᠳᠦᠷᠢᠬᠦ᠌ ᠴᠢᠯᠠᠭᠤ ᠦᠭᠡᠢ
ᠳᠠᠭᠤᠲᠤ ᠢ᠌᠌ᠨ ᠴᠠᠭᠠᠨ ᠬᠥᠲᠥᠯ
ᠬᠠᠷᠠ ᠦᠭᠡᠢ ᠲᠠᠲᠠᠯᠠᠭᠠ ᠴᠢᠪᠴᠢᠷᠡᠬᠡᠭᠰᠡᠨ
ᠳᠡᠯᠡᠬᠡᠢ ᠢ᠌᠌ᠨ ᠬᠣᠮᠨᠣᠭᠠ᠃
ᠲᠡᠮᠡᠭᠡᠨ ᠦ ᠪᠦᠬᠦᠨ ᠠᠭᠤᠯᠠᠰ ᠦᠨ
ᠲᠣᠬᠣᠰᠢ ᠢ᠌᠌ᠨ ᠵᠠᠢ ᠲᠠᠢ ᠲᠦᠷᠦᠯᠡᠵᠦ᠍
ᠲᠡᠭᠷᠢ ᠤᠷᠤᠭᠤ ᠴᠣᠪᠣᠭᠰᠠᠨ ᠵᠢᠩ ᠦᠨ
ᠪᠣᠲᠣᠭᠣᠨ ᠪᠣᠷᠣ ᠲᠡᠱᠢᠭᠡ᠃
ᠡᠭᠦᠷ ᠡᠶᠡᠨ ᠮᠠᠨᠠᠭᠰᠠᠨ ᠪᠣᠯᠵᠣᠮᠣᠷ ᠦᠨ
ᠲᠡᠭᠷᠢ ᠳ᠋ᠦ᠍ ᠲᠣᠭᠲᠠᠭᠰᠠᠨ ᠵᠢᠷᠭᠢᠭᠡ
ᠦᠷ ᠦᠨ ᠴᠠᠭᠠᠨ ᠴᠣᠯᠮᠣᠨ
ᠣᠷᠭᠣᠵᠤ ᠬᠢᠯᠠᠯᠵᠠᠳᠠᠭ ᠬᠥᠪᠡᠭᠡ
ᠠᠭᠢ ᠣᠩᠭᠣᠳᠣᠮᠠ ᠬᠠᠯᠠᠭᠤᠨ ᠳ᠋ᠦ᠍
ᠠᠳᠤᠭᠤ ᠬᠣᠷᠣᠳᠠᠭ ᠰᠡᠷᠪᠡᠭᠡ
ᠠᠷᠪᠠᠨ ᠲᠠᠪᠣᠨ ᠤ ᠰᠠᠷᠠᠨ
ᠵᠢᠭᠢᠵᠦ᠍ ᠮᠠᠨᠳᠣᠳᠠᠭ ᠲᠥᠷᠥᠭᠡ
ᠳᠠᠭᠤᠲᠤ ᠢ᠌᠌ᠨ ᠴᠠᠭᠠᠨ ᠬᠥᠲᠥᠯ
ᠲᠣᠷᠠᠳᠭᠠᠯ ᠦᠨ ᠴᠡᠩᠬᠡᠷ ᠨᠡᠬᠡᠯ᠃
ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠦ᠍ ᠶᠠᠪᠤᠬᠤ
ᠨᠠᠮᠤᠷ ᠦᠨ ᠮᠥᠩᠭᠥᠨ ᠥᠷᠯᠥᠭᠡ
︱ ᠳᠠᠭᠤᠲᠤ ᠢ᠌᠌ᠨ ᠴᠠᠭᠠᠨ ᠬᠥᠲᠥᠯ ᠳᠡᠭᠡᠷᠡ ᠪᠡᠨ
ᠣᠯᠣᠮ ᠡᠶᠡᠨ ᠨᠢᠭᠡ ᠴᠢᠩᠭᠠᠯᠠᠭᠠᠷᠠᠢ︕ ᠬᠡᠵᠦ᠍
ᠲᠠᠭᠤ ᠴᠦᠬᠡᠨ ᠡᠴᠢᠭᠡ ᠮᠢᠨᠢ
ᠦᠨᠦᠰᠭᠦ ᠢ᠌᠌ᠨ ᠣᠷᠣᠨ ᠳ᠋ᠦ᠍ ᠬᠡᠯᠡᠭᠰᠡᠨ᠁
︱ ᠡᠷᠭᠢᠵᠦ᠍ ᠬᠠᠷᠠᠵᠤ ᠶᠠᠪᠤᠭᠠᠷᠠᠢ︕ ᠭᠡᠵᠦ᠍
ᠡᠵᠢ ᠮᠢᠨᠢ ᠰᠡᠮᠬᠡᠨ ᠣᠬᠢᠯᠠᠵᠤ
ᠦᠳᠦᠯᠡᠭᠰᠡᠨ ᠭᠡᠷ ᠲᠡᠬᠡᠨ
ᠭᠠᠯ ᠦᠨ ᠬᠡᠢᠮᠦᠷᠢ ᠵᠠᠯᠠᠵᠤ
ᠡᠭᠦᠷᠦᠭᠰᠡᠨ ᠳᠠᠩ ᠦᠨ ᠠᠷᠤᠭ ᠲᠠᠭᠠᠨ
ᠠᠷᠭᠠᠯ ᠲᠡᠭᠦᠵᠦ᠍ ᠪᠣᠴᠠᠭᠰᠠᠨ᠁
ᠳᠠᠭᠤᠲᠤ ᠢ᠌᠌ᠨ ᠴᠠᠭᠠᠨ ᠬᠥᠲᠥᠯ ᠡᠴᠡ
ᠮᠢᠨᠤ ᠬᠣᠷᠸᠠ᠁
ᠳᠠᠩ ᠴᠠᠮᠴᠠ ᠲᠠᠢ ᠪᠠᠭᠠ ᠨᠠᠰᠤ ᠮᠢᠨᠢ
ᠲᠠᠭᠠᠵᠤ ᠭᠦᠶᠦᠭᠰᠡᠬᠡᠷ ᠬᠣᠴᠣᠷᠣᠭᠰᠠᠨ᠁
ᠬᠣᠯᠠ ᠢ᠌᠌ᠨ ᠵᠡᠷᠭᠡᠯᠭᠡᠨ ᠨᠢ ᠨᠠᠢ᠍ᠮᠡᠨ ᠭᠦᠭ ᠲᠠᠢ︽ ᠡᠠ᠊︾
ᠬᠤᠩᠬᠠ ᠲᠠᠢ ᠪᠦᠢᠳᠣᠭ ᠦᠨ ᠮᠢᠨᠢ ᠮᠥᠷ ᠲᠠᠢ
ᠮᠢᠨᠤ ᠨᠠᠮᠬᠠᠨ︽ᠡᠾᠢᠮᠡᠯᠢ︾ ᠲᠡᠷᠡ᠃
1984
᠂ ᠪᠠᠪᠣᠤ ᠢ᠌᠌ᠨ ᠯᠾᠠᠠᠪᠠᠰᠦᠢ᠌ᠷᠦᠩ
︽ ᠤᠶᠠᠩᠭᠠ ᠢ᠌᠌ᠨ ᠲᠣᠭᠣᠷᠢᠭ︾ ᠨᠣᠮ
ᠳ᠋ᠤ ᠦᠵᠡ᠃
6 0