ᠣᠷᠴᠢᠯᠠᠩ ᠢ ᠠᠷᠭᠠᠳᠠᠨ ᠥᠬᠢᠨ ᠳᠤ ᠪᠠᠨ ᠬᠦᠷᠭᠡᠬᠦ ᠠᠪᠤ ᠶᠢᠨ ᠵᠠᠬᠢᠳᠠᠯ ᠠᠯᠠᠭ ᠳᠡᠯᠡᠬᠡᠢ ᠶᠢᠨ ᠡᠳᠦᠷ ᠰᠥᠨᠢ ᠪᠡᠷ ᠠᠪᠤ ᠶᠢᠨ ᠬᠢ ᠨᠢ ᠨᠠᠰᠤ ᠠᠬᠢᠭᠠᠳ ᠪᠠᠶᠢᠬᠤ ᠶᠤᠮ ᠠᠶᠢᠯ ᠤᠨ ᠪᠦᠰᠡᠭᠦᠢ ᠵᠥᠭᠡᠯᠡᠨ ᠠᠷᠭᠠᠳᠠᠬᠤ ᠳᠤ ᠠᠪᠤ ᠨᠢ ᠶᠡᠬᠡ ᠭᠠᠭᠴᠠᠭᠠᠷᠳᠠᠬᠤ ᠶᠤᠮ ᠰᠠᠶᠢᠨ ᠬᠠᠨᠢ ᠶᠢᠨ ᠲᠩᠷᠢ ᠰᠠᠨᠠᠭᠰᠠᠨ ᠠᠴᠠ ᠡᠷᠲᠡ ᠬᠥᠮᠦᠷᠢᠵᠥ ᠰᠠᠷᠬᠤᠳ ᠳᠦᠭᠦᠷᠡᠩ ᠰᠢᠷᠡᠭᠡ ᠶᠢ ᠰᠠᠶᠢᠨ ᠨᠠᠶᠢᠵᠠ ᠪᠠᠨ ᠭᠡᠵᠦ ᠲᠦᠰᠢᠭᠰᠡᠨ ᠴᠤ ᠬᠦᠮᠦᠨ ᠴᠢᠨᠠᠷ ᠢᠶᠠᠨ ᠭᠡᠭᠡᠭᠡ ᠦᠭᠡᠢ ᠬᠦᠮᠦᠨ ᠦ ᠶᠣᠰᠣᠨ ᠠᠴᠠ ᠭᠠᠵᠢᠭ᠎ᠠ ᠦᠭᠡᠢ ᠬᠥᠭᠰᠢᠨ ᠪᠤᠭᠤᠷᠤᠯ ᠠᠪᠤ ᠶᠢᠨ ᠬᠢ ᠨᠢ ᠬᠦᠴᠦᠨ ᠴᠢᠳᠠᠯ ᠮᠡᠬᠦᠰᠳᠡᠵᠦ ᠪᠠᠶᠢᠨ᠎ᠠ ᠡᠵᠢ ᠪᠡᠨ ᠳᠠᠭᠤᠷᠢᠶᠠᠭᠰᠠᠨ ᠰᠡᠷᠭᠦᠯᠡᠩ ᠡᠷᠬᠢᠮᠰᠦᠭ ᠠᠭᠠᠳ ᠲᠥᠪᠰᠢᠨ ᠮᠢᠨᠦ ᠭᠠᠭᠴᠠ ᠥᠬᠢᠨ ᠮᠡᠨᠳᠦ ᠶᠢᠨ ᠵᠠᠬᠢᠳᠠᠯ ᠢ ᠮᠢᠨᠢ ᠤᠩᠰᠢᠭᠠᠷᠠᠢ ᠢᠨᠲ᠋ᠧᠷᠨᠡᠲ ᠴᠠᠬᠢᠮ ᠲᠥᠬᠥᠭᠡᠷᠦᠮᠵᠢ ᠶᠢ ᠡᠴᠢᠭᠡ ᠨᠢ ᠶᠠᠮᠠᠷ ᠮᠡᠳᠡᠬᠦ ᠪᠢᠰᠢ ᠢᠮᠧᠯ ᠬᠠᠶᠢᠭ ᠰᠠᠶᠢᠲ ᠢ ᠡᠷᠭᠢᠴᠡᠭᠦᠯᠵᠦ ᠪᠠᠰᠠ ᠵᠢᠭᠠᠯᠭᠠᠭᠰᠠᠨ ᠪᠢᠰᠢ ᠠᠪᠤ ᠨᠢ ᠶᠠᠭᠠᠬᠢᠬᠤ ᠪᠤᠢ ᠳ᠋ᠡ ᠥᠨᠥᠳᠥᠷ ᠠᠮᠢᠳᠤ ᠶᠠᠪᠤᠭ᠎ᠠ ᠳᠤ ᠪᠠᠨ ᠪᠠᠶᠠᠷᠯᠠᠨ ᠡᠵᠢ ᠲᠡᠢ ᠨᠢ ᠠᠩᠬ᠎ᠠ ᠠᠰᠠᠭᠠᠭᠰᠠᠨ ᠭᠠᠯ ᠢᠶᠠᠨ ᠡᠷᠬᠢᠮᠯᠡᠨ ᠮᠠᠨᠠᠵᠤ ᠰᠠᠭᠤᠨ᠎ᠠ ᠬᠠᠯᠬ᠎ᠠ ᠡᠷ᠎ᠡ ᠶᠢᠨ ᠵᠠᠶᠠᠭ᠎ᠠ ᠳᠤᠲᠠᠵᠤ ᠬᠠᠷᠢ ᠡᠷ᠎ᠡ ᠶᠢᠨ ᠰᠠᠨᠠᠭ᠎ᠠ ᠪᠦᠲᠦᠵᠦ ᠬᠠᠯᠠᠭᠤᠨ ᠡᠪᠦᠷ ᠡᠴᠡ ᠪᠡᠨ ᠴᠤ ᠭᠠᠷᠤᠭ᠎ᠠ ᠦᠭᠡᠢ ᠰᠢᠬᠠᠮ ᠨᠠᠰᠤᠨ ᠳᠤ ᠪᠠᠨ ᠬᠢᠯᠢ ᠳᠠᠪᠠᠨ ᠲᠢᠪ ᠠᠯᠭᠠᠰᠣᠭᠰᠠᠨ ᠬᠠᠶᠢᠷᠠᠲᠠᠢ ᠭᠠᠭᠴᠠ ᠥᠬᠢᠨ ᠢᠶᠡᠨ ᠠᠪᠤ ᠨᠢ ᠬᠠᠷᠠᠩᠭᠤᠢ ᠰᠥᠨᠢ ᠪᠡᠷ ᠵᠡᠭᠦᠳᠦᠯᠡᠵᠦ ᠬᠦᠯᠢᠶᠡᠬᠦ ᠶᠤᠮ ᠬᠠᠳᠤᠨ ᠭᠡᠷ ᠡᠴᠡ ᠪᠡᠨ ᠬᠠᠯᠠᠰᠢᠷᠠᠵᠤ ᠬᠦᠯᠢᠶᠡᠬᠦ ᠶᠤᠮ ᠬᠠᠲᠠᠭᠤ ᠲᠠᠪᠢᠯᠠᠩ ᠲᠠᠢ ᠬᠠᠷᠭᠤᠯᠳᠤᠵᠤ ᠬᠦᠯᠢᠶᠡᠬᠦ ᠶᠤᠮ ᠡᠩᠭᠡᠷ ᠦᠨ ᠥᠨᠥᠴᠢᠨ ᠬᠠᠶᠢᠯᠠᠰᠤ ᠰᠢᠭ ᠡᠩᠬᠦᠷᠡᠢ ᠭᠠᠭᠴᠠ ᠥᠬᠢᠨ ᠢᠶᠡᠨ ᠡᠷᠭᠢᠭᠡᠳ ᠢᠷᠡᠬᠦ ᠳᠦ ᠨᠢ ᠦᠨᠦᠰᠬᠦ ᠭᠡᠵᠦ ᠡᠵᠢ ᠶᠢᠨ ᠬᠢ ᠨᠢ ᠪᠡᠯᠵᠢᠭ ᠢ ᠥᠪᠯᠡᠭᠦᠯᠬᠦ ᠭᠡᠵᠦ ᠪᠣᠷᠣ ᠴᠠᠢ ᠬᠠᠯᠠᠭᠤᠨ ᠭᠠᠯ ᠢᠶᠠᠷ ᠪᠣᠯᠭᠣᠭᠠᠵᠤ ᠯᠠ ᠪᠠᠶᠢᠨ᠎ᠠ ᠳ᠋ᠠ ᠦᠯᠡᠳᠡᠭᠰᠡᠨ ᠠᠮᠢᠳᠤᠷᠠᠯ ᠢᠶᠠᠨ ᠬᠦᠮᠦᠨ ᠦ ᠨᠠᠶᠢᠮᠠᠭᠠᠨ ᠤ ᠵᠣᠯᠢᠶᠠᠰᠤ ᠪᠣᠯᠤᠭᠰᠠᠨ ᠭᠡᠵᠦ ᠬᠦᠮᠦᠰ ᠵᠠᠷᠢᠮ ᠨᠢ ᠱᠣᠭᠰᠢᠷᠠᠬᠤ ᠶᠤᠮ ᠬᠤᠪᠢ ᠵᠠᠶᠠᠭ᠎ᠠ ᠦᠭᠡᠢ ᠬᠡᠦᠬᠡᠨ ᠳᠦ ᠪᠡᠨ ᠬᠣᠬᠢ ᠨᠢ ᠭᠡᠵᠦ ᠬᠤᠶᠠᠭ ᠤᠨ ᠬᠦᠦ ᠠᠭᠰᠤᠷᠬᠤ ᠶᠤᠮ ᠡᠵᠢ ᠠᠪᠤ ᠠᠴᠠ ᠪᠠᠨ ᠢᠯᠡᠭᠦᠦ ᠡᠬᠡ ᠣᠷᠣᠨ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠥᠰᠦᠭᠰᠡᠨ ᠡᠯᠳᠡᠪ ᠪᠤᠷᠬᠠᠨ ᠠᠴᠠ ᠢᠯᠡᠭᠦᠦ ᠡᠩᠬᠡ ᠲᠥᠷᠦ ᠳᠦ ᠪᠡᠨ ᠰᠢᠲᠦᠵᠦ ᠰᠤᠷᠣᠭᠰᠠᠨ ᠵᠠᠯᠠᠭᠤ ᠬᠤᠰᠤ ᠰᠢᠭ ᠭᠤᠸᠠᠯᠢᠭ ᠵᠠᠰᠠᠭᠰᠠᠨ ᠱᠠᠭᠠᠢ ᠰᠢᠭ ᠴᠡᠮᠴᠡᠭᠡᠷ ᠳᠡᠩᠳᠡᠭᠦᠦ ᠲᠠᠩᠰᠤᠭ ᠥᠬᠢᠨ ᠢᠶᠡᠨ ᠠᠪᠤ ᠨᠢ ᠳᠣᠲᠣᠭᠰᠢ ᠪᠠᠨ ᠥᠮᠥᠭᠡᠷᠡᠵᠥ ᠪᠤᠬᠢᠨᠢᠳᠤᠬᠤ ᠶᠤᠮ ᠰᠠᠶᠢᠨ ᠶᠠᠪᠤᠭ᠎ᠠ ᠳᠤ ᠪᠠᠨ ᠪᠤᠤ ᠠᠲᠠᠭᠠᠷᠬ᠎ᠠ ᠭᠡᠵᠦ ᠰᠠᠨᠠᠨ ᠰᠠᠨᠠᠨ ᠠᠩᠬᠠᠷᠤᠭᠤᠯᠬᠤ ᠶᠤᠮ ᠰᠠᠶᠢᠬᠠᠨ ᠬᠡᠦᠬᠡᠨ ᠪᠣᠯᠣᠭᠰᠠᠨ ᠭᠡᠵᠦ ᠰᠠᠨᠠᠭ᠎ᠠ ᠰᠡᠳᠬᠢᠯ ᠳᠦ ᠪᠡᠨ ᠳᠦᠷᠰᠦᠯᠡᠬᠦ ᠶᠤᠮ ᠮᠢᠨᠦ ᠥᠬᠢᠨ ᠤᠬᠠᠭᠠᠨ ᠲᠠᠢ ᠳ᠋ᠠ ᠮᠢᠷᠠᠯᠵᠠᠬᠤ ᠵᠡᠷᠭᠡᠯᠭᠡ ᠲᠠᠯ᠎ᠠ ᠨᠤᠲᠤᠭ ᠢᠶᠠᠨ ᠰᠠᠨᠠᠵᠤ ᠪᠠᠶᠢᠭ᠎ᠠ ᠠᠪᠤ ᠶᠢᠨ ᠥᠬᠢᠨ ᠠᠳᠠ ᠲᠠᠢ ᠳ᠋ᠠ ᠠᠷᠤ ᠱᠠᠩᠳᠤ ᠶᠢᠨ ᠵᠦᠯᠭᠡᠨ ᠳᠡᠭᠡᠷᠡᠬᠢ ᠴᠢᠯᠠᠭᠤᠨ ᠭᠡᠷ ᠢᠶᠡᠨ ᠦᠭᠡᠶᠢᠯᠡᠵᠦ ᠪᠠᠶᠢᠭ᠎ᠠ ᠴᠡᠩᠬᠡᠷᠬᠡᠨ ᠲᠩᠷᠢ ᠮᠣᠩᠭᠣᠯ ᠢᠶᠠᠨ ᠰᠠᠨᠠᠭᠠᠳ ᠴᠡᠭᠡᠵᠢᠨ ᠳᠣᠲᠣᠷ᠎ᠠ ᠪᠠᠨ ᠴᠢᠰᠤ ᠪᠠᠷ ᠢᠶᠠᠨ ᠤᠬᠢᠯᠠᠵᠤ ᠪᠠᠶᠢᠭ᠎ᠠ ᠱᠠᠩᠬᠤ ᠪᠠᠷ ᠨᠢ ᠨᠠᠭᠠᠳᠳᠠᠭ ᠤᠷᠢᠬᠠᠨ ᠰᠠᠯᠬᠢ ᠪᠠᠨ ᠰᠥᠨᠢᠵᠢᠨ ᠮᠥᠷᠥᠭᠡᠳᠦᠨ ᠨᠣᠢᠷ ᠦᠭᠡᠢ᠌ᠢᠲᠡᠵᠦ ᠪᠠᠶᠢᠭ᠎ᠠ ᠠᠯᠠᠭᠬᠠᠨ ᠳᠡᠯᠡᠬᠡᠢ ᠳᠦ ᠬᠦᠮᠦᠨ ᠪᠣᠯᠭᠠᠭᠰᠠᠨ ᠠᠪᠤ ᠳᠤ ᠪᠠᠨ ᠢᠷ᠎ᠡ ᠡ ᠮᠢᠨᠦ ᠥᠬᠢᠨ ᠠᠮᠤᠨ᠎ᠠ ᠤᠰᠤᠨ ᠳᠤ ᠬᠦᠢᠰᠦ ᠶᠢ ᠴᠢᠨᠢ ᠴᠥᠭᠯᠡᠭᠰᠡᠨ ᠠᠵᠢᠷᠬᠠᠢ ᠶᠢᠨ ᠲᠠᠯ᠎ᠠ ᠳᠤ ᠪᠠᠨ ᠣᠴᠢᠭ᠎ᠠ ᠥᠬᠢᠨ ᠮᠢᠨᠢ ᠢᠳᠠᠮ ᠬᠤᠷᠤᠭᠤ ᠪᠠᠷ ᠳᠡᠭᠡᠵᠢᠯᠡᠬᠦ ᠰᠠᠷᠬᠤᠳ ᠢᠶᠠᠨ ᠶᠠᠩᠵᠢᠩᠯᠬᠠᠮ ᠪᠤᠷᠬᠠᠨ ᠳᠤ ᠪᠠᠨ ᠡᠷᠭᠦᠶ᠎ᠡ ᠬᠤᠪᠢ ᠵᠠᠶᠠᠭ᠎ᠠ ᠪᠠᠨ ᠪᠠᠰᠠ ᠯᠠ ᠨᠢᠭᠡᠨᠲᠡ ᠲᠣᠷᠭᠣᠵᠤ ᠬᠤᠨᠳᠠᠭ᠎ᠠ ᠳᠦᠭᠦᠷᠡᠩ ᠰᠠᠷᠬᠤᠳ ᠢᠶᠠᠨ ᠬᠥᠨᠲᠦᠷᠦᠶ᠎ᠡ ᠰᠠᠶᠢᠬᠠᠨ ᠥᠬᠢᠨ ᠳᠤ ᠪᠠᠨ ᠠᠪᠤ ᠶᠢᠨ ᠦᠷ᠎ᠡ ᠶᠤᠮ ᠴᠢᠨᠢ ᠰᠠᠶᠢᠨ ᠶᠠᠪᠤᠭ᠎ᠠ ᠳᠤ ᠪᠠᠨ ᠮᠣᠩᠭᠣᠯ ᠤᠨ ᠬᠢ ᠶᠤᠮ ᠴᠢᠨᠢ ᠰᠠᠨᠰᠠᠷ ᠤᠨ ᠰᠠᠯᠬᠢ ᠪᠠᠷ ᠵᠠᠬᠢᠳᠠᠯ ᠢᠶᠠᠨ ᠢᠯᠡᠭᠡᠶ᠎ᠡ ᠰᠠᠨᠠᠭᠠᠰᠢᠷᠠᠬᠤ ᠰᠡᠳᠬᠢᠯ ᠢᠶᠡᠨ ᠣᠩᠭᠣᠶᠢᠲᠠᠯ᠎ᠠ ᠠᠭᠰᠠᠷᠠᠶ᠎ᠠ ᠥᠬᠢᠨ ᠮᠢᠨᠢ ᠣᠷᠴᠢᠯᠠᠩ ᠤᠨ ᠭᠠᠭᠴᠠ ᠡᠷᠳᠡᠨᠢ ᠮᠢᠨᠢ ᠡ ᠬᠣᠷᠯᠣᠵᠠᠪ ᠡᠩᠬᠡᠲᠦᠷᠦ