ᠲᠡᠭᠷᠢ ᠶᠢᠨ ᠰᠠᠯᠬᠢ
ᠲᠣᠰ ᠵᠣᠬᠢᠶᠠᠯ ᠳᠤ᠂ ᠰᠠᠨᠰᠠᠷ ᠲᠡᠭᠷᠢ᠂ ᠥᠨᠳᠦᠷ ᠲᠡᠭᠷᠢ᠂᠂᠂᠂ ᠵᠡᠷᠭᠡ ᠲᠡᠭᠷᠢ ᠪᠡᠷ ᠨᠠᠮ ᠵᠠᠰᠠᠭ ᠢ ᠲᠦᠯᠦᠭᠡᠯᠡᠭᠦᠯᠵᠦ᠂ ᠰᠠᠯᠬᠢ ᠪᠠᠷ ᠲᠦᠷᠣ ᠶᠢᠨ ᠪᠣᠳᠤᠯᠭᠠ ᠶᠢ ᠲᠦᠯᠦᠭᠡᠯᠡᠭᠦᠯᠦᠨ ᠣᠳᠣᠬᠢ ᠢᠯᠵᠠᠷᠠᠮᠠᠯ ᠢ ᠱᠦᠭᠦᠷᠳᠡᠨ ᠠᠷᠢᠯᠭᠠᠵᠤ ᠪᠠᠢᠢᠭᠠ ᠰᠠᠢᠢᠨ ᠰᠠᠢᠢᠬᠠᠨ ᠪᠠᠢᠢᠳᠠᠯ ᠢ ᠮᠠᠭᠳᠠᠨ ᠣᠶᠠᠩᠭᠠᠯᠠᠪᠠ᠃
816
2023-03-17 12:33
发表于:内蒙古
ᠪᠤᠤ ᠵᠢᠨᠵᠤᠸᠠᠨᠭᠽᠢ
ᠰᠡᠪ ᠰᠡᠮᠡᠬᠡᠨ ᠴᠢᠮᠡᠭᠡ ᠦᠭᠡᠢ ᠪᠠᠢᠢᠳᠠᠯᠠ
ᠰᠡᠷᠴᠢᠬᠢᠨᠡᠬᠦ ᠰᠠᠯᠬᠢ ᠦᠯᠢᠶᠡᠬᠡᠳ ᠢᠷᠡᠨᠡ
ᠰᠠᠨᠰᠠᠷ ᠲᠡᠭᠷᠢ ᠶᠢᠨ ᠰᠠᠯᠬᠢ ᠯᠠ ᠪᠤᠯᠤᠯᠳᠠᠢ
ᠰᠡᠳᠭᠢᠯ ᠢ ᠪᠠᠶᠠᠰᠬᠠᠭᠠᠳ ᠲᠠᠭᠠᠳᠠᠢᠢᠬᠠᠨ ᠢᠯᠪᠢᠨᠡ ᠃
ᠥᠨᠳᠦᠷ ᠲᠡᠭᠷᠢ ᠶᠢᠨ ᠰᠠᠯᠬᠢ ᠪᠠᠢᠢᠨᠠᠮ
ᠦᠨᠭᠭᠡᠳᠦ ᠬᠤᠷᠸᠠ ᠳᠤ ᠪᠠᠨ ᠬᠠᠢᠢᠷᠠᠳᠠᠢ ᠪᠠᠢᠢᠨᠠᠮ
ᠤᠶᠠᠬᠠᠨ ᠨᠠᠮᠤᠭᠤᠬᠠᠨ ᠢᠶᠠᠷ ᠢᠯᠪᠢᠭᠦ ᠪᠠᠢᠢᠨᠠᠮ
ᠦᠵᠡᠰᠭᠦᠯᠡᠩ ᠪᠦᠬᠦᠨ ᠢ ᠮᠢᠷᠠᠯᠵᠠᠭᠤᠯᠬᠤ ᠪᠠᠢᠢᠨᠠᠮ ︕
ᠪᠤᠯᠪᠠᠷᠠᠢ ᠵᠦᠭᠡᠯᠡᠨ ᠢᠶᠡᠷ ᠪᠦᠵᠢᠭᠯᠡᠭᠡᠳ ᠢᠷᠡᠯᠡ
ᠪᠤᠯᠪᠠᠰᠤᠨ ᠰᠠᠢᠢᠬᠠᠨ ᠢᠶᠠᠷ ᠢᠯᠪᠢᠭᠡᠳ ᠢᠷᠡᠯᠡ
ᠰᠡᠷᠮᠡᠬᠦᠨ ᠰᠡᠷᠢᠭᠦᠬᠡᠨ ᠢᠶᠠᠷ ᠰᠡᠷᠴᠢᠬᠢᠨᠡᠭᠡᠳ ᠢᠷᠡᠯᠡ
ᠰᠢᠨᠡᠬᠡᠨ ᠰᠤᠷᠭᠤᠭ ᠢᠶᠠᠷ ᠠᠮᠢᠰᠬᠤᠯᠯᠠᠭᠠᠳ ᠢᠷᠡᠯᠡ ᠃
ᠠᠯᠠᠭᠬᠠᠨ ᠬᠤᠷᠸᠠ ᠶᠢ ᠠᠷᠢᠭᠤᠳᠬᠠᠭᠠᠳ ᠢᠷᠡᠯᠡ
ᠠᠭᠯᠠᠭᠬᠠᠨ ᠬᠦᠳᠡᠭᠡ ᠶᠢ ᠴᠡᠪᠡᠷᠯᠡᠭᠡᠳ ᠢᠷᠡᠯᠡ
ᠢᠯᠵᠠᠷᠠᠮᠠᠯ ᠬᠤᠭ ᠢ ᠱᠦᠭᠦᠷᠳᠡᠭᠡᠳ ᠢᠷᠡᠯᠡ
ᠦᠮᠦᠬᠡᠢ ᠬᠠᠶᠠᠭᠳᠠᠮᠠᠯ ᠢ ᠠᠷᠢᠯᠭᠠᠭᠠᠳ ᠢᠷᠡᠯᠡ᠃
ᠲᠤᠭᠤᠰᠤ ᠰᠢᠷᠤᠢ ᠨᠢ ᠲᠤᠨᠤᠷᠠᠵᠤ ᠯᠠ ᠪᠠᠢᠢᠨᠠ
ᠲᠤᠰᠬᠤᠨ ᠠᠢᠢᠯ ᠮᠢᠨᠢ ᠲᠤᠨᠭᠭᠠᠯᠠᠭᠰᠢᠵᠤ ᠯᠠ ᠪᠠᠢᠢᠨᠠ
ᠦᠮᠦᠬᠡᠢ ᠢᠯᠵᠠᠷᠠᠮᠠᠯ ᠨᠢ ᠦᠭᠡᠢᠢᠰᠭᠡᠭᠳᠡᠵᠦ ᠯᠠ ᠪᠠᠢᠢᠨᠠ
ᠦᠯᠦᠭᠡᠢ ᠨᠤᠳᠤᠭ ᠮᠢᠨᠢ ᠬᠦᠭᠵᠢᠯᠳᠦᠵᠦ ᠯᠠ ᠪᠠᠢᠢᠨᠠ ᠃
ᠴᠡᠮᠴᠡᠭᠡᠷ ᠭᠤᠶᠤᠬᠠᠨ ᠬᠦᠷᠢᠶᠡ ᠬᠠᠰᠢᠶᠠ ᠶᠢ ᠮᠢᠨᠢ
ᠴᠡᠪᠡᠷᠯᠡᠭᠡᠳ ᠦᠭᠭᠦᠭᠰᠡᠨ ᠭᠠᠪᠢᠶᠠᠳᠦ ᠰᠠᠯᠬᠢ ᠡ
ᠴᠡᠨᠭᠭᠡᠷ ᠰᠠᠢᠢᠬᠠᠨ ᠨᠤᠳᠤᠭ ᠤᠷᠤᠨ ᠢ ᠮᠢᠨᠢ
ᠴᠡᠭᠴᠡᠯᠡᠭᠡᠳ ᠦᠭᠭᠦᠭᠰᠡᠨ ᠠᠴᠢᠯᠠᠯᠳᠦ ᠰᠠᠯᠬᠢ ᠡ ︕
ᠲᠡᠭᠷᠢ ᠶᠢᠨ ᠰᠠᠯᠬᠢ ᠲᠡᠭᠰᠢᠷᠡᠭᠡᠳ ᠦᠯᠢᠶᠡᠬᠦ ᠳᠦ
ᠲᠡᠯᠡᠬᠡᠢ ᠶᠢᠷᠳᠢᠨᠴᠤ ᠠᠮᠤᠷ ᠠᠮᠤᠭᠣᠯᠠᠩ ᠳᠤ ᠪᠠᠨ ᠴᠡᠨᠭᠭᠡᠷᠳᠦᠨᠡ
ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠲᠤᠶᠠᠭᠠᠷᠠᠭᠠᠳ ᠢᠯᠪᠢᠬᠦ ᠳᠦ
ᠲᠦᠮᠡᠨ ᠠᠷᠠᠳ ᠵᠤᠯ ᠵᠢᠷᠭᠠᠯ ᠳᠤ ᠪᠠᠨ ᠴᠡᠨᠭᠭᠡᠯᠳᠦᠨᠡ ᠃
ᠭᠠᠢ ᠬᠤᠳᠠ ᠪᠠᠷ ᠰᠡᠷᠴᠢᠬᠢᠨᠡᠭᠡᠳ ᠪᠠᠢᠢᠭ ᠡ
ᠭᠤᠳᠤᠮᠵᠢ ᠵᠡᠭᠡᠯᠢ ᠪᠡᠷ ᠱᠦᠭᠦᠷᠳᠡᠭᠡᠳ ᠪᠠᠢᠢᠭ ᠡ
ᠤᠪᠤᠭᠠ ᠠᠢᠢᠯ ᠢᠶᠠᠷ ᠦᠯᠢᠶᠡᠬᠡᠳ ᠪᠠᠢᠢᠭ ᠡ
ᠠᠭᠤᠯᠠᠨ ᠲᠤᠰᠬᠤᠨ ᠢᠶᠠᠷ ᠴᠡᠪᠡᠷᠯᠡᠭᠡᠳ ᠪᠠᠢᠢᠭ ᠡ ︕
ᠴᠢᠪ ᠴᠢᠮᠡᠭᠡ ᠦᠭᠡᠢ ᠶᠢᠨ ᠲᠣᠮᠳᠠ
ᠴᠡᠪᠡᠷᠭᠡᠨ ᠰᠠᠯᠬᠢ ᠦᠯᠢᠶᠡᠭᠡᠳ ᠪᠠᠢᠢᠭ ᠡ
ᠴᠠᠬᠢᠯᠭᠠᠨ ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠶᠣᠰᠤ ᠪᠠᠷ
ᠴᠡᠯᠡᠭᠡᠷ ᠬᠣᠷᠸᠠ ᠶᠢ ᠮᠢᠨᠢ ᠴᠢᠮᠡᠭᠯᠡᠭᠡᠳ ᠪᠠᠢᠢᠭ ᠡ︕
15 0