ᠲᠠᠨ ᠤ ᠰᠤᠨᠢᠷᠬᠠᠯ
ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ ᠮᠣᠩᠭᠤᠯ ᠢ ᠬᠠᠮᠠᠭᠠᠯᠠᠬᠤ ᠶᠣᠰᠣᠲᠠᠢ
ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ ᠮᠣᠩᠭᠤᠯ ᠢ ᠬᠠᠮᠠᠭᠠᠯᠠᠬᠤ ᠶᠣᠰᠣᠲᠠᠢ
5749
2018-12-24 10:50
发表于:内蒙古
ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ ᠮᠣᠩᠭᠤᠯ ᠢ ᠬᠠᠮᠠᠭᠠᠯᠠᠬᠤ ᠶᠣᠰᠣᠲᠠᠢ
ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ ᠤᠨ ᠤᠯᠤᠰ ᠲᠥᠷᠦ᠂ ᠴᠡᠷᠢᠭ ᠳᠠᠶᠢ᠍ᠨ ᠤ ᠰᠤᠳᠤᠯᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠣᠷᠣᠯᠠᠭᠴᠢ ᠵᠠᠬᠢᠷᠤᠯ ᠠᠯᠸᠺᠰᠠᠨᠳᠠᠷ ᠾᠷᠠᠮᠴᠢᠬᠢᠨ ᠢᠩᠭᠢᠵᠦ ᠪᠢᠴᠢᠵᠡᠢ᠃
ᠮᠣᠩᠭᠣᠯ ᠤᠯᠤᠰ ᠬᠢᠲᠠᠳ ᠠᠴᠠ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠣᠷᠣᠰ ᠤᠨ ᠠᠴᠢ ᠪᠠᠷ ᠯᠠ ᠣᠯᠵᠤ ᠠᠪᠤᠭᠰᠠᠨ᠃ ᠲᠣᠳᠣᠷᠬᠠᠢ ᠬᠡᠯᠡᠪᠡᠯ 1911 ᠣᠨ ᠳᠤ ᠰᠢᠨ ᠬᠠᠢ ᠬᠤᠪᠢᠰᠬᠠᠯ ᠤᠨ ᠳᠠᠷᠠᠭᠠ ᠡᠭᠦᠰᠦᠭᠰᠡᠨ ᠡᠮᠬᠢ ᠵᠠᠮᠪᠠᠷᠠᠭᠠ ᠦᠭᠡᠢ ᠪᠠᠶᠢᠳᠠᠯ ᠢ ᠠᠰᠢᠭᠯᠠᠨ ᠮᠣᠩᠭᠣᠯ ᠬᠢᠲᠠᠳ ᠠᠴᠠ ᠥᠪᠡᠷᠰᠡᠳ ᠢᠶᠡᠨ ᠰᠠᠯᠤᠭᠰᠠᠨ ᠴᠤ ᠡᠬᠢᠯᠡᠭᠡᠳ ᠬᠠᠭᠠᠨᠲᠤ ᠣᠷᠣᠰ᠂ ᠳᠠᠷᠠᠭᠠ ᠨᠢ ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠪᠡᠭᠡᠵᠢᠩ ᠢᠶᠡᠷ ᠮᠣᠩᠭᠣᠯ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢ ᠠᠯᠪᠠᠨ ᠶᠣᠰᠣᠭᠠᠷ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠦᠯᠦᠭᠰᠡᠨ ᠦ ᠠᠴᠢ ᠪᠠᠷ ᠯᠠ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠬᠠᠳᠠᠭᠠᠯᠠᠨ ᠦᠯᠡᠳᠡᠵᠦ ᠴᠢᠳᠠᠭᠰᠠᠨ᠃ ᠭᠡᠬᠦ ᠳᠦ ᠪᠡᠨ ᠬᠢᠲᠠᠳ ᠤᠯᠤᠰ ᠮᠣᠩᠭᠣᠯ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢ ᠬᠡᠷᠬᠢᠨ ᠬᠦᠯᠢᠶᠡᠵᠦ ᠠᠪᠳᠠᠭ ᠨᠢ ᠰᠣᠨᠢᠷᠬᠠᠯᠲᠠᠢ᠃ ᠬᠢᠲᠠᠳ ᠤᠨ ᠲᠡᠦᠬᠡ ᠶᠢᠨ ᠪᠦᠬᠦ ᠰᠤᠷᠪᠤᠯᠵᠢ ᠪᠢᠴᠢᠭ᠂ ᠬᠡᠪᠯᠡᠯ ᠳᠦ ᠮᠣᠩᠭᠣᠯ ᠤᠯᠤᠰ ᠬᠠᠤᠯᠢ ᠪᠤᠰᠤ ᠪᠠᠷ ᠲᠤᠰ ᠲᠤ ᠪᠠᠨ ᠭᠠᠷᠤᠭᠰᠠᠨ᠂ ᠬᠢᠲᠠᠳ ᠣᠷᠣᠨ ᠰᠤᠯᠠ ᠳᠣᠷᠣᠢ ᠪᠠᠶᠢᠭᠰᠠᠨ ᠢ ᠠᠰᠢᠭᠯᠠᠨ ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠬᠦᠴᠥ ᠪᠡᠷ ᠮᠣᠩᠭᠣᠯ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢ ᠵᠥᠪᠰᠢᠶᠡᠷᠡᠭᠦᠯᠦᠭᠰᠡᠨ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠲᠡᠭᠡᠬᠦ ᠪᠡᠷ ᠬᠡᠷᠪᠡ ᠪᠣᠯᠤᠮᠵᠢ ᠭᠠᠷᠪᠠᠯ ᠪᠡᠭᠡᠵᠢᠩ ᠮᠣᠩᠭᠣᠯ ᠠᠴᠠ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢ ᠨᠢ ᠪᠤᠯᠢᠶᠠᠨ ᠠᠪᠤᠨᠠ ᠭᠡᠰᠡᠨ ᠦᠭᠡ ᠶᠤᠮ᠃ ᠠᠰᠤᠷᠤ ᠲᠣᠮᠣ ᠭᠠᠵᠠᠷ ᠨᠤᠲᠤᠭ ᠲᠠᠢ (1.56 ᠰᠠᠶᠠ ᠺᠦᠸᠠᠳ᠋ ᠺᠢᠯᠣᠮᠧᠲ᠋ᠷ᠂ ᠳᠡᠯᠡᠬᠡᠢ ᠳᠦ 18 ᠍ ᠳᠦ ᠣᠷᠣᠨᠠ)᠂ ᠮᠠᠰᠢ ᠪᠠᠭᠠ ᠬᠦᠮᠦᠨ ᠠᠮᠠ ᠲᠠᠢ (2.9 ᠰᠠᠶᠠ᠂ ᠳᠡᠯᠡᠬᠡᠢ ᠳᠦ 140 ᠍ ᠳᠦ ᠣᠷᠣᠨᠠ) ᠡᠨᠡ ᠣᠷᠣᠨ ᠬᠢᠲᠠᠳ ᠤᠨ ᠲᠦᠷᠢᠮᠡᠭᠡᠶᠢᠯᠡᠯ ᠡᠴᠡ ᠥᠪᠡᠷ ᠢ ᠪᠡᠨ ᠬᠠᠮᠠᠭᠠᠯᠠᠬᠤ ᠶᠠᠮᠠᠷ ᠴᠤ ᠪᠣᠯᠤᠮᠵᠢ ᠪᠠᠶᠢᠬᠤ ᠦᠭᠡᠢ᠃ ᠡᠨᠡ ᠲᠦᠷᠢᠮᠡᠭᠡᠶᠢᠯᠡᠯ ᠢ ᠵᠥᠪᠬᠡᠨ ᠣᠷᠣᠰ ᠤᠯᠤᠰ ᠯᠠ ᠵᠠᠶᠢᠯᠠᠭᠤᠯᠵᠤ ᠪᠠᠶᠢᠭᠠ ᠪᠢᠯᠡ᠃
ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠵᠠᠳᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠮᠣᠩᠭᠣᠯ ᠤᠯᠤᠰ ᠪᠠᠷᠠᠭᠤᠨ ᠤ ᠣᠷᠣᠨ ᠨᠤᠭᠤᠳ ᠲᠠᠢ ᠬᠠᠷᠢᠯᠴᠠᠭᠠ ᠪᠠᠨ ᠢᠳᠡᠪᠬᠢᠲᠡᠢ ᠬᠥᠭᠵᠢᠭᠦᠯᠵᠦ᠂ ᠵᠡᠪᠰᠡᠭᠲᠦ ᠬᠦᠴᠦᠨ ᠨᠢ ᠨᠢᠭᠡᠳᠦᠭᠰᠡᠨ ᠦᠨᠳᠦᠰᠦᠨ ᠦ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠡᠩᠬᠡ ᠶᠢ ᠰᠠᠬᠢᠭᠤᠯᠬᠤ ᠣᠯᠠᠨ ᠠᠵᠢᠯᠯᠠᠭᠠᠨ ᠳᠤ ᠣᠷᠣᠯᠴᠠᠨ᠂ ᠮᠣᠩᠭᠣᠯ ᠴᠡᠷᠢᠭ᠂ ᠣᠹᠢᠼᠧᠷ ᠤᠳ ᠮᠠᠰᠢ ᠰᠠᠶᠢᠨ ᠦᠨᠡᠯᠡᠭᠡ ᠠᠪᠤᠭᠠᠳ ᠪᠠᠶᠢᠭᠠ᠃ ᠭᠡᠬᠦ ᠳᠦ ᠪᠡᠨ ᠢᠩᠭᠢᠯᠡ ᠭᠡᠳ ᠲᠡᠳᠡ ᠬᠢᠲᠠᠳ ᠤᠨ ᠠᠷᠮᠢ ᠳᠤ ᠡᠰᠡᠷᠭᠦᠴᠡᠯ ᠦᠵᠡᠭᠦᠯᠵᠦ ᠴᠢᠳᠠᠨᠠ ᠭᠡᠰᠡᠨ ᠦᠭᠡ ᠪᠢᠰᠢ᠂ ᠪᠠᠷᠠᠭᠤᠨ ᠤ ᠣᠷᠣᠨ ᠨᠤᠭᠤᠳ ᠴᠤ ᠮᠣᠩᠭᠣᠯ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤᠨ ᠪᠠᠲᠤᠯᠠᠭᠠ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠨᠢᠭᠡᠳᠦᠭᠡᠷ ᠲᠦ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠳᠠᠯ ᠪᠠᠶᠢᠨᠠ᠃ ᠮᠣᠩᠭᠣᠯ ᠳᠠᠯᠠᠢ ᠳᠤ ᠭᠠᠷᠤᠴᠠ ᠦᠭᠡᠢ᠂ ᠵᠥᠪᠬᠡᠨ ᠣᠷᠣᠰ᠂ ᠬᠢᠲᠠᠳ ᠲᠠᠢ ᠯᠠ ᠬᠢᠯᠢᠯᠡᠳᠡᠭ᠃ ᠲᠡᠶᠢᠮᠦ ᠡᠴᠡ ᠭᠠᠳᠠᠭᠠᠳᠤ ᠶᠢᠨ ᠶᠠᠮᠠᠷ ᠨᠢᠭᠡ ᠣᠷᠣᠨ ᠤ ᠴᠡᠷᠢᠭ ᠮᠣᠩᠭᠣᠯ ᠤᠨ ᠨᠤᠲᠤᠭ ᠲᠤ ᠣᠷᠣᠬᠤ ᠶᠢᠨ ᠲᠤᠯᠠᠳᠠ ᠳᠣᠣᠷᠠᠳᠤ ᠲᠠᠯᠠ ᠨᠢ ᠣᠷᠣᠰ ᠠᠴᠠ ᠵᠥᠪᠰᠢᠶᠡᠷᠡᠯ ᠠᠪᠬᠤ ᠬᠡᠷᠡᠭᠲᠡᠢ᠃ ᠠᠯᠤᠰ ᠳᠣᠷᠣᠨᠠᠲᠤ ᠳᠠᠬᠢ ᠣᠷᠣᠰ ᠤᠨ ᠠᠭᠠᠷ ᠠᠴᠠ ᠬᠠᠮᠠᠭᠠᠯᠠᠬᠤ ᠰᠢᠰᠲ᠋ᠧᠮ ᠣᠯᠠᠨ 《ᠴᠣᠭᠣᠷᠠᠬᠠᠢ》 ᠍ ᠲᠠᠢ ᠴᠤ ᠮᠠᠨ ᠤ ᠨᠤᠲᠤᠭ ᠳᠡᠭᠡᠭᠦᠷ ᠨᠢᠭᠤᠴᠠ ᠪᠠᠷ ᠨᠢᠰᠬᠦ ᠡᠴᠡ ᠠᠮᠧᠷᠢᠺᠠᠴᠤᠳ ᠴᠤ ᠠᠶᠤᠨᠠ᠃ ᠬᠣᠶᠠᠳᠤᠭᠠᠷ ᠲᠤ ᠧᠦ᠋ᠷᠣᠫᠠ᠂ ᠶᠠᠫᠣᠨᠴᠤᠳ ᠪᠢᠲᠡᠭᠡᠢ ᠬᠡᠯᠡ ᠠᠮᠧᠷᠢᠺᠠᠴᠤᠳ ᠶᠠᠮᠠᠷ ᠴᠤ ᠪᠠᠶᠢᠳᠠᠯ ᠡᠭᠦᠰᠦᠭᠰᠡᠨ ᠭᠡᠰᠡᠨ ᠮᠣᠩᠭᠣᠯ ᠤᠨ ᠲᠥᠯᠥᠭᠡ ᠬᠢᠲᠠᠳ ᠲᠠᠢ ᠪᠠᠶᠢᠯᠳᠤᠬᠤ ᠦᠭᠡᠢ᠃
ᠰᠡᠭᠦᠯ ᠦᠨ ᠦᠶᠡ ᠳᠦ ᠤᠯᠠᠭᠠᠨᠪᠠᠭᠠᠲᠤᠷ ᠡᠭᠦᠨ ᠢ ᠣᠶᠢᠯᠠᠭᠠᠵᠤ ᠡᠬᠢᠯᠡᠵᠦ ᠪᠠᠶᠢᠬᠤ ᠰᠢᠭ ᠪᠠᠶᠢᠨᠠ᠃ ᠮᠣᠰᠺᠸᠠ ᠴᠤ ᠭᠡᠰᠡᠨ ᠰᠠᠶ᠋ᠢᠬᠠᠨ ᠠᠴᠠ ᠮᠣᠩᠭᠣᠯ ᠭᠡᠳᠡᠭ ᠣᠷᠣᠨ ᠳᠡᠯᠡᠬᠡᠢ ᠳᠦ ᠪᠠᠶᠢᠳᠠᠭ ᠢ ᠰᠠᠨᠠᠵᠤ ᠡᠬᠢᠯᠡᠯᠡ᠃ ᠴᠠᠭ ᠲᠤ ᠪᠠᠨ ᠮᠣᠩᠭᠣᠯ ᠤᠨ ᠬᠦᠮᠦᠨ ᠠᠮᠠ ᠪᠦᠭᠦᠳᠡ ᠣᠷᠣᠰ ᠬᠡᠯᠡ ᠮᠡᠳᠡᠳᠡᠭ ᠪᠠᠶᠢᠯᠠ ᠰᠢᠦ ᠳ᠋ᠡ᠃ ᠣᠷᠣᠰ ᠮᠣᠩᠭᠣᠯ ᠳᠤ ᠪᠠᠭᠠ ᠴᠤ ᠭᠡᠰᠡᠨ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠵᠤ᠂ ᠮᠣᠩᠭᠣᠯ ᠤᠨ ᠠᠷᠮᠢ ᠶᠢᠨ ᠬᠡᠲᠦ ᠬᠠᠭᠤᠴᠢᠷᠠᠭᠰᠠᠨ ᠵᠡᠪᠰᠡᠭᠯᠡᠯ ᠢ ᠰᠢᠨᠡᠴᠢᠯᠡᠬᠦ ᠪᠡᠷ ᠰᠢᠢᠳᠥᠭᠰᠡᠨ᠃ ᠥᠨᠥᠳᠥᠷ ᠮᠣᠩᠭᠣᠯ ᠤᠨ ᠬᠠᠭᠤᠷᠠᠢ ᠵᠠᠮ ᠤᠨ ᠴᠡᠷᠢᠭ ᠮᠣᠲ᠋ᠣ ᠫᠤᠤᠳᠠᠯᠭᠠ ᠶᠢᠨ ᠪᠠᠷᠢᠭᠠᠳᠠ᠂ ᠪᠠᠷᠢᠯᠭᠠ ᠶᠢᠨ ᠬᠣᠷᠢᠶᠠ᠂ ᠡᠩᠬᠡ ᠶᠢ ᠰᠠᠬᠢᠭᠤᠯᠬᠤ ᠪᠠᠲ᠋ᠯᠢᠶᠣᠨ᠂ ᠲᠤᠰᠬᠠᠢ ᠡᠭᠦᠷᠭᠡ ᠶᠢᠨ ᠪᠠᠲ᠋ᠯᠢᠶᠣᠨ᠂ ᠮᠥᠨ 6 ᠬᠣᠷᠢᠶᠠ ᠲᠠᠢ᠃ T-54 ᠮᠠᠷᠺ ᠤᠨ ᠲᠠᠩᠺ 200᠂ T-55 170᠂ T-62 280᠂ T-72 A 50 ᠰᠢᠷᠬᠡᠭ ᠲᠠᠩᠺ ᠪᠤᠢ᠃ ᠳᠡᠭᠡᠷᠡ ᠨᠢ ᠬᠤᠶᠠᠭᠲᠤ ᠲᠡᠭᠡᠭᠡᠪᠦᠷᠢᠯᠡᠭᠴᠢ ᠮᠠᠰᠢᠨ ᠭᠡᠪᠡᠯ 120 ᠰᠢᠷᠬᠡᠭ ᠪᠷᠣᠨᠢᠷᠪᠠᠨᠠᠶᠠ ᠷᠠᠽᠠᠪ ᠲᠦ ᠤᠸᠠᠲ᠋ᠧᠯᠢᠨᠠ - ᠳᠣᠽᠣᠷᠨᠠᠶᠠ ᠮᠠᠰᠢᠨᠠ-2᠂ ᠪᠷᠣᠨᠢᠷᠪᠠᠨᠠᠶᠠ ᠷᠠᠽᠠᠪ ᠲᠦ ᠤᠸᠠᠲ᠋ᠧᠯᠢᠨᠠ - ᠳᠣᠽᠣᠷᠨᠠᠶᠠ ᠮᠠᠰᠢᠨᠠ-1 150᠂ БМП-1 420᠂ БТР-80 20᠂ БТР-70 40᠂ БТР-60 350᠂ БТР-40 200᠂ БТР-152 50 ᠪᠤᠢ᠃ 600 ᠶᠡᠬᠡ ᠪᠤᠤ᠂ 140 ᠮᠢᠨᠦᠮᠢᠶᠡ ᠳᠦ᠂ 250 ᠲᠡᠶᠢᠷᠦᠯᠲᠡᠲᠦ ᠫᠤᠤᠵᠢᠩ ᠤᠨ ᠰᠢᠰᠲ᠋ᠧᠮ᠂ 700 ᠲᠠᠩᠺ ᠡᠰᠡᠷᠭᠦᠴᠡᠭᠴᠢ ᠲᠡᠢ᠃ ᠮᠣᠩᠭᠣᠯ ᠤᠨ ᠬᠠᠭᠤᠷᠠᠢ ᠵᠠᠮ ᠤᠨ ᠴᠡᠷᠢᠭ ᠦᠨ ᠪᠠᠷᠤᠭ ᠪᠦᠬᠦ ᠲᠧᠭᠨᠢᠭ ᠮᠠᠰᠢ ᠬᠤᠭᠤᠴᠢᠷᠠᠵᠤ᠂ ᠶᠡᠬᠡᠩᠬᠢ ᠨᠢ ᠪᠠᠶᠢᠯᠳᠤᠭᠠᠨ ᠤ ᠴᠢᠳᠠᠪᠤᠷᠢ ᠦᠭᠡᠢ ᠪᠣᠯᠤᠭᠰᠠᠨ ᠤᠴᠢᠷ ᠳᠡᠭᠡᠷᠡ ᠪᠢᠴᠢᠭᠰᠡᠨ ᠲᠣᠭᠠ ᠶᠠᠭ ᠨᠠᠷᠢᠨ ᠲᠣᠭᠠ ᠪᠢᠰᠢ ᠶᠤᠮ᠃ ᠬᠠᠷᠢᠨ ᠰᠡᠭᠦᠯ ᠦᠨ ᠬᠡᠳᠦᠨ ᠵᠢᠯ ᠳᠦ ᠣᠷᠣᠰ ᠠᠴᠠ ᠨᠡᠶᠢᠯᠡᠭᠦᠯᠦᠭᠰᠡᠨ T-72 A ᠲᠠᠩᠺ᠂ БТР-70᠂ БТР-80 ᠬᠤᠶᠠᠭᠲᠤ ᠨᠤᠭᠤᠳ ᠬᠠᠷᠢᠨ ᠥᠭᠡᠷᠡ ᠬᠡᠷᠡᠭ᠃ ᠡᠳᠡᠨ ᠢ ᠰᠢᠨᠡ ᠭᠡᠵᠦ ᠬᠡᠯᠡᠬᠦ ᠦᠭᠡᠢ ᠴᠤ ᠤᠷᠢᠳᠠ ᠨᠢ ᠪᠠᠶᠢᠭᠰᠠᠨ᠂ ᠡᠯᠡᠭᠳᠡᠯ ᠳᠦ ᠣᠷᠣᠭᠰᠠᠨ ᠲᠧᠭᠨᠢᠭ ᠲᠡᠢ ᠬᠠᠷᠢᠴᠠᠭᠤᠯᠪᠠᠯ ᠬᠠᠮᠢᠶᠠ ᠦᠭᠡᠢ ᠳᠡᠭᠡᠷᠡ ᠪᠠᠶᠢᠳᠠᠯ ᠳᠤ ᠪᠠᠶᠢᠭᠠ᠃
ᠮᠣᠩᠭᠣᠯ ᠤᠨ ᠠᠭᠠᠷ ᠤᠨ ᠳᠣᠪᠲᠣᠯᠭᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ ᠬᠦᠴᠦᠨ ᠳᠦ ᠪᠠᠶᠢᠯᠳᠤᠭᠠᠨ ᠤ ᠣᠩᠭᠣᠴᠠ ᠪᠠᠶᠢᠬᠤ ᠦᠭᠡᠢ᠃ ᠡᠮᠦᠨᠡ ᠨᠢ ᠪᠠᠶᠢᠭᠰᠠᠨ ᠬᠠᠭᠤᠴᠢᠨ 12 ᠰᠢᠷᠬᠡᠭ МГ-21 ПФМ᠂ ᠬᠣᠶᠠᠷ МГ-21 УМ ᠣᠩᠭᠣᠴᠠ ᠶᠢ ᠰᠺᠯᠠᠳᠠᠨ ᠳᠤ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ ᠪᠥᠭᠡᠳ ᠰᠡᠯᠪᠢᠭ ᠪᠣᠯᠭᠠᠨ ᠬᠣᠶᠢᠳ᠋ᠤ ᠰᠣᠯᠣᠩᠭᠣᠰ ᠲᠤ ᠵᠠᠷᠤᠬᠤ ᠰᠢᠨᠵᠢ ᠲᠡᠢ᠃ ᠠᠭᠠᠷ ᠤᠨ ᠳᠣᠪᠲᠣᠯᠭᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ ᠬᠦᠴᠦᠨ ᠳᠦ ᠲᠡᠭᠡᠭᠡᠪᠦᠷᠢ ᠶᠢᠨ AN-24 ᠣᠩᠭᠣᠴᠠ ᠬᠣᠶᠠᠷ᠂ AN-26 ᠭᠤᠷᠪᠠ ᠪᠤᠢ᠃ ᠲᠡᠶᠢᠮᠦ ᠪᠣᠯᠬᠣᠷ ᠮᠣᠩᠭᠣᠯ ᠤᠨ ᠠᠭᠠᠷ ᠤᠨ ᠴᠡᠷᠢᠭ ᠦᠨ ᠭᠣᠣᠯ ᠬᠦᠴᠦ ᠨᠢ ᠮᠢ-24 ᠮᠠᠷᠺ ᠤᠨ 11 ᠨᠢᠰᠳᠡᠭ ᠲᠡᠷᠭᠡ ᠶᠤᠮ᠃ ᠮᠥᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠮᠢ-8 ᠨᠢᠰᠳᠡᠭ ᠲᠡᠷᠭᠡ 11᠂ ᠮᠢ-17 ᠭᠤᠷᠪᠠ ᠪᠠᠶᠢᠭᠠ᠃ ᠽᠧᠨᠢᠲ ᠦᠨ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠶᠢᠨ ᠰ-75 ᠍ ᠶᠢᠨ ᠬᠣᠶᠠᠷ ᠳ᠋ᠢᠸᠢᠽᠢ᠂ ᠰ-125 ᠮ ᠶᠢᠨ ᠨᠢᠭᠡ ᠳ᠋ᠢᠸᠢᠽᠢ᠂ ᠠᠭᠠᠷ ᠤᠨ ᠳᠣᠪᠲᠣᠯᠭᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ 《ᠰᠲᠷᠧᠯ-2》 ᠫᠤᠤᠵᠢᠩ 250᠂ ᠵᠡᠭᠦᠨ ᠤᠷᠲᠤᠷᠢᠭ-23 ᠪᠣᠯᠤᠨ ᠰ-60 ᠽᠧᠨᠢᠲ ᠦᠨ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠲᠤᠰ ᠪᠦᠷᠢ 75 ᠍ ᠲᠠᠢ᠃ ᠠᠭᠠᠷ ᠤᠨ ᠳᠣᠪᠲᠣᠯᠭᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ ᠬᠦᠴᠦᠨ ᠦ ᠵᠡᠪᠰᠡᠭ ᠲᠧᠭᠨᠢᠭ ᠨᠢ ᠮᠥᠨ ᠯᠠ ᠬᠠᠭᠤᠴᠢᠷᠠᠭᠰᠠᠨ᠃ ᠬᠣᠶᠠᠷ ᠵᠢᠯ ᠦᠨ ᠡᠮᠦᠨᠡ ᠣᠷᠣᠰ ᠠᠴᠠ ᠠᠪᠤᠭᠰᠠᠨ ᠰ-125 ᠮ ᠰᠢᠰᠲ᠋ᠧᠮ ᠯᠠ ᠭᠠᠶᠢᠭᠤᠢ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠨᠠ᠃ ᠭᠡᠬᠦ ᠳᠦ ᠪᠡᠨ ᠮᠣᠩᠭᠣᠯᠴᠤᠳ ᠣᠷᠣᠰ ᠤᠨ MG-29 ᠰᠥᠨᠥᠭᠡᠭᠴᠢ ᠣᠩᠭᠣᠴᠠ ᠬᠡᠳᠦ ᠬᠡᠳᠦ ᠶᠢ ᠠᠪᠬᠤ ᠲᠠᠯᠠ ᠪᠠᠷ ᠬᠥᠭᠡᠭᠡᠴᠡᠯᠳᠦᠵᠦ ᠪᠠᠶᠢᠭᠠ᠃
ᠠᠹᠬᠠᠨᠨᠢᠰᠲᠠᠨ᠂ ᠢᠷᠠᠺ ᠲᠤ ᠡᠩᠬᠡ ᠶᠢ ᠰᠠᠬᠢᠭᠤᠯᠬᠤ ᠠᠵᠢᠯᠯᠠᠭᠠᠨ ᠳᠤ ᠣᠷᠣᠯᠴᠠᠳᠠᠭ ᠮᠥᠷᠲᠡᠯᠡ ᠮᠣᠩᠭᠣᠯᠴᠤᠳ ᠣᠳᠣ ᠴᠤ ᠠᠮᠧᠷᠢᠺᠠ ᠵᠡᠪᠰᠡᠭ ᠠᠪᠤᠭᠠ ᠦᠭᠡᠢ ᠯᠠ ᠪᠠᠶᠢᠨᠠ᠃ ᠵᠠᠷᠢᠮ ᠨᠢᠭᠡ ᠲᠣᠨᠣᠭᠯᠠᠯ᠂ ᠬᠡᠷᠡᠭᠰᠡᠯ ᠢ ᠡᠰᠡ ᠲᠣᠭᠠᠴᠠᠪᠠᠯ ᠮᠣᠩᠭᠣᠯ ᠤᠨ ᠠᠷᠮᠢ 100 ᠬᠤᠪᠢ ᠣᠷᠣᠰ ᠵᠡᠪᠰᠡᠭ ᠲᠡᠢ᠃ ᠲᠡᠶᠢᠮᠦ ᠪᠣᠯᠬᠣᠷ ᠮᠡᠳᠡᠭᠡᠵᠢ ᠰᠢᠨᠡ ᠵᠡᠷ ᠵᠡᠪᠰᠡᠭ ᠠᠪᠬᠤ ᠳᠤ ᠪᠠᠨ ᠣᠷᠣᠰ ᠠᠴᠠ ᠯᠠ ᠠᠪᠴᠤ ᠪᠠᠶᠢᠭᠠ᠃ 2008 ᠣᠨ ᠠᠴᠠ ᠣᠷᠣᠰ ᠮᠣᠩᠭᠣᠯ ᠤᠨ ᠬᠠᠮᠲᠤᠷᠠᠭᠰᠠᠨ ᠴᠡᠷᠢᠭ ᠦᠨ ᠰᠤᠷᠭᠠᠭᠤᠯᠢ ᠳᠠᠬᠢᠨ ᠰᠡᠷᠭᠦᠵᠦ᠂ ᠮᠣᠩᠭᠣᠯ᠂ ᠪᠤᠷᠢᠶᠠᠳ ᠲᠤ ᠡᠭᠡᠯᠵᠢᠯᠡᠨ ᠶᠠᠪᠤᠭᠳᠠᠵᠤ ᠪᠠᠶᠢᠨᠠ᠃
ᠭᠡᠬᠦ ᠳᠦ ᠪᠡᠨ ᠮᠣᠩᠭᠣᠯ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤᠨ ᠴᠣᠷ ᠤᠨ ᠭᠠᠭᠴᠠ ᠨᠠᠶᠢᠳᠠᠪᠤᠷᠢᠲᠠᠢ ᠪᠠᠲᠤᠯᠠᠭᠠ ᠨᠢ ᠣᠷᠣᠰ ᠭᠡᠳ ᠣᠷᠣᠰ ᠮᠣᠩᠭᠣᠯ ᠳᠤ ᠢᠯᠡᠭᠦᠦ ᠬᠡᠷᠡᠭᠲᠡᠢ ᠭᠡᠰᠡᠨ ᠦᠭᠡ ᠪᠢᠰᠢ᠃ ᠠᠪᠤᠷᠭᠤ ᠲᠣᠮᠣ ᠭᠠᠵᠠᠷ ᠨᠤᠲᠤᠭ ᠲᠠᠢ ᠡᠨᠡ ᠣᠷᠣᠨ ᠣᠷᠣᠰ ᠬᠢᠲᠠᠳ ᠤᠨ ᠳᠤᠮᠳᠠ ᠰᠲᠷᠠᠲ᠋ᠧᠭᠢ ᠶᠢᠨ ᠮᠠᠰᠢ ᠴᠢᠬᠤᠯᠠ ᠪᠠᠶᠢᠷᠢᠯᠠᠯ ᠳᠤ ᠣᠷᠣᠰᠢᠳᠠᠭ᠃ ᠬᠡᠷᠪᠡ ᠣᠷᠣᠰ ᠬᠢᠲᠠᠳ ᠳᠠᠶᠢᠲᠤᠯᠠ ᠭᠡᠵᠦ ᠦᠵᠡᠬᠦ ᠳᠦ ᠡᠨᠡ ᠬᠣᠶᠠᠷ ᠣᠷᠣᠨ ᠤ ᠬᠡᠨ ᠮᠣᠩᠭᠣᠯ ᠤᠨ ᠭᠠᠵᠠᠷ ᠨᠤᠲᠤᠭ ᠢ ᠬᠢᠨᠠᠵᠤ ᠪᠠᠶᠢᠭᠠ ᠨᠢ ᠳᠠᠶᠢᠨ ᠳᠤ ᠢᠯᠠᠬᠤ ᠪᠣᠯᠤᠨᠠ᠃ ᠲᠡᠶᠢᠮᠦ ᠡᠴᠡ ᠮᠣᠩᠭᠣᠯ ᠲᠠᠢ ᠶᠠᠮᠠᠷ ᠬᠠᠷᠢᠯᠴᠠᠭᠠ ᠲᠠᠢ ᠪᠠᠶᠢᠬᠤ ᠨᠢ ᠬᠣᠶᠠᠷ ᠬᠥᠷᠰᠢ ᠳᠦ ᠨᠢ᠂ ᠢᠯᠠᠩᠭᠤᠶᠠ ᠰᠤᠯᠠ ᠳᠣᠷᠣᠢ ᠳᠤ ᠨᠢ ᠪᠤᠶᠤ ᠣᠷᠣᠰ ᠲᠤ ᠮᠠᠰᠢ ᠴᠢᠬᠤᠯᠠ ᠪᠠᠶᠢᠭᠠ ᠶᠤᠮ᠃ ᠣᠷᠣᠰ ᠬᠢᠲᠠᠳ ᠳᠠᠶᠢᠲᠤᠬᠤ ᠳᠤ ᠮᠣᠩᠭᠣᠯ ᠶᠠᠮᠠᠷ ᠨᠢᠭᠡ ᠬᠡᠮᠵᠢᠶᠡ ᠪᠡᠷ ᠣᠷᠣᠯᠴᠠᠯ ᠦᠭᠡᠢ ᠲᠤᠰ ᠲᠤ ᠪᠠᠨ ᠪᠠᠶᠢᠨᠠ ᠭᠡᠳᠡᠭ ᠶᠠᠮᠠᠷ ᠴᠤ ᠪᠣᠯᠤᠮᠵᠢ ᠦᠭᠡᠢ ᠵᠦᠢᠯ᠃
ᠶᠡᠷᠦ ᠨᠢ ᠣᠷᠣᠰ ᠤᠨ ᠬᠤᠪᠢ ᠳᠤ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠪᠣᠯᠤᠯᠠ ᠭᠡᠬᠦ ᠳᠦ ᠬᠢᠲᠠᠳ ᠠᠴᠠ ᠠᠮᠢ ᠪᠡᠶᠡ ᠪᠡᠨ ᠦᠯᠦ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠬᠣᠶᠠᠷ ᠣᠷᠣᠨ ᠪᠤᠢ᠃ ᠡᠨᠡ ᠪᠣᠯ ᠬᠠᠰᠠᠭᠰᠲ᠋ᠠᠨ᠂ ᠮᠣᠩᠭᠣᠯ ᠤᠯᠤᠰ ᠤᠳ᠃ ᠲᠡᠳᠡᠨ ᠢ ᠠᠯᠳᠠᠪᠠᠯ ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ ᠪᠡᠭᠡᠵᠢᠩ ᠳᠦ ᠭᠧᠣᠫᠣᠯᠢᠲ᠋ᠢᠺ ᠤᠨ ᠬᠤᠪᠢ ᠳᠤ ᠮᠠᠳᠠ ᠲᠠᠯᠪᠢᠭᠤᠯᠵᠤ᠂ ᠦᠷᠠᠯ ᠤᠨ ᠨᠢᠷᠤᠭᠤᠨ ᠠᠴᠠ ᠳᠣᠷᠣᠨᠠ ᠵᠦᠭ ᠲᠦ ᠤᠷᠤᠰᠢᠬᠤ ᠭᠠᠵᠠᠷ ᠨᠤᠲᠤᠭ ᠢᠶᠠᠨ ᠠᠦ᠋ᠲ᠋ᠣᠮᠠᠲ ᠢᠶᠠᠷ ᠠᠯᠳᠠᠨᠠ ᠭᠡᠰᠡᠨ ᠦᠭᠡ᠃
ᠣᠷᠴᠢᠭᠤᠯᠤᠭᠰᠠᠨ ᠮ ∙ ᠱᠤᠭᠠᠷᠡᠷᠳᠡᠨᠢ
ᠡᠬᠡ ᠰᠤᠷᠪᠤᠯᠵᠢ᠄ time.mn
6
2